ۇسىنىس ەتىلگەن ءتىلشى سۋ گاڭۋي
دوستار اراسىنداعى ءازىل-قالجىڭ ورىندى بولسا، ونىڭ ءجونى ءبىر باسقا. ال ەگەر ويىننان وت شىعاتىن بولسا، ول رەنجىسۋ، ءتىپتى بەت جىرتىسۋعا اپارىپ سوعادى. الدا-جالدا قالجىڭنىڭ ءجونى وسى ەكەن دەپ ساقشىلارمەن ويناساڭ، زاڭدىق جاۋاپكەرلىك ارقالاپ، جازا باساسىڭ. جۋىقتا ساۋان اۋدانىنداعى ساقشىلار ەكى رەتكى جالعان دەلو مالىمدەۋ دەلوسىن دەر كەزىندە تەكسەرىپ انىقتاپ، قىلمىس كۇماندىسىنا 8 كۇندىك قاماق جازاسىن بەردى.
ۇعىسۋعا قاراعاندا، 2-اقپان ساعات 19 مولشەرى مەن 23 مولشەرىندە ساۋان اۋداندىق قوعام حاۋىپسىزدىگى مەكەمەسىنىڭ 110 دەلو مالىمدەۋ ورتالىعى ۇقساس ءبىر قولفون نومىرىنەن سوعىلعان اۋداندىق ورگان ەگىس الاڭىنىڭ الدىندا توپتىق توبەلەس تۋىلىپ جاتىر جانە اۋداندىق تورە تاباق ءدامدى تاعام ورتالىعىنىڭ ەسىك الدىندا اۋىر قاتىناس شىرعالاڭى تۋىلىپ، ەكى ادام ءولدى دەگەن دەلو مالىمدەۋ تەلەفونىن قابىلدايدى.
دەلو مالىمدەۋ تەلەفونىن قابىلداعان سوڭ، 110 دەلو مالىمدەۋ ورتالىعى قاراستىلىعىنداعى الاڭ جولى ساقشى بولىمشەسىن، قۇرىلىس جولىنداعى ساقشى بولىمشەسىن، قاتىناس ساقشى ۇلكەن اترەتىن جانە اۋداندىق حالىق شيپاحاناسىنىڭ 120 شۇعىل قۇتقارۋ ورتالىعىن دەلو تۋىلعان ناق مايدانعا بارۋعا ورنالاستىرادى.
دەلو مالىمدەۋشى ايتقان ناق مايداننان ساقشىلار ەشقانداي جاعداي تۋىلماعاندىعىن بايقايدى. ساقشىلار تەكسەرۋ كولەمىن كەڭەيتىپ، دەلو مالىمدەگەن تەلەفونعا قايتالاي تەلەفون سوعىپ، ءىستىڭ شىن-جالعانىنا كوز جەتكىزبەكشى بولعاندا، الگىندەگى تەلەفوننىڭ ءسوندىرىلىپ قالعاندىعىن بايقايدى. ساقشىلار سەلبەسىپ تەكسەرۋ جۇرگىزۋ ارقىلى بۇل ەكى رەتكى دەلو مالىمدەۋ تەلەفونىنىڭ الدامشىلىق ەكەندىگىن تۇراقتاندىرىپ، دەرەۋ دەلو تۇرعىزىپ تەكسەرۋ جۇرگىزەدى.
3-اقپاندا ساقشىلار جان-جاقتىلى دالەل-سىپات ىزدەۋ جانە ىشكەرىلەي تەكسەرۋ جۇرگىزۋ ارقىلى جالعان دەلو مالىمدەگەن قىلمىس كۇماندىسى ۋاڭ xx تى قولعا تۇسىرەدى. تەرگەۋ ارقىلى ۋاڭ xx ءوزىنىڭ جالعان دەلو مالىمدەگەنىن مويىندايدى.
تەكسەرۋ ارقىلى ۋاڭ xx تىڭ بيىل 54 جاستا، كاسىپسىز، ساۋان اۋدانىنىڭ ادامى ەكەندىگىن، 2-اقپاندا ۋاڭ xx تىڭ ەكى دەلونى ويدان قيىستىرىپ، جەكە-جەكە ساعات 19 دان 47 مينۋت جانە 23 تەن 21 مينۋت وتكەندە جىلجىمالى حابارلاسۋ قول تەلەفونىمەن ىلگەرىندى-كەيىندى جەرگىلىكتى ورىنداعى 110 دەلو مالىمدەۋ تەلەفونىنا جالعان دەلو مالىمدەپ، سوڭىنان قول تەلەفونىن ءسوندىرىپ تاستاعاندىعىن انىقتايدى.
ساۋان اۋداندىق قوعام حاۋىپسىزدىگى مەكەمەسى « جۇڭحۋا حالىق رەسپۋبليكاسىنىڭ قوعام اماندىعىن باسقارۋ جازا زاڭىنىڭ » قاتىستى بەلگىلەمەسىنە، ساي ۋاڭ xx كە 8 كۇن اكىمشىلىك جاقتان قاماۋ جازاسىن بەرۋدى ۇيعاردى.
ەسكەرتۋ: 110 دەلو مالىمدەۋ تەلەفونى قوعام اماندىعىن قورعاپ، حالىققا قىزمەت وتەپ، حالىق بۇقاراسىنىڭ باس اماندىعى مەن مال-مۇلكىنىڭ حاۋىپسىزدىگىن كەپىلدەندىرۋدەگى ماڭىزدى قۇرال. جات نيەتپەن 110 سياقتى دەلو مالىمدەۋ تەلەفونىنا بەتالدى تەلەفون بەرىپ، تالكەك ەتۋ نەمەسە قوعام حاۋىپسىزدىگى ورگاندارىنىڭ قالىپتى قىزمەت ءتارتىبىن ءبۇلدىرۋ سياقتى قيمىلدارعا قوعام حاۋىپسىزدىگى تاراۋلارى قاتىستى بەلگىلەمەلەرگە ساي زاڭ بويىنشا قاتاڭ شارا قولدانىپ، سوققى بەرەدى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.