ەەڭ جاڭا مازمۇندار
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
كۇزگى تەڭەلۋ كەزىندە جەر -جەر مول ءونىم الۋدىڭ قاربالاستىعىنا ءتۇستى
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى
ۇلگىلەردىڭ كۇش -قۋاتىن سەزىنىپ، ءداۋىردىڭ اتويشىسى بولۋعا قۇلشىنامىز
ەسىك اشۋ ورايىنان بىرگە يگىلىكتەنىپ، كوركەم بولاشاقتى بىرگە جاراتايىق
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
ەرەكشەلىككە، باسىمدىققا يە كاسىپ سالالارى شوعىرىن جوعارى ولشەممەن، جوعارى ساپامەن جەتىلدىرۋگە، زورايتۋعا تاباندى بولۋ كەرەك
قول قويىلعان سوما ءبىر تريلليون يۋاننان استى، كوپتەگەن ەڭ جوعارى ورە جاراتىلدى
جىبەك جولى رۋحىن اسقاقتاتىپ، ازيا مەن ەۆروپانىڭ سەلبەستىگىن تەرەڭدەتەمىز
رەفورمانىڭ تابىستى تاجىريبەلەرىن مۇقيات قورىتىندىلاپ، پايدالانىپ، ارميانى رەفورما ارقىلى قۇدىرەتتەندىرۋدىڭ جاڭا جاعدايىن قۇلشىنا اشۋ كەرەك
باس شۋجي شي جينپيڭنىڭ ماڭىزدى ءسوزىنىڭ، ماڭىزدى بەكىتۋىنىڭ رۋحىن جەتكىزدى، دايەكتىلەندىردى
2022-جىلى 9-ايدىڭ 26- كۇنى 214-سان
2022-جىلى 9-ايدىڭ 24- كۇنى 213-سان
2022-جىلى 9-ايدىڭ 23- كۇنى 212-سان
تارباعاتايدىڭ ەرەكشە ونىمدەرىن تانىستىرىپ، باۋراۋ قۋاتىن ايگىلەدى
شي جينپيڭ 7 - كەزەكتى جۇڭگو − ازيا - ەۆروپا كورمەسىنە قۇتتىقتاۋ حات جولدادى
​7 - كەزەكتى جۇڭگو − ازيا - ەۆروپا كورمەسى اشىلدى
ءبىر نيەتپەن سەلبەسىپ، جىبەك جولىنىڭ تىڭ شۇعىلاسىن جازايىق
جىبەك جولى رۋحىن اسقاقتاتىپ، قول ۇستاسىپ، بولاشاقتا تەڭ يگىلىككە كەنەلەمىز
ەسىك اشىپ، سەلبەسىپ، بولاشاققا اتتانايىق
2022-جىلى 9-ايدىڭ 22- كۇنى 211-سان
ايماقتىق اكىمشىلىك مەكەمەسى شانشي يانچاڭ مۇناي توبىمەن، شينجياڭ تيانيە توبىمەن سەلبەستىك جۇلگەلىك كەلىسىمىنە قول قويىستى
ايماعىمىزدىڭ ۋاكىلدەر ۇيىرمەسى از ۇلتتاردىڭ اۆتونوميالى رايوندىق 10 -كەزەكتى ءداستۇرلى سپورت جارىسىندا سۇبەلى تابىسقا قول جەتكىزدى
قىزمەت ورنىن تياناق ەتىپ، كورىكتى تارباعاتايدى بىرگە قۇرامىز

