ءتىلشىمىز دىڭ شىچاۋ
شاۋەشەك قالاسىنداعى تۇرمەدە وكىنىش وزەگىن ورتەگەن 60 جاستاعى لي xx: «ادامگەرشىلىككە جات جۇمىس ىستەگەنىمە قاتتى وكىنەمىن» دەدى.
ساقشى ەستەلىگىنە نەگىزدەلگەندە، لي xx ءدوربىلجىن اۋدانى قالا ماڭى اۋىلىنداعى مايعا العان قامبادا قۇنى 350 مىڭ يۋاندىق جالعان، جارامسىز لۇيجۇيرىن ماركالى « KWS3376 » ءنومىرلى جۇگەرى تۇقىمىن بەتالدى ءوندىرىپ، مانەرلەگەن جانە ساۋدالاعان ەكەن.
شاۋەشەك قالالىق قوعام حاۋىپسىزدىگى مەكەمەسى ەكونوميكالىق بارلاۋ ۇلكەن اترەتىنىڭ حالىق ساقشىسى لي زۇڭميڭ: « 10-ناۋرىزدا بۇقارانىڭ اشكەرەلەۋ تەلەفونىن قابىلداعاننان كەيىن شاشا قوعام حاۋىپسىزدىگى تەكسەرۋ پۋنكتىنەن ءبىر قارا ءتۇستى جەڭىل اۆتوموبيلدە 22 قالتا جالعان لۇيجۇيرىن ماركالى « KWS3376 » ءنومىرلى جۇگەرى تۇقىمى بارلىعىن بايقاپ، دەرەۋ اۆتوكولىك پەن قاتىستى زاتتاردى الىپ قالدىق ءارى زاۆودتاعى تەحنيكالىق قىزمەتكەرلەردىڭ تەكسەرىپ سالىستىرۋى ارقىلى بۇل جۇگەرى تۇقىمىنىڭ ناقتىلى سەرىكتىكتەن وندىرىلمەگەندىگىن تۇراقتاندىردىق» دەدى.
11 -ناۋرىزدا حالىق ساقشىلارى تەكسەرۋ جۇرگىزۋ ارقىلى ءدوربىلجىن اۋدانىنداعى تارباعاتاي جولى فىڭتيان اۋىل شارۋاشىلىق ماتەريالدارىن ساتۋ ورنىنان قىلمىس كۇماندىسى لي xx تى قولعا تۇسىرەدى. تەرگەۋ جۇرگىزۋ ارقىلى لي xx جالعان، جارامسىز جۇگەرى تۇقىمىن بەتالدى ءوندىرىپ، ساۋدالاعان ارەكەتىن مويىندايدى.
قىلمىس كۇماندىسى لي xx تىڭ مايعا العان قامباسىنان ايگىلى ماركاداعى جالعان تۇقىم وندىرۋگە پايدالانعان جابدىقتار مەن 700 دەن ارتىق قوراپ جانە 10 توننا جالعان لۇيجۇيرىن ماركالى « KWS3376 » ءنومىرلى جۇگەرى تۇقىمى، 56 توننا مانەرلەنبەگەن جۇگەرى ءدانى تابىلادى.
شاۋەشەك قالالىق قوعام حاۋىپسىزدىگى مەكەمەسىنىڭ قىلمىستى ىستەردى بارلاۋ ۇلكەن اترەتىنىڭ ساياسي جەتەكشىسى گو جى-ۋ: « وسى دەلو ارقىلى ەگىنشى-مالشىلاردىڭ تۇقىم ساتىپ العاندا ارناۋلى ساتۋ پۋنكتتەرى مەن تۇراقتى تۇقىم ساتۋ ورىندارىنان ساتىپ الۋىن ءارى قورابى مەن جولاقتى ءنومىرىن جىڭىشكەلىكپەن تەكسەرۋىن ەسكەرتەمىز » دەدى.
كەزەكتە دەلو ىشكەرىلەي تەكسەرىلۋدە.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.