ەڭ جاڭا مازمۇندار
شينجياڭ اسەمونەر سارايىندا كوكتەم مەرەكەسىن وتكىزدى
شينجياڭدى زاڭمەن باسقارۋدى جاپپاي تەرەڭدەتىپ، ساياسي - زاڭ قىزمەتىنىڭ وسىزاماندانۋىن تىڭعىلىقتى ىلگەرىلەتىپ، جاڭا داۋىردەگى جاڭا جورىقتا كورىكتى شينجياڭ قۇرۋعا پارمەندى كەپىلدىك ازىرلەۋ كەرەك
زاڭمەن باسقارۋ قۇرىلىسى ساياسي جاۋاپكەرشىلىگىن باتىلدىقپەن ارقالاپ، زاڭمەن باسقارىلاتىن شينجياڭ قۇرىلىسىنىڭ دەڭگەيىن جاپپاي جوعارىلاتۋ كەرەك
ايماقتىق پارتكوم 2022 -جىلدىق اۋداندىق (قالالىق) پارتكوم شۋجيلەرىنىڭ نەگىزگى ساتى پارتيا قۇرىلىسى قىزمەتىن يگەرۋدەن ەسەپ بەرۋ، باعالاۋ، ساراپتاۋ ءماجىلىسىن اشتى
ايماقتىق پارتكوم نازاريا ۇيرەنۋ وزەكتى گرۋپپاسى ايماقتىق پارتكوم باسشىلىق القاسىنىڭ 2022 -جىلعى دەموكراتيالىق تۇرمىس جيىنىنىڭ ارناۋلى تاقىرىپتىق ۇيرەنۋىن وتكىزدى
ايدىن تولەۋقان قىستاۋلىقتارعا بارىپ، كوكتەم مەرەكەسى بايلانىسىمەن جاعداي ۇعىسىپ، حال سۇراۋ قيمىلىن ورىستەتتى
2023-جىلى 1-ايدىڭ 31-كۇنى 22-سان
2023-جىلى 1-ايدىڭ 30-كۇنى 21-سان
مەرەكەنى قىزمەت ورىندارىندا وتكىزىپ، تاپجىلماي ىستەۋ ارقىلى ۇلەس قوستى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
تەمىر جول جولاۋشى تاسىمالى قايتۋ ساپارىنىڭ ورلەۋىن قارسى الدى
«اسكەريلەردىڭ ۇلەس بەلگىسىن باسقارۋ بەلگىلەمەسى» جاريالاندى
قىزمەت ورىندارىنان تاپجىلماي، باقىتتىڭ قورعانىشى بولدى
2022 - جىلعى مەملەكەتتىك ساياحات جول باستاۋشى تولىمدىلىق ەمتيحانى شينجياڭ ەمتيحان رايونىنىڭ قاتىستى ىستەردى كەشەۋىلدەتىپ ورنالاستىرۋى جونىندەگى ۇقتىرۋ
شارۋالار مول ءونىم الدى | شينجياڭ باعراش كولى: بالىعى تايداي تۋلادى! قىسقى بالىق اۋلاۋدىڭ تۇڭعىش اۋىنا ون نەشە توننا بالىق ءىلىندى
اۆتونوميالى رايوندىق پارتكومنىڭ تۇراقتى كوميتەتى ءماجىلىس اشتى
جىگەر تاسقىنداپ، ”جاقسى باستامانى“ قۇلشىنا اشتى
ورتالىق ۇلتتار داشۋەسىمەن ستراتەگيالىق سەلبەستىك سياقتى قىزمەتتەردى اقىلداستى
جاڭا جورىقتا كورىكتى شينجياڭ قۇرۋعا زەيىن - زەردەنى، كۇش - قۋاتتى شوعىرلاندىرۋ كەرەك
تاڭعاجايىپ سانشيا
كوكتەم مەرەكەسى دەمالىسىندا تۇتىنۋ بازارىنىڭ جاندانۋى تەبىندى بولدى
بۇكىل رايون كوكتەم مەرەكەسىندە جالپى 4 ميلليون 781 مىڭ 900 ادام - رەت ساياحاتشى قابىلدادى
شينجياڭدا 2023 - جىلى تىكە ساتىلعان ەلەكتر مولشەرى تاريحتاعى جاڭا ورەنى جاراتتى
شي جينپيڭ تەلەگرامما جولداپ، دادايدىڭ پاپۋا - جاڭا گۆينەياسىنىڭ گۋبەرناتورى بولىپ ۇزدىكسىز سايلانعاندىعىن قۇتتىقتادى
2023-جىلى 1-ايدىڭ 28-كۇنى 20-سان
2023-جىلى 1-ايدىڭ 23-كۇنى 19-سان
2023-جىلى 1-ايدىڭ 21-كۇنى 18-سان
كوكتەم مەرەكەسى كەلىپ، بارلىق جەر قويۋ مەرەكەلىك تۇسكە ەندى
مادەنيەتتى سان مىڭداعان وتباسىنا جەتكىزىپ، جاڭا جىلدى شات -شادىمان قارسى الدى
ايماقتاعى ءتورت باسشىلىق القانىڭ باسشىلارى كوكتەم مەرەكەسى بايلانىسىمەن حال سۇراۋ قيمىلىن ورىستەتتى

