ۇلى بريتانياداعى ەڭ ۇزاق جاساعان قاريا ەزەل.لاڭ 15-قاڭتاردا 114 جاسىندا قايتىس بولدى. ول ومىرىندە ۇلى بريتانيانىڭ 6 مەملەكەت پاتشاسى مەن 22 باس ءۋازىردىڭ بيلىك جۇرگىزگەنىن باسىنان كەشىرىپ، ەكى رەتكى دۇنيە جۇزىلىك سوعىستى باسىنان وتكىزگەن.
بارنسلەي قارتتاردى كۇتىمدەۋ ورنىنداعى ءبىر مالىمدەمەشى 16-قاڭتاردا ەزەل.لاڭنىڭ قايتىس بولعان حابارىن جاريالادى.
ەزەل. لاڭ 1900-جىلى 27-مامىردا دۇنيەگە كەلگەن. ول كەزدە ۆيكتوريا ايەل پاتشا بولىپ، اتى ايگىلى ساليسبۋري باس ءۋازىر بولاتىن.
2013-جىلى قاراشادا سول كەزدەگى ۇلى بريتانياداعى ەڭ ۇزاق جاساعان قاريا گراس. جونس 113 جاسىندا قايتىس بولعاننان كەيىن ەزەل.لاڭ ۇلى بريتانياداعى ەڭ ۇزاق جاساعان قاريا، سونداي-اق ۆيكتوريا داۋىرىندە تۋىلعان ەڭ سوڭعى ءبىر ۇلى بريتانيالىققا اينالعان.
ەزەل.لاڭ انگليانىڭ ورتا بولەگىندەگى قالا بارنسلەيدىڭ ماڭىنداعى ءبىر شاعىن قالاشىقتا تۋىلعان ءارى ءومىرىنىڭ كوبى سول قالاشىقتا ءوتىپ، 2005-جىلى بارنسلەيدەگى قارتتاردى كۇتىمدەۋ ورنىنا كىرگەن.
ەزەل.لاڭ 13 جاسىندا وقۋىن تاستاپ، ءبىر كيىم فابريكاسىندا قىزمەت ىستەپ، ۇزدىك كيىم تىگۋشىگە اينالعان. 1922-جىلى 22 جاسىندا ول ءبىر قۇبىر جۇمىسشىسى ۋيلليام.لاڭعا تۇرمىسقا شىعادى ءارى كەلەسى جىلى مارگارەت ەسىمدى قىزىن بوسانادى. ونىڭ كۇيەۋى ۋيلليام.لاڭ 1988-جىلى 93 جاسىندا دۇنيەدەن وتەدى.
ەزەل.لاڭ كوزى تىرىسىندە ءبي بيلەۋدى ۇناتاتىن، ونىڭ ۇستىنە سىنوك اۋەسكەرى ەدى. ونىڭ ەڭ جاقسى كورەتىن سنوك شەبەرى ۇلى بريتانيالىق كاسىپتىك سپورتشى جيممي.ۆەت بولاتىن.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.