فرانسيا تەلەۆيزياسى 1-ارناسىنىڭ ناقتىلى وقيعا باعدارلاماسى ارگەنتينادا فيلم ءتۇسىرىپ جاتقاندا ەكى تىك ۇشاق ءبىر-بىرىنە سوعىلىپ، فرانسيا مەملەكەتىنىڭ بەتكە باسار 3 دەنە تاربيە شولپانىن قامتىعان فرانسيالىق 8 ادام مەن ارگەنتينالىق 2 ادام قازا بولادى. بۇل حابار فرانسياعا تارالعاننان كەيىن ءار سالاداعىلار تۇس-تۇستان قازا بولعاندارعا ازا ءبىلدىردى.
فرانسيانىڭ زۇڭتۇڭى حوللاند 10-ناۋرىزدا ەليسسە سارايىندا مالىمدەمە جاريالاپ، بۇل شىرعالاڭدا قازا بولعاندارعا ازا بىلدىرەتىندىگىن، قازا بولعان باۋىرلاستاردىڭ ويلاماعان جەردەن بۇل دۇنيەمەن قوشتاسقانىنا قايعىراتىندىعىن، قازا بولعانداردىڭ وتباسىنداعىلارعا كوڭىل ايتۋمەن بىرگە، مۇمكىندىكتىڭ بارىنشا قارايلاسۋعا ۋادە بەرەتىندىگىن ايتتى. حوللاند ىلە- شالا تەلەۆيزوردا سويلەگەن سوزىندە «قازا بولعان 3 سپورتشىنىڭ فرانسيانىڭ ماقتانىشى» ەكەندىگىن ايتقان.
فرانسيانىڭ زۇڭليى ۆالس تا قوعامدىق قارىم-قاتىناس دانەكەرلەرىنە حات جولداپ، بۇكىل فرانسيانىڭ قازالى كۇيگە ەنگەندىگىن ايتتى. فرانسيانىڭ دەنە تاربيە مينيسترى، مادەنيەت مينيسترى قاتارلى باسشىلاردا ارت-ارتىنان ازا ءبىلدىردى. فرانسيا وليمپيك كوميتەتىنىڭ ءتوراعاسى دەنس احپارات دانەكەرلەرىنىڭ تىلشىلىگىن قابىلداعاندا بۇل كۇننىڭ وتە ءبىر قاسىرەتتى كۇن بولعاندىعىن، بۇل ءىستىڭ سپورتشىلاردىڭ وتباسىنداعىلارعا اۋىر سوققى بولعاندىعىن ايتتى.
بيىل 25 جاستاعى بويجەتكەن كاميللە.مۋففات 2005-جىلى 15 جاسىندا فرانسيا مەملەكەتتىك سۋعا مالتاۋ جارىسىنىڭ اعا جۇلدەگەرلىگىن ەنشىلەسە، 2012-جىلى لوندون وليمپيادا سپورت جارىسىندا 400 مەترلىك ەركىن مالتاۋدا التىن مەدالعا يە بولىپ، 2014-جىلى شىلدەدە جارىس مايدانىنان شەگىنگەن. بوكىسشى ۋاز تينادا دۇنيە جۇزىلىك اسكەرلەر دەنە تاربيە جارىسىنىڭ اعا جۇلدەگەرى بولعان. ال جەلكەندى قايىق سپورتشىسى ارتاۋد تا فرانسياداعى بۇكىل جۇرتقا تانىمالى تاڭداۋلى سپورتشى.
بۇل باعدارلاما فرانسيا تەلەۆيزياسى 1-ارناسىنىڭ ءومىر شىندىعىنان الىنعان، تۇزدە تىرشىلىك ەتەتىن ادامدارعا ارنالعان باعدارلاماسى بولىپ، مۇنى « ادۆەنتۋرە لينە» كينو-فيلم جاساۋ سەرىكتىگى كەسكىنگە الاتىن بولىپ، 2014-جىلى العاشقى ماۋسىمدا قويىلعاننان كەيىن وراسان زور تابىسقا قول جەتكىزدى. اۋە شىرعالاڭى تۋىلعاندا بۇل باعدارلامانىڭ ەكىنشى ماۋسىمدىق ءبولىمى كەسكىنگە ءتۇسىرىلىپ جاتقان ەدى. بۇل وقيعادان كەيىن كەسكىنگە الۋ جۇمىسى اياق استىنان توقتاتىلىپ، كەسكىنگە الۋ گرۋپپاسىنداعى بارلىق قىزمەتكەرلەر فرانسياعا قايتارىلىپ اكەتىلگەن. مۇنان سىرت، كينو-فيلم جاساۋ سەرىكتىگى مەن فرانسيا تەلەۆيزياسىنىڭ 1-ارناسى جاڭا ءبىر كەزەكتى باعدارلامانىڭ تاراتىلۋ ۋاقىتى جونىندە ەشقانداي ەمەۋرىن بىلدىرمەگەن.
فرانسيا پاريجدا شىرعالاڭدى تەكسەرۋ گرۋپپاسىن قۇرىپ، ۇشاق قۇلاۋ وقيعاسىنىڭ سەبەبىن تەكسەرۋدە. كەزەكتە ەكى ۇشاقتىڭ سوعىلۋ سەبەبى ىشكەرىلەي تەكسەرىلۋدە. فرانسيانىڭ ارگەنتينادا تۇراتىن ەلشىحاناسى مەن سىرتقى ىستەرگە شۇعىل توتەپ بەرۋ كوميتەتى دە وقيعادان كەيىنگى قىزمەتتەردى ورنالاستىرۋعا ات سالىسىپ، قازا بولعانداردىڭ وتباسىنداعىلاردى قاتىستى ينفورماتسيامەن قامداۋمەن بىرگە، جاردەم بەرەتىندىكتەرىن ءبىلدىردى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.