تايسوننىڭ تايعاناق تاعدىرى

جولدانعان ۋاقىتى : 2015/2/3 13:09:57

تايسوننىڭ تايعاناق تاعدىرى
  الەمگە تانىمال وسى ءبىر تۇلعانىڭ بويىنان ادام بويىنداعى قاسيەتتىڭ   ءبارىن تابۋعا بولادى. مەيلى ىزگىلىك ياكي جاۋىزدىق بولسىن. 1966-جىلى 30-ماۋسىمدا نيۋ-يورك قالاسىندا  تۋىلعان بوكس پاتشاسىنىڭ الەمگە   تانىلعان تۇسى 1985-جىلى بولاتىن. انە سودان باستاپ ايگىلى بوكس شەبەرىنىڭ ءار جىلى قيلى ەستەلىككە  تولى. اڭىزعا اينالعان تايسوننىڭ سالماعى، جۇدىرىعى قانشالىق اۋىر بولسا، ونىڭ جۇرت جادىندا ويىپ جازعان داڭقتى ساتتەرى مەن سالعان جاراسى دا سونشالىق سالماقتى ەدى.

  تايسوننىڭ تۋىلعان توپىراعى نيۋ-يوركتەگى قارا ءتاندى كەدەيلەر اۋماعى- ناعىز تابيعي سۇرىپتالۋدىڭ مەكەنى  ەدى. ياعني وندا السىزدەر ماڭگى   جابىرلەنەدى. تايسون انە سول جەردە توبەلەسىپ ەرجەتكەن، سونىڭ سەبەبىنەن وسپىرىمدەر قاماققاناسىنا دا   تۇسەدى، كەيىن كۆيز داماتو دەيتىن باپكەر ونىڭ يكەمىن بايقاپ، بوكسكە تاربيەلەيدى.

  تايسوننىڭ تۇڭعىش ۇلكەن مايدانعا شىققان شاعى 1985-جىلدىڭ 6-ناۋرىزى. ول ءبىرىنشى اينالىمدا-اق قارسىلاسى البانيدى سۇلاتادى. سول جىلدىڭ وزىندە 15 مايدان جارىسقا قاتىناسادى ءارى قارسىلاسىنىڭ ءبارىن تالدىرادى، ونىڭ 14 مايدانىنداعى   جارىسى ءبىرىنشى اينالىمدا-اق     اقىرلاسقان. 1986-جىلدىڭ 22- قاراشاسىندا ول يامايكادا تۋىلعان كانادا نوپوسىنداعى اۋىر سالماقتى بوكس  پاتشاسى ترەۆور بەربيكتى WBC   سايىسىنا شاقىرادى ءارى ەكىنشى   اينالىمدا-اق ونى ۇرىپ جىعىپ،    الەمدەگى ەڭ جاس بوكس پاتشاسىنا اينالادى.

