ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

كۇرسىنىسپەن بۇرالعان قۇلاق كۇيى

جولدانعان ۋاقىتى : 2015/3/30 12:01:50

تىنىشتىقبەك ابدىكاكىموۆ  (قازاقستان)

ىزا قانداي ىشتەگى، توقتام قانداي؟
ىقىلاسسىز جاندار بار شوقپار ماڭداي!
قايىق ەتىپ قايعىعا قاباعىڭدى،
ەسۋگە ەندى ەسكەگىڭ جوق بولعانداي.
ەلپەڭدەمە،
ءتىل بەزەۋ قالعان بۇگىن،
ۇنسىزدىكتە ۇلعايار ارماندى ۇعىن.
بىلەم، ساعان كوكتەمدى كىنالاتپاق
ءبىر قىزداعى سەزىمنىڭ جالعاندىعى.
سۇيمەس جاننىڭ سۇيگەندى قولداۋى -   سىن،
جانارىڭنان ەستيمىن جان داۋىسىن!..
دوس تا كەرەك، تەگىندە، بۇل ومىردە،
دوسىم بار دەپ ءوزىڭدى الداۋ ءۇشىن.
«ساعان لايىق تابام دەپ ەر قاناتىن»،
سان قۋ الداپ اڭقاۋدىڭ العان اتىن.
بىرەۋ سەنى ماقتاسا،
وعان دا سول:
كەزىڭ كەرەك بولىپ ءجۇر الداناتىن!
سەن كورەتىن كورەشەك كوپ پە،  تەگى؟
بىرەۋ مىستان، ال بىرەۋ كوكبەت ەدى.
ەرىككەننىڭ الدىندا ەمسەڭدەمە،
-ەركەك ەمەس، ەز ەكەن!-دەپ كەتەدى!
ءوز ىشىڭدە دۇشپان بار، كەڭەسشى بار،
سەن الدىمەن سولارمەن تەڭەسشى، بار.
تەڭىزشى بوپ جۇزەتىن مۇحيت - مۇڭدا،
تەك قانا وسى، ەكەۋىمىز ەمەس شىعار؟..
مۇڭ- مۇحيت قوي...
داۋىلىن تىڭدار اعاڭ،
مويىن بۇرىپ قارايتىن كىم بار وعان؟
.    .   .   .    .    .   .   .   .
جاعالاۋدىڭ جاپ-جارق ماياگىندەي
جانعان كوزدەر، قايداسىڭ «مۇندالاعان»…
         *    *   *
اۆتوۆاگزال. كەشقۇرىم.
ءومىر _ ەلەس...
كوپشىلىكتىڭ گۋىنە كومىلەر ەس.
قۇلاعىمنىڭ ۇشىندا قىزىل ءىڭىر،
قىسىلامىن تەك سەنەن،
تەگىن ەمەس...
ءتىل ۇشى- بال جانبىسىڭ، كۇلىسى- بال،
مەندەگى ويدىڭ ءبىرى - ءۇمىت،
                              ءبىرى - ءشۇبا.
ال،
قىزىعام با وزىڭە،
قىزعانام با،
كىمنىڭ وندا، قالقاتاي، جۇمىسى بار؟
مازداپ جانار جۇرەگىم - جان وشاعىم،
جاۋراتپاسا يگى ەدى قاراشا - مۇڭ.
ماڭدايىڭا قاراپ مەن،
مازاڭ كۇيمەن،
ماحابباتىم جايىندا بال اشامىن.
يكەمدىرەك ۇعىم ەم ىرىمعا ءسال،
كوڭىل - قوبىز،
قىزىل ءتىل قىلىن باسار.
قىز الدىندا: ءۇن-سىنىق، بۋىن - بوساڭ،
بىردەڭەگە جارار ەد ۇرىنباسام؟..
قاندايلىق كۇش ەرىكتى الدى مەنەن،
قاباعىمدا قالتىراپ قالدى ما ولەڭ؟
ەسسىزدىك قوي -ەستە جوق سالەمدەسۋ،
ەسىمىڭدى سۇراپپىن الدىمەنەن.
مۇڭعا اينالىپ كەتەتىن ءمىنى ۇدايى،
-تاعدىر شىعار؟..
نە بەرسىن قىڭىرايۋ.
جۇرتقا ءبارىبىر، دۇنيە ءوز ورنىندا:
اۆتوۆاگزال، كەشقۇرىم، يۋل ايى.
يشارانى ىشتەگى تىڭداماستان،
كۇلدىڭ،
ءبىلدىم... سەندەگى ءان - مۇلدە باسقا ءان.
كوك اڭقىعان كەز ەدى، ەسىڭدە مە،
كولەڭكەلەر قالقايىپ، گۇلدەپ اسپان...
جولاۋشىنىڭ قارايدى جولعا ءبارى،
سەن دە قاراپ،
(تۇرمىن با سورلاعالى؟)
قالعانىڭ ەد قاسىمدا - ويلاعانىم
جانە ەشقانداي تانىسىڭ بولماعانى...
قايرانىم جوق ۋاقىت تارلىعىنا -
قوشتاستىرار وزىڭمەن قورلىعىنا.
سەنىڭ توسقان كولىگىڭ كەلمەي قالسا،
سەنەم دەپ ەم قۇدايدىڭ بارلىعىنا.
كولىك كەلدى.
(مۇڭ بىتپەس مۇنىمەن دە)
جولاۋشى كوپ: ءبىرى - ادام، ءبىرى - پەندە...
... كۇرسىنىسپەن بۇرالعان قۇلاق كۇيى-
كۇرەڭ جولدىڭ
سونداعى دىڭى-مەندە...
ايتشى بۇگىن، قالقاتاي،
دۇرىسىندا،
مەنىڭ سول ءبىر تىرلىگىم قۇرىسىن دا.
ەسىمىڭدى ەرىتىپ ءتىل ۇشىندا،
قالا بەرگەم ۆاگزالدىڭ بۇرىشىندا.
سودان بەرى ىلعيدا ءىڭىر باعام،
جان جىلۋى سول بولسا...
بۇيىرماعان.
كۇن باتقانمەن تاڭ دا اتار،
ءبىراق سەنسىز
كۇن شىعىستاي سارعايۋ قيىن ماعان.
        *    *   *
تاڭعا دەيىن تاعى دا ۇيىقتامادىم،
( جو، جوق، كەشىر، ەشتەڭە ۇرتتامادىم)
سەنى ويلاۋمەن بولامىن ءتۇنى بويى،
ءتۇنى بويى تاۋ جاقتان بۇلت توڭادى.
ءيا، بيىل كوكتەم دە، جاز دا سالقىن،
بۇل جازبەن دە كەلەدى قوشتاسار كۇن.
ساعىنارمىن، ويلارمىن...
اتتەڭ، سونىم
بولماسا ەكەن ءتوزىمدى بوسقا سارقۋ!..
ادەمىسىڭ،
ارينە، جوق تالاسىم،
ءالى تالاي ورتادا ماقتالاسىڭ.
سەنى ءسۇيۋ - بىرەۋدى قىزعاندىرۋ،
سەنى ءسۇيۋ - بىرەۋمەن باقتالاسۋ.
كەلىپ كەت دەپ، قانشاما مازالايىن،
كەلتىرەسىڭ، ايتەۋىر، ءسوز ورايىن.
قارا ولەڭدى مازداتىپ قارسى الارمىن،
قاز قاناتىن جامىلعان قازان ايىن.
ءوز جاۋىنىم بولسا دا ءوز بورانىم،
جالعىزدىقپەن جۇزدەسكەن كەز عانا مۇڭ.
كوڭىلىمنىڭ كوگىندە
حاتتارىڭنان
باتپىراۋىق ۇشىرىپ، ءماز بولامىن.
كەشە تانىم وزگەرىپ، بۇگىن تالعام،
ۇتىلعىم جوق ۇپايشىل ۇعىمداردان.
سەنى ويلاۋمەن كۇرسىنگەن ءبىر ساتىمدە
سەنسىز وتكەن مىڭ ءتۇن بار سىعىمدالعان!
       *     *    *
بىرەۋ كەلىپ، « بۇل ءانىڭ - كەشەگى ءانىڭ،
جالىقتىرىپ جىبەردى» دەسە، كانە.
قولدى ءبىر-اق سىلتەر ەم بارىنە دە
قايدا بارام، باۋىر -جاس، شەشە - كارى.
حاتتارىڭا، قالقاتاي، حال سۇراعان،
جىرلارىمنىڭ جۇلدىزى تامشىلاعان.
قۋ تىرلىكتىڭ ەسىگىن قۇر كۇزەتىپ،
جۇرە المايدى بۇلايشا شامشىل اعاڭ!
كۇندە ىزدەن، كۇندە ويلان، كۇندە قارمان،
قايرىلماي بارادى مۇڭداق ارمان.
مىنە تاعى وتىرمىن كەشتى توسىپ،
بۇل تۇرىممەن بولامىن كىمگە قورعان!..
تۇتىندەيمىن ەرىكسىز...
سۇلەيمەننىڭ
قۇمىراسى سەكىلدى جىن قامالعان.
 



رەداكتورى: الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn