ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

ءۇمىت ولتىرمەيدى

جولدانعان ۋاقىتى : 2014/12/8 12:20:12

ۋاڭ نايفەي

  ۆەتنام سوعىسى كەزىندە، ا ق ش-تىڭ ءبىر شاعىن قالاشىعىندا تۇراتىن ءاننيدىڭ كۇيەۋى الدىڭعى شەپكە اتتانادى. ول   وتباسىندا اتاسى مەن اپاسىن باعىپ، بالالارىنا دا قاراپ، ءار كۇنى قاتتى قالجىرايتىن. ونىڭ بىردەن-ءبىر اڭسايتىنى اناۋ قارعىس اتقىر سوعىستىڭ تەزدەن اقىرلاسىپ، كۇيەۋىنىڭ قاسىنا ەرتەرەك قايتىپ ورالۋى ەدى.

  ءبىراق، ءومىر ءاننيدىڭ اڭساعانىنداي بولمادى. سوعىس بارعان سايىن ۇزاققا سوزىلدى. سوعىس بار جەردە قازا دا بار عوي. كوپ وتپەي، جەڭىنە قارا بەلگى تاققان وفيتسەر شاعىن قالاشىققا سوعىستان سۋىق حابار اكەلە باستادى. بۇل وفيتسەر قايدا بارسا، سول جەردەن جۇرەكتى ەزەتىن ازالى جوقتاۋ ءۇنى شىعىپ جاتاتىن-دى. اقىرى، وفيتسەر ءاننيدىڭ وتباسىنا دا كەلدى. ول قايعىلى دا سالماقتى ۇنمەن  روبەرتتىڭ الدىڭعى شەپتە قازا بولعانىن ايتتى. روبەرتتىڭ اتا-اناسىنىڭ ەكەۋى دە اۋىر ناۋقاس شەگىپ جاتقان قارتتار بولاتىن. ولار قايعىلى حاباردى ەستىگەننەن جىلاي بەرىپ، ەڭسەلەرى ءتۇسىپ كەتتى. ءانني سول كەزدە اتىز باسىندا جۇمىستا ەدى. كورشىلەرى ونى ايعايلاپ شاقىرىپ الدى. ول بىلەگىنە قارا بەلگى تاققان وفيتسەردى كورگەن جەردەن سىلەيىپ تۇرىپ قالدى. دەسە دە، جىلامادى. وفيتسەر الا كەلگەن كۇيەۋىنەن قالعان نارسەلەردى  الىپ، مۇقيات اقتارىپ كوردى دە وفيتسەرگە تۇتقيىل ءتىل قاتتى:

  -قايتا بەرىڭىز، مەنىڭ كۇيەۋىم ولمەپتى،-دەدى.

  ءاننيدىڭ بۇل ءسوزى كوپشىلىكتى تاڭ قالدىردى. ەكى قاريا دا ەگىلگەنىن قويىپ، ءاننيعا اڭىرىپ قالىپتى. وفيتسەر ءاننيعا:

  -ءسىزدىڭ كوڭىل كۇيىڭىزدى تۇسىنەمىن. ەشكىم دە مۇنداي جامانات سۋىق حاباردى ەستىگىسى كەلمەيدى. دەسەدە، سوعىستا قازا بولعانداردىڭ ەسىمدىگى قاتە بولا قويمايدى،-دەدى.
ءانني:

  -جوق، سىزدەر، ءسوزسىز، قاتەلەستىڭىزدەر. كۇيەۋىم كەتەرىندە ءبىر قول ساعات تاعىپ كەتكەن. ول ساعات ءبىزدىڭ ءسوز بايلاسقانىمىزدىڭ كۋاسى ەدى. ول ماعان انت بەرىپ: «ءتىرى بولسام وسى ساعاتتى تاعىپ ورالامىن. قازا تاپسام بۇنى وزگەلەردەن جىبەرىپ بەرەمىن» دەگەن. قازىر، اكەلگەن نارسەلەردىڭ ىشىندە ول ساعات جوق ەكەن. سول ءۇشىن ول ءالى ءتىرى،-دەيدى العان بەتىنەن قايتپاي.

