ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ءسۇيۋدىڭ حيكمەتى

جولدانعان ۋاقىتى : 2015/4/7 17:03:15

  ەليزابەت ەنس ( ا ق ش )
 
  2 -دۇنيە جۇزىلىك سوعىس كەزىندە مارتين ۋولل تۇتقىن رەتىندە سىبەرياداعى سوعىس تۇتقىندار لاگەرىنە قامالادى. سودان باستاپ اتا مەكەنى ۋكرايناداعى ايەلى اننا مەن ۇلى ياكوپتان الىستاپ، نەشە جىل بويى وتباسىنداعىلاردان حابار-وشارسىز قالادى. ول كەتكەننەن كەيىن، كوپ وتپەي ايەلىنىڭ  سونيا   ەسىمدى قىز بالا بوسانعانىنان دا بەيحابار قالادى.

  بىرنەشە جىلدان كەيىن مارتين تۇرمەدەن جۇدەپ-جاداپ، قۇر سۇلدەسىن سۇيرەتىپ، كورەر كوزگە قۇددى ءبىر كارى شالداي بولىپ شىعادى. ونىڭ ۇستىنە، قول-اياعى ساۋ-تامتىعى جوق ساۋىس جارا ەدى. بۇل اۋىر قيناۋ مەن تەرگەۋگە تۇسكەن كەزدە قالعان تاڭبالار بولاتىن. كوڭىلىن تىپتەن ازاپقا سالعانى ونىڭ ۇرپاق كورۋ قۋاتىنان ايرىلعانى   ەدى. دەسەدە، باعىنا جاراي ايتەۋىر بوستاندىققا شىقتى عوي. سوعىس تۇتقىندار لاگەرىنەن شىققاننان كەيىن، ونىڭ ەڭ الدىمەن ويلاعانى ايەلى اننا مەن ۇلى ياكوپتىڭ دەرەگىن  ىزدەۋ  بولادى.  اقىرى قىزىل كرەست قوعامىنان وتباسىنداعىلاردىڭ سىبەرياعا بارا جاتقان جولدا قازا تاپقاندىعىن بىلەدى. ءدال سول ساتتە، ونىڭ قايعىدان كوكىرەگى قارس ايرىلىپ، سابىرى سارقىلادى. ال  ومىردە ءوزىنىڭ بەت-ءجۇزىن كورمەگەن قىزىنىڭ بار ەكەنىنەن بەيحابار ەدى.

  سوعىستىڭ العاشقى كەزىندە اننا ياكوپتى ەرتىپ گەرمانياعا قاشىپ بارادى. ول جەردە ولار وتە مەيىربان ءبىر جۇپ ەرلى-زايىپتى ديقانعا كەز  بولادى. ولار انالى-بالالى  ەكەۋىن   قولىنا الىپ قالادى. سونىمەن اننا ولارعا قولىنان كەلگەن شارۋا جۇمىستارى مەن ءۇي جۇمىستارىن ىستەپ بەرەدى. سول كەزدە ول مارتيننىڭ قىزى سونياعا بوسانادى. اننا كۇيەۋى مارتين ەكەۋى بالا كەزىندە تۇرمىس كەشىرگەن ۋكراينانىڭ تىنىش تا جانعا جايلى اۋىل-قىستاعىنان اۋمايتىن وسى ءبىر جەردە تۇرىپ جاتادى. اننا: « تاعى دا جاپا-ماشاقاتقا جولىعامىز با، ياكي ءبىر-بىرىمىزدەن ايرىلىسىپ كەتۋدەي تاعدىر تالكەگىنە تاعى ۇشىرايمىز با؟» دەپ قامىعادى. ول «ەگەر مارتين گەرمانياعا كەلە السا، شىت جاڭا تۇرمىس   باستار   ەدىك-اۋ» دەپ ويلايدى. ءبىراق، ءىس ونىڭ قيالىنداعىداي بولا قويمايدى.

