ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ماحاببات حيكاياسى

جولدانعان ۋاقىتى : 2015/3/30 11:56:39

ميلوراد پاۆيچ   (سەربيا)

    كۇنى كەشە بولعانداي ەسىمدە قالىپتى: ورىمدەي جاس كەزىمدە، قازىرگى رازين دەگەن فاميليامدى يەلەنبەي  تۇرعان  ۋاقىتتا، ءتىپتى، ءوزىمنىڭ كىم ەكەنىمدى انىق بىلمەي، قالتامدا سوقىر تيىن بولماي، كەدەيشىلىكتىڭ قامىتىن كيىپ جۇرگەن شاعىمدا ءبىر تانىستارىم ۇيىمداستىرعان كەشكە باردىم. ۇستىمدەگى كيىمىمنەن، ءوزىمنىڭ جاسىمنان ىڭعايسىزدانعاندىقتان، جۇرتتان وڭاشالانىپ، بۇرىشتا تۇرعانمىن.

  بۇنىمدى كورگەن ءۇي يەسى مەنى التى كىشكەنە دوڭگەلەگى بار، سول دوڭگەلەكتەرىمەن بولمەنىڭ ىشىندە اقىرىن-اقىرىن جىلجىپ جۇرە الاتىن ەسكى ديۆانعا اپارىپ وتىرعىزدى. وتىرعان سوڭ، ءوزىمدى قولايلى سەزىنە باستادىم. جانىمدا وتىرعان قىزعا نازارىم ءتۇسىپ ەدى، ماعان كوزىن الماي قاراپ قالىپتى. باسىندا جانارىنان وت شاشىپ تۇرعانداي، تەسىلە قارادى دا اقىرىن-اقىرىن ۇشقىنى سونە باستادى. ابدەن ساباسىنا تۇسكەن كەزدە، ول ماعان اپكەسى ەكەۋىنىڭ باسىنان وتكەن ءبىر وقيعانى بايانداپ بەرگىسى كەلەتىنىن ايتتى. ءسويتتى دە ءسوزىن باستاپ كەتتى.

    _ ءبىر مىڭ توعىز ءجۇز قىرىق توعىزىنشى جىلدىڭ كۇزىندە ءبىز اپكەم ەكەۋىمىز تەاترعا بارماق بولدىق. جاستىق شاعى سول كەزبەن سايكەس كەلگەن ادامدار جاقسى بىلەدى، انتراكت كەزىندە تەاتر الدىنداعى الاڭعا سىرت كيىمسىز شىعىپ، انتراكت بىتكەن سوڭ جىپ-جىلى بوپ تۇرعان زالعا قايتا كىرىپ، قويىلىم كورۋدى جالعاستىراتىن سول كەزدىڭ ءبىر ءداستۇرى بولاتىن. سولاي ىستەۋ  ادامدارعا  ۇنايتىن جانە بەلەت تەكسەرۋشىلەر جىرتىلعان بەلەتپەن قايتا كىرۋگە رۇقسات بەرۋشى ەدى. سول كۇنى «بوگەما» قويىلاتىن بولدى، ال بىزدە ءۇش بەلەت بار ەدى: اپكەم ەكەۋىمىزگە، سوسىن انامىز ايتقان تاعى ءبىر ادامعا. ول ادام بىزگە تۋىس  بولىپ  كەلەدى  ەكەن،  ءبىراق ءبىز ونى بىلمەيتىن ەدىك، ءتىپتى،  ەشقاشان  كورمەگەن  ادامىمىز بولۋى دا مۇمكىن.

    «نەعىلعان ادام ەكەن، ءتۇرىن كورەتىن ەكەن ءوزىنىڭ» دەدى اپكەم ۇيدەن شىعىپ كەلە جاتقاندا. ءبىراق تۋىسقانىمىز تەاترعا كەلگەن جوق، سەبەبىن بىزدەن گورى ءوزى جاقسىراق بىلەتىن شىعار. اقىرى كەلمەيتىن بولعان سوڭ، ءۇشىنشى بەلەتتى ساتايىق دەپ شەشتىك. ول كەزدە وپەرا مەن درامماعا بەلەت قانشا قىمبات بولسا دا سۇرانىسقا يە بولاتىن. قالانىڭ كەشكى مەزگىلى ۇستەل ۇستىندە ۇمىت قالعان كەشكى اسقا ۇقساپ سۋىپ بارا جاتسا دا كەرەمەت بولىپ تۇرعان. جەلدەن كوتەرىلىپ، اۋادا ارالاسىپ جاتقان جاپىراقتاردىڭ كورىنىسى دولماتيىندىق يتكە ۇقساپ تۇردى. سول جەلدىڭ اراسىندا، تەاترعا كىرۋگە ۇمتىلعان جاستار  ەسىكتىڭ اۋزىنا كەپتەتىلىپ، ۋ-شۋ بولىپ جاتتى. قاراڭ-قۇراڭ ەتكەن ادامنىڭ اراسىنان وپەرا افيشالارى  ىلىنگەن  باعاناعا سۇيەنىپ، سىرانى شولمەكتىڭ اۋزىنان ءىشىپ تۇرعان جاس جىگىتكە كوزىمىز ءتۇستى.  نەگە ەكەنىن، ءبىز ونى اياپ كەتتىك تە، ارتىق بەلەتىمىزدى ۇسىندىق.

