ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ەستەلىك الۋدى ەسكەرگەننىڭ ەڭبەگى زور

جولدانعان ۋاقىتى : 2015/2/6 12:33:46

ايبۇبى ءمۇتان قىزى

  جۋرنال مەن كىتاپتان بۇگىنگى   ءداۋىر وقىرماندارىنا كەرەك دۇنيەلەردىڭ ءبارى دە تابىلادى. ەلەكترون تەحنيكاسىنىڭ تەز دامۋى قاعاز جۇزىندەگى باسىلىم وقىرماندارىنىڭ ازايۋىنا اسەر ەتىپ جاتقانىن دا جوققا شىعارۋعا كەلمەيدى. دەسە دە، وسىنشاما مول ينفورماتسيا، ءبىلىم قورىن ساقتاپ، تاراتىپ وتىراتىن گازەت-جۋرنال، كىتاپتاردى رۋحاني جاقتان ازىق ەتۋ عۇمىرلىق ازىق بولارى حاق. دەسەدە،  ۋاقىت شىعارىپ وقىعان كىتابىڭىزدىڭ قادىر-قاسيەتىن قۇنتتاي بىلمەسەڭىز، ونىڭ ەستەن تەز كوتەرىلىپ كەتۋى مۇندا تۇرعان ءىس.

  وقىعان ءتۇرلى عىلىمدىق، نازاريالىق، فيلوسوفيالىق، ادەبي كىتاپتاردان، كەزدەسكەن تاريحي ادامداردىڭ سوزدەرىنەن، حالىق ىشىندەگى الۋان ءتۇرلى مول فولكلورلىق قازىنالاردان ەستەلىك الۋدىڭ پايداسىنىڭ ەرەكشە جوعارى بولاتىنىن، ونى ماڭىزدى يگىلىگىنە جاراتىپ كەلە جاتقان ءتۇرلى سالاداعى زەرتتەرمەندەر مەن قالامگەرلەر جاقسى بىلەدى. ۇلى جازۋشى مۇحتار اۋەزوۆتىڭ ءوزى ءتورت كىتاپتان تۇراتىن «اباي» جانە «اباي جولى» ەپوپەياسىن جازۋ ءۇشىن، سول بالا كەزدەن ەستىپ بىلگەنىنەن تارتىپ، ەل اراسىنان جيناپ، ءتۇرلى دەرەكتەر مەن ارحيۆتەردى اقتارىستىرىپ ءجۇرىپ ەستەلىككە العان دۇنيەلەرىنىڭ ءوزىن تولىعىمەن پايدالاناتىن بولسا، «ابايدى» سەگىز توم ەتىپ جازۋىنا دا بولادى   ەكەن. دەمەك، بۇل جەردە جازۋشى اباي ومىرىنە قاتىستى اسا مول ەستەلىكتەر الىپ، ماتەريال ەتىپ جيناپ وتىرعان. جازۋشى ەپوپەياعا كەرەكتى ماتەريالدى سۇرىپتاپ پايدالانىپ، ءوزىنىڭ كوركەمدىك وي قورىتۋىنا سۇيەنىپ، دارا تالانتىن تانىتاتىن سۋرەتكەرلىگىمەن وسى ەڭبەكتى جازىپ شىققان دەۋگە بولادى. الايدا، سونشا ەڭبەكتەنىپ قاعازعا تۇسىرگەن ەستەلىكتەرىنىڭ كەيبىرى قاجەتكە جاراماي قالعان ەكەن دەگەندىكتى بىلدىرمەيدى. بۇل ەستەلىكتەر جازۋشىنىڭ الىپ تۇلعا رەتىندە قالىپتاسۋىنا ۇلكەن رۋحاني بۇلاق بولىپ، اباي تانۋ سالاسىندا عىلمي ورەسى اسا جوعارى ماقالالار جازۋىنا، اباي تانۋعا قاتىستى ءتۇرلى ساقتالىپ وتىرعان ماسەلەلەردى ءدال كورسەتىپ بەرۋىنە، اباي تانۋدى ونان ارى تەرەڭدەي زەرتتەۋگە جول سىلتەۋىنە عاجايىپ مۇمكىندىكتەر جاسادى. اباي ءداۋىرىنىڭ الدى-ارتىنداعى ءتۇرلى تاريحي جاعدايدان، قوعامدىق ومىردەن تاقىرىپ الىپ باسقا دا ادەبي شىعارمالار جازۋىنا كەرەمەت نەگىزدەر قالاپ بەردى.

