ەڭ جاڭا مازمۇندار
شاۋەشەك قالاسى ”بيىلعى يۋانشياۋ مەرەكەسى ەرەكشە مەرەكەلىك مانگە يە بولدى“
بارلىق الاپتان كوكتەم لەبى ەستى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
ايماق 2023 -جىلعى 1 -توقسانداعى ساۋداگەر شاقىرىپ، قارجى ەنگىزۋ نىساندارىنا شوعىرلى قول قويۋ سالتىن جانە ساۋداگەر شاقىرىپ، قارجى ەنگىزۋ قىزمەتى ءماجىلىسىن اشتى
عىلىم -تەحنيكا شاعىن اۋلاسى اۋىل -قىستاقتى گۇلدەندىرۋگە كۇش ۇستەدى
بۇقاراعا قىزمەت وتەدى
ەرىكتى قىزمەت وتەدى
نەگىزگى ساتىنىڭ جاڭالىعىن بايقاپ، ەكپىندەي ىلگەرىلەۋدەگى كۇش - قۋاتتى سەزىندى
ۇكىمەت ءدارى -دارمەك كاسىپورىندارىنىڭ قيىنشىلىق قىسپاعىنان وتۋىنە 6 ميلليون يۋانعا جۋىق قارجىلاي كومەك كورسەتتى
سەلبەستىك كووپەراتيۆى 329 مىڭ يۋان پايدا ءبولىسىن تاراتىپ، 65 قىستاق تۇرعىنى يگىلىككە كەنەلدى
قار -مۇز ۇستىندەگى قىزىقتى سپورت جارىسى
اۋىل شارۋاشىلىق ماشينالارىن ساتىپ الۋعا قوسىمشا قاراجات بەرۋ ساياساتىن ۇگىتتەدى
2023-جىلى 2-ايدىڭ 8-كۇنى 29-سان
شي جينپيڭ تۇركيانىڭ زۇڭتۇڭىنا، سيريانىڭ زۇڭتۇڭىنا جەكە - جەكە حال سۇراۋ تەلەگرامماسىن جولدادى
اكىمشىلىك مەكەمەسى 2023-جىلعى ءبىرىنشى جالپى ءماجىلىسىن اشتى
ايماعىمىز 350 نەگىزگى ساتى كادرىن لياۋنيڭ ولكەسىنە باۋلۋعا تاڭداپ جىبەردى
ايماق دامۋ جانە رەفورما قىزمەتى ءماجىلىسىن اشتى
سپورت جارىسى جالىندى كۇش سيلاپ، جۇمىسشى -قىزمەتكەرلەر كەلبەتىن ايگىلەدى
1 - ايدا باقتى شەكارا وتكەلىندەگى سىرتقى ساۋدا سايكەس مەزگىلدەگىدەن %05. 125 ارتتى
كلاسسيك قار - مۇز سالتاناتىن سومداپ، كوكتەمدى بەتكە الىپ تاعى دا ساپارعا اتتاندى
مەرەكە ساۋىعى اسىرىپ كوكتەمنىڭ دۋمانىن،سالت -ءداستۇر قىزدىردى شاتتىقتىڭ قىرمانىن
2023-جىلى 2-ايدىڭ 7-كۇنى 28-سان
ما شيڭرۇي، ەركىن تۇنياز افريكا ەلدەرىنىڭ جۇڭگودا تۇراتىن ەلشىلەر ۋاكىلدەر ۇيىرمەسىندەگىلەرمەن كەزدەستى
باس شۋجي شي جينپيڭنىڭ ماڭىزدى ءسوزىنىڭ، ماڭىزدى ارناۋ ءسوزىنىڭ، جاۋاپ حاتىنىڭ رۋحىن جەتكىزدى، ۇيرەندى، دايەكتىلەندىردى
ايماعىمىزدىڭ 2023 -جىلعى تۇڭعىش توپتاعى اۋىل -قىستاقتى گۇلدەندىرۋ كومەك قارجىسى بوساتىلدى
قىزمەت ورنىمىزدى تياناق ەتىپ، ەكپىندەي ىلگەرىلەۋ كۇشىن ۇيىستىرامىز
بارابان ءۇنى جاڭعىرىپ اسپاندادى، ايگىلەنىپ بارشا جۇرت شاتتانعانى
ەرتە جوسپارلاپ، ەرتە كىرىستى، جەر - جەردىڭ ساۋداگەر شاقىرۋ ارناۋلى ءبانى قارقىندى جەدەلدەتۋگە تولىق دايىندالدى
ءوندىرىستى ورنىقتىرىپ، قامداۋعا كەپىلدىك ەتتى
العاشقى ايدا تارىم مۇناي الابىنىڭ مۇناي - تابيعي گاز ءونىم مولشەرى بىردەي ارتتى