    «ەكىنشى قاتاردا وتىراسىز» دەپ اپكەم ناقتىلاي ءتۇستى.

    ءبىزدى بەلەتتى ساۋدالاپ تۇر، الدىڭعى ورىن بولسا، وعان ءبارىبىر اقشام جەتپەس دەپ ويلاعان بولۋى كەرەك، الگى جىگىت ونشا جاقتىرماعان ادامنىڭ كەيپىمەن: «ەشتەڭە ەتپەيدى، مەن سىرامدى وسىلاي تۇرەگەپ تۇرىپ -اق بىتىرە سالامىن» دەپ جاۋاپ بەردى.

    اپكەم تەرىس بۇرىلىپ كەتتى، مەن بولسام وعان بەلەتتى تەگىن بەرگەلى تۇرعانىمىزدى ايتىپ، تۇسىندىرە باستادىم. ول جارتىلاي ىشىلگەن شولمەگىن سول جەرگە قالدىردى دا اپكەمنىڭ قولىنداعى بەلەتتى الدى. ءسويتىپ، تەاترعا كىردىك.

    ونىڭ مۇرتى مەن قاسى كومىرمەن ىسقىلاعانداي جىلتىر ەدى. ۇستىنەن جاعىمدى ءيىس اڭقىپ تۇردى، مۇرنى بولسا، ءوز الدىنا ادەمى ەكەن، كەي كەزدەرى تاڭعى استىڭ تۇسكى اسقا اينالىپ كەتەتىنى سەكىلدى مۇرنى يەگىمەن جالعاسىپ كەتكەن دەۋگە دە بولاتىنداي. جاڭا تانىسىمىز بىزگە تەاتردى ۇناتپايتىنىن، تەاتر دا ونى سونشالىقتى جاقسى كورىپ بارا جاتپاعانىن ايتتى. وپەرا   وعان  ترۋبانىڭ، فلەيتانىڭ، ۇرمالى اسپاپتاردىڭ كومەگىمەن وت جاعۋ سەكىلدى كورىنەدى ەكەن نەمەسە عاجايىپ اۋەندەردىڭ وتىن عالامات داۋىسپەن جاعۋ. الايدا، ويلاناتىن بولساق، سول وتتى تەزەكپەن-اق جاعۋعا بولاتىنىن دا ايتتى.  

    « بوگەمانىڭ » ءبىرىنشى كورىنىسى كەزىندە ول «جابىرقاۋداعى» اريانى  اقىرىن  عانا،  ءبىراق ناقپا-ناق، ادەمىلەپ ىسقىرىپ، اندەتىپ وتىردى. انتراكت كەزىندە سىرتقا دەم الۋعا شىققاندا، سىرانىڭ شولمەگىن قولىنا قايتا الىپ، ءىشىپ تۇرعانىن كوردىك. ەكىنشى اكت باستالعان كەزدە ورنىنان كورىنبەدى. جانىمىزعا شاشىن توبەسىنە ءتۇيىپ، بودەنەنىڭ جۇمىرتقاسى  سەكىلدى اشەكەيدى بىرنەشە جەردەن قاداعان (جاس كەزىندەگى ءسان ۇلگىسى بولۋى كەرەك)  قارتاڭ  ايەل  كەلىپ وتىردى. ءبىز جاس جىگىتتىڭ ءتيىمدى كەلىسىم جاساعانىن تۇسىندىك. بىزدەن ءبىر دينار دا تولەمەي بەلەت  الىپ  ەدى، ەندى قويىلىمنىڭ قالعان ۇشتەن ەكى بولىگىن كەمپىرگە ارزانعا ساتىپ، تۇسكەن اقشاعا سىرا الۋعا كەتكەن بولدى. ءبىز سولاي ويلادىق، ءبىراق قاتەلەسكەن ەكەنبىز. ءۇشىنشى اكتىدە ءبىزدىڭ جانىمىزعا ون جاستار شاماسىنداعى، ءتىسى كەتىك، قولى داكىلەنگەن قىز  كەلىپ وتىردى. بۇل قىز ءبىر كىتاپتى الا كەلگەن ەكەن، سونى قاراكولەڭكە زالدا پاراقتادى دا وتىردى. ساحنادا بولىپ جاتقان ارەكەتتەرگە ونشا كوڭىل بولگەن جوق.