ۇلاعاتتى ۇستاز،مەيىربان انا

جولدانعان ۋاقىتى : 2015/2/2 12:08:19

  كابيرا بيداقىمەت قىزى

  ادام بالاسىنىڭ قوعامعا سۇيىسپەنشىلىك ارناپ، ۇلەس قوسىپ، وزگەلەر ءۇشىن يگى ءىس ىستەپ، حالىق قۇرمەتىنە بولەنۋىنەن ارتىق باقىت تا، قۋانىش تا بولماسا كەرەك. ءدال وسىنداي ىزگى جانداردىڭ ءبىرى بولعان ۇلاعاتتى ۇستاز، مەيىربان انا، گازەت-جۋرنال، راديو-تەلەۆيزيا سىندى احپارات ارنالارىنىڭ ىقىلاستى وقىرمانى، پەيىلدى تىڭدارمان، كۇيىمشەڭ كورەرمەنى بولعان باقىتقان اپايىمىزدىڭ ۇرپاق تاربيەسىندەگى ەسەلى ەڭبەكتەرىن، قوعامعا قوسىپ جاتقان ۇلەستەرىن، ماقتانىشتى سەزىممەن تىلگە تيەك ەتۋدى ءجون كوردىم. 1940-جىلى قاڭتاردا گۇل قالا شاۋەشەكتە ءومىر ەسىگىن اشقان باقىتقان جاميقان قىزى 1957-جىلى ايماقتىق وقۋ-اعارتۋ مەكەمەسىنىڭ ءبولىسى بويىنشا شيحۋ اۋدانىنداعى 1-ورتا مەكتەپكە كەلىپ ۇستازدىق ءومىرىن باستايدى. قۋانىشى مەن جاپاسى مول ۇلاعاتتى ۇستازدىق كاسىبىندە 35 جىل ماڭداي تەرىن توگىپ، سان ۇرپاقتىڭ ساناسىنا ءبىلىمنىڭ شىراعىن جاعىپ، عىلىمنىڭ تاعانىن قالاپ، پارتيا، وتان، حالىققا دەگەن ىستىق ماحابباتىمەن جاس ۇرپاققا بارىن ارنادى. ۇرپاقتار ءۇشىن وشپەس ەڭبەك سىڭىرگەن حالقىنىڭ قادىرمەندى ۇستازى جانە دە مەيىربان انا ەكەندىگى مۇنداعى جۇرتقا ءمالىم. باقىتقان اپاي 1957-جىلدان 1965-جىلعا دەيىن شيحۋ قالالىق 1-ورتا مەكتەپتە كلاس جەتەكشىسى، ماتەماتيكا وقىتۋشىسى بولۋمەن قاتار، وقىتۋ گرۋپپاسىنىڭ باستىعىندىق مىندەتىن جانە جۇمىسشىلار ۇيىمىنىڭ ءتوراعاسىندىق داڭقتى قىزمەتتەر اتقارعان. 1965-جىلى شيحۋ قالاسى باسحۋ اۋىلدىق مەكتەپكە اۋىسىپ بارىپ، ول جەردە ون جىل ىستەگەن. وسى بارىستا كلاس جەتەكشىسى، وقىتۋ گرۋپپاسىنىڭ باستىعى سىندى قىزمەتتەرمەن قوسا، زيالى قاۋىمدى ءوزى باستاپ مەكتەپتەگى جاس وقىتۋشىلاردىڭ ءبىلىمىن تولىقتىرۋعا ات سالىسىپ ىزدەنىس جاساۋىن ۇزدىكسىز جالعاستىرعان. ول كىسى وزىنە ساياسي، ءمورالدىق، كاسىپتىك جاقتاردان قاتاڭ تالاپ قويسا، كاسىپتىك ورەسىن جوعارىلاتۋ ءۇشىن دە تالىققان ەمەس-تى. 1957-جىلى ايماقتىق ورتا دارەجەلى فيزيكا-حيميا كۋرسىنا 3 اي قاتىناسىپ، ۇزدىك ناتيجەمەن تامامداپ، 1959-جىلى شينجياڭ پەداگوگيكا ينستيتۋتىنىڭ فيزيكا فاكۋلتەتىنەن ءبىلىم اسىرىپ، سوڭىنان شينجياڭ ۋنيۆەرسيتەتىنىڭ قىسقا مەرزىمدىك ءبىلىم تولىقتىرۋ كۋرسىنا قاتىناسقان. سونىمەن 1975-جىلدىڭ اياعىندا وقۋ-اعارتۋ مەكەمەسىنىڭ قىزمەت تالابىنا ساي قالالىق باستاۋىش مەكتەپكە جوتكەلىپ بارعان. قايدا بارسادا قايىرىمدى جۇمىسقا بەرىلە كىرىسەتىن ول مۇندا دا كلاس جەتەكشىسى، ماتەماتيكا وقىتۋ گرۋپپاسىنىڭ باستىعى، قوسىمشا جۇمىسشىلار ۇيىمىنىڭ ءتوراعالىق مىندەتتەرىن ۇستىنە   الىپ، تاباندىلىق پەن ىسكەرلىك، دارا ەرەكشەلىگىمەن ۇيىمنىڭ جاقسى باعاسىنا يە بولعان. 1981-جىلى قالالىق 3-ورتا مەكتەپتىڭ شاڭىراعىن كوتەرىپ، ۋىعىن شانشىسقان ۇلاعاتتى ۇستازدارىمىزدىڭ ءبىرى. 11 جىل عىلمي مۇدىرلىك مىندەتىن ۇستىنە الىپ، كلاس جەتەكشىلىك قىزمەتىن قوسا اتقارىپ، ءار ءتۇرلى قوعامدىق ارەكەتتەرگە باسشىلىق  ەتىپ، قارا شاشىن اعارتىپ، كوز مايىن تاۋىسىپ، وقۋ-اعارتۋ شەبىندەگى ۇستازدىق ءومىرىن اياقتاتىپ شىققانعا دەيىن 12 رەت مەكتەپ، اۋدان، ايماق كولەمىندە «وزات وقىتۋشى» بولعان. قالا كولەمىندەگى «8-مارت قىزىلتۋشىسى»، «ەڭبەك وزاتى»، «قادىرمەندى ۇستاز» سياقتى ماراپاتتار ءبىر توبە.