قاندى قول اقىرى زاڭ تورىنا ءتۇستى

جولدانعان ۋاقىتى : 2015/3/10 11:27:06

     بىلتىر 1-قازان تۇستەن  بۇرىن تولى اۋدانى تولى قالاشىق 3- الەۋمەتتىك اۋماعىنىڭ  تۇرعىنى س xx قىلمىستى  ىستەر بارلاۋ ۇلكەن اترەتىنە كەلىپ، ءوزىنىڭ تۋعان قارىنداسى ا xx تىڭ (تولى اۋدانى كۋپ اۋىلى قۋقاراعاي قىستاعىنىڭ تۇرعىنى ن xx پەن نەكەلەنگەن)  23-تامىز كۇنى تاڭەرتەڭ اياق استىنان جوعالىپ، قازىرگە دەيىن دەرەكسىز كەتكەنىن مالىمدەيدى.

  دەلونى قابىلداعان قىلمىستى ىستەر بارلاۋ ۇلكەن اترەتىنىڭ ساقشىلارى بۇل دەلو جاعدايىن مەكەمە باسشىلارىنا دەر كەزىندە دوكلات ەتەدى. مەكەمە باسشىلارى بۇل دەلوعا باسا ءمان بەرىپ، شۇعىل نۇسقاۋ بەرىپ، بۇل دەلوعا قاراتا ارناۋلى دەلو گرۋپپاسىن قۇرىپ، 2014- جىلى ا xx تىڭ سول كەزدەگى تۇراعى بولعان تولى اۋدانى اقبەلدەۋ اۋىلى مايلاعان قىستاعىنداعى تۇرعان ۇيىنە (ءاسىلى بۇل ءۇي اقبەلدەۋ اۋىلى حالىق شيپاحاناسىنىڭ پەنسياعا شىققان قىزمەتكەرى م xx تىڭ ءۇيى) ناق مايداندا تەكسەرۋ جۇرگىزۋ بارىسىندا ءۇيدىڭ ىشىندەگى جەردەن قان داعىن بايقاپ، ساراپتاۋ ارقىلى بۇل قان داعىنىڭ ادام قانى ەكەنىن تۇراقتاندىرادى جانە سول ءۇيدىڭ جاڭادان اقتالعاندىعىن بايقاعان بارلاۋشىلار نازارىن ا xx تىڭ جولداسى ن xx كە اۋدارادى. بارلاۋشىلار دەرەۋ ا xx تىڭ جولداسى ن xx تى ىزدەپ تاۋىپ احۋال ۇعىسقاندا، ن xx      ا xx تىڭ بىلتىر  23-تامىز كۇنى تاڭەرتەڭنەن باستاپ جوعالىپ كەتكەنىن، ۇيىندەگى ءوزىنىڭ كيىم-كەشەكتەرىن، تەلەفونىن، بانكە كارتۋچكاسىن جانە دە وزىنە تاۋەلدى بولعان قاتىستى زاتتاردىڭ بارلىعىن الىپ كەتكەنىن ايتادى.

