2014-جىلعى حالىقارالىق سەمسەر جارىسىن ۇيىمداستىرۋ بىرلەستىگىنىڭ ايەلدەر سەمسەر الەمدىك ساۋىتىنا تالاسۋ جارىسى 16- قاراشادا جياڭسۋ ولكەسىنىڭ شۇيجوۋ قالاسىندا اياقتالىپ، ەلىمىز كومانداسى كوللەكتيۆ جارىستا ەرەكشەلىكتەرىن ساۋلەلەندىرىپ، جوعارى ۇپايمەن يتاليا كومانداسىن ويسىراتا جەڭىپ، اعا جۇلدەگەرلىكتى ەنشىلەدى.
15-قاراشاداعى جەكە ادامدىق جارىستا ەلىمىز كومانداسىنىڭ بەينەسى ادەتتەگىدەي بولعاندىقتان، 4 مىقتى قاتارىنا ەشكىم كىرە المادى. لوندون وليمپيادا سپورت جارىسىنىڭ كوللەكتيۆ اعا جۇلدەگەرى سۇن يۇيجيە 5-ورىندى يەلەسە، جانە ءبىر اعا جۇلدەگەر جارىستى ۇيىمداستىرۋشى جياڭسۋ ولكەسىنىڭ سپورتشىسى شۇي انچي، اۋەلى، الدىڭعى جىرمانىڭ ىشىنە دە كىرە المادى. جارىستا سۇن يۇيجيە مەن شۇي انچي باستاتقان ەلىمىز كومانداسىنىڭ بەينەسى ايتارلىقتاي بولىپ، ولار تۋ باستا-اق 36 عا قارسى 45 ۇپايمەن گەرمانيا كومانداسىن، جارتىلاي شەشۋشى جارىستا شۆەتسيا كومانداسىن جەڭىپ الىپ، يتاليا كومانداسىمەن شەشۋشى جارىسقا ءتۇستى. ايتارعا تاتيتىنى، يتاليا كومانداسىنىڭ شەشۋشى جارىستاعى بەينەسى دە تاماشا بولىپ، ولار جارتىلاي شەشۋشى جارىستا كۇشتى رەسەي كومانداسىن جەڭىپ العان. الايدا، شەشۋشى جارىس ءبىر جاققا اۋىپ، ەلىمىز كومانداسى ارت-ارتىنان ءنومىر الىپ، تەز ارادا جوعارى ۇپايمەن قارسىلاسىن ارتقا تاستاپ، سوڭىندا 23 كە قارسى 42 ۇپايمەن يتاليا كومانداسىن جەڭىپ الدى.
بۇل رەتكى جارىستى مەملەكەتتىك دەنە تاربيە باس مەكەمەسىنىڭ ۆەلوسيپەد جانە سەمسەر سپورتىن باسقارۋ ورتالىعى ۇيىمداستىرىپ، جۇڭگو سەمسەر جارىسىن ۇيىمداستىرۋ قوعامى، جياڭسۋ ولكەلىك دەنە تاربيە مەكەمەسى، شۇيجوۋ قالالىق حالىق ۇكىمەتى بىرلەسىپ وتكىزىپ، شۇيجوۋ قالالىق دەنە تاربيە مەكەمەسى سەلبەسىپ وتكىزگەن. گەرمانيا، يتاليا، وڭتۇستىك كورەيا، ا ق ش، جۇڭگو سياقتى 22 مەملەكەت پەن رايوننان كەلگەن 150 نەشە سپورتشى جارىسقا قاتىناسۋعا تىزىمدەلگەن.
حالىقارالىق سەمسەر جارىسىن ۇيىمداستىرۋ بىرلەستىگى جارىستىڭ باستالۋ ۋاقىتىنا وزگەرىس جاساعاندىقتان، بۇل شۇيجوۋدىڭ 2014-جىلى وسى تۇردەگى جارىستى ەكىنشى رەت ۇستىنە الىپ وتكىزۋى ەكەن.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.