گەننس دۇنيە رەكوردىن كۋالاندىرۋ ۇيىمى تۇراقتاندىرعان دۇنيەدەگى ەڭ ۇزاق جاساعان جاپونيالىق اجەي ميساۋ وكاۋا 1-ساۋىردە قايتىس بولدى. الدىڭعى ايدا ول 117 جاسقا شىققان تۋىلعان كۇنىن تويلاعان ەدى. ول تۇراتىن وساكاداعى قارتتار كۇتىمحاناسىنداعىلار ونىڭ تاڭەرتەڭگى ساعات 7 مولشەرىندە كوز جۇمعاندىعىن ايتتى، الايدا ولار ناقتىلى جاعدايدى تولىق ايتپاعان. ميساۋ وكاۋا 1898-جىلى 5-ناۋرىزدا وساكادا تۋىلعان، 1919-جىلى نەكەلەنىپ، 3 بالالى بولعان، 4 نەمەرەسى، 6 شوبەرەسى بار. 2013-جىلى اقپان ايىندا ميساۋ وكاۋا 114 جاسقا كەلگەندە گەننس دۇنيە جۇزىلىك رەكوردىن كۋالاندىرۋ ۇيىمى جاعىنان دۇنيە جۇزىندەگى ەڭ ۇزاق جاساعان ايەل بولىپ باعالانسا؛ سول جىلى تامىزدا 115 جاسقا شىققان ول دۇنيە جۇزىندەگى ەڭ ۇزاق جاساعان ادام بولىپ باعالاندى. فرانسيا حابار اگەنتتىگىنىڭ حابارىنا نەگىزدەلگەندە، ميساۋ وكاۋا قازا بولعاننان كەيىن دۇنيەدەگى ەڭ ۇزاق جاساعان ادام ا ق ش-تىق گەرترۋدە ۋەاۆەر بولىپ، ول بيىل 116 جاسقا كەلگەن ەكەن.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.