ساۋان ساقشى جاعى ولكە اتتاعان ۋلى شەگىمدىك اتكەزشىلىك دەلوسىن اشكەرەلەدى

ءتىلشىمىز زىڭ جاۋمي

   20-قازاندا ساۋان اۋداندىق قوعام حاۋىپسىزدىگى مەكەمەسى ۋلى شەگىمدىككە تيم سالۋ ۇلكەن اترەتى ولكە اتتاعان ۋلى شەگىمدىك اتكەزشىلىك دەلوسىن ءساتتى اشكەرەلەپ، 2 قىلمىس كۇماندىسىن ۇستاپ، 73 گرام ساپ حرويندى قولعا ءتۇسىردى.

19-قازان كەشتە ۋلى    شەگىمدىككە تيىم سالۋ ۇلكەن  اترەتىنىڭ ساقشىلارى بۇرىن ۋلى شەگىمدىك شەككەن، ۋلى    شەگىمدىك اتكەزشىلىگىمەن شۇعىلدانعان دي XX تىڭ 20-قازان كۇنى ءىرى ۋلى بۇيىم    الىپساتارلىعىمەن شۇعىلدانباقشى ەكەندىگى جونىندە ءجىپ ۇشىنا يە بولادى.

ءجىپ ۇشىنا يە بولعاننان كەيىن ۋلى شەگىمدىككە تيىم سالۋ   ۇلكەن اترەتى تۇندەلەتىپ جوعارىعا مالىمەت جاسايدى ءارى ىسكەر ساقشىلاردى ۇيىمداستىرىپ، قىلمىس كۇماندىسى     دي XX تىڭ ءجۇرىس-تۇرىسىنا باقىلاۋ جۇرگىزەدى. 20-قازان ساعات 12 دەن 7 مينۋت وتكەندە ساقشىلار ليۋماۋۋان قالاشىعىنداعى ءبىر ورماندىقتان ۋلى بۇيىم ساۋداسىن ىستەپ جاتقان دي XX جانە جي XX تەردى ناق مايداندا ۇستاپ، 27 گرام ساپ حرويندى قولعا تۇسىرەدى. ىلە-شالا دي XX تىڭ جالعا العان ۇيىنەن ۇقساس تۇردەگى 46 گرام حرويىندى تاۋىپ شىعادى.

ساۋان اۋداندىق قوعام حاۋىپسىزدىگى مەكەمەسى ۋلى    شەگىمدىككە تيىم سالۋ ۇلكەن   اترەتىنىڭ باستىعى حان دۇڭنىڭ تانىستىرۋىنا قاراعاندا، سوڭعى جارىم جىلدان بەرى بۇل اترەت كەيبىرەۋلەردىڭ ەرەكشە تاسىلدەن پايدالانىپ، كوپتەگەن حروين جوتكەپ، ساۋان اۋدانى، سونداي-اق كورشىلەس بيڭتۋان 8-  ديۆيزياسىنىڭ ءىشىنارا تۋان،   الاڭدارىندا جالدامالى جۇمىس ىستەيتىن ۋلى شەگىمدىك   شەگەتىندەرگە ساتىپ بەرمەكشى ەكەندىگى جونىندەگى ءجىپ   ۇشىنا تالاي رەت يە بولعان.     ءتۇرلى ينفورماتسيالاردى تەكسەرۋ، رەتتەۋ جۇرگىزۋ ارقىلى قىركۇيەكتىڭ سوڭىندا بۇل ادامدار ۋلى شەگىمدىككە تيىم سالۋ ۇلكەن اترەتىنىڭ تۇزاعىنا ءبىر-بىرلەپ تۇسە باستاعان ەكەن.

تەكسەرۋ ارقىلى دي XX، جي XX تەردە ۋلى شەگىمدىك شەگۋ تاريحى بارلىعىن، شينجياڭداعى كەزدەرىندەگى ءتۇرلى قاراجاتتارىن سىرت جەرلەردەن ۋلى   بۇيىمداردى شينجياڭعا اكەلىپ ساتۋ ارقىلى شەشىمدەپ كەلگەندىكتەرىن ۇعىسادى.
كەزەكتە بۇل ەكى ادام جەرگىلىكتى شاقشىلار جاعىنان قولعا الىنىپ، بۇل دەلو ىشكەرىلەي تەكسەرىلۋدە.


اۋدارعان-الماگۇل اقاتبەك قىزى


رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.