ۇلى بريتانيانىڭ ايگىلى الىس ارالىققا جۇگىرۋ شەبەرى، وليمپيادا سپورت جارىسى قوس التىن مەدالىنىڭ يەگەرى مو.فاراح 22-ناۋرىزدا 25-كەزەكتى ليسابون مارافون جارىسىندا 59 مينۋت 32 سەكۋندتىق ناتيجەمەن ەرلەر گرۋپپاسىنىڭ اعا جۇلدەگەرلىگىن جەڭىپ الدى ءارى يسپانيالىق شەبەر ۆيان.رونسەرونىڭ 2001-جىلى جاراتقان ەۆروپا رەكوردىن جاڭالادى.
لوندون وليمپيادا سپورت جارىسىندا 5 مىڭ جانە ون مىڭ مەترلىك ەكى تۇردەن اعا جۇلدەگەرلىكتى ەنشىلەگەن مو.فاراح جارىس باستالاردان بۇرىن جانە دە وسى جارىستىڭ اعا جۇلدەگەرى بولادى دەپ قارالعان، ول كومبەگە جەتكەندە جىعىلىپ تۇسكەنىمەن، ءبىر سەكۋندتىق باسىمدىلىقپەن جانە دە بىرىنشىلىكتى ەنشىلەيدى. كەنيالىق ەكى شەبەر ەكىنشى جانە ءۇشىنشى بولادى.
ايەلدەر گرۋپپاسىندا كەنيالىق شەبەر چيەليمو.لو ءبىر ساعات 8 مينۋت 22 سەكۋندتىق ناتيجەمەن باس جۇلدەنى جەڭىپ السا؛ پورتۋگاليالىق شەبەر مورەيرا.سا مەن تاعى ءبىر كەنيالىق شەبەر جيەپۋتو.پۋ جەكە-جەكە ەكىنشى جانە ۇشىنشىلىكتى ەنشىلەدى.
جىلىنا ءبىر رەت وتكىزىلەتىن ليسابون حالىقارالىق جارىم ارالىقتى مارافون جارىسى 1991-جىلى باستالىپ، ءار جىلى ناۋرىزدا وتكىزىلەتىن پورتۋگالياداعى ەڭ ايگىلى ءداستۇرلى ۇزاققا جۇگىرۋ جارىستارىنىڭ ءبىرى سانالادى. ەرلەر جانە ايەلدەر گرۋپپاسى جارىسىنان تىس، جارىستى ۇيىمداستىرۋشىلار جالپى حالىق قاتىناساتىن قىسقا ارالىقتى مارافون جارىسى مەن مۇگەدەكتەردىڭ دوڭگەلەك ورىندىقتى مارافون جارىسىن دا ورنالاستىرعان. بيىل بۇل جارىسقا 35 مىڭعا جۋىق ۇزاققا جۇگىرۋ اۋەسكەرى مەن كاسىپتىك جەڭىل اتلەتيكا شەبەرلەرى قاتىناستى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.