  وسى ۋاقىتقا دەيىن دۇنيە جۇزىندە ەشكىمدە 20 جاسىندا بوكستان مىناداي ناتيجە جاراتىپ كورمەگەن ءارى ول مايداندا تەك باسىن قيمىلداتقانى  بولماسا، نەگىزىنەن ەشقانداي قورعانۋ ارەكەتىن جاسامايدى. «تايسون بوكسشىلىعىندا ءبىر عانا قاعيدا بار،     ول-تەك شابۋىلداۋ، ال ەكى قاعيدا بولسا وندا ‹شابۋىلداۋ جانە شابۋىلداۋ› » دەپ جازادى سول كەزدەگى گازەتتەر مەن جۋرنالدار.

  ودان كەيىنگى ءۇش جىلدا،     ياعني 1990-جىلعا دەيىن تايسون WBC، WBA ،IBF قاتارلى ءۇش بەدەلدى بوكس ۇيىمى تۇتاس مويىنداعان بوكس پاتشاسى بولدى، ءۇش جىلدىڭ ىشىندە سول ۋاقىتتاعى ەڭ ايگىلى بوكسشىلاردىڭ بارلىعىن جايراتتى، 9 مارتە اعا جۇلدەگەرلىك بەلدىگىن  قورعادى. بۇل كەز تايسوننىڭ ءداۋىرى بولدى، بىلايشا ايتقاندا، اۋىر سالماقتى بوكسكە بايلانىستى بارلىق سوزدىك قوردى تەك «تايسون» دەگەن جالعىز  اۋىز سوزبەن ايىرباستاۋعا بولاتىن     ەدى. قاراپايىم   ادامداردان داڭقتى سپورت ماماندارىنا دەيىن، تايسوننىڭ ەپتىلىگى، تەزدىگى، جۇدىرىعىنىڭ  كۇشىنە تاڭداي قاقپاعانى بولمادى، ول داۋىردە تايسوننىڭ جارىسىن كورۋ جانكۇيەرلەر ءۇشىن شەكسىز باقىت بولعان، سەبەبى جارىستا «كىم جەڭىلەدى، كىم جەڭەدى» دەگەن الاڭ بولمايدى.

  «سۋسىلداعان جورعادا سۇرىنەدى» دەمەۋشى مە ەدى، ارشىنداي باسىپ كەلە جاتقان الاپات بوكسشىنىڭ اياعى      ءسۇرىنىپ كەتتى. 1990-جىلى 11-اقپاندا ول ءوزىن سايىسقا شاقىرعان جەيمس داگلاس ەسىمدى بوكسشىدان جىعىلدى، ەستۋگە قاراعاندا، سول كەزدە ۇتىسقا قاتىسقانداردىڭ تىككەن اقشالارى بويىنشا ەسەپتەگەندە، جەيمس  داگلاستىڭ جەڭۋ مۇمكىندىگى 1/42 بولعان، ياعني بوكس بىلمەيتىندەر مەن قىزىق بولسىن دەپ تاۋەكەلگە بارعان از ساندىلاردان باسقا ەشكىمدە تايسون جەڭىلەدى دەپ ويلاماعان، مەيلى قالاي بولسىن، بۇل ونىڭ جەڭىلىستىڭ    ءدامىن تۇڭعىش تاتۋى.

  اتاعى اسپانداپ تۇرعان تۇسىندا، مايك تايسون ا ق ش- تاعى قارا تاندىلەردىڭ ابىرويىن كوتەرەتىن يگىلىكتى ءىس جاسايدى- التى اق ءتاندى بىرلەسىپ باسقىنشىلىق جاساعان 16 جاستىق قارا ءتاندى قىزعا 50 مىڭ دوللار بەرىپ، ونىڭ ەشتەڭەدەن تۇڭىلمەي، عۇمىرىن باتىلدىقپەن جالعاستىرۋىنا شابىت سيلايدى. ىلە-شالا،  وسى تەكتەس ناسىلدىك كەمسىتۋگە ۇشىراعان جابىرلەنۋشىلەرگە ارناپ قور ۇيىمىن قۇرادى ءارى وعان جىل سايىن بەلگىلى مولشەردە اقشا ءبولىپ وتىرادى.

