ەرىكتى ءتىلشى تاۋ جياڭحۋا حابارلايدى. قازىر ەگىس داقىلدارىن باپتاۋ - باسقارۋدىڭ قاربالاس مەزگىلى.ءدوربىلجىن اۋدانى شاڭحۋ قالاشىعىنداعى 50 مىڭ مۋدان استام دۇمبە ءبيداي مەن جازدىق ءبيدايعا وسى قالاشىقتاعى چۋاڭشى-نۇڭحۋا كاسىپتىك قىزمەت وتەۋ اترەتى ءبىر تۇتاس وسىمدىك قورعاۋ جۇمىسىن ورىستەتىپ، شارۋالاردىڭ اقشاسىن ۇنەمدەپ بەرۋمەن بىرگە، كوڭىلدەرىن دە ورنىقتىردى.
ءدوربىلجىن اۋدانى شاڭحۋ قالاشىعى چۋاڭشى-نۇڭحۋا كاسىپتىك قىزمەت وتەۋ اترەتى (تومەندە قىزمەت وتەۋ اترەتى دەپ قىسقارتىلىپ الىندى) ۇشقىش اپپارات مەڭگەرۋشىلەرى مەن اۋىل شارۋاشىلىعى” جەرگىلىكتى ماماندارىنان“ قۇرالعان، ءبيداي، جۇگەرى سياقتى ەگىس داقىلدارىنىڭ تۇتاس بارىستىق باپتاۋ -باسقارۋى جاعىنان قىزمەت وتەيدى.
شاڭحۋ قالاشىعى كوربۇلاق 4 ـ قىستاعىنىڭ تۇرعىنى ديڭ ليحۋا: ” بيىل 40 مۋ جەرگە دۇمبە ەكتىم، قىزمەت وتەۋ اترەتىنىڭ ۇشقىش اپپاراتىمەن ءدارى شاشتىردىم. بۇرىن ءدارى شاشقاندا تراكتورعا ءدارى شاشۋ ماشيناسىن تىركەپ الىپ شاشاتىنبىز، ءبيداي تاپتالىپ، ءونىمى تومەندەپ كەتەتىن ەدى. قىزمەت وتەۋ اترەتىنىڭ ءدارى شاشۋ ساپاسى جاقسى ءارى ارزان، بۇرىن ءبىر مۋ جەرگە جاپىراقتان تىڭايتقىش بەرۋ اقىسى 7 يۋان ەدى، قازىر تەك 4 يۋان عانا، ءبيداي دا تاپتالمايتىن بولدى“دەدى.
قىزمەت وتەۋ اترەتى چۋاڭشى - نۇڭحۋا كاسىپتىك سەلبەستىك كووپەراتيۆىنەن جاڭادان قۇرىلعان بولىپ، سەلبەستىك كووپەراتيۆىنىڭ قازىرگى” جەرگىلىكتى ماماندار“ بايلىعىنان پايدالانىپ، وسىمدىك قورعاۋ ۇشقىش اپپاراتىن مەڭگەرۋشىلەردى سىرتتان ۇسىنىس ەتىپ، ” تەحنيكا + قىزمەت وتەۋ“ فورماسىمەن وسى قالاشىقتاعى جانە توڭىرەكتەگى شارۋالاردىڭ ەگىس داقىلدارىن باپتاپ-باسقارۋ جاعىنان قىزمەت وتەپ، ەگىس داقىلدارىن باپتاپ-باسقارۋعا قولايلىلىق تۋدىرىپ قانا قالماستان، ءتىپتى دە كوپ ارتىق ەڭبەككۇشتەردى جۇمىس ورنىمەن قامدادى.
شاڭحۋ قالاشىعى ساتەك قىستاعىنىڭ تۇرعىنى ۋاڭ مينجياڭ بىلتىر T30 تۇرپاتتى وسىمدىك قورعاۋ ۇشقىش اپپاراتىن ساتىپ الىپ، بىلتىر 5-ايدان 9-ايعا دەيىنگى 4 ايدا اتىز-ارىق باسقارۋ، وسىمدىك قورعاۋعا قىزمەت وتەۋ ارقىلى 50 مىڭ يۋاننان استام تازا كىرىس كىرگىزدى. بيىل ۋاڭ مينجياڭ چۋاڭشى-نۇڭحۋا كاسىپتىك سەلبەستىك كووپەراتيۆىنە قوسىلىپ، ءار كۇنى بەلگىلەنگەن وسىمدىك قورعاۋ مىندەتىنە يە بولىپ، كىرىسى ءتىپتى دە ارتىپ، كىرىس ارناسى كەڭەيە ءتۇستى.
ۋاڭ مينجياڭ: ” بيىل قىزمەت وتەۋ اترەتىنە قاتىناسقاننان كەيىن ءار كۇنى دەرلىكتەي جۇمىس ورنالاستىرىلىپ، كوڭىلىم ورنىعىپ، كىرىسىم ارتا ءتۇستى“ دەدى.
قازىر قىزمەت وتەۋ اترەتى 200 مىڭ مۋدان استام ەگىستىك جەرگە قىزمەت وتەۋ جونىندە كەلىسىم جاساسىپ، جۇمىستاندىرۋ ماسەلەسىن شەشۋ، ەگىستىك جەردى دالمە ـ ءدال باپتاپ-باسقارۋمەن بىرگە، اۋىل-قىستاقتى گۇلدەندىرۋگە كۇش ۇستەدى.
قىزمەت وتەۋ اترەتىنىڭ جاۋاپتىسى ۋاڭ مينچياڭ: ” قىزمەت وتەۋ اترەتىمىز اۋىل-قالاشىق ماڭىنداعى شارۋالارعا قىزمەت وتەپ، شارۋالاردىڭ دەرت-دەربەز، زياندى جاندىكتەردەن ساقتانۋ جانە اۋىل شارۋاشىلىق دارىلەرىن ساتىپ الۋ وزىندىك قۇنىن تومەندەتىپ، ءبىر تۇتاس باپتاپ - باسقارىپ، ءبىر تۇتاس ءدارى شاشىپ، ەگىس داقىلدارىنىڭ ءونىم مولشەرىن اناعۇرلىم جوعارىلاتادى. اۋىل شارۋاشىلىعىنا قىزمەت وتەۋ جاعىندا ءبىز داقىلداردىڭ تۇرلىشە مەزگىلدەگى ءدارى شاشۋ مولشەرى مەن سۋ مولشەرىنىڭ ۇقساماستىعىنا نەگىزدەلە وتىرىپ ەگجەي-تەگجەيلى باپتاپ-باسقارۋ ارقىلى شارۋالاردىڭ جالپى بارىستاعى شىعىننىڭ وزىندىك قۇنىن تومەندەتىپ، داقىلداردىڭ ءونىم مولشەرىن جوعارىلاتۋىنا مۇمكىندىك جاسايمىز “ دەدى.
رەداكتورى : اراي ەركىن قىزى
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى