ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

وتباسىن اسىراعان بالا

جولدانعان ۋاقىتى : 2015/2/2 10:50:09

لەسلي حورد   (انگليا)

  اكە-شەشەسى ون ءتورت جاسار ۇل بالانىڭ العاشقى  اپتاداعى جۇمىس ىستەپ تاپقان اقشاسىن الىپ كەلۋىن توسىپ وتىر.

  شەشەسى ۇستەلگە ىدىس-اياقتاردى قويىپ، قارا بولكا تۋرادى. ونىڭ ءوڭى جۇدەۋ ەدى. كوك ءتۇستى ۇزىن كويلەك كيگەن، كويلەگىنىڭ الدىنان جۋىلا-جۋىلا ءوڭى تۇسكەن شالعىش بايلاپتى. ونىڭ وڭىنەن ابدەن قالجىراعانى مەنمۇندالاپ، «اھ» ۇرىپ، كۇرسىنە بەرەدى.

  بالانىڭ اكەسى ۇزىن بويلى ەمەس ەدى. ول ەكى اياعىن سوزىپ، مەشتىڭ قاسىنا قويىلعان ارقالى ورىندىقتا شالقالاپ وتىر. ءىشى پىسىپ تۇرعانداي، ءتىلىنىڭ ۇشىمەن سالاقتاعان قويۋ مۇرتىن جالاي بەرەدى.
 
  بۇل وتباسى ءسىڭىرى شىققان كەدەي ەدى. ايەل ءۇيدى تاپ-تۇيناقتاي تازا ۇستاعانىمەن، ءۇي ءىشى وتە جۇپىنى، ۇستەلدەگى اس بار بولعانى تۋرالعان قارا بولكا عانا.

  ايەل اس ازىرلەي ءجۇرىپ، كوزىنىڭ قىرىمەن بويكۇيەزدەنىپ جاتقان كۇيەۋىنە قاراپ قويدى. ءبىراق، كۇيەۋىنىڭ  ونىمەن جۇمىسى بولعان جوق. بىرەسە قاس-قاباعى جادىراپ، باسىن ىرعاقتاتىپ، ىڭىرسىپ اندەتسە، ەندى بىردە تىرناعىنىڭ استى قاپ-قارا كىرمەن نىعالعان ساۋساقتارىمەن قاسقا تىستەرىن قاققىلاپ، الدەنەگە اسىعىپ دەگبىرى قاشىپ  وتىر.

  -بالانىڭ اكەلگەن اقشاسىنا تيسۋىڭە جول بەرە المايمىن،- دەدى ايەل بۇرىن دا كوپ ايتقان ءسوزىن قايتالاپ،- سەنىڭ اقشانى العانسوڭ قايدا جۇمسايتىنىڭدى ابدەن بىلەمىن. بالامىز اكەلگەن اقشانى مەن الامىن. مەن ول اقشامەن ءۇيدىڭ ماي اقىسىن تولەيمىن، ازىق-تۇلىك الامىن. سەنىڭ ول اقشانى قاباقحاناعا بارىپ، اراققا جۇمساۋىڭا جول بەرە المايمىن.

  -جاپ اۋزىڭدى!-دەدى كۇيەۋى.

  -جاپپايمىن. وسى جولى ايتقانىم ايتقان!-دەدى ايەل وت الىپ، قوپاعا ءتۇسىپ،-نە ءۇشىن ىلعي دا مەن اۋزىمدى جابۋىم كەرەك؟ ءبىزدىڭ بۇل ۇيىمىزدە سەنىڭ ايتقانىڭ  ەسەپ بولعان كۇن از بولدى ما؟

  سەن اقشا تاپقان كەزدە مەن شىداپ كەلدىم. ەندى سابىرىم سارقىلدى. كەيپىڭە ءبىر قاراساڭشى، وتىز نەشە جاستاعى تەپسە تەمىر ۇزەتىن الپامساداي ازاماتسىڭ. اراق ءىشىپ، قۇمار ويناعاننان وزگە ۋاقىتتا قيراعان ارباداي جايىلىپ جاتقانىڭ جاتقان. ساعان سۇيەنىپ كۇن كورەمىز بە؟ قيت ەتسە بەتالدى سويلەيسىڭ. مىنا وتباسى  ءۇشىن نە ىستەدىڭ؟ بالامىزدىڭ اقشاسىن مىندەتتى تۇردە مەن الامىن.
-وندا كورەيىك قانە!- دەدى ەركەك وشاقتاعى وتتى كوسەپ جاتىپ.