  وفيتسەر وزدەرىنىڭ قاتەلەسپەگەنىن، سوعىس مايدانىندا ءارقانداي ءىستىڭ تۋىلۋ مۇمكىندىگى بار ەكەنىن، قول ساعاتتىڭ جوعالىپ كەتكەن بولۋى كەرەكتىگىن ايتىپ، قايتا-قايتا تۇسىندىرەدى. ءانني سوندا دا يلانبايدى. وفيتسەر امالسىز كەرى قايتادى.

  ءانني كۇيەۋى روبەرتتىڭ قازا تاپقانىن مويىنداماعانىمەن، مەملەكەت روبەرتتى الدەقاشان قۇرباندار تىزىمىنە ەنگىزىپ، ەكىنشى ايىنان باستاپ، جوعارىدان قامقورلىق قاراجات تاراتادى.   ءبىراق، ءار جولعى قامقورلىق قاراجاتتى جەتكىزگەنىمەن، ءانني: «كۇيەۋىم ولگەن جوق!» دەپ ونى الۋدان باس تارتادى. قامقورلىق قاراجات تاراتۋشى قىزمەتكەردىڭ دە امالى قالماي، ءار جولى اقشانى كەرى الىپ قايتاتىن.

  ءانني قامقورلىق قاراجاتتى الماعان سوڭ، تۇرمىستارى وتە جاپالى ءوتىپ جاتتى. كورشىلەرى اننيگە: «ولگەن ادام قايتىپ كەلمەيدى. قامقورلىق قاراجاتتى نەگە المايسىڭ؟» دەپ ءناسيحات ايتتى. ءانني كورشىلەرىنە دە: «كۇيەۋىم ولگەن جوق. سول ءۇشىن تۇرمىسىم قانشا جاپالى بولسا دا ىرىمعا جامان اقشانى الۋىما بولمايدى. بۇكىل جانۇيامىزبەن ونىڭ امان-ەسەن ورالۋىن ءتورت كوزبەن كۇتەمىز» دەيدى.
كورشىلەرىنىڭ ءبارى ءاننيدى تۇتقيل كەلگەن قايعىنىڭ ءزىلدى سوققىسىنان ەس-اقىلىنان جازىپ قالمادى ما ەكەن دەپ  ويلايدى.

  بىرنەشە جىلدان كەيىن، ۆەتنام سوعىسى اقىرى اياقتاپ، اسكەرگە كەتكەندەر ۇزدىك-سوزدىق اتا مەكەندەرىنە كەلىپ جاتتى. ءانني تۇرعان شاعىن قىستاققا ءار كۇنى دەرلىك جاۋىنگەرلەر ورالىپ جاتتى. ولاردىڭ كەيبىرى جارالانىپ، مۇگەدەك بولىپ قالسا، ال كەيبىرەۋلەرى ءدىن-امان ورالدى. مەيلى قالاي بولماسىن ايتەۋ ءتىرى بولسا بولعانى وتباسىلارى مارە- سارە بولىپ قۋانىپ جاتتى.

  ءانني قولى بوساي قالسا بولدى قالاشىقتاعى كۇرە جولعا شىعىپ، كۇيەۋىنىڭ جولىنا قارايلايتىن. دەسەدە، ول بىرنەشە اي بويى توسسا دا روبەرت بوي كورسەتپەدى. ءانني سوندا دا كۇيەۋىم ولگەن جوق،    ۇكىمەتتىڭ ءناپاقاسىن المايمىن، روبەرتكە زيرات تۇرعىزبايمىن، ءار كۇنى شات حاباردىڭ كەلۋىن توسامىن دەپ وتىرىپ الدى.

  بىرنەشە جىل ۋاقىت تا وتە شىقتى. وسى جىلداردا ءانني بۇكىل وتباسىنا تىرەۋ بولىپ، بەلى بۇگىلدى، شاشتارىن دا قىراۋ شالدى. ءاننيدىڭ ەكى بالاسى   ەسەيدى. ۇلى كىشكەنتاي روبەرت ۋنيۆەرسيتەتكە وقۋعا ءتۇستى. قىزى ليليان دا تولىق ورتا وقىپ قويدى. ەكى قاريا دا ەسەن-امان ەدى. مۇنىڭ ءبارى ءاننيدىڭ جاپالى ەڭبەگىنىڭ ارقاسى بولاتىن.

  وسى جىلداردا ءانني روبەرتتى ەسىنەن شىعارا المادى. ءار جولى مەرەكە-مەيرام كەلگەندە ول ۇستەلگە ءبىر ادامدىق اس جابدىقتارىن ارتىق قويىپ ءجۇردى. ۇلى اناسىنىڭ بۇل ىسىنە ىشتەي   ازاپتاناتىن. ءبىر كۇنى ول اقىرى ءتوزىمى تاۋسىلىپ:

  -اكەم الدەقاشان قازا بولعان. ءسىز تەگى بۇل شىندىقتى وسى ۋاقىتقا دەيىن قابىلدامايسىز با؟- دەدى.

  ءانني وعان:

  -اكەلەرىڭ ولگەن جوق. ول كەتەرىندە ماعان: «مەيلى قالاي بولماسىن، الگى ساعاتتى الىپ قايتامىن» دەپ ايتقان بولاتىن. ول ايتقان سوزىندە تۇرادى،-دەدى.

  ەكى بالا اناسىنىڭ بۇل سوزىنەن كەيىن ەشتەمە دەپ ءتىل قاتپادى.
 
  تاعى بىرنەشە اي ءوتتى. ءبىر كۇنى ورتا جاستارداعى ءبىر ەر ادام وسى شاعىن قالاشىقتا پايدا بولا كەتتى. ول ءوز ەسىمىن روبەرت دەپ اتاپ، ءاننيدى سۇراستىرىپتى. ەلدىڭ ءبارى «روبەرت» دەگەن ەسىمگە ەلەڭدەپ، ءاننيدىڭ كۇيەۋىن ەستەرىنە الىپ، ونى بىردەن ءاننيدىڭ ۇيىنە ەرتىپ بارادى. 

  قىرسىققاندا، ءانني باسقا جەرگە تۋىسشىلاپ كەتىپتى دە روبەرتتىڭ اتا-اناسىنىڭ دۇنيە سالعانىنا دا بىرنەشە اپتا بولعان ەكەن. ۇيدە تەك ءاننيدىڭ ۇلى مەن قىزى قالىپتى. روبەرت ەكى بالانى كورگەن سوڭ، قوينىنان ءبىر قول ساعات الىپ شىعادى. ون نەشە جىل بولعان الگى قول ساعات ەسكىرسە دە، ءالى دە    ءجۇرىپ تۇرىپتى.

  اكەلەرى جونىندە ەكى بالانىڭ ەستەرىندە ەشتەڭە قالماپتى دا بۇل كىسىگە جولىققان سوڭ ولار قايتەرىن بىلمەيدى. تەك ونى ۇيلەرىندە تۇرعىزىپ، شەشەلەرىنە تەزدەن حابار جىبەرەدى.

  ءانني ون نەشە جىل توسقاندا، كۇيەۋى اقىر كەلدى-اۋ. بۇل حابار بىرنەشە كۇن ىشىندە بۇكىل قالاشىققا عانا تاراپ قالماستان، ودان ارى ۇزاق جەرلەرگە جەتىپ، ەل بۇل اڭگىمەنى تىپتەن اڭىز ەتىپ جىبەردى.

  بۇل حابار ۇكىمەتتى دە ءدۇر سىلكىندىردى. ۇكىمەت بۇل ءىستى تەكسەرىپ كورۋدى ۇيعارادى. وسى كەزدە، كۋپا ەسىمدى ادام بەلسەنە ورتاعا شىعىپ، ءاننيدىڭ ۇيىنە بارىپ، ءىستىڭ ءمان-جايىن انىقتاپ شىققىسى كەلەتىنىن ايتادى. كۋپا كەزىندە ءاننيدىڭ ۇيىنە قارالى حاباردى جەتكىزگەن وفيتسەر بولاتىن. ول قىرۋار جاۋىنگەردىڭ ۇيىنە قارالى حابار جەتكىزسە دە ءاننيدىڭ وعان جاساعان اسەرى وتە تەرەڭ ەدى.

  كۋپا ءاننيدىڭ ۇيىنە كەلگەندە، ءانني مەن روبەرت ۇيدەن قول ۇستاسا شىعادى.

  -كۇيەۋىم سول جىلى شىنىمەن قازا بولعان ەدى. كەيىنگى جىلدارى ۇكىمەتكە كوپ اۋرە تۋدىردىم. كەشىرۋىڭىزدى ءۇمىت ەتەمىن،-دەيدى ءانني كۋپاعا  ىڭعايسىزدانا.

  كۋپا عاجاپتانىپ:

  -وندا بۇل كىسى روبەرت   ەمەس پە؟-دەپ سۇرايدى.

  -ول مەنىڭ كۇيەۋىم روبەرت ەمەس. كۇيەۋىمنىڭ سوعىس كەزىندەگى ساپتاسى، ەسىمى كۇيەۋىممەن اتتاس روبەرت ەكەن. ول ماعان قول ساعاتتى بەرگەلى كەلىپتى،-دەيدى ءانني.

  ءانني كۋپاعا ءىستىڭ شىن سىرىن بىلاي دەپ تۇسىندىرەدى:

  ءاسىلى، ءانني سىرت جەردە قىزىنان كەلگەن تەلەفوندى قابىلداعان سوڭ، تىزگىن ۇشىمەن ۇيىنە جەتىپتى. ول ۇيىنە كىرگەن جەردەن الدىندا تۇرعان مىنا روبەرتتىڭ مۇلدە ءوز كۇيەۋى    ەمەس ەكەنىن بىردەن تانىپتى. وسى كەزدە روبەرت قول ساعاتتى الىپ شىعىپ، ءاننيعا بولعان ىستەردى بايانداپ بەرىپتى.

  سول جىلى، ا ق ش-تىڭ اسكەري بازاسىندا ول ءاننيدىڭ كۇيەۋىمەن ءبىر كازارمادا بولىپ، ەكەۋى اتتاس بولعان سوڭ، تەز تانىسىپ دوستاسىپ كەتىپتى. سوعىستىڭ ورشۋىمەن قازا تاپقانداردىڭ قاتارى مولايىپ، ەكەۋى دە تەز ارادا الدىڭعى شەپكە اتتانىپتى. ءبىر رەتكى سوعىستا ءاننيدىڭ كۇيەۋى اۋىر جارالانىپ، كوز جۇمار الدىندا، قول ساعاتىن جان دوسىنا بەرىپ، مۇنى وتباسىنداعىلارعا الا بارۋىن تاپسىرىپتى. دوسى بۇعان ماقۇلدىق بەرگەنىمەن، ويلاماعان جەردەن قوسىنعا قايتۋعا ۇلگىرمەي جاۋعا تۇتقىن بولىپتى دا ۆەتنام دا ۇزاق تۇرىپ قالىپتى. وسى جۋىقتا عانا ا ق ش-قا قايتۋعا مۇمكىندىك الىپتى.

  سوندا بارىپ ءىستىڭ ءمان- جايىن تۇسىنگەندەي بولعان كۋپا ءاننيعا:

  -وسى ەلەس، ءسىزدى ون نەشە جىل بويى الداپ كەلگەن ەكەن عوي،-دەدى.

  -جوق،-دەدى ءانني،- شىنتۋايتىندا مەن كۇيەۋىمنىڭ قازا تاپقانىن ەرتە ءبىلدىم. الدىڭعى شەپتەن الا كەلگەن اناۋ كيىمدەردىڭ ءبارىن دە مەن وعان ءوز قولىممەن تىگىپ بەرگەم. بۇل جالعان بولا قويمايدى،-دەدى ءانني.

  كۋپا ونىڭ بۇل سوزىنە تاڭ قالىپ:

  -وندا ءسىز نەگە كۇيەۋىم ءالى ءتىرى دەپ وتىرىپ الدىڭىز؟- دەيدى.

  ءانني اۋىر كۇرسىندى:

  -ءبىر ءۇيلى جاننىڭ جالعاستى ءومىر ءسۇرۋى ءۇشىن  ەدى بۇل. زاۋدەعالام، سول كەزدە روبەرتتىڭ قازا تاپقانىن مويىنداسام شاڭىراعىمىز ورتاسىنا تۇسەتىن ەدى. مەن ونى «ءتىرى» دەپ قويسام عانا

  جانۇيامىزداعىلاردىڭ  ءۇمىت ءجىبى ۇزىلمەيتىن-دى. شىنتۋايتىندا، بۇل دا مەنىڭ  ءوزىمدى ءوزىم الداۋسىراتقانىم بولاتىن. ءبىراق وسىنداي ءوزىمىزدى-ءوزىمىز الداماساق وسى ون نەشە جىلعا قالاي توزەرمىز؟

  كۋپا قاتتى اسەرلەنىپ:

  -وندا ءسىز نە ءۇشىن ۇكىمەتتىڭ قامقورلىق قاراجاتىنان باس تارتتىڭىز؟-دەپ سۇرادى.

  -قامقورلىق قاراجاتتى السام، كۇيەۋىمنىڭ قازاسىن مويىنداعان بولمايمىن با؟ ونداي بولعاندا   ءوزىمدى ەندىگارى الداۋسىراتا المايمىن عوي. سول كەزدە ماعان رۋحاني تىرەك اقشادان دا ماڭىزدى ەدى. تەك روبەرت ءالى  ءتىرى دەپ سەنگەنىمدە عانا، وسى سەنىممەن ءبىر ءۇيلى جانىڭ ەڭسەسىن كوتەرۋگە بولاتىن ەدى. روبەرتتىڭ اكە-شەشەسى دە سول ءۇشىن كەيىنگى جىلدارعا دەيىن جاسادى. بالالار دا قيىن-قىستاۋ جاعدايدا ۇرەيلەنىپ كەتپەدى.

  كۋپا تەكسەرۋ دوكلاتىن جوعارىعا جولداعاننان كەيىن، ءاننيدىڭ ۇيىنە ءبىرسىپىرا اقشا كەلدى. بۇل ءاننيدىڭ قامقورلىق قاراجاتى ەدى. وتكەن جىلداردا ۇكىمەت بۇل اقشاعا تيمەي، تۇگەلدەي ساقتاپ قويىپتى.

  ءانني اقشانى العان سوڭ كۋپاعا:

  -بىرنەشە كۇننەن سوڭ    روبەرتپەن باس قۇرايمىن. نەكە تويىمىزعا كەلىپ قاتىناسا الاسىز با؟-دەدى.

  ءاسىلى، وسى ءبىرقانشا كۇندە، روبەرت پەن ءانني كوپ سىرلاسىپتى، ولار دۇنيەدەن وتكەن جۇبايلارى تۋرالى، سوعىس مايدانىنداعى ىستەردى، وتكەندەگى جاپاعا تولى كۇندەردى ايتىسپتى… بىرتىندەپ ەكەۋى دە ءبىر-ءبىرىن ۇناتىپ قالىپتى.


  كۋپا ءاننيدىڭ ۇسىنىسىن قولما-قول قابىل الىپ:

  -قۇتتى بولسىن، بۇل سىزگە كۇيەۋىڭىزدىڭ قول ساعاتتان سىرت سيلاعان تاعى ءبىر تاماشا تارتۋى ەكەن،-دەدى.

  بىرنەشە كۇننەن كەيىن، ءانني مەن روبەرت باس قۇرادى. كۋپا    ولاردىڭ نەكە كۋاگەرى بولدى…  ەكەۋىنىڭ ماحابباتتارى بالداي بولىپ، قوساقتارىمەن قوسا اعاردى…


اۋدارعان-قانات جۇماش ۇلى




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.


 
powered by IlgharCMS 3.2 www.ilghar.cn