  بۇل ءىسى ارقىلى تايسوننىڭ    قوعامدىق ورنى، اتاق-ابىرويى بيىكتەي تۇسكەن بولاتىن، دەگەنمەن كوپ وتپەي ول جۇرتقا تاعى ءبىر قىرىن ءپاش ەتتى. 1991-جىلى شىلدە ايىندا بوكس  پاتشاسى ۆاشينگتوندىق قارا ءتاندى ارۋعا باسقىنشىلىق جاسايدى، كەلەسى جىلدىڭ اقپان ايىندا ونى 6 جىل  قاماق جازاسىنا ۇكىم ەتتى. بىرەۋگە جاردەم بەرۋدەن تاعى بىرەۋدى جابىرلەۋگە دەيىنگى ونىڭ بۇل ارەكەتتەرى سول شاقتاعى سپورت الەمىنىڭ كۇلكىسىنە قالادى. شىن مانىسىندە بۇل تايسونعا جابىلعان جالا دەۋگە دە بولادى، سەبەبى «ۆاشينگتون ارۋى» باسەكەسىنە ءتۇسىپ جاتقان تيسلي ەسىمدى بۇل قىز تايسونعا «كەت ارى» دەمەگەن   كورىنەدى ءارى تايسوننىڭ ماشيناسىنا وتىرىپ تۇرار جايىنا ءوز ەركىمەن   بارعانىن كورگەندەر بولعانىمەن، سوتقا ايعاقتىققا شىقپايدى. اقشالىنى قارپىپ قالاتىن مۇنداي «ارۋ ايلاسى» ءار زاماندادا تۋىلىپ كەلەدى عوي.

  تايسون تۇرمەگە كىرگەندە تۇرمەدەگىلەر ايعاي-شۋعا باسادى، ءبىراق بۇل ونى قارسى الۋ ەمەس، قايتا «ولتىرەمىز» دەگەن ۇران ەدى. ونسىزدا تۇرمەدە  ءىشى پىسىپ جاتقان قارا قولداردىڭ وكىلدەرى الەمدىك بوكس پاتشاسىن ءبىر شالىپ قالۋدى شىنىمەن كوكسەيدى. مۇنى ىشتەي سەزگەن تايسون دا تۇرمەدە تىنىش جۇرۋگە بەل بايلايدى دا، جۇدىرىق ماشىقتىرعاننىڭ ورنىنا  كىتاپ وقيدى، انە سول كەزدە ول ماۋ زىدۇڭ شىعارمالارىمەن تانىسادى ءارى وسى ءبىر ۇلى تۇلعانىڭ ءومىرى مەن ونەگەلى سوزدەرىنە شىنداپ قىزىعادى.

  قارا قولداردىڭ ىشىندە اتاعى شىققان جۇدىرىقشى جيم حاگەن دە تايسون جاتقان تۇرمەدە ەدى، «بۇعا بەرسەڭ سۇعا بەرەدى» دەگەندەي، ءدال سونىڭ قورلىعى تايسونعا قاتتى باتادى دا تايسون  ونىمەن سايىسۋعا بەل بايلايدى، وكىنەرلىگى تالاي ۋاقىتقى ماشىقتىڭ كەمشىلدىگىنەن، ونىڭ مايدانداعى  ەپتىلىگى الدەقايدا تومەندەگەن بولىپ شىعادى، سايىس بارىسىندا تايسوننىڭ باسى تەڭ بولادى، مۇرنى جانە ءۇش  قابىرعاسى سىنادى. سوڭىندا پراديسسورىنىڭ كومەگى ارقىلى تايسون  تۇرمەنىڭ جەكە بولمەسىندە جاتادى، اقشانىڭ ارقاسىندا وزگەلەردە وعان كوپ تيىسپەيتىن بولادى، تۇرمەدە ونىڭ دەنساۋلىعىنا قارايلاسقان سەسترانىڭ دا تايسونمەن بەلگىسىز بايلانىستارى بولعان دەسەدى، «ارينە، مەن وعان كوپ اقشا بەردىم» دەيدى بوكس پاتشاسى كەيىنگى ءبىر سۇحباتىندا.

