دۇنيە جۇزىلىك اعا جۇلدەگەر ۋاڭ حاۋ كوماندادان شەگىنەتىندىگىن جاريالادى

    دۇنيە جۇزىلىك اعا جۇلدەگەر، ايگىلى تاق-تۇق دوپ  مايتالمانى  ۋڭ حاۋ جۋىقتا كوماندادان شەگىنەتىندىگىن جاريالادى. جانكۇيەرلەرمەن ۇقسامايتىنى، ۋاڭ حاۋدىڭ اكەسى ۋاڭ جۇڭچۋان ۇلىنىڭ كوماندادان شەگىنۋ بەكىمىنە وعاش پىكىر بىلدىرمەگەن. ول 23-جەلتوقساندا تىلشىلەردى قابىلداعاندا ۋاڭ حاۋدىڭ وتكەن جىلى ۇيلەنگەننەن كەيىن نەگىزىنەن ەشقانداي ماشىق جاساماعاندىعىن، ماڭايىنداعىلاردىڭ ۋاڭ حاۋدىڭ كۇندەردىڭ بىرىندە كوماندادان شەگىنەتىندىگىن بىلەتىندىگىن ايتتى.

  ۋاڭ حاۋ 1998-جىلدىڭ سوڭىندا مەملەكەتتىك تاق-تۇق دوپ ەكىنشى كومانداسىنا  قابىلدانىپ، 16 جىلدىق مەملەكەت كومانداسىنداعى تۇرمىسىن باستايدى. ليۋ گولياڭ كەزىندە وعان باعا بەرىپ:« ۋاڭ حاۋ   باتىل ءارى ەرجۇرەك، ول مەملەكەتتىك كومانداداعى كەزىندە ەلىمىز كومانداسى دۇنيە جۇزىلىك توپتىق ءىرى جارىستاردا جەڭىمپازدىعىن ساقتاۋمەن بىرگە، ءوزى جەكەلەي 18 رەت دۇنيە جۇزىلىك اعا جۇلدەگەرلىكتى جەڭىپ العان، وكىنەرلىگى، وليمپيادا سپورت جارىسىندا ەرلەر جەكە ءتۇرىنىڭ التىن مەدالىن ەنشىلەي المادى» دەدى.

  مەملەكەت كومانداسىنىڭ جاتتىقتىرۋشىسى ۋ جيڭپيڭ: «بۇل كىم-كىمنىڭ دە قولىنان كەلە بەرمەيدى. ۋاڭ حاۋ 10 نەشە جىلدان بەرى الەمدىك الدىڭعى ورەنى ساقتاۋمەن بىرگە، دۇنيە جۇزىلىك اعا جۇلدەگەردە بولدى. باسقا تۇرلەردە مۇنداي جالىقپاي قۇلشىنىس جاسايتىندار وتە از» دەدى.

  ۋاڭ جۇڭچۋان ۋاڭ حاۋدىڭ «1-تامىز» تاق-تۇق دوپ كومانداسىنىڭ باس جاتتىقتىرۋشىسىنا تاعايىندالعاندىعىن، ەگەر مەملەكەتتىك كوماندا الداعى جەردە ونى قاجەت ەتسە، ۋاڭ حاۋدىڭ مەملەكەت كومانداسىنا قايتادان بارىپ جاتتىقتىرۋشى بولۋىن ءۇمىت ەتەتىندىگىن ءبىلدىردى. ۋاڭ جۇڭچۋان ۋاڭ حاۋدىڭ تاق-تۇق دوپ ويناۋ تاكتيكاسىنىڭ دۇنيە ءجۇزى بويىنشا ءالى دە الدىڭعى ورىندا تۇراتىندىعىن، وتباسىنداعىلاردىڭ ۋاڭ حاۋدىڭ بەكىمىن قولدايتىندىقتارىن، ونىڭ يگەرگەن تەحنيكاسى مەن تاجىريبەلەرىن جالعاستىرا  ءتۇسۋىن  ءۇمىت ەتەتىندىگىن ايتتى.