17-قاراشادا وتكىزىلگەن 4-كەزەكتى ازيا قايراڭ سپورت جارىسىنىڭ 10 كيلومەترلىك سۋعا مالتاۋ مارافون جارىسىندا ەلىمىز سپورتشىلارى زۋ ليجۇن مەن فاڭ يانچياۋ جەكە-جەكە ەرلەر جانە ايەلدەر گرۋپپاسىنىڭ اعا جۇلدەگەرلىگىن ەنشىلەپ، ەلىمىز كومانداسىنا جانەدە 2 التىن مەدال الىپ بەردى.
بۇل فاڭ يانچياۋ مەن زۋ ليجۇننىڭ ازيا قايراڭ سپورت جارىسىندا وسى تۇردەگى جارىستان العان ەكىنشى رەتكى التىن مەدالى.
سول كۇنى تۇستە وتكىزىلگەن ايەلدەردىڭ 10 كيلومەترلىك ارالىققا مالتاۋ شەشۋشى جارىسىندا فاڭ يانچياۋ 2 ساعات 16 مينۋت 12 سەكۋند 10 تاقىلدىق ناتيجەمەن التىن مەدالدى ەنشىلەسە، ەلىمىزدىڭ جانە ءبىر ساڭلاعى ساۋ شى-يۋە 2 ساعات 16 مينۋت 40 سەكۋند 30 تاقىلدىق ناتيجەمەن كۇمىس مەدالدى ەنشىلەدى. وسىدان كەيىنگى ەرلەر گرۋپپاسىنىڭ جارىسىندا زۋ ليجۇن ءوز رولىن ويداعىداي ساۋلەلەندىرىپ، 2 ساعات ءبىر مينۋت 43 سەكۋند 10 تاقىلدىق ناتيجەمەن اعا جۇلدەگەرلىكتى ەنشىلەدى.
سونىمەن ازيا قايراڭ سپورت جارىسىنىڭ سۋدا مالتاۋ مارافون جارىسىنداعى 12 مەدالدىڭ يەگەرى تۇگەلدەي جارىققا شىعىپ، مۇنىڭ ىشىندە ەلىمىز كومانداسى 6 مەدالعا يە بولدى.
سول كۇنى ەلىمىز كومانداسى جانەدە ءبىر كۇمىس مەدال مەن 4 قولا مەدال ەنشىلەدى. قايسارلار 3 سايىسىنىڭ ارالاسپا كۇش جالعاپ مالتاۋ جارىسىندا چين ليڭشي، جۇڭ مىڭ-ي، دۋان جىڭيۇي جانە ليۋ چىندار كۇمىس مەدالعا يە بولىپ، قايسارلار 3-سايىسىنىڭ جەكە ادامدىق جارىسىندا باي فاچۋان، ۋاڭ ليانيۋان ەرلەر جانە ايەلدەر گرۋپپاسىنان ۇشىنشىلىكتى ەنشىلەدى.
بۇدان سىرت، سول كۇنى وتكىزىلگەن اعاش دوپ جارىسىندا ەلىمىز كومانداسى جەكە-جەكە ەرلەر جانە ايەلدەر گرۋپپاسىنىڭ توپتىق جارىس تۇرىنەن قولا مەدال ەنشىلەدى.
كەزەكتە ەلىمىز كومانداسى 5 التىن، 4 كۇمىس، 9 قولا مەدالدىق ناتيجەمەن التىن مەدال تاقتاسىنان 4-ورىندى، سيلىق تاقتاسىنان 3-ورىندى يەلەسە، وتاعاسى ەل تايلاند كومانداسى الدىڭعى ورىندى ساقتاپ، 13 التىن، 12 كۇمىس، 17 قولا مەدالدىق ناتيجەمەن قازىرشە التىن مەدال سانى مەن جالپى سيلىق تاقتاسىندا ءبىرىنشى ورىندى يەلەۋدە.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.