ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

كارى شلويمە

جولدانعان ۋاقىتى : 2014/12/1 10:35:02

يساك بابەل

  ءبىزدىڭ قالامىز اسا ۇلكەن ەمەس، سوندىقتان بۇندا تۇراتىن حالىق ءبىرىن-ءبىرى جاقسى بىلەدى. ال شلويمە بولسا بۇل قالادا 60 جىلدان استام ۋاقىت ەشقايدا شىقپاي ءومىر ءسۇردى. دەگەنمەن، قالا تۇرعىندارىنىڭ بارلىعى كارى شلويمەنى تانيدى دەپ ايتۋ قاتە بولار ەدى. بۇنىڭ سەبەبى _ ونىڭ ۇمىتىلعانىندا، ادامداردىڭ ساناسىنان   ءوشىپ، كوڭىلدەرىنەن كەتكەنىندە. شلويمەنىڭ جاسى 86 دا بولاتىن.

  كوزدەرى جاساۋراي بەرەتىن، اجىمنەن جيىرىلىپ، ءبىر ۋىس بولىپ قالعان ساتپاق-ساتپاق بەتىن ەشقاشان تاراق تيمەگەن ۇزىن سارى ساقالى مەنەن جالبىراعان كىر شاشتارى جاۋىپ تۇراتىن. شلويمە ەشقاشان جۋىنبايتىن، ۇستىندەگى كيىمىن دە وتە سيرەك  اۋىستىراتىن جانە ونىڭ ءون بويىنان جامان ءبىر ءيىس شىعىپ تۇرۋشى ەدى. ۇلى مەن كەلىنى ونى ەلەۋدى باياعىدا قويعان، ءۇيدىڭ ءبىر بۇرىشىنان ورىن بەرگەننەن كەيىن ول تۋرالى مۇلدە   ۇمىتقان. جىلى بۇرىش پەن تاماق. شلويمەگە بۇدان ارتىقتىڭ كەرەگى دە جوق بولاتىن. كارى شلويمە ءۇشىن قاقساۋىق سۇيەكتەرىن قىزدىرىپ، مايلى ەتتەن ازداپ اۋىز تيگەننەن ارتىق باقىت جوق ەدى بۇل دۇنيەدە. داستارقانعا جۇرتتان بۇرىن كەلەتىن، الدىنداعى اسقا كىرپىگىن قاقپاي تەسىلىپ قاراپ، ۇزىن، ارىق ساۋساقتارىمەن   ءىلىپ الىپ اساي بەرەتىن، اساي بەرەتىن، اساي بەرەتىن. داستارقان جيىلىپ، الدىنداعى اس جينالعانشا توقتاۋسىز جەيتىن. تاماق ءىشىپ وتىرعان شلويمەگە قاراۋدىڭ ءوزى جيىركەنىشتى ەدى. وندايدا ارىق دەنەسى قالتىراپ، ماي-ماي ساۋساقتارى ءدىرىل قاعاتىن. ال جۇزىندە بىرەۋدەن كەزدەيسوق قاتتى ءسوز ەستىپ قالامىن-اۋ دەگەن جاسقانىش، ۇرەي تۇرۋشى ەدى. ول    ۇمىتىلىپ قالۋدان قورقاتىن. كەيدە كەلىنى قالجىڭداپ، داستارقان جايعان كەزدە ونىڭ الدىنا تاماق قويعاندى تارس ەسىنەن شىعارىپ العان كەيىپ تانىتاتىن. ونداي كەزدەرى شال قوبالجي باستايتىن،  ۇلى مەن كەلىنىنىڭ بەتىنە كەزەك جالتاقتاپ، ءوزىنىڭ ءبىر ءتىسى جوق اۋزىن قولاپايسىز اشىپ، ءجون-جوسىقسىز ىرجالاقتاي باستايتىن؛ ول بارلىق بولمىسىمەن تاماقتىڭ ءوزى ءۇشىن ماڭىزدى ەمەس   ەكەنىن كورسەتكىسى كەلەتىن، ماعان ءبارىبىر دەگەن كەيىپ تانىتقىسى كەلەتىن، ءبىراق جانارىنىڭ تۇبىندە، كارى ەرنىنىڭ قىرتىستارىندا، العا قاراي  ەرىكسىز سوزىلعان قولدارىنىڭ قالتىلىندا الدەبىر جان تۇرشىكتىرەر جالىنىش تۇرۋشى ەدى. بۇدان كەيىن   ورىنسىز قالجىڭ تەز ۇمىتىلىپ، كارى شلويمە ءوز سىباعاسىن الاتىن.

  ول وزىنە تيەسىلى بۇرىشتا وسىلايشا ءومىر ءسۇرىپ جاتتى. تاماق ءىشىپ الىپ ۇيىقتايتىن، ال جازدا كۇنگە قىزدىرىناتىن. ويلاۋ قابىلەتىنەن باياعىدا ايرىلعان ونى ۇلىنىڭ نە ىسپەن اينالىساتىنى، ۇيدەگى شارۋا تۇك قىزىقتىرمايتىن. كوز الدىندا ءوتىپ جاتقان وقيعالار تىزبەگىنە ول الدەبىر مەڭىرەۋ نەمقۇرايلىلىقپەن قارايتىن، ونى تەك جاستىعىمنىڭ استىندا كوپتەن بەرى جاتقان كەپكەن ناندى نەمەرەم تاۋىپ الادى-اۋ دەگەن وي عانا مازالايتىن. شلويمەمەن ەشكىم سويلەسپەيتىن، ەشكىم ودان كومەك سۇرامايتىن. ءبىراق بىردە تاماقتان كەيىن ۇلى كەلىپ شلويمەنىڭ قۇلاعىنا «اكە، ءبىزدى بۇل جەردەن قۋىپ جاتىر، ەستىپ تۇرسىڭ با، قۋىپ جاتىر!» دەپ ايعايلاعان كەزدە كارى شلويمە وتە ريزا بولىپ قالعان. ۇلىنىڭ داۋىسى دىرىلدەپ شىققان ەدى، بەت-اۋزى الدەنە جانىنا قاتتى باتقانداي قيسايىپ كەتىپتى. شلويمە ءوزىنىڭ ءتۇسى وڭىپ كەتكەن كوزدەرىن جوعارى كوتەرىپ، جان- جاعىنا الدەنەنى ەسىنە تۇسىرگىسى كەلگەندەي قارادى دا ساۋىس-ساۋىس شاپانىنا قىمتانا ءتۇسىپ، ۇيىقتاۋعا كەتتى.

  سول كۇننەن باستاپ شلويمە ۇيدە الدەبىر وزگەرىستەردىڭ بولىپ جاتقانىن سەزە باستاعان. ۇلى الدەنەگە قوبالجۋلى، ەشبىر ىسپەن شۇعىلدانبايتىن بولىپ الدى، كەيدە جىلاپ، شايناڭداپ وتىرعان اكەسىنە ۇرلانا كوز تاستايتىندى شىعاردى. نەمەرەسى گيمنازياعا بارعاندى قويدى. كەلىنى ايعاي سالىپ، ساۋساقتارىنىڭ بۋىندارىن ءۇزىپ، بالاسىن باۋىرىنا باسىپ جىلاي بەرەدى.

  شلويمەگە بۇل ءبىر ەرمەك بولدى - بۇلاردىڭ ارەكەتتەرىنە نازار سالا قاراپ، جاعدايدى تۇسىنۋگە تىرىسادى. ونداي ساتتەرى كوپتەن بەرى قوزعالماعان ساناسىندا ۇزىك-ۇزىك ويلار پايدا بولعان سياقتاناتىن.