  بەس مينۋتتاي ەكەۋى دە ءۇنسىز قالدى.

  سالدەن سوڭ بالاسى كىرىپ كەلدى. بالا كورەر كوزگە تىرتيعان ارىق ءارى شاكەنە ەدى. لايىقسىز، ۇلكەن سىم كيگەن. ونىسى سىرت كوزگە تىم كۇلكىلى ەدى. ول مەشتىڭ قاسىنداعى ارقالى     ورىندىقتا شالقاسىنان شالجيىپ وتىرعان اكەسىن كورىپ، جۇزىنەن توتەنشە قورىققاندىعى ءبىلىنىپ تۇردى.

  اكەسى ورنىنان تۇردى:

  -اقشا قايدا؟

  بالا اكەسىنە ءبىر، شەشەسىنە ءبىر جاپاقتاپ قاراپ  الدى. ول اكەسىنەن قاتتى   يمەنەتىن ەدى. سويلەۋگە   باتىلى بارماي، تىلىمەن قان- ءسولى جوق ەرنىن قايتا- قايتا جالاي بەردى.

  -ايتساڭشى، ەي، اقشا قايدا؟-دەپ اقىردى اكەسى.

  -اقشانى اكەڭە بەرمە،- دەدى شەشەسى،-اقشانى وعان بەرمە، بەيل، ماعان بەر.

  اكەسى ادىمداي باسىپ،  بالاعا جاقىنداپ كەلدى. ول  اكىرەڭدەي سويلەگەندە مۇرتىنىڭ استىنان تىستەرى كورىنىپ تۇردى.

  -اقشا قايدا دەيمىن؟

  بالا اكەسىنىڭ كوزىنە قادالا قارادى:

  -جوعالتىپ الدىم.

  -نە دەپ تۇرسىڭ؟ سەن...-اكەسى ءۇيدى باسىنا كوشىرىپ ايعايلاپ جىبەردى.

  -مەن اقشامدى جوعالتىپ الدىم،-دەدى بالا ءسوزىن تاعى قايتالاپ.

  ەركەك قولىن ەربەڭدەتىپ سۇرەن سالدى:

  -جوعالتىپ الدىم دەيدى. نە دەپ تۇرسىڭ سەن؟ اقشانى جوعالتىپ العانىڭ قايتكەنىڭ؟

  -مەن اقشانى ءبىر كىشكەنە كونۆەرتكە سالىپ العان ەدىم. كونۆەرتتى جوعالتىپ الدىم.

  -قايدا جوعالتتىڭ؟

  -بىلمەيمىن. بالكىم،  كوشەگە ءتۇسىپ قالعان بولۋى كەرەك.

  -ىزدەدىڭ بە؟

  بالا باسىن يزەدى:

  -ءبىراق تابا المادىم.

  اكەسىنىڭ تاماعىنان حايۋاننىڭ ۇلىعانىنداي ءبىر ءتۇرلى دىبىس شىعىپ كەتتى.

  -مۇنداي بولعاندا سەن  اقشانى، شىنىندا، جوعالتقان بولدىڭ عوي؟-دەپ تاقىمداي سۇرادى ەركەك. سوسىن ارتىنا ەكى ادىم شەگىنىپ بارىپ، بەلىندەگى بەلبەۋىن سۋىرىپ الدى. ونىڭ بەلبەۋى باسىنا مىس ايىلباس بەكىتىلگەن قالىڭ قايىس بەلباۋ بولاتىن. ول بالاسىنا:

  -بەرى كەل،-دەدى.

  بالا استىڭعى ەرنىن تىستەپ، كوزىنەن جاس شىعارماۋعا تىرىستى. اقىرىن ءجۇرىپ اكەسىنىڭ الدىنا باردى. اكەسى بالاسىن ۇرۋعا بەيىمدەلە بەردى. وسىنىڭ الدىندا بالانىڭ شەشەسى ورنىندا قىبىر ەتپەي تۇرعان ەدى. ءدال وسى كەزدە، ول جىلدام جۇگىرىپ كەلىپ، كۇيەۋىنىڭ قولىنا جارماسا كەتتى. ەركەك اشۋمەن ايەلىن ءبىر جاققا يتەرىپ جىبەردى دە قالىڭ قايىس بەلبەۋمەن بالاسىنىڭ ارقاسىنان، اياعىنان شىقپىرتتى-اي كەلىپ. بالا جەرگە قۇلاپ تۇسسە دە «قىڭق» ەتىپ دىبىس شىعارمادى.

  اكەسى ۇرا- ۇرا شارشادى دا بەلباۋىن بەلىنە تاعىپ، بالانى جەردەن جۇلقىپ تۇرعىزدى:

  -بارىپ ۇيىقتا!

  -ول تاماق جەگەن جوق،-دەدى شەشەسى.

  -ول ۇيىقتاسىن. بار، ءوزىڭ بارىپ جۋىن،-دەدى  اكەسى.

  بالا «ءلام» دەپ ءتىل قاتپاعان كۇيى بارىپ، بەتى-قولىن جۋدى دا ۇستىڭگى قاباتقا شىعىپ كەتتى.

 ەركەك اس ۇستەلىندە   وتىرىپ بىرنەشە جاپىراق بولكا جەپ، ەكى شىنى شاي ءىشتى. ايەل اۋزىنا ءتۇيىر ءدان سالمادى. كۇيەۋىن جەپ جىبەرەردەي ەكى كوزىمەن اتا قاراپ وتىردى. كۇيەۋى بۇرىنعىسىنداي وعان كوز قىرىن سالعان جوق. قاسىندا قۇددى ەشكىم جوق ءتارىزدى كاپەرسىز ءىشىپ-جەپ وتىر.

  جەرىن جەپ، ىشەرىن ىشكەن ەركەك ورنىنان تۇردى دا سىرتقا شىعىپ كەتتى.

  ول ەسىكتى جابىسىمەن، ايەل جىلدام باسىپ، ۇستىڭگى قاباتتاعى ۇلىنىڭ جاتىن بولمەسىنە شىقتى.

  بالا بەتىن جاستىققا قويىپ الىپ، ازاپتانا جىلاپ جاتىر  ەكەن. شەشەسى قولىمەن   ۇلىنىڭ باسىنان سيپاپ، جىلى سوزدەرىمەن جۇباتتى. بالا اناسىنىڭ ايالى الاقانى مەن جىلى سوزدەرىنەن جۇبانىش تاپتى.

  سالدەن سوڭ ول جىلاۋىن توقتاتتى. باسىن كوتەرىپ،  اناسىنا كۇلىمسىرەي قارادى. ونىڭ جاسقا شىلانعان كوزدەرى نۇرلانىپ كەتتى. قولىن جاستىقتىڭ استىنا تىعىپ جىبەرىپ، كىر-كىر كىشكەنە ءبىر كونۆەرتتى الىپ شىقتى.

  -شەشە، مىنە، اقشا مۇندا،-دەدى سىبىرلاي سويلەپ.

  اناسى كونۆەرتتى قولىنا  الىپ، ىشىنەن بەتىندە ادامنىڭ سۋرەتى، سيفرلارى بار قاعاز اقشانى الىپ شىقتى.



اۋدارعان-قانات جۇماش ۇلى
powered by IlgharCMS 3.2 www.ilghar.cn