فۋتبول سالاسىن ءدۇر سىلكىندىرگەن دۇنيە جۇزىلىك فۋتبول ساۋىتىنا تالاسۋ جارىسىن وتكىزۋگە ءوتىنىش بەرۋ ءىسى ىرىستى ەل كاتاردىڭ ءارقايسى ءىرى حالىقارالىق دەنە تاربيە جەكە جارىس ءتۇرى ۇيىمىنىڭ قولداۋىنا يە بولۋىنا توسالعى بولا المادى. حالىقارالىق جەڭىل اتلەتيكا بىرلەستىگى 18-قاراشادا كاتاردىڭ استاناسى دوحانىڭ ەۆروپا مەن ا ق ش-تاعى ەكى قالامەن بولعان باسەكەدە جەڭىپ شىعىپ، 2019-جىلعى دۇنيە جۇزىلىك جەڭىل اتلەتيكا جۇلدەلى جارىسىن وتكىزۋ ۇقىعىنا يە بولعاندىعىن جاريالادى.
حالىقارالىق جەڭىل اتلەتيكا بىرلەستىگىنىڭ القالار كەڭەسى سول كۇنى موناكوداعى فەرمون قوناقجايىندا ءماجىلىس اشىپ، 17 –كەزەكتى دۇنيە جۇزىلىك جەڭىل اتلەتيكا جۇلدەلى جارىسىن وتكىزۋ ۇقىعىنىڭ كىمگە تاۋەلدى بولۋى جونىندە داۋىس بەرگەن، ناتيجەدە دوحا يسپانياداعى ايگىلى قالا بارسەلونا مەن ا ق ش-تىڭ جەڭىل اتلەتيكا قالاسى يوگينمەن بولعان باسەكەدە اعالاپ العا شىقتى.
العاشقى كەزەكتى داۋىس بەرۋدە دوحا 12 داۋىسقا، يوگين 9 داۋىسقا، ال بارسەلونا نەبارى 6 داۋىسقا يە بولىپ، قاتاردان قالدى؛ ەكىنشى كەزەكتى داۋىس بەرۋدە يوگين 12 داۋىس، دوحا 15 داۋىس الىپ، ەڭ سوڭىندا دوحا جەڭىپ شىقتى.
سەنەگالدان كەلگەن حالىقارالىق جەڭىل اتلەتيكا بىرلەستىگىنىڭ ءتوراعاسى دياك داۋىس بەرۋ ناتيجەسى شىققاننان كەيىن دوحا قالاسىنا سەنەتىندىگىن ايتا كەلىپ:«دوحانىڭ ءبىر كەزەك تاماشا دۇنيە جۇزىلىك جۇلدەلى جارىسىن وتكىزەتىندىگىنە سەنەمىن» دەدى.
ول سونىمەن بىرگە، وتكىزۋگە ءوتىنىش بەرگەن باسقا ەكى قالاعا العىس ايتا كەلىپ:« سىزدەردىڭ وتكىزۋگە وتىنىش بەرۋدەگى سويلەگەن سوزدەرىڭ ءبىز كورگەن ەڭ تاماشا تانىتۋ بولماق» دەدى.
دوحا ۋاكىلدەر ۇيىرمەسىن باستاپ وسى كەزەكتى دۇنيە جۇزىلىك جەڭىل اتلەتيكا جۇلدەلى جارىسىن وتكىزۋگە ءوتىنىش بەرگەن كاتار وليمپيادا سپورت جارىسىن ۇيىمداستىرۋ كوميتەتىنىڭ باس حاتشىسى الساني مەردىگەرلىككە باسەكەلەسۋدە جەڭىپ شىققاننان كەيىن:«حالىقارالىق جەڭىل اتلەتيكا بىرلەستىگىنىڭ سەنىمىنە يە بولۋ ءبىز ءۇشىن داڭق. مەن ءبىزدىڭ بۇل ءوڭىردىڭ دۇنيە جۇزىلىك جەڭىل اتلەتيكا جۇلدەلى جارىسىن تۇڭعىش رەت وتكىزەتىندىگىنە ايرىقشا قۋانىشتامىن. حالىقارالىق جەڭىل اتلەتيكا بىرلەستىگىنىڭ قولداۋىندا، مەن دۇنيەدەگى ەڭ تاماشا ءبىر كەزەك جەڭىل اتلەتيكا جۇلدەلى جارىسىن ۇيىمداستىرۋعا سەنىمىم كامىل» دەدى.
وسىدان بۇرىنعى ەكى كەزەك دۇنيە جۇزىلىك جەڭىل اتلەتيكا جۇلدەلى جارىسى ازيا جانە ەۆروپا قالالارىندا، ياعني 2015-جىلى تامىزدا جۇڭگونىڭ استاناسى بەيجيڭدە، 2017-جىلى تامىزدا ۇلى بريتانيانىڭ استاناسى لوندوندا وتكىزىلەدى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.