ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ماقالا ساباعى

جولدانعان ۋاقىتى : 2015/3/16 13:18:56

لا پارۆيز ( يران )

  جاپىراعى قويۋ تسيترۋس اعاشىنىڭ بۇتاقتارىمەن قالقالانعان ساباقحانا ءىشى وتە الا كولەڭكە ەدى. دوسكانى الگىندە عانا توزىعى جەتكەن شۇپەرەكپەن سۇرتكەندىكتەن، ساباقحانا ىشىندەگى بور توزاڭى وكپەنى قابادى. بۇل كەزدە مۇعالىم ءالى كەلمەگەن بولاتىن.

  الدىمدا وتىراتىن باسىنا قوتىر قاپتاعان سەيد ماحمۇد ءبىر تال تەمىر ارانى پارتانىڭ ساڭلاۋىنا سۇعىپ، تاعى ءبىر مەتال جاپىراقشامەن ارانى شەرتىپ جىبەرىپ، جالما-جان قۇلاعىن پارتانىڭ بەتىنە توسەپ، تەمىر ارادان شىققان اۋەزدى تىڭداپ ابىگەر. اكبار اكاز كىشكەنە باكىمەن داۋالعا ءوزىنىڭ ەسىمىن ويىپ جازىپ، ەسىمىنىڭ ماڭايىنا گۇل مەن بۇلبۇلدىڭ سۋرەتىن سالۋدا. ال ابباس بىتپەي قالعان تاپسىرماسىن ورىنداپ جانتالاسىپ وتىر.

   -سالەم!- دەپ داۋىستاعان بالالار ورنىمىزدان كوتەرىلدىك. ماقالا ساباعىنىڭ مۇعالىمى ساباقحاناعا كىردى. ءدال وسى كەزدە ساباق قوڭىراۋى دا سوعىلدى. الدىڭعى اپتادا مۇعالىم وقۋشىلارعا: «اكەلەرىڭە ءبىر پارشادان حات جازىپ، ەمتيحاندارىڭ اياقتاپ، جازعى كانيكۋلعا قويا بەرگەننەن كەيىن، وزدەرىڭدى ساياجايعا ەرتىپ اپارىپ، ويناتۋىن  تالاپ ەتىڭدەر» دەپ تاپسىرما ماقالا ورنالاستىرعان ەدى.

  سول كۇنى ساباقتاستار وزدەرىنىڭ اكەسىنە ساياجايعا اپارۋدى تالاپ ەتىپ جازعان حاتتارىن بىرىنەن سوڭ ءبىرى وقىپ جاتتى. بۇل ماقالالار قاراداي ادامنىڭ ءىشىن پىسىراتىنداي تارتىمسىز ەدى. ەڭ سوڭعى كەزەك اكالاسيمعا كەلدى. ول كەمباعال وقۋشى بولعانىمەن، كلاسىمىزدا ەرەكشە قۇرمەتكە بولەنەتىن. ويتكەنى وندا وزىندىك ويلام بار، وزگەلەرمەن دە تىم شىعىسىمدى ەدى، بىلەرى دە بىزدەن الدەقايدا مول بولاتىن. ول بىزگە ۇقسامايدى، ونىڭ قوعامداعى ادامدارمەن بايلانىسى وتە قويۋ. ويتكەنى ول قۇددى وتباسىنىڭ مالايى سەكىلدى، نان، ەت، تاۋىق، ماي، وتىن سەكىلدى زاتتاردى  ساتىپ اكەلەتىن جۇمىستار ونى توسىپ تۇراتىن. ول ۇنەمى ۇساق بۇيىمدار دۇكەنى، جەمىس دۇكەنى، ازىق- تۇلىك دۇكەنى سەكىلدى جەرلەردى ارالاپ جۇرەتىندىكتەن دە قوعامدى تەرەڭىرەك تۇسىنەدى. باتىلدىعى دا ءبىزدى شاڭ قاپتىرادى. مۇعالىم:

  - اكالاسيم، الدىعا كەل! جازعان ماقالاڭدى وقي عوي،- دەدى.

  - ماقۇل!- دەدى اكالاسيم ورنىنان تۇرىپ، جاماۋدان كوز اشپاعان سىمىن جوعارى كوتەرىپ قويىپ، ماڭايىن شولا ءبىر قاراپ الدى دا ماقالا داپتەرىن قولىنا الىپ، مىنبەنىڭ الدىنا كەلىپ، ءتۇپ-ءتۇزۋ تۇردى.

  - نەگە وقىماي تۇرسىڭ؟ بالاقاي، وقى!

