ا ق ش مارس ورتاسىنا بەيىمدەپ،ەلىكتەمەلى تۇرعىن ءۇي جاسادى

    گاۋايداعى ماۋنا – لوا جانار تاۋىنىڭ سولتۇستىك قاپتالىنا مارس ورتاسىنا بەيىمدەپ    سالىنعان ەلىكتەمەلى تۇرعىن ءۇي تەڭىز  دەڭگەيىنەن 2440 مەتر بيىكتىكتە.

    ۇلى بريتانيا « كۇندەلىك پوچتا گازەتىنىڭ» جۋىقتاعى حابارىنا نەگىزدەلگەندە، ا ق ش عارىش مەكەمەسى (NASA) مارس ورتاسىنا بەيىمدەپ ەلىكتەمەلى تۇرعىن ءۇي جاسادى، ءۇيدىڭ ىشىندە اس  ءۇيى، مونشا، تاماقتانۋ بولمەسى، ازىق –   تۇلىك ساقتاۋ بولمەسى جانە 6 جاتىن بولمە بار، مۇندا تاعى 3D باسۋ ماشيناسى قاتارلى جاڭا تەحنيكالى جابدىقتار ورنالاستىرىلعان.

    ەلىكتەمەلى مارس تۇراعى «NASA «Hi-Seas جوسپارىنىڭ سىناق بازاسى، مۇندا  عارىشكەرلەر مارستاعى تۇرمىستى باستارىنان كەشىرەدى. ەلىكتەمەلى تۇراق كەڭدىگى 11 مەتر كەلەتىن دوعاشا توبەلى قۇرىلىس، ەكى قاباتقا بولىنگەن، پايدالانۋعا بولاتىن اۋدانى 1000 شارشى مەتر، مۇنداعى تۇتىنىلاتىن ەنەرگيا كۇن نۇرى ەنەرگياسىندىق باتەريامەن قامدالادى. عارىشكەرلەردىڭ بۇقپا اۋرۋىنا شالدىعۋىنىڭ الدىن الۋ ءۇشىن، ءۇي توبەسى جانعا جايلى بيىك سالىنعان. ۇيگە ورنالاستىرىلعان 3D باسۋ ماشيناسىنان پايدالانىپ جاڭا قۇرالداردى   جاساپ شىعۋعا بولادى. مۇنان سىرت، 6 جاتىن بولمەسى بار، جاتىن بولمەلەرگە توسەك، ورىندىق قويىلعان، توسەكتىڭ   استىنا كيىم – كەشەكتەردى قويۋعا بولادى.

   «Hi-Seas» جوسپارى   بويىنشا، عالىمدار مارسقا بەيىمدەلگەن ەلىكتەمەلى ورتادا   تۇرمىس كەشىرۋدى باستارىنان وتكىزۋى كەرەك، مۇندا حات – حاباردىڭ كەشەۋىلدەۋى مەن    ەلەكتر ءۇزىلىسى سىندى توسىن جاعدايلارعا، سۋدى اسا ۇنەمدەپ ىستەتۋ سىندى تۇرمىستىق  تۇيىندەرگە جاتتىعۋ جاسالادى. بۇل جوسپار ءۇش مەرزىمگە   بولىنگەن، جەكە – جەكە 4 اي،  8 اي جانە 12 اي ۋاقىت جالعاسادى. قازىر ەكىنشى كەزەڭ   اياقتاپ، ءۇشىنشى كەزەڭ 17 – قازاننان باستالعان، 6 عالىم  گاۋايداعى ماۋنا – لوا جانار    تاۋىنىڭ سولتۇستىك قاپتالىنا سالىنعان ەلىكتەمەلى        تۇراقتا ءبىر جىل تۇرمىس    كەشىرەدى.

«حالىق تورابىنان»



 
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.