ا ق ش-تىڭ تەڭگە پاتشاسى باسەكەلەستىرىلىپ ساتىلماقشى

   شەتەل احپارات دانەكەرلەرىنىڭ  حابارىنا نەگىزدەلگەندە، ا ق ش – تىڭ جەر ساۋداگەرى اكەلى-بالالى بوگارد تالاي جىلدان بەرى ساقتاپ كەلگەن  650 دانادان ارتىق سيرەك كەزدەسەتىن ا ق ش تەڭگەسىن بيىل 19-مامىردا باسەكەلەستىرىپ ساتپاقشى، مەجەمەن ساۋدا سوماسى 200 ميلليون دوللارعا جەتۋى مۇمكىن ەكەن.

  بۇل تەڭگەلەر ا ق ش مەملەكەتى  قۇرىلعان العاشقى جىلدارى، ياعني 1792-جىلدان 1830 –جىلدار ارالىعىندا تاراتىلعان بولىپ، « ا ق ش – تىڭ تەڭگە پاتشاسى » اتالعان 1804-جىلعى كۇمىس تەڭگەنى دە قامتىپ، مەجەمەن 8 ميلليون دا 10 ميلليون دوللارعا ساتىلۋى مۇمكىن ەكەن.

  مۇنان تىس، 1822-جىلعى 5  دوللارلىق التىن تەڭگە دە ەل نازارىن اۋدارۋدا، مەجەلەنۋىنشە، بۇكىل دۇنيە جۇزىندە بۇل تەڭگەدەن نە ءبارى ۇشەۋى عانا قالعان بولىپ، شامامەن ول دا  8 ميلليون دا 10 ميلليون دوللارعا   ساتىلۋى مۇمكىن ەكەن.

    باسەكەلەستىرىپ ساتۋشى جاق بۇل تەڭگەلەردىڭ 7 رەتكى باسەكەلەستىرىپ ساتۋدا ىلگەرىندى – كەيىندى بازارعا سالىناتىندىعىن، مەجەمەن 2017-جىلى مامىرعا دەيىن جالعاساتىندىعىن ايتتى.
1800-جىلداردىڭ باس شەنىندە تەڭگە قۇيۋعا پايدالاناتىن قاتتى      قالىپتاردىڭ بارلىعى قولمەن جاسالعان بولىپ، ءبىر-بىرىنەن كوپ پارىقتالىپ كەتپەگەن، وسى قالىپتارمەن        قۇيىلعان التىن، كۇمىس تەڭگەلەر ساقتاۋشىلار جونىنەن وزگەشە قۇنعا يە كورىنەدى.



رەداكتورى: الماگۇل اقاتبەك قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.