  اكالاسيم قىستىعىپ، قۇددى يىعىن الدەبىر اۋىر جۇك باسىپ تۇرعانداي، بەلى بۇگىلىپ كەتتى. الىستى كورمەيتىن كوزى ماقالا داپتەرىنە ءتيىپ كەتەردەي بولدى. ول كوزىنە جاس الىپ، دىرىلدەي وقىدى:
«اكە! مىنەزى شارگەز، اشۋشاڭ، اكەتايىم- اۋ! بالكىم، مۇعالىمىمىز ءوزىنىڭ تۇرمىسى جايلى بولعان سوڭ، بارلىق وقۋشىسىن دا ءدال سونداي دەپ ويلايتىن بولسا كەرەك. ءبىراق، ول مەنىڭ ايتىلۋدا جانۇيا بولعانىمەن، قانداي ءبىر ‹تۇرمەدە› جاساپ جاتقانىمدى تيتتەي دە تۇسىنبەيدى. ول ءسىزدىڭ قوتيىندىعىڭىز بەن مەنىڭ بەيشارا حالىمنان مۇلدە حابارسىز. ول كىسى ءبىزدىڭ تۇرمىسىمىزدىڭ قانداي بولۋىمەن قاقىسى جوق، مەنىڭ سىزگە ءبىر پارشا حات جازىپ، سىزدەن ءوزىمدى جازعى دەمالىستا ساياجايعا اپارۋدى تالاپ ەتۋىمدى بۇيىرادى. ساياجاي، قانداي تاماشا ءسوز! گۇل باقشادا ادەمى گۇلدەردى ءۇزىپ، توعان شەتىندە سايران سالىپ، سەرىكتەرىڭە سۋ شاشىپ ويناساڭ؛ قىزداردى  تىرقىراتا  قۋىپ، ولاردىڭ ۇزىن بۇرىمىنان ۇستاپ، بىلەگىڭە وراپ الىپ، ازداپ  جىلاتساڭ؛  سونسوڭ اعاشقا شىقساڭ، ارقاندى اعاش بۇتاعىنا بايلاپ، اتكەنشەك تەپسەڭ؛ ءبيداي ساباعىنان سىبىزعى جاساپ ۇرلەسەڭ؛ ماڭايداعى باقتىڭ شارباعىنان اسىپ ءتۇسىپ، جەمىس-جيدەك ۇرلاساڭ؛ تاۋعا ورمەلەپ، جارىسساڭ؛ كەش باتقاندا، قالجىراپ كەلىپ، اجەڭنىڭ باۋىرىنا جابىسا جاتىپ، ونىڭ ايتقان ەرتەگىن تىڭداساڭ... پاي-پاي، نەتكەن باقىت دەسەڭشى! مۇعالىمنىڭ سىزدەن تالاپ ەتەتىنى ءدال  وسىلار. ءبىراق، مەن  ءسىزدىڭ ‹ساياجايىڭىزدىڭ›  تەگى  قانداي ەكەنىن بىلمەيمىن عوي.

  مۇعالىم ءسىزدىڭ مەنى ساياجايعا اپارعاننىڭ ورنىنا ءار كۇنى تاڭەرتەڭ تاياقپەن شىقپىرتاتىنىڭىزدى، ۇيىقتاپ جاتقانىمدا تەۋىپ وياتىپ، نان اكەلۋگە بۇيىراتىنىڭىزدى قايدان ءبىلسىن!  ول  قايدان ءبىلسىن، مەنىڭ بىردەن- ءبىر ءۇمىت-تىلەگىمنىڭ ساياجايعا بارۋ ەمەس، تىم قۇرىعاندا  ءبىر  رەت  بولسا دا ءسىزدىڭ كۇلكى ۇيىرىلگەن ءجۇزىڭىزدى كورۋ ەكەنىن. مۇعالىم ءبىزدىڭ  ۇيىمىزگە ەجەلدەن   كەلىپ  كورگەن ەمەس، سول ءۇشىن ول قايدان ءبىلسىن، ۇيىمىزدە ەجەلدەن ءبىر ساتكە دە تىنىشتىقتىڭ جوق ەكەنىن، قورقىنىشتى ايعاي-سۇرەڭنەن كوز اشا المايتىنىمىزدى.

  ءسىزدىڭ شەشەممەن ۇنەمى شارماياقتاساتىنىڭىزدان شەشەمنىڭ دە ءسىزدى جاعى تالماي تىلدەيتىنىنەن تيتتەي دە بەيحابار. مەن قانداي بەيشارامىن، بەينە ەكى كەسەك تيىرمەن تاسىنىڭ  اراسىنا ءتۇسىپ كەتىپ، مەيلىنشە مىجىلاتىن ءبىر ءتۇيىر ءبيداي ىسپەتتىمىن. مۇعالىمىمىز وتە قاتاڭ دا مۇقيات كىسى. دەسەدە، ول قايدان ءبىلسىن، مەنىڭ ءار كۇنى كەشتە تاپسىرمامدى ورىنداپ بولۋعا ۇلگىرمەي جاتىپ، ءبىر قۇمىرا الا شىعىپ، سىزگە مىندەتتى تۇردە اراق الا كەلۋىم كەرەك ەكەنىن. مەن وسىنداي بەيشارا بولسام دا ساياجايعا بارىپ ويناۋدى قيالداۋىم كەرەك ەكەن. وزگە ساباقتاستارىم سەكىلدى مەن دە اكەمنەن ءوزىمدى تاماشا جەرگە اپارىپ ويناتۋىن تالاپ ەتۋىم كەرەك ەكەن. قاراعاندا، تەك جالعاندىق ىستەپ، وتىرىك ايتۋىم كەرەك سەكىلدى.

  بۇل مەنىڭ ساياجايعا بارعىم كەلمەگەنى ءۇشىن ەمەس، قايتا ماعان بولماشى بولسا دا ايالاۋ مەن مەيىرىمنىڭ قاجەت بولعاندىعىنان. مەنىڭ سىزدەن تىلەرىم: ءتاتتى ۇيقىنىڭ قۇشاعىندا جاتقانىمدا ۇرماي،  بالاعاتتاماي،  ەپپەن وياتۋىڭىز. كەشتە اراققا سىلقيىپ الىپ، مەنى اناۋ كىسىنىڭ ۇرەيىن ۇشىراتىن قاپ-قاراڭعى تار كوشەمەن بارىپ وزىڭىزگە اراق اكەلىپ بەرۋگە زورلاماساڭىز ەكەن. ەگەر مەن ىرىمشىك، ەت، نان ساتىپ العاندا... تىرناق استىنان كىر ىزدەپ، جاڭا عانا ساتىپ   العان  نارسەلەردى ۇساق بۇيىمدار دۇكەنىنە، ەت دۇكەنىنە، ازىق- تۇلىك دۇكەنىنە قايتارىپ تاستاۋعا قايتا-قايتا جۇمساپ، دۇكەندەگىلەرگە مەنى جەك كورىنىشتى ەتىپ، قاڭقۋ سوزدەرىنە قالدىرماساڭىز ەكەن. مەن ەندىگارى ولاردىڭ كورسەتكەن قورلىعىنا توزە الار ەمەسپىن.

  مەنى ساياجايعا اپارىڭىز دەمەيمىن. تەك قانا كۇندەردىڭ كۇنىندە بازارعا بارۋعا زورلاپ، الگى ساۋداگەرلەردىڭ مەنى قىلجاق ەتىپ، كەكەپ-مۇقاۋىنا قالدىرماساڭىز ەكەن. ولار مەنى بوزەك ەتەدى. ال مەنىڭ ولارعا توتەپ بەرۋگە قاۋقارىم جوق. سول ءۇشىن جىگەرىم ىلعي قۇم بولادى. جانىم جابىرلەنىپ، جىلاعىم كەلەدى. ءبىراق، جىلاعاننان كەلەر نە پايدا؟ قادىرلى اكە، مەنى ساياجايعا اپارىڭىز دەمەيمىن. سىزدەن وتىنەرىم تەك قانا كۇندەردىڭ بىرىندە ەندىگارى شەشەممەن شارماياقتاسپاساڭىز، شەشەم دە ءسىزدى ياناتتاماسا ەكەن دەيمىن.  مەن ءسىزدى سۇيەمىن، شەشەمدى دە سۇيەمىن. سىزدەر ۇرسىسىپ قالعاندا نە ىستەۋىم كەرەك؟

  شەشەمە بولىسىپ ءسىزدى تىلدەيىن بە نەمەسە ءسىز جاققا شىعىپ شەشەمدى بوزەك  ەتەيىن بە؟  نە ءۇشىن سىزدەر وتاسا المايسىزدار؟ نە ءۇشىن جانۇيامىزدى قارا تۇنەكتەن كوز اشپايتىن مازارداي قىلاسىزدار؟

    مەنىڭ ساياجايعا بارعىم جوق. ماعان كەرەگى وسى كوردەي قاراڭعى مازاردىڭ نۇر-شۇعىلاعا بولەنىپ، ماعان جانۇيانىڭ جىلۋىن سەزىندىرتە الۋى عانا!»

  وسى كەزدە اكالاسيم وقي الماي شەرلەنە جىلادى. ساباقحانا ءىشى جىم-جىلاس.

  مۇعالىم قوس الاقانىمەن بەتىن باسىپ الىپتى. مەن ونىڭ كوزىنىڭ شەتىنەن اققان جاستىڭ كىتاپقا تامعانىن بايقادىم. مۇعالىم:

  - اكالاسيم، مەنىڭ جۇرەگىمدى ەزىپ جىبەردىڭ عوي! ورنىڭا بارا عوي. ەندىگارى ەستي بەرۋگە  ءداتىم  جەتەر ەمەس،- دەدى.

اۋدارعان -

        قانات جۇماش ۇلى



 
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.




 
powered by IlgharCMS 3.2 www.ilghar.cn