ەرلەر تور دوپ كاسىپتىك سپورتشىلار قوعامىنىڭ پاريج بانكە جارىسى 22-ناۋرىزدا ينديان ۆەللستە اعا جۇلدەگەرلىككە تالاسۋدىڭ قيان - كەسكى جارىسى وتكىزىلىپ، قازىرگى دۇنيە جۇزىندە ءبىرىنشى ورىندا تۇراتىن دجوكوۆيچ 3 مايدان قيان-كەسكى بەلدەسۋ ارقىلى بۇرىنعى تور دوپ پاتشاسى، قازىرگى ەكىنشى ورىندا تۇراتىن ايگىلى تور دوپ سپورتشىسى فەدەرەردى جەڭىپ، اعا جۇلدەگەرلىگىن ءتورتىنشى رەت ساقتاپ قالدى. بۇل دجوكوۆيچتىڭ فەدەرەرمەن بولعان 38 مايدان جارىسىنداعى 18 - رەتكى جەڭىسى بولماق.
بۇل جولعى جارىسقا جيىنى 2 ساعات 17 مينۋت ۋاقىت جۇمسالدى، دجوكوۆيچ 3 كە قارسى 6 ۇپاي، 7 گە قارسى 6 ۇپاي جانە 2 گە قارسى 6 ۇپايمەن اعا جۇلدەگەرلىكتى ەنشىلەدى. دۋبايداعى جەڭىلىسىنىڭ ەسەسىن قايتارۋمەن بىرگە، دجوكوۆيچ كاسىپتىك ومىرىندەگى 50-رەتكى اعا جۇلدەگەرلىگىن ەنشىلەپ، تور دوپ اشىق جارىسى داۋىرىندەگى وسىنداي ەرەن ناتيجە جاراتقان 12- ادامعا اينالدى.
العاشقى دودانىڭ 6-كەزدەسۋىندە فەدەرەر ونىڭ ءۇش رەتكى ۇرعان دوبىن ءساتتى توسسا دا، سوڭىندا قارسىلاسىنىڭ شابۋىلىنا توتەپ بەرە الماي ءبىر مايدان جەڭىلىپ قالادى.
دجوكوۆيچ 3- كەزدەسۋدەگى جارىستا الدىمەن ۇپاي العانىمەن، فەدەرەر 8-كەزدەسۋدە ۇپاي سانىن تەڭەستىردى. فەدەرەر شەشۋشى كەزەڭدە بار ونەرىن ساۋلەلەندىرىپ، ارت-ارتىنان 4 ۇپاي الىپ، ءبىر مايدانعى جارىستىڭ جەڭىسىنە قول جەتكىزدى.
شەشۋشى جارىستىڭ الدىڭعى 4 رەتكى كەزدەسۋىندە دجوكوۆيچ پەن فەدەرەر 2 گە قارسى 2 ۇپايمەن تەڭ ءتۇستى. الايدا، سوڭعى 4 رەتكى كەزدەسۋدە 27 جاستاعى دجوكوۆيچ بۇرىنعى تور دوپ پاتشاسىنىڭ الدىندا ءوزىنىڭ كەرەمەتىن تانىتىپ، ارت- ارتىنان 4 رەت ۇپاي الىپ، سوڭعى جەڭىسكە قول جەتكىزدى.
33 جاسقا كەلگەن بۇرىنعى تور دوپ پاتشاسى فەدەرەر: « جارىستىڭ سوڭعى ساتىندە وعان بەينە ءتىلسىم كۇش بىتكەندەي ىرىقتىلىقتى بەرمەدى، بۇل جولعى جارىس تىم قيان-كەسكى بولدى، الايدا مەن وسىنداي جارىستى ۇناتامىن » دەدى.
رەداكتورى: الماگۇل اقاتبەك قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.