  بارلاۋ اترەتىندەگى قىراعى بارلاۋشىلاردىڭ بارلىق ءجىپ  ۇشىن قاعىس قالدىرماي جان-جاقتىلى تەكسەرۋ جۇرگىزۋىندە،  ا xx تىڭ قوعامدىق قاتىناسى، باسقالارمەن بولعان بايلانىسى، تەلەفوندا حابارلاسۋ، بانكە كارتۋچكاسى ەستەلىگى سياقتىلاردى تەكسەرۋ ارقىلى ا xx تىڭ تەلەفونى بىلتىر 22-تامىز كۇنى ساعات ۇشتەن باستاپ جابىلىپ، ەشكىممەن دە حابارلاسپاعانىن جانە ا xx تىڭ تولى اۋدانى امانات-قارىز كووپەراتيۆىندەگى كارتۋچكاسىنان بىلتىر 23- تامىز كۇنى تاڭعى ساعات شينجياڭ ۋاقىتى 5 مولشەرىندە اقبەلدەۋ اۋىلدىق امانات-قارىز كووپەراتيۆىنىڭ اۆتوماتتى اقشا شىعارۋ ماشيناسىنان مىڭ يۋان ناق اقشا شىعارعانى انىقتالادى. ىلە-شالا، بارلاۋشىلار اقبەلدەۋ  اۋىلدىق امانات-قارىز كووپەراتيۆىنىڭ اۆتوماتتى اقشا شىعارۋ ماشيناسىنىڭ تەلە كامەراسىنا تەكسەرۋ الىپ بارعاندا، كەسكىننەن ا xx اقشا شىعارعان كەزدە جانىندا ءبىر ەر ادامنىڭ بار    ەكەنى جانە ا xx تىڭ بەت ءبولىمىنىڭ جارالانعاندىعى بايقالادى. سونىمەن بارلاۋشىلار وسى ءجىپ ۇشىنا نەگىزدەلىپ، بۇل ەر ادامنىڭ ا xx تىڭ جولداسى ن xx ەكەنىن تۇراقتاندىرادى.

  زيانكەستىككە ۇشىراۋشى ا xx بىلتىر 23-تامىز كۇنى تاڭەرتەڭنەن باستاپ سىرتپەن بايلانىسى ءۇزىلىپ حابارسىز كەتكەن، تۋىستارى، دوستارىمەن دە حابارلاسپاعان، بارلاۋشىلار ەڭ سوڭىندا جوعارىداعى كۇماندى جاعدايلارعا نەگىزدەلە وتىرىپ، ا xx قاستاندىققا ۇشىرادى دەپ تۇجىرىمداپ، ا xx تىڭ جولداسى ن xx تىڭ دەلو تۋدىرۋ كۇمانى كۇشتى دەپ تۇراقتاندىرىپ، ن xx تى بارلاۋ اترەتىنە شاقىرتقاندا، ول ءتۇرلى سەبەپتەرمەن سىلتاۋ كورسەتىپ، قىلمىستى ىستەر بارلاۋ اترەتىنە كەلۋدەن باس تارتادى. سونىمەن قىلمىستى ىستەر بارلاۋ ۇلكەن اترەتى ن xx تى قۋعىنداۋ بۇيرىعىن ءتۇسىرىپ، بىلتىر 11-قازان كۇنى تۇستەن كەيىن بارلاۋشىلار تولى اۋدانى كۇپ اۋىلىنان ن xx تى قولعا تۇسىرەدى ءارى بارلاۋ اترەتىنە اكەلىپ سۇراققا تارتادى، سۇراققا تارتۋ بارىسىندا بۇلجىماس فاكت الدىندا قىلمىس كۇماندىسى ن xx قىلمىسىن مويىنداپ، دەلونىڭ جالپى بارىسىن بايانداپ بەرەدى. دەلو جاعدايى: بىلتىر 22-تامىز كۇنى قىلمىس كۇماندىسى ن xx جولداسى ا xx پەن (زياندالۋشى) بىرگە اقبەلدەۋگە كاسىپ ىستەۋ ءۇشىن كەلىپ مايلاپ العان   ۇيلەرىندە اراق ىشەدى، ارالىقتا  ن xx تىڭ اعاسى ق xx ن xx كە تەلەفون سوعىپ، ن xx تەن مىڭ يۋان قارىز اقشا سۇرايدى،  ن xx ا xx پەن ق xx كە اقشا بەرۋ جايلى اقىلداسقاندا، ا xx ن xx كە: «قارىز اقشا بەرمەيمىز، الدىندا العان اقشانى دا قايتارماعان» دەيدى، سونىمەن  ەكەۋى بىلتىر 23- تامىز كۇنى تۇنگى ساعات بەيجيڭ ۋاقىتى 2 گە  دەيىن اراق ءىشىپ، دەم الىپ قالادى، تاڭعى ساعات بەيجيڭ  ۋاقىتى 5 مولشەرىندە ن xx ا xx تى وياتىپ بانكەگە بارىپ، اعاسى ق xx كە اقشا شىعارىپ بەرەيىك دەگەندە، ا xx جانە دە قوسىلمايدى، ن  xx ا xx كە قالاي ايتسادا، ا xx بۇعان ماقۇل بولمايدى، سودان ن xx ءوزىنىڭ كورپەسىنىڭ شەتىن شاقپاعىمەن تامىزىپ جىبەرىپ، ءبىراز جانعاننان كەيىن ا xx تىڭ ۇستىنە جابا سالادى، ا xx تىڭ بەت ءبولىمى، موينى كۇيىپ جارالانادى، كيىمى دە جانىپ كەتەدى. سونىمەن، ا xx تىڭ جانىپ كەتكەن كيىمىندەگى وتتى ءسوندىرىپ، جانىپ كەتكەن كيىمدى الماستىرادى،    ا xx امالسىزدان اقشا بەرۋگە قوسىلىپ، تاڭعى ساعات بەيجيڭ ۋاقىتى 6 مولشەرىندە ن xx موتوتسيكلگە ا xx تى مىنگەستىرىپ الىپ، اقبەلدەۋ اۋىلدىق   امانات- قارىز كووپەراتيۆىنىڭ اۆتوماتتى اقشا شىعارۋ ماشيناسىنان اقشا شىعارىپ، ا xx تى ۇيگە اپارىپ تاستاپ، ءوزى موتوتسيكلمەن شىعىپ، ماگازيننەن اراق جانە سۋسىندىق الىپ، ق xx تىڭ ۇيىنە كەلىپ، 950 يۋان ناق اقشانى بەرەدى دە، بۇل    اقشانى بۇرىنعى حۇجاتتىڭ استىننا جازا سال دەپ كەتىپ  قالادى. ۇيگە قايتىپ كەلگەن سوڭ ن xx ا xx پەن ساتىپ  الىپ كەلگەن اراقتى بىرلىكتە ىشەدى، سول كەزدە ا xx ن xx كە: «سەن مەنى كۇيدىرىپ مىناداي حالگە ءتۇسىردىڭ، مەن ەرتەڭ سەنى زاڭعا بارىپ مالىمدەيمىن، باسقا ءبىر جىگىت تاۋىپ تۇرمىس كەشىرەمىن» دەيدى (ءاسىلى    ن xx پەن ا xx نەكەلەنۋ كۋالىگىن الماعان ەدى). بۇنى ەستىگەن ن xx اشۋلانىپ، كورپەمەن   ا xx تىڭ باسىن جاۋىپ، تۇنشىقتىرىپ ولتىرەدى. ن xx      ا xx تى ولتىرگەن سوڭ، ا xx تىڭ مۇردەسىن جوعالتپاقشى بولىپ، ونىڭ مۇردەسىن كوتەرىپ، قوراسىنىڭ باتىس جاعىنداعى شۇڭقىر جەرگە تاستاپ، موتوتسيكلدەن ءبىر قۇمىرا بەنزين قۇيىپ الىپ، مۇردەگە شاشىپ، الدىنداعى شالا كۇيگەن كورپە، قولفونىمەن بىرگە قوسىپ ورتەپ جىبەرەدى.

  بىلتىر 24-تامىز كۇنى بەيجيڭ ۋاقىتى تاڭعى ساعات 7 مولشەرىندە ن xx ورتەنگەن سۇيەكتى داعارعا سالىپ، سارى   ءتۇستى اسكەري كورپەمەن وراپ، ونىڭ ەكى دوربا كيىم-كەشەكتەرىمەن بىرگە، موتوتسيكلدىڭ ارتىنا بايلاپ، موتوتسيكلمەن  دولاتى اۋىلى المالى اياق جاعىنداعى ۇلكەن اعاردىڭ ماڭايىنا  اپارىپ، الدىمەن كيىم-كەشەكتەردى ورتەپ، سۇيەكتى دورباسىمەن سول جەردەگى شۇڭقىرعا تاستاپ كەتەدى، سول كۇنى تۇستە ۇيىنە قايتقان سوڭ ن xx ا xx تىڭ قالعان كيىم-كەشەكتەرىن الىپ، اقبەلدەۋ اۋىلىنىڭ شىعىس جاق شەتىندەگى شۇڭقىرعا اپارىپ ورتەيدى. 28-تامىز كۇنى ن xx ولگەن ادامنىڭ سۇيەگىن سالعان دوربانى باسقالاردىڭ كورىپ قويۋىنان الاڭداپ، قايتادان ادام سۇيەگىن تاستاپ كەتكەن جەرگە بارىپ، سۇيەك سالعان دوربانى الىپ، اعاردى قۇلداپ، 2 كيلومەتردەي جول ءجۇرىپ، اعاردىڭ شەتىندەگى ءبىر شۇڭقىرعا اپارىپ تىعىپ، سۇيەكتىڭ ءۇستىن تاسپەن جاۋىپ كەتىپ قالادى.

  بولماشى ىسكە بولا ءبىرىنىڭ كوڭىلىن ءبىرى اۋىرتاتىن، ءتىپتى جاڭجالداساتىن جايتتەر كوپ كەزىگەدى. بۇل ادامداردىڭ   كوزقاراس، سانا، ساپا، ءبىلىم-مادەنيەت  جاعىنداعى ەرەكشەلىكتەرىمەن بەينەلەنسە كەرەك، قازىرگى زاماندا وقىماعان ادام جوقتىڭ قاسى، بارلىق ادام الدى-ارتىن پارىقتاي الادى، مىنە   وسىنداي تاماشا قوعامدا  از  بولعاندا باستاۋش ساۋياسىنا يە ادامداردىڭ بۇلايشا ادامدىق اردان بەزىپ، جازا باساتىنى نەلىكتەن؟ بۇعان ادامنىڭ اقىلى جەتپەيدى، تىلىمىزگە تيەك بولىپ وتىرعان بۇل دەلوداعى قىلمىس كۇماندىسى ن xx جوقتان وزگە ىسكە بولا ءبىر جازىقسىز، بەيكۇنا جاندى ءولتىرىپ، ءوزى بولسا قىلمىسى باسىنان اسىپ، قۇردىمعا كەتىپ، تۇرمە تۇبىنەن   ءبىراق شىقتى. ال، ارتتا قالعان   ا xx تىڭ اتا-انا، تۋىس-تۋعاندارىنا باتقانى بولسا، بالالارى قايتىس بولعانى بىلاي تۇرسىن، ورتەنگەن مۇردەنىڭ كىمدىكى  ەكەنى بولدى.     ا xx بىلتىر 23-تامىز قايتىس بولعاننان تارتىپ دەلو اشكەرەلەنىپ، سۇيەك تابىلعان سوڭ، ساقشىلار مەن ا xx تىڭ تۋس-تۋعاندارىنىڭ باسىن قاتىرعانى سۇيەك كىمدىكى دەگەن سۇراق بولدى، مىنا ۇشقان قۇستاي دامىعان زاماندا اقىرى مۇنىڭ دا جاۋابى تابىلدى، ءبىراق جارىم جىلداي ۋاقىت كەتتى. «بىردە-ءبىر قىلمىستىنى قاشىرىپ قويماۋ، بىردە-ءبىر جاقسى ادامدى وبالدى ەتپەۋدى» ءوز قىزمەتتەرىنە قىبلاناما ەتكەن  ءارى قىلمىس كۇماندىسىنىڭ  ۇقىق-مۇددەسىن قورعاۋدى كوزدە ۇستاعان حالىق ساقشىلارى اقىرى جوعارعى ورىنداردىڭ سايكەسۋىندە، قايتا-قايتا ۇلگى الىپ تەكسەرۋ ارقىلى ولگەن ادام سۇيەگىنىڭ   ا xx تىكى ەكەنىن انىقتاپ شىعىپ، دەلو تۋىلعاننان كەيىن جارىم جىلعا جەتپەيتىن ۋاقىت ىشىندە دەرلىكتەي تۇراقتاندىرىپ، كۇيىپ كەتكەن مۇردەنى، ياعني جارىم جىل ساقتالعان سۇيەكتى بيىل 14- اقپان كۇنى يەلەرىنە تابىس ەتتى.

  مىنە، جوعارىدا ايتقانداي اقىلى بولسا دا، وپاسىزدىق ىستەپ، اتا- انانىڭ الدىندا، ءتىپتى   بۇكىل قوعام الدىندا وسپادارلىق قىلىقتار تانىتىپ، ابىرويدان  ايرىلىپ، ۇياتقا قالمايىق اعايىن، ىنتىماقتى، كەشىرىمشىل،    بەرەكە-بىرلىكتە بولايىق.


دايىنداعان-قانات زەينەلقان ۇلى



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.


 
powered by IlgharCMS 3.2 www.ilghar.cn