دۇنيە جۇزىلىك بيليارد جانە سنوكەر بىرلەسكەن قوعامى جۋىقتا ەڭ جاڭا دۇنيە جۇزىلىك قاتارعا تۇرعىزۋ ەسىمدىگىن جاريالادى، ەندى عانا گەرمانيا الىپتارى دوداسىنىڭ جەڭىسىنە قول جەتكىزگەن مارك سەلبي دۇنيە جۇزىلىك ءبىرىنشى ورىنعا قايتا ورالدى، ديڭ جۇنحۇي دۇنيە جۇزىلىك ءۇشىنشى ورىنعا ءتۇسىپ قالدى.
بۇل رەتكى اعا جۇلدەگەر بولۋى مارك سەلبيدى كاسىپتىك ومىرىندە دۇنيە جۇزىلىك ءبىرىنشى ورىنعا 6-رەت شىعاردى، ونىڭ سيلىق سوماسى 707 مىڭ 266 فۋنت ستەرلينگ، ەكىنشى بولعان روننيە وسۋلليۆاننىڭ سيلىق سوماسى 683 مىڭ 366 فۋنت ستەرلينگ بولعان. اعا جۇلدەگەرلىگىن ساقتاپ كەلگەن ديڭ جۇنحۇي گەرمانيا الىپتارى دوداسىنىڭ العاشقى كەزەگىندە ريان دايدان جەڭىلىپ قالعاندىقتان، وسى جارىس ماۋسىمىنداعى بەينەسى ايتارلىقتاي بولماي، ول وسى كەزەكتى جارىستا ءۇشىنشى بولىپ، 678 مىڭ 541 فۋنت ستەرلينگ سيلىق سوماعا يە بولدى.
اۆستراليا شەبەرى نيەر روبەرتسون ءتورتىنشى ورىنعا ءتۇسىپ، وسىدان كەيىنگى قاتاردان بارري حاۋكينس، جۋد ترۋپ، تروي مۋرپحي، بيكحام، لۋكە ۋالتون جانە مارك اللەن قاتارلىلار ورىن الدى.
جۇڭگو شياڭگاڭ شەبەرى فۋ جياجۇن 11- ورىندى يەلەدى، باسقا جۇڭگو شەبەرلەرىنەن شياۋ گودۇڭ 19-ورىندى، لياڭ ۋىن-بو 20-ورىندى يەلەدى.
وسى كەزەكتى جارىس باستالعاننان باستاپ، دۇنيە جۇزىلىك بيليارد جانە سنوكەر بىرلەسكەن قوعامىنىڭ قاتارعا تۇرعىزۋ ەسىمدىگى شەبەرلەردىڭ الدىڭعى ەكى جىلداعى كاسىپتىك جارىسى مەن قاتارعا تۇرعىزۋ جارىسىنداعى سيلىق سوماسىنىڭ جيىنتىعى بويىنشا ورنالاستىرىلعان.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.