  تايسون تۇرمەدەن ءتورت جىلدا  شىعادى، ءبىراق تۇرمەدەن شىققاننان كەيىنگى تايسوننىڭ تاعدىرى تايعاناقتاۋ بولادى. ارينە، باسى 95-جىلعى ەكى مايدان جەڭىسپەن باستالعان. 1996-جىلعا كەلگەندە، ول جۇرەگىنە وپەراتسيا جاساتقان حولليفەلدتەن جەڭىلىپ  قالادى، جۇرتتىڭ ءبارى مۇنى كەزدەيسوق دەپ قابىلداعان. دەگەنمەن كەلەسى جىلىندا حولليفەلدپەن قايتا كەزدەسەدى، بۇل جولى ونىڭ قۇلاعىنان تىستەپ الىپ، جارىس تولىمدىلىعىنان ايرىلادى. بۇعان دەيىن تايسوننىڭ اينالاسىنداعىلاردىڭ ءبارى تايسوندى-ىرعاسا تەڭگە توگىلەتىن تەرەك دەپ ساناپ كەلگەن، ودان تەك قالاي الۋدىڭ جولىن عانا  ويلايتىن، ونىڭ دا ەت جۇرەكتى پەندە ەكەنىن ۇمىتقان ەدى، بۇل جاعدايلار تايسوندى ەسىرتكى جانە باسقالاي    تىنىشتاندىرعىش دارىلەردى كوپ    تۇتىنۋىنا جەتەلەدى. كۇندەردىڭ بىرىندە تايسون قالتاسىندا تەسىك تەڭگە قالماعانىن بايقايدى، سوسىن پراديسسورىنا بارادى، ال پراديسسورى وعان تۇرمەدە قالاي كومەكتەسكەنىن، وعان قايتىپ ەكى جولبارىس اسىراپ بەرگەنىن، قانشا ءۇي الىپ بەرگەنىن بەش-كەش    قىلىپ، تايسوندى بوقتىقتىڭ استىنا الىپ كەڭسەسىنەن شىعارىپ جىبەرەدى. بۇل كەز جۇرتتىڭ تايسوننان  الدەقاشان سەنىمى كەتكەن شاق ەدى، حالىق تا ەشقاشان قاناعات بولعان با، ءسال كوزىنەن تاسا بولساڭ ۇمىتىپ كەتە بەرەدى. امالى قالماعان تايسون  پراديسسورىن سوتقا بەرەدى ءارى وعان 100 ميلليون دوللار تولەم تولەتۋدى جوسپارلايدى، ناتيجەسىندە 10 ميلليون دوللار وندىرەدى. دەگەنمەن، قارجىنى باسقارۋعا قاۋقارسىز بوكسشىنىڭ 2003-جىلعى ەكونوميكاسى قىزىل سيفر كورسەتەدى دە، ۇكىمەتتەن جاردەم وتىنەدى. وسىلايشا، نەشە جىلدىڭ الدىندا قۇنى 500 ميلليون تۇراتىن بوكسشى بىردەمدە تاقىر كەدەيگە اينالادى.

  2005-جىلى 40 ميلليون دوللارلىق قارىزىن قايتارۋ ءۇشىن تايسون يرلانديالىق مايك برايدپەن سايىسادى، ناتيجەسىندە وڭباي جەڭىلەدى. وسىدان سوڭ ول بوكس الاڭىمەن ماڭگىلىك قوشتاسادى. بۇدان كەيىنگى تايسوننىڭ ءومىرى بۇكىلدەي قۇلدىراۋعا بەت الادى. ءاسىلى، تايسون ناشارلاپ كەتتى دەگەن، 2002-جىلدىڭ وزىندە ونىڭ ساۋلەتتى داچاسى، ەرمەك ءۇشىن اسىراعان ەكى جولبارىسى بار-تۇعىن.

1996-2001 - جىل ارالىعىندا تايسوننىڭ ايەلى مەن بالالارىنا ۇسىنعان ساۋعاسىنىڭ ءوزى 2.5 ميلليونعا تۇراتىن. ال قازىر ول مۇلدە بوكس الاڭىنداعى بىرنەشە مينۋتى ءۇشىن 15 ميلليون دوللار  تاباتىن تايسون ەمەس ەدى. ارزان باعالى دۇكەندەرگە ءوزى بارىپ زات ساتىپ الاتىن، ءۇيىنىڭ قوقسىقتارىن ءوزى   توگەتىن حالگە دەيىن تۇسكەن.     كەيىنگى كەزدە ول الاڭدارعا جۇدىرىقشى ەمەس، جۇدىرىقشىلاردىڭ كومەكشىسى نەمەسە تورەشى بولىپ شىعىپ ءجۇردى. كەيدە اشىق الاڭداردا جۇرتپەن سۋرەتكە ءتۇسىپ اقشا تاباتىن ەدى، الەمدىك بوكس پاتشاسىمەن رەسىمگە تۇسكەنى ءۇشىن جۇرت تايسونعا 20 دوللار وتەسە بولعانى. مىنە وسىنداي مەزەتتە ونى ءالى دە تەڭگە توگىلەتىن تەرەك دەپ بىلگەندەر بار بولدى، ولار سارى فيلم وندىرەتىن سەرىكتىكتەر ەدى. تايسون بۇل جايلى ءبىر سۇحباتىندا: «ولار مەنى سونداي كينوعا شىنىمەن شاقىردى، مەن قوسىلۋعا شاق قالدىم، سەبەبى ماعان اقشا كەرەك ەدى» دەيدى.

    «التىن كەزدىك قاپ تۇبىندە جاتپايدى» دەيتىن بە ەدى، تايسون ءۇشىن قاراڭعىلىققا تولعان دۇنيەگە اقىرىن كۇن ساۋلەسى تۇسە باستادى. 2008-جىلعا جەتكەندە، رەجيسسور جامس تۋباك تايسوندى ىزدەپ تابادى، ماقساتى «تايسون» ەسىمدى دەرەكتى فيلمدەگى تايسوننىڭ رولىن سومداتۋ. تايسون بىردەن قوسىلادى، سەبەبى اقشا كەرەك. بۇل كينو بىتكەننەن كەيىن الەمدە ۇلكەن اڭىس قوزعايدى، تايسونعا 50 مىڭ دوللار اقى تيەدى، سوندا ول     اسەرلەنىپ: «مەن بۇعان دەيىن ءدال وسى فيلمدەگىدەي شوگەلدىك كورسەتكەن ەمەسپىن، ءبىراق قۋانىشتىمىن، بۇل توككەن تەرىمنىڭ جەمىسى، تىم ماردىمدى اقشا بولماعانىمەن، بالالارىما نارسە الىپ بەرۋىمە جارايدى، مەن اقىرى وزگەلەردەي قالىپتى تۇرمىس كورە الاتىن بولدىم» دەيدى. وسىلايشا، بورىلەر مەكەنىندە بالالىعىن وتكەرگەن، جۇمىس ءبىتىرۋ ءادىسى مەن قۇن كوزقاراسى مۇلدەم باسقاشا تايسوننىڭ ەندىگى ويلاۋ فورماسىنىڭ باعىتى    اۋىسادى، ۇنەمشىل بولۋدى ۇيرەنەدى، تاعدىرىندا دا بىرتىندەپ وزگەرىس   بولادى. دەرەكتى فيلمدەگى تايسوننىڭ رول سومداۋى ۇناعاندىقتان «ماستار  وتىرىسى» فيلمىن جاساۋشى حولليۆودتىقتار ونى گرۋپپاسىنا قوسىلۋعا شاقىرادى، وندا دا ول تايسوننىڭ (ءوزىنىڭ) رولىن سومدايدى ءارى بۇل فيلم 67-كەزەكتى «التىن دوپ» سيلىعىنىڭ كومەديا جانە مۋزىكا جانرىنان  بىرىنشىلىكتى جەڭىپ الادى. كوركەمونەر سالاسىنداعى جەتىستىگى    تايسوندى بارعان سايىن تابىسقا جەتەلەيدى، 2010-جىلعى   يتاليانىڭ ۇزدىك تەلە جوباسى «جۇلدىزبەن بيلەۋ» تايسوننىڭ قاتىناسۋىن وتىنەدى،   سونىمەن ول ايگىلى ءبيشى ەلەنامەن قوسىلىپ بيلەيدى، ناتيجەسىندە  5 باعالاۋشىنىڭ ۇشەۋى 10 نومەر، قالعان ەكەۋى 9 جانە 8 نومەر بەرەدى. بۇل   ارقىلى تايسوننىڭ بوكس، كينو عانا  ەمەس بيشىلىك قىرى دا كوپكە تانىلادى. 2012-جىلى «ماستار وتىرىسى 2» فيلمنە جالعاستى شاقىرتىلادى، اۋەلى كينو اياقتالاردا تايسون ءان ورىندايدى، ال بۇل جولى 200 مىڭ دوللار اقى   الادى. «كينوعا ءتۇسۋدىڭ الدىندا مەن تۇرمىسىم ەڭ تومەنگى شەككە تۇسكەن بولاتىن، ال قازىر ءار كۇنىم تارتىپپەن ءوتىپ جاتىر، كاسىبي اكتەر سەكىلدى» دەيدى تاعى ءبىر سۇحباتىندا.