    قويىلىمنان كەيىن ول قىزدى شىعا بەرىستەن ءبىر ەر ادام مەن اجەپتاۋىر ادەمى كيىنگەن ايەل كۇتىپ الدى. ءبىزدىڭ جاس جىگىتىمىز وپەرانىڭ ءۇشىنشى اكتىسىنىڭ دە ماسەلەسىن شەشىپ قويعان ەكەن. تەاتردان شىققاندا، بەلەتتىڭ اقشاسىنا ساتىپ العان كەزەكتى ءبىر شولمەگىن قىلقىلداتا ءىشىپ تۇرعانىن كوردىك.

   _ كەرەمەت وقيعا ەكەن،-  دەدىم بەيتانىس قىزعا، - ماعان ايتىپ بەرگەنىڭىز ءۇشىن راقىمەت.

   _ وسى وقيعا بولعانى ءۇشىن سىزگە راقىمەت،-دەپ جاۋاپ بەردى ول جۇمباقتاي.

   _ ءتۇسىنىپ تۇرعان جوقپىن،- دەدىم مەن.

   _ قالاي سوندا؟! سىزگە بۇل وقيعا تانىس ەمەس پە؟-دەپ سۇرادى سول كەزدە.

    _ ج-جوق، -دەدىم تۇتىعا. مەكتەپ پارتاسىنداعى بالانىڭ قۇلاعىنا ۇقساپ جادىمدا الدەنە ءوسىپ كەلە جاتقانىن سەزىپ وتىرمىن. ءبىراق ەسىمە ەشتەڭە تۇسپەدى.

    _ سول كەزدە بەلەتتى ساتىپ جىبەرگەن جاس جىگىت مىنا ءسىز ەدىڭىز عوي!

    _ مەن بە؟!-مەن شىنىمەن دە تاڭ قالدىم. تاڭ قالعانىم سونشالىق، ونىڭ ايتقانىنا ۇقساس ەشنارسە ەسىمە ورالماي-اق قويدى. ءبىراق بەيتانىس قىزدىڭ اڭگىمەسى ويدان شىعارىلماعانىن، ايتىپ وتىرعان قارا كۇڭگىرت وقيعاسى شىندىق  ەكەنىن ءبىلىپ   وتىردىم…   ءبىلىپ وتىرعان بولۋىم كەرەك.

    _ بۇنىڭ ءبارىن ءسىز قالاي عانا ايدان انىق ءبىلىپ وتىرسىز؟ ەشتەڭەنى شاتاستىرىپ تۇرعان جوقسىز با؟ - دەپ سۇراپ كوردىم سوسىن.

    _ ەگەر مەن شاتاستىرعان بولسام، سىزگە بيلەتتى بەرگەن اپكەم بار عوي.

    _ اپكەڭىز قايدا قازىر؟-دەپ سۇرادىم. مويىندايمىن، اقىماق ادامنىڭ سۇراعى. ايتەۋىر، ءبىر نارسە ايتۋ كەرەك بولعان سوڭ، سۇراي سالىپ ەدىم.

    _ وسى جەردە. ءسىزدىڭ جانىڭىزدا وتىر. ار جاق جانىڭىزدا. ايتقانداي، ءبىز قازىر تۋرا سول كەزدە وپەرادا  وتىرعانداي وتىرمىز.

    وسى كەزدە مەن كەلەسى جاعىمدا وتىرعان ادامعا العاش رەت قارادىم. تۋرا قاراعانداعى بەت الپەتى گرەك قىزدارىنا ۇقسايدى ەكەن. كەنەتتەن «ەۆگەني ونەگيننىڭ» قولجازباسىنىڭ شەتىنە پۋشكين سالعان اماليي ريزنيچتىڭ   پروفيلى  ەسىمە ءتۇستى. «اۋماعان اماليي ريزنيچ، -دەپ ويلادىم مەن،-سۇيسە، جۇلدىزقۇرت ۇستەمەلەنگەن ەكى شيەنى جەگەندەي اسەر سيلايتىن ەرنى بار قارا تورىنىڭ ادەمىسى». كوزىمدى الماي قارادىم، ول بولسا، مەنىڭ جانارىما الاڭسىز سۇڭگىگەندەي ەدى. التى دوڭگەلەكتى ديۆان ءبىزدى بولمەنىڭ دىمقىل اۋاسىنىڭ اراسىنان الىپ شىعىپ، الىسقا اكەتىپ بارا جاتتى. مەن ونى بۇرىن-سوڭدى كورمەگەنىمە سەنىمدى ەدىم، ءبىراق سويتە تۇرا ونىڭ مەنى تانيتىنىن ءىشىم سەزىپ تۇردى. الدە جاعىمسىز اسەردەن بە ەكەن؟.. ەگەر ءسىز بىرەۋگە جاعىمسىز اسەر قالدىرعان بولساڭىز، ەپتى ۇرىنىڭ جىلدامدىعىمەن ول وقيعانى ۇمىتۋعا تىرىساسىز جانە قانداي جاعداي بولسا دا ول ادامدى كەزدەسكەن جەردە تانىمايسىز.