ول بوس ۋاقىتتارىندا كىتاپ وقىپ، ماتەريال كورىپ كوز اياسىن ۇزدىكسىز كەڭەيتىپ، ءبىلىمىن تولىقتىرىپ وتىرۋدى ادەتىنە اينالدىرىپ قالماستان، وسى بارىستا ۇرپاقتاردىڭ كىتاپ وقۋعا دەگەن قىزعىندىلىعىن ارتتىرىپ، وقۋشىلاردىڭ مادەني تۇرمىسىن بايىتا    ءتۇسۋدى دە ءتۇيىندى ۇستاعان. 3-ورتا مەكتەپ كىتاپحاناسىنا 35 كىتاپتى تەگىن بەرسە، كەيىن جانە دە 20 دانا كىتاپ ۇسىنعان. ۇرپاق قامى ءۇشىن ءبىر ءومىر ەڭبەكتەنگەن قارت ۇستازىمىز 1992-جىلى داڭقپەن دەمالىسقا شىققاننان كەيىن دە مەكتەپتىڭ ءتۇرلى قىزمەتىنە جاقىننان جاردەمىن اياعان ەمەس. باقىتقان مۇعالىم گازەت-جۋرنالداردان وقىعان-بىلگەن، تەلەۆيزوردان كورگەندەرىن ومىردەن تۇيگەندەرىمەن سايكەستىرە ءاردايىم ۇرپاقتارعا اقىلىن ايتىپ، اۋىلداستارىنىڭ قۇرمەتىنە  بولەنۋدە. 2007-جىلدان باستاپ شيحۋ قالاسىنداعى ەرىكتى ۇيىمداسقان   مەيىربان انالار ۇيىمىنا مۇشە بولىپ، قامقورلىققا مۇقتاج جانداردىڭ جاقىنى بولىپ كەلەدى. ايتالىق، قالالىق 3-ورتا مەكتەپتىڭ 2014-، 2015-جىلعى وقۋ باستاۋ سالتىندا تۇرمىسىندا قيىنشىلىعى بار وقۋشىلارعا مىڭ يۋان جىلۋ اتاپ، ولاردىڭ الاڭسىز وقۋىنا ءوزىنىڭ ۇستازدىق مەيىرىن  باعىشتاسا، وتكەن جىلى قۇرىلعان «ەكپىن دەنە تاربيە كومانداسىنا» دا مىڭ يۋان جىلۋ اتاعان قادىرلى ۇستاز، مەيىربان انا باقىتقان اپاي بۇلاي ىستەۋىن وزگەگە كومەگىم، كەيىنگە ونەگەم دەپ ءبىلىپ، اسا ءبىر كىشى پەيىلدىكپەن: «جاستارعا ايتار ونەگەم مەن قيىنشىلىعى بارلارعا كۇيىمنىڭ كەلىسىنشە قارايلاسۋدى ءومىرىمنىڭ سوڭىنا دەيىن جالعاستىرارمىن. بۇل ۇستاز بولعان مەنىڭ ىستەۋگە  ءتيىستى جۇمىسىم، ازدا بولسا قوعامعا قوسقان ۇلەسىم» دەپ وتىرادى.

  ءيا، ءسوز سوڭىندا ۇلاعاتتى ۇستاز، مەيىربان انامىزعا ۇزاق عۇمىر، مىقتى دەنساۋلىق تىلەيمىز. وسىنداي ونەگەلى ىزگى ىستەرىڭىز قاشاندا ەل جۇرەگىندە، حالىقتىڭ القاۋىندا جۇرەدى.




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn