ەڭ جوعارى حالىق سوتى مەكەمەسى،ەڭ جوعارى حالىق پروكۋراتۋراسى ءدارى-دارمەك حاۋىپسىزدىگىنە زالال جەتكىزۋ قىلمىستىق دەلولارىن ءبىتىرۋ جونىندەگى زاڭدىق ءتۇسىندىرۋدى جاريالادى
پىڭ بو،دۇڭلۋ ۋانلۇڭ
ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى بىرلەسىپ جاساعان «ءدارى-دارمەك حاۋىپسىزدىگىنە زالال جەتكىزۋ قىلمىستىق دەلولارىنا ساي كەلەتىن زاڭعا قاتىستى ماسەلەلەردى ءبىتىرۋ جونىندەگى ءتۇسىندىرۋدى» جاريالادى. اتالعان زاڭدىق ءتۇسىندىرۋ جالعان ءدارى-دارمەك ءوندىرۋ، ساتۋ قىلمىسىن تۇراقتاندىرىپ، جازا كەسۋ ولشەمىن اناعۇرلىم كەمەلدەندىردى.
7 تۇردەگى جاعدايدا جاعدايعا قاراي اۋىر جازا كەسىلەدى
1. وندىرىلگەن، ساتىلعان جالعان ءدارى-دارمەكتەر جۇكتى ايەلدەردى، نارەستەلەر مەن بوبەكتەردى، بالالاردى نەمەسە سالماقتى اۋرۋلاردى نەگىزگى پايدالانۋ وبيەكتى ەتسە؛
2. وندىرگەن، ساتقان جالعان ءدارى-دارمەكتەر جانسىزداندىرعىش ءدارى-دارمەكتەرگە، نەرۆ دارىلەرىنە، ەمدەۋگە پايدالانىلاتىن زاھارلى دارىلەرگە، راديواكتيۆتىك دارىلەرگە، جۇكتىلىكتەن ساقتانۋ دارىلەرىنە، قان سۇيىقتىعى بۇيىمدارىنا، ۆاكسيناعا جاتسا؛
3. وندىرگەن، ساتقان جالعان ءدارى-دارمەكتەر ۋكولعا، شۇعىل قۇتقارۋ دارىلەرىنە جاتسا؛
4. ەمدەۋ قۇرىلىمدارى، ەمدەۋ قۇرىلىمدارىنىڭ قىزمەتكەرلەرى جالعان ءدارى-دارمەك وندىرسە، ساتسا؛
5. جاراتىلىستىق اپات، شىرعالاڭ، الەۋمەتتىك دەنساۋلىق ساقتاۋعا قاتىستى شىرعالاڭ، قوعام اماندىعىنا ساياتىن وقيعا سياقتى توسىن وقيعالار تۋىلعان كەزدە توسىن وقيعالارعا توتەپ بەرۋگە پايدالانىلاتىن ءدارى-دارمەكتەردى جالعاننان وندىرسە، ساتسا؛
6. 2 جىلدىڭ ىشىندە ءدارى-دارمەك حاۋىپسىزدىگىنە زالال جەتكىزۋ سەبەپتى زاڭعا قايشى قىلمىستىق ارەكەتتەرمەن اكىمشىلىك جازا نەمەسە قىلمىستىق ىستەر جازاسى بەرىلگەندەرگە؛
7. اۋىر جازا كەسىلۋگە ءتيىستى باسقا دا جاعدايلار.
زاڭدىق ءتۇسىندىرۋ 1-جەلتوقساننان باستاپ رەسمي اتقارىلادى. ەڭ جوعارى حالىق پروكۋراتۋراسىنىڭ 18-قاراشادا اشقان احپار جاريالاۋ جيىنىندا ەڭ جوعارى حالىق پروكۋراتۋراسى زاڭ-ساياسات زەتتەۋ كەڭسەسىنىڭ ورىنباسار مەڭگەرۋشىسى حان ياۋيۋان بىلاي دەدى: زاڭدىق ءتۇسىندىرۋدىڭ جاسالىپ جاريالانۋى زاڭدىق ارەكەتتەردى بىرلىككە كەلتىرۋگە ءتيىمدى، ول جالعان، جارامسىز ءدارى-دارمەكتەردى جاساۋ قىلمىستىق ارەكەتتەرىنە زاڭ بويىنشا سوققى بەرۋدى ايقىن زاڭدىق نەگىزبەن قامدادى.
سوڭعى جىلدارى وسى زامانعى ءوندىرىس تەحنيكاسىنان جانە ساتۋ جولدارىنان پايدالانىپ، جالعان، جارامسىز ءدارى-دارمەكتەردى ساتۋ قىلمىستىق ارەكەتتەرى مولىنان جارىققا شىعىپ، دەلو سانى ۇزبەي ارتىپ وتىر. ەڭ جوعارى حالىق پروكۋراتۋراسىنىڭ ساندى مالىمەتىنە قاراعاندا، 2014-جىلى قاڭتاردان قىركۇيەككە دەيىن، ەلىمىزدىڭ پروكۋراتۋرا ورگاندارى وسى تەكتەس 2524 دەلوعا ساياتىن 3532 ادامعا الەۋمەتتىك ايىپتاۋ جۇرگىزگەن، ەلىمىزدىڭ سوت مەكەمەلەرى 1-سوتتا 2343 دەلوعا ساياتىن 2783 ادامنىڭ دەلوسىن ءبىتىرىپ، تۇگەلدەي قىلمىس تۇراقتاندىرۋ ۇكىمىن شىعاردى.
2009-جىلى ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى قاتىستى زاڭدىق ءتۇسىندىرۋدى جاريالاعان بولاتىن. 5 جىلدان كەيىن ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسى تاعى دا جاڭا زاڭدىق ءتۇسىندىرۋدى شىعارىپ، جالعان ءدارى-دارمەكتەردى ءوندىرۋ، ساتۋ قىلمىسىنا سوققى بەرۋ تەبىنىن ارتتىردى.
17 تارماقتان قۇرالعان جاڭا زاڭدىق تۇسىندىرۋدە جالعان، جارامسىز ءدارى-دارمەكتەردى ءوندىرۋ، ساتۋ جاعدايىنا قاراي اۋىر جازا كەسۋگە ءتيىستى 7 جاعداي ايقىندالدى. سونىمەن بىرگە، زاڭدىق تۇسىندىرۋدە جالعان ءدارى-دارمەكتەردى ءوندىرۋ قىلمىسىنىڭ «اۋىرلىعىن»، «ەرەكشە اۋىرلىعىن» تۇراقتاندىرۋ ولشەمى ايقىندالىپ، زاردابى، قىلمىس وتكىزۋ سانى، جالعان ءدارى-دارمەك تۇرلەرى، قىلمىس وتكىزۋشى سۋبيەكتيۆ تۇلعا سياقتى كوپ جاقتان جالپىلىق تورەلىك ايتۋ پرينسيبى تۇراقتاندىرىلدى.
«شينجياڭ گازەتىنەن»
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.