  بۇل جەردەن قۋىپ جاتىر! شلويمە بۇلاردى بىرەۋلەردىڭ قۋىپ جاتقانىن تۇسىنگەن. «ءبىراق بۇل ەشقايدا كەتە المايدى عوي. ونىڭ جاسى 86 دا، ونىڭ جىلىنعىسى كەلەدى. دالا سۋىق، ىزعارلى... جوق، شلويمە ەشقايدا كەتپەيدى. ونىڭ باراتىن جەرى جوق، ەشقايدا كەتە المايدى». شلويمە ءوزىنىڭ جاتاتىن بۇرىشىنا بارىپ تىعىلىپ، توزىعى جەتكەن كەرەۋەتىن ايمالاپ، قۇشاقتاعىسى كەلەتىن جانە ءدال ءوزى سەكىلدى كارى، جىپ-جىلى پەشتى   الاقانىمەن ايالاپ سيپالاۋعا بار ەدى. ول وسى جەردە تۋىپ-ءوستى. ءوزىنىڭ سۇرىقسىز، اش-جالاڭاش ءومىرىن   وسىندا وتكەردى. ول ەندى ءوزىنىڭ كارى سۇيەكتەرى وسى جەردەگى بەيىتتە تىنىم تاپسا دەيدى. وسى تەكتەس ويلار كەلگەندە كارى شلويمەگە كەنەتتەن جان ءبىتىپ، ۇلىنىڭ قاسىنا باراتىن. وعان قاتتى-قاتتى سوزدەر ايتىپ، ءوزىنىڭ اكەلىك بار اقىلىن ءۇيىپ-توگىپ، ءجون كورسەتكىسى كەلەتىن. ءبىراق ونىڭ اۋزىنان ءسوز شىقپاعالى قاي  زامان. تىلىنە وراتىلعان سوزدەر ءتىسسىز اۋزىنان بەرى جۇرمەي، كەپتەلىپ قاتىپ قالۋشى ەدى، قولدارى وزدىگىنەن تومەن سالبىراپ، كارى شلويمە بۇل قىلىعىنان ۇيالعانداي بولىپ سۇمىرەيىپ، بۇرىشىنا قايتا ورالاتىن دا ۇلى مەن كەلىنى جاقتان شىققان سىبىرعا قۇلاق تۇرەتىن. شلويمە ساڭىراۋ ەدى،  ءبىراق ول الدەبىر سۇمدىقتىڭ كەلە جاتقانىن سەزەتىن، بار جان دۇنيەسىمەن تىتىركەنە وتىرىپ سەزەتىن. بۇنداي كەزدەرى ۇلى وزىنە قادالعان قوس تەسىك، ەسسىز ەكى كوزدەن قاشىپ، قايدا بەزىپ كەتەرىن بىلمەي قينالاتىن. بىردە الدەبىر ءسوز تىم قاتتى ايتىلدى، كەلىنى كارى شلويمەنىڭ ءالى ءتىرى ەكەنىن ەستەن شىعارىپ، داۋىستاپ جىبەرگەن. ول سوزدەن كەيىن ىلە-شالا اقىرىن عانا تۇمشالانىپ شىققان، ۇلىعان داۋىس ەستىلدى. بۇل كارى شلويمە ەدى. قالت-قۇلت ەتكەن ول ۇلىنىڭ الدىنا تىزەرلەپ كەلدى دە   ونىڭ جۇزىنە قىزارىپ، ءىسىنىپ كەتكەن كوزدەرىن قاداعان كۇيى بىرنەشە مارتە باسىن شايقادى. العاش رەت، كوپ جىلداردان بەرى العاش رەت كارى شلويمەنىڭ جانارىن جاس جۋعان ەدى. بۇدان وزگە ول بىردە-ءبىر ءسوز ايتقان جوق. ارەڭ دەگەندە ورنىنان تۇرىپ، ىرسيعان يكەمسىز ساۋساقتارىمەن كوز جاسىن ءسۇرتىپ، نەگە ەكەنى بەلگىسىز، شاپانىنىڭ ەتەگىن قاقتى دا ءوزى جاتاتىن بۇرىشقا، جىلى پەشتىڭ جانىنا قاراي كەتە باردى... شلويمەنىڭ جىلىنعىسى كەلىپ كەتكەن. كەنەتتەن ول جاۋراپ بارا جاتقانىن سەزدى.

