مالايزيا قاۋىرسىن دوپ قوعامىنىڭ ورىنباسار ءتوراعاسى نورزا زاكاريا 10-ناۋرىزدا كۋالا-لۋمپۋردا وتكىزىلگەن احپار جاريالاۋ ماجىلىسىندە دۇنيە جۇزىلىك قاۋىرسىن دوپ بىرلەستىگى 11-ساۋىردە لي زۇڭۋيدىڭ شەكتەلگەن ءدارى پايدالانۋ دەلوسى جونىندە ايعاقكەرلەردىڭ پىكىرىن تىڭداۋ ءماجىلىسىن اشاتىندىعىن ايتتى.
نورزا: « ناتيجەسى ايعاقكەرلەردىڭ پىكىرىن تىڭداۋ ءماجىلىسى اياقتالعان كۇنى جاريالانۋى مۇمكىن، كەشىككەندە ايعاقكەرلەردىڭ پىكىرىن تىڭداۋ ماجىلىسىنەن كەيىنگى ءۇش كۇن ىشىندە جاريالانادى » دەدى.
ول: « ءۇش ادامنان قۇرالعان گرۋپپا ايعاقكەرلەردىڭ پىكىرىن تىڭداۋ ءماجىلىسى اياقتالعاننان كەيىن لي زۇڭۋيدىڭ شەكتەلگەن ءدارى پايدالانۋ دەلوسى جونىندە شەشىم جاسايدى، لي زۇڭۋيعا جارىسقا قاتىناسۋ ۇقىعىن ءبىر ايدان ەكى جىلعا دەيىن كۇشىنەن قالدىرۋ جازاسىن بەرۋى مۇمكىن » دەدى.
مالايزيانىڭ ايگىلى قاۋىرسىن دوپ سپورتشىسى لي زۇڭۋي 2014-جىلى تامىزدا كوپەنگاگەندە دۇنيە جۇزىلىك جۇلدەلى جارىسقا قاتىناسقان مەزگىلدە شەكتەلگەن ءدارى ىستەتۋگە قارسى تەكسەرگەندە تولىمدى بولىپ شىعادى. وسى جىلى 8-قاراشادا ونىڭ B قۇمىراداعى نەسەبىنەن ۇلگى الىپ تەكسەرگەندە تاعى دا تولىمدى بولىپ شىعىپ، ونىڭ قازىرگە دەيىن جارىسقا قاتىناسۋى شەكتەلگەن.
بيىل 32 جاستاعى لي زۇڭۋي كەزىندە مۇمكىندىگىنشە ءوزىنىڭ كۇناسىز ەكەندىگىن اقتاپ، ەگەر جارىسقا قاتىناسۋى ەكى جىل شەكتەلسە، جارىس مايدانىنان شەگىنۋدى تاڭدايتىندىعىن ايتقان بولاتىن.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.