  بىرنەشە جىلدان كەيىن قاتىگەز سوعىس اقىرى گەرمانيانىڭ جەڭىلىسىمەن اياقتايدى. بۇعان اننا مەن بالالارى دا قاتتى قۋانادى. ولار اتا مەكەندەرىنە قايتىپ بارىپ، مارتينمەن باسىمىز بىردەن قوسىلادى دەپ ويلايدى. دەگەنمەن، ولاردىڭ    ويىنا   كىرمەگەنى ستاليننىڭ   اسكەري  قوسىنى ولاردى ءبىر اراعا جيناپ، مال تاسيتىن پويەزعا تولتىرا شىعارادى دا ولارعا «ۇيلەرىڭە اپارامىز» دەپ قويادى. قاقاعان ايازداعى سۇپ-سۋىق ۇراداي پويەز ۆاگونى ىشىندە ءىشىپ-جەم، سۋ وتە تاپشى ەدى. ولار ۇنەمى ىشەر اسسىز قالىپ وتىرادى. شىنتۋايتىندا، ولاردىڭ وزدەرىن ۇيلەرىنە ەمەس، قايتا سىبەرياداعى ۇرەيگە تولى اجال لاگەرىنە اپارا جاتقانىن اننانىڭ قۋ ءىشى انىق سەزەدى. ونىڭ ءۇمىتى بۇكىلدەي ءۇزىلىپ، تورىعا باستايدى. اقىرى ناۋقاستانىپ مۇرتتاي ۇشادى. ونىڭ تىنىس الۋى قيىنداسىپ، كوكىرەگى بارعان سايىن شانىشقاقتاپ شىداتپايدى.  سۋ ىشەرلىگىنىڭ از قالعانىن سەزىپ، باس قالقاسىز قالىپ بارا جاتقان ەكى بالاسىنا قاراپ: «و، ءتاڭىرىم، وتىنەم سەنەن، باۋىر ەتىم بالالارىما جار بولا كور!» دەپ قايتا-قايتا جالبارىنۋمەن بولادى.
-ياكوپ،-دەيدى ول دارمەنى قۇرىپ بارا جاتسا دا قايراتىن بويىنا جيىپ،-مەنىڭ ناۋقاسىم وتە اۋىر. بالكىم، تەز ارادا باقيعا اتتانارمىن. مەن جانناتتا تۇرىپ، ءتاڭىردىڭ سەندەرگە جار بولۋىن تىلەيمىن. سەن ماعان ماقۇلدىق بەر، استە، قارىنداسىڭنان ايرىلۋشى بولما، سوندا ءتاڭىر سەندەرگە، ءسوزسىز، جار بولادى.

  ەرتەڭىندە ەرتەمەن اننا باقيعا اتتانىپ كەتە بارادى. ادامدار ونىڭ ءمايىتىن پويەزدەن الىپ ءتۇسىپ، كوپ مايىتپەن بىرگە جەرلەي سالادى. ونىڭ ەكى بالاسى دا   پويەزدان قالىپ، ماڭايداعى ءبىر جەتىمحاناعا تاپسىرىلادى. سونىمەن ولار مىنا دۇنيەدەگى، شىنىمەن، باس-قالقاسىز سورلى جەتىمگە اينالادى.

  مارتين ۇيىندەگىلەردىڭ قازا تاپقان حابارىن بىلگەننەن كەيىن، تاڭىرگە جالبارىنۋىن بىردەن دوعارادى. ويتكەنى ول ءار جولى جاعدايدا نەندەي ءبىر تىڭ بۇرىلىس بولا بەرگەندە، ءتاڭىر ءوزىن ىلعي دا قاپى قالدىرىپ كەتكەندەي سەزىنەدى. وسىدان كەيىن مارتين ءبىر كوممۋناعا جۇمىسقا بولىنەدى.

  بۇل ارادا ول قۇددى ءبىر قۇلتەمىر سەكىلدى تەك جۇمىس ىستەۋدى عانا بىلەدى. ونىڭ دەنساۋلىعى مەن دەنە قۋاتى بىرتىندەپ قالپىنا كەلسە دە كوڭىلى مەن  سەزىمى  الدەقاشان ءولىپ قالعانداي، مىنا دۇنيەدەگى ءارقانداي ءىستىڭ ونىمەن تيتتەي دە قاتىسى جوقتاي جۇرە بەرەدى.

  ءبىر كۇنى ول تاڭەرتەڭ وزىمەن ءبىر كوممۋنادا جۇمىس ىستەيتىن گرەتاعا تۇتقيل جولىعىپ قالادى. ەگەر ول مارتينعا كۇلىمسىرەي قاراماعاندا، مارتين كوز الدىندا تۇرعان بۇل بويجەتكەننىڭ اتا مەكەنىندەگى شات- شادىمان جۇرەتىن اقىلدى دا زەرەك ساباقتاسى ەكەنىن تاني الماعان بولار ەدى. وسىنشا كوپ جەردە ءجۇرىپ، سونشاما كوپ ۋاقىتتى باستان وتكىزىپ، وسىنشاما كوپ ىستەر تۋىلعاننان كەيىن دە ولاردىڭ مىناداي جەردە كەزدەسۋى، شىنىندا، تالەي دەۋگە تۇرارلىق ءىس ەدى.

  وسىدان سوڭ ولار كوپ وتپەي باس قۇراپ الادى. سونىمەن مارتينعا ءومىر قايتادان شۋاق سيلاعانداي، تۇرمىس  قايتادان ءماندى بولا باستاعانداي سەزىلەدى. دەسەدە، كەيبىر ايەلدەر قاشاندا باۋىرىنا باساتىن باۋىر ەتى بالاسىنىڭ بولۋىن اڭساپ تۇرادى عوي. ال گرەتا ءدال سونداي ايەل ەدى. ول مارتيننىڭ بەدەۋ بولعانىن بىلە تۇرسا دا بالالى بولۋدى ارماندايدى.

  اقىرى ءبىر كۇنى ونىڭ شىدامى تاقا تاۋسىلادى. سونىمەن مارتينعا:
  -مارتين، جەتىمحانادا كوپتەگەن بالا بار ەكەن. ءبىز نەگە بىرەۋىن اسىراپ المايمىز؟-دەيدى ءوتىنىپ.

  -گرەتا، بالا باعىپ الۋ قايدان ويىڭا كەلىپ ءجۇر؟- دەيدى مارتين تاڭ قالا سۇراپ،-تەگى سەن ول بالالاردىڭ باسىنان قانداي ىستەر وتكەنىنەن حابارىڭ بار ما؟

  سول كەزدە مارتيننىڭ كوڭىلى ەندىگارى ەشقانداي سوققىعا توزە المايتىنداي ەدى. ول جۇرەگىن بۇكىلدەي پەشەتتەپ تاستاعان بولاتىن.

  دەسەدە، گرەتا ءوز ۇمىتىنەن استە ۋاز كەشپەيدى. ونىڭ كۇشتى سۇيىسپەنشىلىگى اقىرى مارتيننىڭ جۇرەگىندەگى مۇزدى ەرىتىپ، ءبىر مويىندىعىن اۋىزدىقتايدى. ءبىر كۇنى تاڭەرتەڭ مارتين گرەتاعا:
  -ءوزىڭ بارىپ اسىراۋىمىزعا ءبىر بالا الىپ كەل،-دەيدى.

  بالا اسىراپ الۋ ءۇشىن گرەتا بارلىق  دايارلىقتى  جاسايدى. اقىرى جەتىمحاناعا  بارىپ، بالا اسىراپ الۋعا باراتىن كۇن دە كەلىپ جەتەدى. سول كۇنى ول ەرتەمەن پويەزعا شىعىپ، جەتىمحاناعا جول الادى. جەتىمحاناعا كەلگەن سوڭ، ۇزىن دا قاراڭعى زالدا ۇزىننان ءبىر قاتار بولىپ تىزىلگەن بالالاردى قاداعالاي كورىپ شىعادى. ولار كىشكەنتاي جۇزدەرىمەن وعان شالقايا، ەمىنە قارايدى. گرەتا  قۇلاشىن  ايقارا اشىپ، ولاردىڭ بارلىعىن باۋىرىنا باسقىسى، ءبارىن دە الىپ كەتكىسى كەلەدى. دەسەدە، ول ءوزىنىڭ بۇلاي ىستەي المايتىندىعىن ابدەن بىلەتىن ەدى.

  ءدال وسى كەزدە ءبىر قارشاداي قىز قىمسىنا كۇلىمسىرەپ وعان قاراي كەلە جاتادى. «وھو، مىنە بۇل ءتاڭىردىڭ مەن ءۇشىن جاساعان تاڭداۋى بولسا كەرەك!» دەپ ويلايدى گرەتا. ول تىزەسىن بۇگىپ، ءبىر قولىمەن قىزدىڭ باسىنان سيپاپ:
-مەنىمەن بىرگە كەتۋدى  قالايسىڭ با؟ اكە-شەشەسى بار شىنايى جانۇياعا بارۋعا رازىسىڭ با؟-دەپ ايالاي سۇرايدى.

-ارينە، مەن توتەنشە رازىمىن، ءبىراق ءسىز ازىراق توسا تۇرىڭىز، مەن بارىپ اعامدى شاقىرىپ كەلەيىن. ءبىز بىرگە بارۋىمىز كەرەك. مەن ودان ايرىلىپ كەتسەم بولمايدى،-دەيدى قىز بالا.

  مۇنى ەستىگەن گرەتا قاتتى قينالادى. امالسىزدان باسىن شايقاپ:
-ءبىراق ءبىز ءبىر بالانى عانا اكەتە الامىز. سەنىڭ مەنىمەن بىرگە كەتۋىڭدى ءۇمىت ەتەمىن،-دەيدى.

  قارشاداي قىز باسىن تاعى دا شايقاپ:
-مەن مىندەتتى تۇردە اعاممەن بىرگە بولامىن. بۇرىن ءبىزدىڭ دە انامىز بولعان. ول كوز جۇمار الدىندا اعاما: «قارىنداسىڭا قامقور بول، سوندا عانا ءتاڭىر سەندەرگە جار بولادى» دەپ تاپسىرعان بولاتىن،-دەيدى. وسى كەزدە گرەتا ءوزىنىڭ ەندىگارى باسقا بالا ىزدەۋگە زاۋقى سوقپاي قالعانىن، ويتكەنى قارسى الدىنداعى مىنا بالانىڭ ءوزىن بۇكىلدەي باۋراپ العانىن سەزەدى. ول قايتىپ بارىپ مارتينمەن جاقسىراق اقىلداسىپ كورۋگە بەكيدى.

  ۇيگە قايتىپ كەلگەن سوڭ ول مارتينعا:
-مارتين، ءبىر ءىستى سەنىمەن اقىلداسايىن دەپ ەدىم. مەن ۇيگە مىندەتتى تۇردە ەكى بىردەي بالا ەرتىپ كەلەمىن. ويتكەنى مەن تاڭداعان الگى قارشاداي قىزدىڭ اعاسى بار ەكەن. ال قىز بالا اعاسىنان بولەك كەتۋدى قالامايدى. وتىنەم سەنەن، ماقۇل بولشى،-دەيدى قيىلا.

-ناعىن ايتقاندا، گرەتا، تاڭداۋعا بولاتىن بالا كوپ قوي، سەن نە ءۇشىن وسى قىز بالاعا اڭسارىڭ اۋىپ قالدى؟ تەگى باسقا بالانى تاڭداۋىڭا بولماي ما؟ ايتپەسە  الماي-اق قويايىق. سەنىڭ تەگى نە ويلاپ جۇرگەنىڭدى بىلە المادىم عوي، ايتەۋ،-دەيدى مارتين.

  مارتيننىڭ بۇل سوزدەرىن ەستىگەن گرەتا قاتتى كوڭىلسىزدەنەدى، ەندىگارى جەتىمحاناعا بارعىسى دا كەلمەي قالادى. گرەتانىڭ قام كوڭىل بەينەسىن كورگەن مارتيننىڭ كوڭىلى جۇمسارىپ سالا بەرەدى. سونىمەن سۇيىسپەنشىلىك تاعى ءبىر مارتە جەڭىستىك الادى. وسى رەت مارتين جەتىمحاناعا بىرگە بارىپ، الگى قىز بالانى ءوزىنىڭ دە كورگىسى كەلەتىنىن ايتادى. بالكىم، قىز بالانى اعاسىنان بولەك كەتۋگە كوندىرە الارمىن دەپ  ويلايدى. وسى كەزدە ونىڭ ەسىنە ءوز ۇلى ياكوپ تۇسەدى. بالكىم، ول دا جەتىمحاناعا اپارىلعان  شىعار. ەگەر شىنىمەن سولاي بولسا، ياكوپتى گرەتا  سەكىلدى  ىزگى نيەتتى ادامنىڭ اسىراپ الۋىن ءوزى دە ءۇمىت ەتەدى ەمەس پە؟

  گرەتا مەن مارتين جەتىمحاناعا كەلىپ كىرگەندە، ولاردىڭ الدىنان الگى قىز بالا كاريدورعا ءبىر ەر بالانى قولىنان جەتەلەي شىعادى. الگى ۇل بالا تىرتيعان ارىق،   ونىڭ ۇستىنە وتە ءالسىز ەكەن. دەسەدە، ونىڭ قالجىراعان قوس جانارىنان ادالدىقتىڭ ۇشقىنى مەنمۇندالايدى. قارشاداي قىزدىڭ شاراداي ۇلكەن كوزدەرى جارق-جۇرق ەتىپ، گرەتادان:
-ءسىز ءبىزدى الىپ كەتكەلى كەلدىڭىز بە؟-دەپ سۇرايدى.

  گرەتا جاۋاپ قاتىپ بولعانشا، الگى ۇل بالا ءسوزدى ءىلىپ اكەتىپ:
-مەن اناما «قارىنداسىمنان ماڭگى ايرىلمايمىن» دەپ ۋادە بەرگەن بولاتىنمىن. شەشەمىز كوز جۇمار الدىندا مەنىڭ بۇعان كەپىلدىك بەرۋىمدى سۇراعاندا، مەن ماقۇل بولعام. سول ءۇشىن كەشىرىم وتىنەمىن، سىزدەردىڭ ونى الىپ كەتۋلەرىڭىزگە بولمايدى!-دەيدى.

  مارتين قارسى الدىندا تۇرعان مىنا ەكى بەيشارا، سۇيكىمدى بالاعا ءۇنسىز قاراپ تۇرعان بولاتىن. ول سالدەن سوڭ:
-بۇل ەكى بالانىڭ ەكەۋىن دە اسىراپ الامىز،-دەيدى كەسەتە. كوز الدىندا تۇرعان مىناۋ تىرتيعان ۇل بالاعا ونىڭ اڭسارى ابدەن اۋىپ قالعان ەدى.

  گرەتا اعالى-قارىنداستى   ەكەۋىمەن بىرگە بارىپ، ولاردىڭ كيىمدەرىن جيىستىرادى. ال مارتين كەڭسەگە بارىپ باعىپ الۋ راسمياتتارىن بىتىرۋگە كىرىسەدى. گرەتا ەكى بالانى قولىنان جەتەلەپ كەڭسەگە كەلگەنىندە، مارتيننىڭ سول ارادا ءوڭى اپپاق قۋداي بولىپ، قايتەرىن بىلمەي سىلەيىپ تۇرعانىن  كورەدى. ونىڭ قولى توقتاۋسىز دىرىلدەپ، باعىپ الۋ جونىندەگى حۇجاتقا قول قويا الماي تۇرعان ەدى.

  مۇنى كورگەن گرەتانىڭ سۋقانى ۇشىپ كەتەدى. ول مارتيندى الدەقالاي ءبىر شۇعىل ناۋقاسقا كىرىپتار بولىپ قالدى ما دەپ ويلاپ، قاسىنا جەتىپ بارىپ:
-مارتين! ساعان نە بولدى؟-دەپ شوشىنا سۇرايدى.

  ارينە، مارتين نەندەي ءبىر شۇعىل اۋرۋعا كىرىپتار بولماعان ەدى.

 -گرەتا، سەن مىنا بالالاردىڭ ەسىمدەرىنە قاراشى!-دەيدى مارتين وعان حۇجاتتى بەرىپ جاتىپ.   گرەتا  ەكى  بالانىڭ ەسىمدەرى جازىلعان حۇجاتتى قولىنا الىپ وقيدى:
 -ياكوپ مارتين جانە سونيا ۋولل، شەشەلەرى اننا ۋولل، اكەلەرى مارتين ۋولل.

  تەك بۇل عانا ەمەس، مۇندا سونيادان باسقا  ءۇش  ادامنىڭ تۋىلعان مەزگىلى  مارتيننىڭ ەسىندە قالعانىمەن بىردەي    بولىپ شىعادى.

  -وھو، گرەتا، ول ەكەۋى دە مەنىڭ بالالارىم بولدى! بىرەۋى مەن الدەقاشان و دۇنيەلىك بولىپ كەتتى دەپ جۇرگەن سۇيىكتى ۇلىم ياكوپ، ەندى ءبىرى، مەن بۇرىن-سوڭدى بەيحابار بولىپ كەلگەن قىزىم ەكەن. زاۋدەعالام، سەن ول ەكەۋىن اسىراپ الايىق دەپ مەنەن قيىلا وتىنبەگەندە، سەنىڭ اناۋ مەيىرگە تولى جۇرەگىڭ بولماعاندا، ماعان مۇنداي باقىت ءناسىپ بولمايتىن شىعار-اۋ،-دەيدى اسەرلەنگەنىنەن كوز جاسى ءجۇزىن جۋعان مارتين جۇرەلەي وتىرىپ، ەكى بالانى قۇشاعىنا قاتتى قىسىپ، قىستىعا جىلايدى،-وھو، گرەتا، ءتاڭىر   ءبىزدىڭ جانىمىزدا ەكەن عوي!
 
  اۋدارعان-قانات جۇماش ۇلى 
 




رەداكتورى: الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.



 
powered by IlgharCMS 3.2 www.ilghar.cn