  سودان بەرى شلويمە وزگە ەشنارسەنى ويلاي المايتىن بولدى. ول تەك ءبىر-اق نارسەنى ءبىلدى: ۇلى ءوزىنىڭ حالقىنان باس تارتىپ، باسقا قۇدايعا كەتپەك ەكەن. كەنەتتەن ونىڭ جۇرەگىندە ەسكى، باياعىدا ۇمىتىلعان نانىم ويانعان. شلويمە ەشقاشان ءدىندار بولعان ەمەس، قۇدايعا دا سيرەك جالبارىناتىن، ءتىپتى ەرتەرەكتە ونىڭ «قۇدايدان بەزگەن» اتانعانى دا بار. ءبىراق ءوزىڭنىڭ قۇدايىڭنان، تاعدىردان تالاي سوققى العان، ماڭدايىنىڭ سورى بەس ەلى حالقىڭنىڭ دىنىنەن كەتۋ، مۇلدە كەتىپ قالۋ - بۇل ونىڭ ساناسىنا سيمايتىن ءىس ەدى. ونىڭ قارتايعانى سونشا، جوندەپ ويلاي دا المايتىن، ءبىراق «بولمايدى، بۇلاي ىستەۋگە بولمايدى!» دەگەن سوزدەر ونىڭ ساناسىندا دا ەمەس، كوز الدىندا قالىقتاپ تۇرىپ العان. بۇل سۇمدىقتىڭ ەرتە مە، كەش پە ورنايتىنىن بىلگەننەن كەيىن، ۇلىنىڭ بەتىن قايتارا المايتىنىن تۇسىنگەننەن كەيىن ول «شلويمە، كارى شلويمە، ەندى نە ىستەيسىڭ؟» دەدى  وزىنە-ءوزى. جان-جاعىنا شاراسىزدانا قاراعان شال كىشكەنتاي اۋزىن جيىرىپ، ارىق يىعىن سەلكىلدەتىپ، ءۇنسىز جىلاپ جىبەرگىسى كەلگەن. ءبىراق كوزىنەن جاس شىقپاي قويدى. جەڭىلدىك اكەلەتىن جاس تا قالماپتى جانارىندا. سودان كەيىن جۇرەگى ءوزىنىڭ باقىتسىزدىعىنىڭ ءتۇپسىز تەرەڭدىگىن ءتۇسىنىپ، سىزداپ قويا بەرگەن كەزدە ءوزى جاتاتىن جىلى بۇرىشقا مەيىرلەنە سوڭعى رەت كوز تاستادى دا «مەنى بۇل جەردەن ەشكىم قۋمايدى، ەشقاشان ەشكىم قۋا المايدى» دەپ شەشتى. كارى شلويمەگە جاستىعىنىڭ استىندا جاتقان كەپكەن ناندى جەگىزبەي مە؟ مەيلى. شلويمە ءوزىنىڭ قۇدايىنا بارىپ شاعىنادى. قۇداي بار عوي. قۇداي ونى، ءسوزسىز، قابىلدايدى. بۇعان شلويمە سەنىمدى ەدى.

  تۇندە توسەگىنەن تۇرىپ، ەشكىمدى وياتىپ الماس ءۇشىن وتە اقىرىن قوزعالعان ول كىشكەنتاي مايشامدى جاقتى. اھىلاپ-ۋھىلەپ جاتىپ ۇستىنە ساۋىس-ساۋىس كويلەگىن كيدى. الدىن الا دايىنداپ قويعان ورىندىعى مەن ءجىبىن شىعارىپ، قالت-قۇلت ەتكەن شال قابىرعانى قارماي ءجۇرىپ دالاعا شىقتى. دەنەسى توڭازىعان. دىرىلدەپ كەتتى. شلويمە ارقاندى ىلگەككە تەز بايلادى دا ورىندىققا شىعىپ ءجىپتى قالتىراعان، ارىق موينىنا وراپ، سوڭعى كۇشىن جيناپ  سەرپىلىپ قالدى،   ورىندىقتى يتەرىپ جىبەردى. ول ءتۇسى وڭعان كوزدەرىمەن 60 جىل بويى ەشقايدا شىقپاي ءومىر سۇرگەن تۋعان قالاسىن شولىپ ۇلگەرگەن. سودان سوڭ اسىلىپ قالدى...

  ىلە قاتتى جەل سوعىپ كەتتى. كوپ ۇزاماي ءۇيدىڭ، كارى شلويمە جىلى پەش پەن ەۆرەيلەردىڭ قاسيەتتى كىتابى تورانى تاستاپ شىققان ءۇيدىڭ الدىندا ءىلۋلى تۇرعان قۋ سۇيەك مۇردە جەل ىرعاعىمەن شايقالا باستاعان.


اۋدارعان _ مادينا وماروۆا




 
رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn