ۇسىنىس ەتىلگەن ءتىلشى سۋ گاڭۋي
جۋىقتا ساۋان اۋدانىنىڭ ساقشىلارى ون مىڭ كيلومەتردەن ارتىق جول باسىپ، گۋاڭجوۋ، گۋاڭشي، حۋنان سياقتى بەس ولكە، قالاعا بارىپ، 40 نەشە كۇن تەكسەرۋ جۇرگىزۋ ارقىلى ءبىر رەتكى ءىرى توراپ الدامكوستىگى دەلوسىن تەكسەرىپ انىقتاپ، ءبىر الدامشىلىق ىستەۋ توبىن تالقانداپ، 2 قىلمىس كۇماندىسىن تۇتقىنداپ، كاسىپورىننان الداپ اكەتكەن 300 مىڭ يۋاندى قايتارىپ اكەلدى.
2014-جىلى 7-قاراشا ساعات 10 نان 7 مينۋت وتكەندە ساۋان اۋدانىنداعى ءمالىم كاسىپورىننىڭ قازىنا بۇعالتىرى جاڭ xx ءوزىنىڭ قىزمەتكە پايدالاناتىن كوكەك نومىرىنەن مەكەمەدەگى قازىنا ديرەكتورى ليۋ xx تىڭ ودان قارىز قايتارۋ ءۇشىن توراپ ارقىلى وزگە ءبىر بانكە ەسەپ ءنومىرىنە 300 مىڭ يۋان اقشا جوتكەۋدى تالاپ ەتكەندىگى جونىندەگى نۇسقاۋىن كورەدى.
بۇل تۇردەگى ەسەپ جوتكەۋ جۇمىسى ۇنەمى بولىپ تۇراتىندىقتان، جاڭ xx كۇندەگى ادەتى بويىنشا اقشانى وتكەرمەلەي سالادى. ىلە-شالا جاڭ xx تەلەفون سوعىپ، ليۋ xx كە جاعدايدى مالىمدەگەندە بارىپ، الدانىپ قالعاندىعىن بىلەدى، سونىمەن دەرەۋ ساۋان اۋداندىق قوعام حاۋىپسىزدىگى مەكەمەسىنە دەلو مالىمدەيدى.
دەلو جاعدايىنان حاباردار بولعاننان كەيىن ساۋان اۋداندىق قوعام حاۋىپسىزدىگى مەكەمەسى دەرەۋ قىلمىستىق ىستەر ۇلكەن اترەتى مەن توراپ حاۋىپسىزدىگى ۇلكەن اترەتى سياقتى تاراۋلارداعى تاجىريبەلى ساقشىلاردى تاڭداپ « 7-قاراشا » ارناۋلى دەلو تەكسەرۋ گرۋپپاسىن ۇيىمداستىرىپ، دەلو تەكسەرۋگە كىرىسەدى.
9-قاراشادا ارناۋلى دەلو تەكسەرۋ گرۋپپاسىنداعى ساقشىلار ليۋ xx تىڭ ۇرلانعان كوكەك نومىرىنە شىققان ورىن گۋاڭشيدىڭ ناننيڭ قالاسىنداعى ءمالىم ءبىر جەر بولىپ، الداپ اكەتكەن 300 مىڭ يۋاننىڭ حۋنان ولكەسىنىڭ يياڭ قالاسى، گۋاڭدۇڭ ولكەسىنىڭ دۇڭگۋان قالاسى، گۋاڭجوۋ قالاسى جانە گۋاڭشيدىڭ بينياڭ اۋدانىنداعى اۆتوماتتى اقشا شىعارۋ ماشيناسىنان شىعارىلعاندىعىن تەكسەرىپ انىقتايدى.
19-جەلتوقساندا ارناۋلى دەلو تەكسەرۋ گرۋپپاسى گۋاڭشيدىڭ ناننيڭ قالاسى مەن بيڭياڭ اۋدانىنداعى ساقشىلاردىڭ سايكەسۋىندە ليۋ xx تىڭ ۇرلانعان كوكەك نومىرىنە قاتىستى جۇزگە جۋىق نومىرگە تەكسەرۋ جۇرگىزۋ ارقىلى قىلمىس كۇماندىسىنىڭ گۋاڭجوۋ قالاسى مەن دۇڭگۋان قالاسىندا جاسىرىنعاندىعىن بايقايدى.
2015-جىلى 3-قاڭتار ساعات 21 دە تالاي ۋاقىت سوڭىنا ءتۇسىپ تەكسەرۋ جۇرگىزۋدىڭ ناتيجەسىندە ارناۋلى دەلو تەكسەرۋ گرۋپپاسىنداعى ساقشىلار دۇڭگۋان قالاسىنداعى ساقشىلارمەن سەلبەسىپ، دۇڭگۋان قالاسىنىڭ حۋمىن قالاشىعىنداعى ءبىر مايعا الىنعان ۇيدەن 2 قىلمىس كۇماندىسىن بىردەي قولعا تۇسىرەدى ءارى ناق مايداننان توراپ الدامشىلىعىن جۇرگىزۋگە قاجەتتى جابدىقتاردى ءمۇسادىرالايدى.
7-قاڭتاردا ەكى قىلمىس كۇماندىسىن شينجياڭعا الىپ كەلەدى. تەكسەرۋ ارقىلى قىلمىس كۇماندىسىنىڭ اعالى-ءىنىلى بولىپ، گۋاڭشيدىڭ بينياڭ اۋدانىنىڭ ادامى ەكەندىگى انىقتالادى. 2014-جىلى قاراشانىڭ باسىندا ولار كومپيۋتەر ۆيرۋسى ارقىلى ليۋ xx تىڭ كوكەك ءنومىرىن ۇرلاپ الىپ، الدامشىلىق ىستەگەن ەكەن.
كەزەكتە دەلوعا قاتىستى 300 مىڭ يۋان اقشا تولىعىمەن قايتارىلىپ الىنىپ، دەلو ىشكەرىلەي تەكسەرىلۋ ۇستىندە.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.