  ءبىز بۇل جەردە ۇلى مۇحتار دارەجەسىنە كوتەرىلۋ تۇرعىسىنان ەمەس، جاي ءبىر وقىرمان، زەرتتەپ، ۇيرەنۋگە، بىلىمگە قۇشتار جاندار مەن كاسىبىنەن تابىس تابۋعا قۇلشىنعاندار ءۇشىن بەلگىلى پايداسى بولار دەپ، وقىعان كىتاپتاردان ەستەلىك الۋدىڭ پايداسى جونىندە ويعا تۇيگەندەرىمدى ورتاعا  سالايىن.

  ءبىرىنشى، وقىعان كىتاپتان ەستەلىك الۋ وقىعان ءبىلىمدى نە قاتىستى ءبىر مازمۇندى ەسكە بەرىك ساقتاۋدىڭ ماڭىزدى كەپىلى. ءوزىمىز كۇندەلىكتى تۇرمىستا بەلگىلى ماسەلەگە ءدوپ كەلىپ قالعانىمىزدا، ەگەر ءدال سوعان قاتىستى جۋرنال، كىتاپ نە گازەتتەن وقىعان ءبىر ماقالا ەسىڭىزگە تۇسسە، سونداعى بىلىمدەرگە نەگىزدەلىپ، دۇرىس شەشىم جاساي الاتىنىڭىز مۇندا تۇر. ال تەك قىزىقتاپ وقىپ وتكەن بولساڭىز، ونى قۇنتتاپ ساقتاپ نە ەستەلىككە الماعان بولساڭىز، ەرەكشە قاجەت بولعاندا، سول ءبىر جىبەرگەن اعاتتىعىمىز ءۇشىن ءوزىڭىزدى جازعىراتىن بولاسىز. كەيبىر ادەبي كىتاپتاردى سيۋجەتىن تاماشالاپ، قىزىققان سايىن تەزدەتىپ وقىپ ءبىتىرۋىمىز دە مۇمكىن. ال ونى ەسكە بەرىك ساقتاۋ جونىندە دايىندىعىڭىز بولماعاندىعى ءۇشىن، كوپ وتپەي، ءوزىڭىز تامسانعان ەڭ ءنارلى تۇيىندەر، ءتىپتى سيۋجەتتىڭ ءوزى دە ەستەن كوتەرىلىپ كەتۋى عاجاپ ەمەس. ال، وقي وتىرىپ، كوڭىلگە ءتۇيىپ، قاعازعا ءتۇرتىپ ەستەلىك الىپ قويعاندا، ونداعى كەيىپكەر اتىنان تارتىپ، ەڭ ءبىر ءساتتى سەزىنگەن تۇستارعا دەيىن ەستەن شىقپايدى.

مۇنىڭ سەبەبى كورۋ، ءلاززاتتانۋ، ويلاۋ، ءتۇسىنۋ، ويعا ءتۇيۋ، سوڭىندا ەستەلىككە الۋ باسقىشتارىن تولىق باسىپ ءوتىپ، ادام ساناسىندا بەرىكتەلىپ قالاتىندىعىندا. ال كەيبىر مازمۇندار ۇمىتىلىپ بارا جاتسا، جازعان ەستەلىكتەن قايتالاپ ءبىر كورگەندە باياعىداي تولىق ءبىتىمى ەسىمىزگە قايتا ورالادى. جالپى وقىعان ماتەريالدارىمىزدىڭ قاندايى بولسىن، «مىناۋ ءبىر كەرەگىمە جارايدى» دەپ قۇنتتاپ ەستەلىككە الىپ قويۋدىڭ ەسكە بەرىك ساقتاۋ ءۇشىن اسا پايدالى.

  ەكىنشى، وقىتۋشىلار بولسىن، مەيلى باسقا سالاداعى قىزمەتكەرلەر بولسىن، وزدەرىنە كەرەكتى وقىعان  كىتاپتارىنان ەستەلىك الۋ ءوز ماماندىقتارى بويىنشا ماقالا جازۋعا، جالپىسى كاسىبىنە ۇلكەن سەپتىگىن تيگىزەدى. ءار سالا قىزمەتكەرلەرىنىڭ اتاق الاتىن كەزدەردە ءوز كاسىپتەرى بويىنشا جازاتىن ماقالالارى بولادى، تۇك بولماعاندا وزدەرىنىڭ ىستەگەن ناقتى قىزمەتتەرىنەن جىلدىق قورىتىندى جازادى، نە جىلدىق جوسپار جازادى. مىنە، بۇل بارىستاردا تەك ويىندا نە بولسا، سونى عانا ءتىزىپ جازا سالعاننان گورى، ناقتى قىزمەت  امالياتى مەن سول كاسىپكە قاتىستى جازىلعان ءتۇرلى ەڭبەكتەردەن وقىعان دۇنيەلەرىنە بىرلەستىرىپ، ءسىڭىرىپ جازار بولسا، نەعۇرلىم عىلمي مانگە يە بولاتىنى انىق. اسىرەسە، كاسىپتىك عىلمي ماقالا جازۋدا، ءتۇرلى كىتاپ-جۋرنالداردان مول ماتەريال ىزدەۋگە تۋرا كەلەدى. ال قىزمەت ارەدىگىندە ءبارىبىر ىستەۋگە ءتيىس بولاتىن وسى ءبىر وتكەلدەن ءوتۋ ءۇشىن، دايىندىق رەتىندە قاتىستى جۋرنال، كىتاپ، گازەتتەردەن وقىپ، كەرەكتى مازمۇندارىنان ەستەلىك الىپ وتىرسا، ماقالا جازاتىن كەزدە ۇلكەن ەس قاتادى. وقىعان كۇننىڭ    وزىندە، ەستەلىك الماي، ءبىراق ونىڭ بىرەر ەلەسى ەسىڭىزگە كەلىپ، وتە  ەرەكشە قاجەتتى بولعانىن سەزىنسەڭىز، قاي كىتاپ، قاي جۋرنال ەكەنىن بىلە الماي، ونى تاپقان كۇندە دە قايسى بەتىنەن كورگەنىڭ، وزىڭە قاجەتتى مازمۇنى بىردەن تابىلماي، ءبىرتالاي جاپا شەگەرىڭىز انىق.

  ءۇشىنشى، وقىعان كىتاپتاردان ەستەلىك الۋ ادام ءبىلىمىنىڭ جان-جاقتى مولايۋىنىڭ ءبىر نەگىزى بولىپ ەسەپتەلەدى. مەيلى قاي سالاعا قاتىستى جازىلعان ماقالا بولسىن، ءوزىڭىز قىزىعىپ قالساڭىز، ەستەلىك الىپ قويعانىڭىزدىڭ ەش زيانى جوق. ويتكەنى تۇرمىستا نە قىزمەتتە نە جاڭا ءبىر ورتاعا بارعاندا جولىققان ءبىر ماسەلەڭىزگە قاتىستى جازىپ قويعان ەستەلىگىڭىزدى اقتارىپ، ونىڭ ەڭ دۇرىس، ولشەمدى شەشىمىن جاساي الاتىن  بولاسىز. ەگەر ۇيدەگى ەلەكتر اسپاپتاردى (توڭازىتقىش، كىرجۋعىش، تەلەۆيزور، كومپيۋتەر ت.ب) قالاي قورعاۋ، نەدەن ساقتانۋ، جاي ىستەرگە نە كۇردەلى ىستەرگە كەزدەسكەندە ونى قالاي ىستەۋگە قاتىستى تۇسىندىرمە كىتاپشالار بولادى، سول كىتاپشالار بولماعان جاعدايدا، وسى تۋرالى جازىپ الىپ قويعان ەستەلىكتىڭ قارا دۇرسىندىكتەن گورى اسا پايدالى ەكەنى ايقىن. وتباسى بەرەكەسىنە، بالا تاربيەسىنە، ءتۇرلى پسيحولوگيالىق، فيزيولوگيالىق ماسەلەلەرگە قاتىستى ەڭ جاڭا، قىزىقتى، عىلمي جازىلعان ەڭبەكتەردەن الىنعان ەستەلىكتەر قاشاندا قۇنتتاي بىلەتىن ەستى ادامدار  ءۇشىن ۇلكەن وقۋلىق رولىن اتقارادى.

  بۇدان باسقا ەستەلىك الۋدا كىتاپ قانا ەمەس، باسقا دا مۇمكىندىكتەردەن دە تولىق پايدالانۋدىڭ جولىن دا ىزدەستىرە دە ءبىلۋ كەرەك. قازىرگى كەزدە ەلەكتروندىق تەحنيكانىڭ دامۋىنا ساي، كەيبىر قىزىعا قالعان بىلىمدەردى ەستەلىككە الۋدىڭ جولدارى دا كوبەيىپ كەتتى، اسپاپتارىمىزدى ىسكە قوسىپ، كەسكىنمەن، دىبىسپەن، ەلەكتروندىق جازۋمەن الا بەرەتىن بولدىق. الايدا، قاعازعا ءتۇسىرىپ الۋ ءادىسى، ءمان جاعىنان العاندا، ءداستۇرلى بولعانىمەن،  ۇزاق مەزگىل ساقتاۋ ءۇشىن، ەسكە بەرىكتەۋ ءۇشىن، ەڭبەكتەنۋ ارقىلى كوكەيگە ءتۇيىپ الۋ ءۇشىن وزىندىك پايداسى جوعارى ەكەندىگىن جوققا شىعارۋعا بولمايدى.

سونىمەن بىرگە، دامىعان ەلەكترون تەحنيكاسىنىڭ جەتىستىكتەرى ارقىلى جارىق كورىپ جاتقان الۋان بىلىمدەردىڭ (كوركەم فيلم، تارتىمدى احپارات، ءتۇرلى كونسەرت نومىرلەرى ت.ب) ىشىنەن اسا پايدالى دەپ بىلگەندەرىمىزدىڭ مۇمكىن بولعاندارىن (تىلدىك تۇسىندىرمە نۇسقالارىن) قاعاز جۇزىنە كوبەيتۋ جولىمەن، قىسقارتىپ قالاممەن ەستەلىككە الۋ جولدارىمەن، باسقا دا تاعى قانداي مۇمكىندىكتەر بار بولسا، سونى ىزدەستىرىپ، قالايدا ەستەلىك الىپ وتىرساق، كەيدە توك جوق بولىپ، ەلەكتر اسپاپتاردىڭ ىستەمەيتىن جاعدايى تۋا قالعاندا، نە قولايسىز جەرلەردە مۇنداي جولدارمەن قاعاز جۇزىندە الىنعان ەستەلىكتەر دە بىزگە كەرەكتى  كەزىندە ۇلكەن پايداسىن تيگىزە الادى.

  دەمەك، بەلگىلى ءبىر رۋحاني ءمانى بار دۇنيەگە قىزىعىپ، سول قىزىعۋ نەگىزىندە كورىپ، وقىپ بولعان سوڭ، ونداعى كەرەكتى ينفورماتسيالار وقىعان، كورگەن جەرىمىزدە ۇمىت بولىپ قالماۋى ءۇشىن، امالياتتا ءوز كاسىبىمىزگە، تۇرمىسىمىزعا پايدالانا الۋىمىز، ءبىر كەرەگىمە جاراتايىنشى دەگەن سەنىمدە بولۋىمىز كەرەك. بۇل ۋاقىتتى ءونىمدى پايدالانۋدىڭ، ورايدى جاقسى يگەرە ءبىلۋدىڭ دە جولى بولىپ تابىلادى. 
 
  قورىتىندىلاي كەلگەندە، جوعارىداعى ايتىپ وتكەندەرىمىزدىڭ ءبارى-ءبارى دە بۇگىنگى ادامداردىڭ تالعامىنا، تۇرمىس ادەتىنە وتە سايكەسە الادى دەۋدەن اۋلاقپىز. تانىعان، بىلگەن وقىرمان ايتىلعانداردىڭ ىشىنەن بەلگىلى ءبىر بولىمدەرىن ءوز تانىمى مەن تالعامىنا ۇيلەسەدى ەكەن دەپ ءبىلىپ قۇنتتاپ جاتسا، بۇل ماقالانىڭ وزىندىك ەڭبەگى بار بولدى دەپ ەسەپتەر ەدىك.





 
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn