بىلتىرعى برازيليا الەم ساۋىتىنا تالاسۋ فۋتبول جارىسى ەرەكشە قيان - كەسكى وتكىزىلدى، الايدا، جارىس اياقتالعاننان كەيىن، ءىشىنارا جارىس الاڭدارى سول كەزدەگى ايباتىنان الدەقاشان ايىرىلعان ەدى، 12 فۋتبول الاڭىنىڭ ىشىندەگى قارجى ەڭ كوپ جۇمسالعان برازيليا قالاسىنداعى گاررينچا مەملەكەتتىك دەنە تاربيە الاڭى بۇل كۇندەرى اۆتوبۋستىڭ كەزەك الماستىرۋ بەكەتىنە وزگەرتىلدى.
گاررينچا مەملەكەتتىك دەنە تاربيە الاڭىن سالۋعا 3 ميلليارد 300 ميلليون يۋان اقشا جۇمسالعان بولىپ، دۇنيە جۇزىندەگى ەڭ كوپ قارجى جۇمسالعان الاڭداردىڭ ىشىندە لوندونداعى ۋەمبلەي فۋتبول الاڭىنان كەيىنگى ەكىنشى ورىندى يەلەيدى. برازيليا قالاسىندا برازيليانىڭ A دارەجەلى فۋتبول كومانداسى بولماعاندىقتان، قىرۋار اقشا جۇمساپ مۇنداي ساۋلەتتى فۋتبول الاڭىن سالۋعا جۇرتشىلىق كۇشتى نارازىلىق بىلدىرگەن ەدى.
برازيليا احپارات دانەكەرلەرىنىڭ حابارىنا نەگىزدەلگەندە، الەم ساۋىتىنا تالاسۋ فۋتبول جارىسى اياقتالعاننان كەيىن، بۇل الاڭدا وتكىزىلەتىن جارىستار بارعان سايىن ازايىپ، الاڭنىڭ پايدالانۋ سالىستىرماسى كۇرت تومەندەپ، الاڭنىڭ شىعىنى كىرىمىنەن ارتىپ كەتكەندىكتەن، برازيليا فەدراتسيالىق رايونى سىندارلى شەشىم جاساپ، بۇل الاڭنىڭ ماڭىنداعى رايونداردى اۆتوبۋستىڭ كەزەك الماستىرۋ بەكەتىنە اينالدىرعان. ءار كۇنى 400 گە جۋىق اۆتوبۋس فۋتبول الاڭى ماڭىنداعى رايونعا توقتاتىلىپ، اۆتوبۋس سەرىكتىگى وسى الاڭنىڭ كەڭسەلەرىنەن پايدالانادى ەكەن.
بىلتىر الەم ساۋىتىنا تالاسۋ جارىسىنىڭ ۇشىنشىلىككە تالاسۋ جارىسىندا برازيليا كومانداسى 3 كە قارسى 0 ۇپايمەن نيدەرلاند كومانداسىنان ويسىراي جەڭىلگەننەن كەيىن، 72 مىڭ ادام سياتىن گاررينچا مەملەكەتتىك دەنە تاربيە الاڭىنان مۇنداي ادام يىن تىرەسكەن جاعداي قايتىپ كورىلمەدى. الاڭدى باسقارۋشىلار دا الاڭدى جالعاستى اينالىمعا تۇسىرۋگە قۇلشىنۋدا، ماسەلەن، ريو-دە-جانە-يرو مەن سان – پاۋلۋ سياقتى جەرلەردەگى برازيليانىڭ A دارەجەلى فۋتبول كوماندالارىنىڭ بىرلەسكەن جارىسىن وسىندا وتكىزىپ تۇردى، كەيبىر ءىرى كولەمدى قيمىلدار، ماسەلەن، ءان فەستيۆالى سياقتىلاردا ۇقساماعان ۋاقىتتا وسىندا وتكىزىلدى، الايدا بۇلاردان فۋتبول الاڭىنا ماندىعان كىرىس كىرمەدى. ۇعىسۋعا قاراعاندا، بۇل الاڭعا ايىنا كەمىندە ءبىر ميلليون 200 مىڭ يۋاندىق كۇتىمدەۋ قاراجاتى جۇمسالادى ەكەن.
گاررينچا مەملەكەتتىك دەنە تاربيە الاڭىندا كەلەر جىلعى ريو-دە-جانە-يرو وليمپيادا سپورت جارىسى كەزىندە ءىشىنارا فۋتبول جارىسى وتكىزىلۋى مۇمكىن، الايدا قارجىنىڭ تاپشىلىعىنان برازيليا قالاسىنىڭ 2019-جىلعى ستۋدەنتتەردىڭ جازدىق سپورت جارىسىن وتكىزۋدەن باس تارتۋىنا ىلەسە، بۇل الاڭنىڭ بولاشاقتاعى پايدالانۋ سالىستىرماسى جانە دە تومەن بولۋى مۇمكىن.
برازيليا الەم ساۋىتىنا تالاسۋ فۋتبول جارىسى اياقتالعاننان كەيىن جارىس وتكىزىلگەن الاڭداردىڭ ىشىندە گاررينچا مەملەكەتتىك دەنە تاربيە الاڭىنان تىس، ىلعالدى ورماندى الاپقا ورنالاسقان ماناۋستاعى امازون فۋتبول الاڭى، كۋياباداعى پانتانال فۋتبول الاڭى جانە ناتال قايراڭ فۋتبول الاڭى سياقتىلار دا وسى جەرلەردە برازيليانىڭ A دارەجەلى فۋتبول كومانداسى بولماعاندىعى سەبەپتى، پايدالانۋسىز قالعان. الەم ساۋىتىنا تالاسۋ فۋتبول جارىسىنان بۇرىن باسىم كوپ ساندى جۇرتشىلىق ۇكىمەتتىڭ قىرۋار اقشانى جارىس وتكىزۋگە جۇمساپ، حالىق تۇرمىسىنا نەمقۇرايدى قاراعاندىعىنا نارازىلىق بىلدىرگەن بولاتىن، سوندىقتان كەزەكتە الەم ساۋىتىنا تالاسۋ فۋتبول جارىسىنا بولا سالىنعان فۋتبول الاڭدارىنىڭ پايدالانىلۋى برازيليا ۇكىمەتىن اۋىر سىننان وتكىزەتىن تاعى ءبىر تىڭ ماسەلەگە اينالدى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.