   _ سەن مەنى كوردىڭ عوي، كوگەرشىنىم، -دەدى   ول، - ءتىپتى جاقسىلاپ تۇرىپ كوردىڭ. ءبىز ەكەۋىمىز باياعىدا تانىسقانبىز. الگى وپەراعا باراردان الدەقايدا بۇرىن. ول كەزدە جاسىم جەتىدە ەدى، قولىمدا قۋىرشاق بار-تۇعىن.

   -سودان نە بولدى؟

   -سەن ماعان: «جەتى جاستا بالا تۋۋ قيىن شىعار؟» دەدىڭ.

   -ەندى نە ىستەيسىز، -مەن ەندى     اپالى-سىڭلىلەردىڭ ەكىنشىسىنىڭ الدىندا قاشقاقتاي باستادىم، -ادام جۋاعا ۇقسايدى. ءار قاباتىنىڭ استىنان ەكىنشى قاباتى شىعادى؛ اشىپ قالاسىڭ، ار جاعىنان نە شىعاتىنىن قۇداي ءبىلسىن. ال ەڭ سوڭىندا جەتكەن كەزدە، ەشتەڭە جوق ەكەنىنە كوزىڭىز جەتەدى. تۇك تە جوق بوپ شىعادى.

    وسىنى ايتقانىمدا ول جاڭبىر سۋىنا مالتىققان ادامداي بولىپ، ماعان تۇزداي  كوك  كوزىمەن تەسىلىپ  قاراپ  وتىردى دا قارلىعىڭقى داۋىسىمەن:

  -تۇك تە بولمايدى دەيسىڭ بە؟ « تۇك تە جوق » دەپ ءسىز ايتىپ تۇرسىز با! جۋا مەن سۋ. ال كوز جاسى شە؟ توگىلگەن كوز جاسى قايدا قالادى؟ سول تۋرالى ۇمىتىپ كەتتىڭىز عوي، مىرزام.

  بىردەڭە قىلىپ قۇتىلۋ كەرەك ەكەنىن ۇقتىم. فرەيدكە سىلتەمە جاساۋدىڭ ءوزى ەندى مەنى قۇتقارا المايدى. مىنە، تۋرا وسى كەزدە قاپىسىز قادام جاسادىم جانە ءىستى شەشۋشى كەزەڭىنە الىپ كەلدىم.

   -الگى تۋىستارىڭىز با ەدى، كىم بولىپ كەلۋشى ەدى سىزدەرگە، انا اقىماق نەمەنى ايتام؟ تەاترعا كەلمەي قالعان جىگىت شە؟ سوعان نە بولدى؟-دەپ سۇرادىم جالما-جان، -ول نەگە كەلمەي قالىپتى؟

  -كەلدى عوي، كەلدى، -دەپ جاۋاپ بەردى كوك كوزدى سۇلۋ،-كەلگەندە قانداي!

  -نە بولدى ەندى وعان؟

  -«نە بولعانى» نەسى؟ ول ءسىز عوي! ءسىز اتاناس سۆيلارسىز، سولاي ەمەس پە؟ ارينە، ءبىز ول كەزدە ءسىزدى تاني العان جوقپىز. ءسىز دە كوپشىلىكتىڭ ىشىندە كەزدەسىپ قالعان ەكى قىز ۆيدا ميلۋت پەن ۆيتيچا ميلۋت  دەگەن  تۋىستارىڭىز   ەكەنىن بىلگەن جوقسىز.

    -سىزدەردىڭ انالارىڭىز شە؟ جاعدايى قالاي؟-مەن اڭگىمەنى وتباسى تاقىرىبىنا اۋىستىرۋعا تىرىستىم.

   -ءبىزدىڭ انامىزدىڭ و دۇنيەلىك بوپ كەتكەنىنە ءبىراز بولدى. ول، ءتىپتى، ءبىز وپەراعا بارعان كەزدە دە بۇل ومىردە جوق بولاتىن. ءبىز ونى اڭگىمەنى اسەرلەۋ ءۇشىن ايتتىق. سودان كەيىن، ءسىز بىزگە  تىپتەن دە  تۋىس ەمەسسىز…

   مەن ولارعا تۋىس بولماعاندىقتان،  كۇيەۋلەرىنە  اينالدىم.   ەكەۋىنە بىردەي دەۋگە دە بولادى.

  اۋدارعان - ارمان المەنبەت

   بۇل بەتتەگى شىعارمالاردى دايىنداعان -ق. ايدارحان



رەداكتورى: الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn