فۋتبول شولپانى بەكحامنىڭ باس سۋرەتى قۇنى 20 فۋنت ستەرلينگ تۇراتىن قاعاز اقشانىڭ بەتىنە باسىلاتىندىعى، يتالياداعى پيسا قيعاش مۇناراسى ساۋلەتتى مەيمانحاناعا وزگەرتىلەتىندىگى راسپا؟ اسىقپاڭىز، بۇل تەك ۇلى بريتانيا احپارات دانەكەرلەرىنىڭ 1-ءساۋىر ادام الداۋ مەرەكەسىندەگى ءازىل-قالجىڭى.
ۇلى بريتانيا « كۇن گازەتىنىڭ» حابارىنا نەگىزدەلگەندە، ۇلى بريتانيا قاعاز اقشاسىنىڭ بەتىندەگى ادامنىڭ باس سۋرەتىن جاڭالاپ، ايەل ارتيس حەللەن ميررەن ايەل پاتشا ەليزابەت II نىڭ ورنىن باسىپ، قۇنى 10 فۋنت ستەرلينگ تۇراتىن قاعاز اقشانىڭ بەتىنە باسىلادى، ال ايگىلى فۋتبولشى بەكحام قۇنى 20 فۋنت ستەرلينگ تۇراتىن قاعاز اقشانىڭ بەتىنە باسىلادى ەكەن.
«كۇندەلىك تەلەگراف گازەتى» دە قىزىق شىعارىپ، يتاليانىڭ سيمۆولدىق قۇرىلىسى بولعان پيسا قيعاش مۇناراسى ساۋلەتتى مەيمانحاناعا وزگەرتىلىپ، ءار كۇنى 2 ساعات قانا اشىلادى، سول كەزدە مەيمانحانانى تاماشالاماقشى بولعاندار شىرەتكە تۇرىپ كۇتۋى مۇمكىن دەگەن.
بۇل احپارات دانەكەرى تاعى وڭتۇستىك كورەيا مەن سولتۇستىك كورەيانىڭ شەكاراسىندا ءبىر رەتكى بالالاردىڭ شاحمات ويناۋ جارىسى وتكىزىلمەكشى جانە عالىمدار كىتاپ وقىپ وتىرىپ قالعىپ-مۇلگىگەندە سيگنال بەرەتىن ءبىر ءتۇرلى قىستىرما قاعاز تاپقىرلاعاندىعىن جاريالاعان.
ارسەنال فۋتبول كلوبى سولاقايلارعا ارناۋلى جوبالانعان ءبىر ءتۇرلى وزگەشە فۋتبول تاپقىرلاپ جاتقاندىعىن، بۇل ولاردىڭ ءوزارا پاس بەرۋدەگى دالدىك دارەجەسى مەن قۋاتىن ارتتىرۋىنا ءتيىمدى ەكەندىگىن ايتقان.
« كۇندەلىك اينا گازەتى » 7-مامىرداعى ۇلى بريتانيانىڭ زور سايلامىندا باسىم كوپ ساندى يەلەگەن پارتيا-توپتار بولماسا، «تۋيتتەر» تورابىنداعى ابونتتاردىڭ پىكىرىنە تالداۋ جاساۋ ارقىلى بيلىكتى كىمگە بەرۋدى بەلگىلەيدى دەپ جاريالاعان.
« كۇندەلىكتى پوچتا گازەتى» حابار جاريالاپ، جابايى حايۋاناتتار باقشاسىنا باراردا ساياحاتشىلار سىرتىنا كوپىرشىك تولتىرىلعان اۆتوكولىككە وتىرسا، مايمىلداردىڭ اۆتوموبيلدىڭ سىرىن كەتىرۋىنەن ءارى ولاردىڭ الدىڭعى جاقتاعى اينەكتىڭ بەتىندەگى جاڭبىر سۇرتكىنى الىپ كەتۋىنەن ساقتانۋعا بولاتىندىعىن ايتقان.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.