مەملەكەتتىك كەڭەستىڭ زاڭ-ءتۇزىم كەڭسەسى 25 - قاراشادا «جۇڭحۋا حالىق رەسپۋبليكاسىنىڭ وتباسىندىق زورلىقتى كۇشكە قارسى تۇرۋ زاڭى (پىكىر الۋ نۇسقاسى)» جونىنەن قوعامنان اشىق پىكىر سۇرادى. پىكىر الۋ نۇسقاسىندا وتباسىندىق زورلىقتى كۇش ارەكەتىنە ءارقانداي ۇيىم مەن جەكە اراشاشى بولۋعا، تيىم سالۋعا ۇقىقتى نەمەسە قوعام حاۋىپسىزدىگى ورگانىنا دەلونى مالىمدەۋ كەرەك دەپ ايقىن ايتىلعان.
پىكىر الۋ نۇسقاسىندا وتباسىندىق زورلىقتى كۇشتىڭ شەكاراسى ايقىن بەلگىلەنگەن، ول وتباسى مۇشەلەرى اراسىندا دەنە، رۋحاني جاقتارىنداعى زاقىمداۋدى مەڭزەيدى. وتباسى مۇشەلەرىندە جۇبايلار، اتا-انا، پەرزەنتتەر جانە باسقا دا بىرلىكتە تۇراتىن جاقىن تۋىستارى قامتىلادى. باعىپ الۋ بايلانىسى بار وتباسى مۇشەلەرى اراسىنداعى زورلىقتى كۇش ارەكەتى وتباسىندىق زورلىقتى كۇش ەسەپتەلەدى.
ماماندار وتباسىندىق زورلىقتى كۇشكە قارسى تۇرۋ زاڭىن وسى رەت ارنايى جاساۋ تۇتاس قوعامنىڭ وتباسىندىق زورلىقتى كۇشكە قارسى تۇرۋ ساناسىن جوعارىلاتۋ، وتباسىندىق زورلىقتى كۇشكە قارسى تۇرۋ قىزمەتىنىڭ تەبىنىن ارتتىرۋ، وتباسىندىق زورلىقتى كۇشتىڭ الدىن الۋ جانە وعان تيىم سالۋ، وتباسى مۇشەلەرىنىڭ زاڭدى ۇقىق - مۇددەسىن قورعاۋعا ءتيىمدى بولماق دەپ قارادى.
«حالىق تورابىنان»
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.