  بوكستان شەگىنگەننەن كەيىنگى كۇندەردى مۇمكىن جاتتىقتىرۋشى بولار دەپ جۇرگەن تايسون مىنە وسىلايشا ەشكىم دە ويلاماعان اكتەرلىك كاسىبىنەن ءبىراق شىقتى. تاپقان  اقشاسى بۇرىنعىدان از، جاتقان ءۇيى بۇرىنعىداي ساۋلەتتى داچا بولماعانىمەن، تايسوننىڭ قازىرگى قاراپايىم  ءومىرى ءتىپتى دە باقىتتى، كوڭىلدى، بەرەكەلى سياقتى، وسى كۇندەرى ونىڭ جۇزىنە ۇنەمى كۇلكى ءۇيىرىلىپ   جۇرەدى. «اكەمىز ءبىزدىڭ ويىنشىق ءيتىمىز» دەپتى قىزى بىردە اكەسى جايلى سۇحبات  بەرىپ جاتىپ. كۇننەن كۇنگە بويجەتىپ كەلە جاتقان قىزدارىنا «جاۋىز»، «جەندەت»، «باسقىنشىلىق جاساۋشى»، ت.ب. سەكىلدى لاقاپ اتتارىن بارىنشا ەلەستەتپەي، تەك جاقسى جاعىنان ۇلگى بولۋدى قالايتىنىن تايسون: «اكە بولعان ەكەنسىڭ، جامان ادام بولۋعا حاقىڭ جوق» دەگەن سوزدەرىمەن بەينەلەيدى.

  جاقسى اكە، جاقسى كۇيەۋ بولۋدى ماقسات تۇتقان تايسوننىڭ قازىرگى ەرمەگى كەپتەر باعۋ جانە ارا-تۇرا ستاديونعا بارىپ جاس بوكسشىلاردىڭ جۇدىرىق سىلتەگەنىن باقىلاۋ. 2012-جىلى وڭتۇستىك افريكادا وتكەن كەپتەر جارىسىندا انگليانىڭ ايەل پاتشاسى  ەليزابەتا مەن     تايسوننىڭ كەپتەرىنىڭ سايىسى كوپكە  دەيىن اڭىز بولدى دەسەدى.

  قۇرمەتتى وقىرمان، مىناۋ عاجايىپ دۇنيەدە ادام باسىنا ءارقيلى باق قونادى، سونداي-اق جان توزگىسىز كەدەرگىلەر دە كەزدەسەدى. تاعدىر باسقا قونعان باقتى كوتەرە ءبىلۋدىڭ سالماعى مەن قيىنشىلىققا توزە بىلۋدىڭ سالماعىن بىردەي ەتىپ بەرەتىن سياقتى، ەكەۋى دە قيىن، ەكەۋى دە ادامدى الجاستىرىپ، بۇرىس جولعا جەتەلەيدى.

«ءتاڭىرتاۋ تورابىنان»




 
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.



 
powered by IlgharCMS 3.2 www.ilghar.cn