توناۋشىلىق ىستەيمىن دەپ زاڭ تورىنا ءتۇستى

ءتىلشىمىز ۋان جىن

     8-قازان بەيجيڭ ۋاقىتى ساعات 21 دەن 25 مينۋت وتكەندە ساۋان اۋداندىق قوعام حاۋىپسىزدىگى مەكەمەسىنىڭ قاتىناس ساقشى ۇلكەن اترەتىندەگى   حالىق ساقشىلارى شارلاۋ مىندەتىن وتەپ جۇرگەندە قىزىل  ءتۇستى سومكا اسىنعان دەلو  مالىمدەگەلى كەلگەن ءبىر ادامعا جولىعادى. ول قولىنا پىشاق العان ءبىر ەر ادامنىڭ ونىڭ 40 يۋان اقشاسىن توناپ كەتكەندىگىن، توناۋشىنىڭ ۇزاپ كەتپەگەنىن، حالىق ساقشىلارىنىڭ ونى تەزدەن قولعا الۋىن ايتادى.

  زيانكەستىككە ۇشىراۋشى يە xx تىڭ تانىستىرۋىنا قاراعاندا، ول سىرتتان كەلگەن جۇمىسشى بولىپ، جۇمىستان ءتۇسىپ    اۋداندىق اۋا رايى مەكەمەسىنىڭ ماڭىنا كەلگەندە كەنەتتەن ءبىر ەر ادامنىڭ ارتىنان كەلىپ ونى قاپسىرا قۇشاقتاپ، كەۋدەسىنە پىشاق توسەپ، قالتاسىنداعى بارلىق اقشاسىن توناپ العاننان كەيىن شىعىسقا قاراي قاشىپ كەتكەن.

  جاعدايدان حابار تاپقاننان  كەيىن قاتىناس ساقشى ۇلكەن اترەتىنىڭ ورىنباسار اترەت   باستىعى ۋاڭ شىڭجۇن قىلمىس كۇماندىسىنىڭ جانەدە دەلو تۋدىرىپ، جۇرتشىلىققا زيان جەتكىزۋىنەن الاڭداپ، ەكى حالىق ساقشىسى مەن يە xx تى ەرتىپ اۆتوكولىگىن ايداپ قىلمىس  كۇماندىسىن ىزدەيدى. حالىق ساقشىلارى اۆتوكولىكپەن شىعىس جاقتى بەتكە الىپ، قورقىس   كوپىرىنە دەيىن بارادى. الايدا، قىلمىس كۇماندىسىنىڭ كولەڭكەسىندە كورمەيدى.

  وسى كەزدە زيانكەستىككە   ۇشىراۋشى يە xx قىلمىس    كۇماندىسىنىڭ اراق ءىشىپ   العاندىعىن، ۇزاققا كەتە قويماعاندىعىن ايتادى. سونىمەن حالىق ساقشىلارى دەرەۋ ارتقا بۇرىلىپ، جول بويىنداعى دۇكەندەر مەن تار كوشەلەردەن ىزدەستىرەدى ءارى جولدان وتكەن جۇرگىنشىلەردەن جاعداي      ۇعىسادى.

  اقىرى زيانكەستىككە ۇشىراۋشى يە xx  قاتىناس ساقشى  ۇلكەن اترەتىنىڭ ماڭىنداعى تۇرعىندار رايونىنداعى تار كوشەدەن قىلمىس كۇماندىسىن  كورگەن جەردەن تانيدى.

  قىلمىس كۇماندىسى پىشاق الىپ جۇرگەندىكتەن، ۋاڭ شىڭجۇن الدىمەن قىلمىس كۇماندىسىنىڭ ءجۇرىس-تۇرىسىن    باقىلاپ، ورايى كەلگەندە ۇستاۋ بەكىمىنە كەلەدى.

  قىلمىس كۇماندىسى ءبىر قوقسىق ساندىعىنىڭ قاسىنا بارىپ، قوقسىق ساندىعىنا نارسە تاستاعاننان كەيىن كەتىپ قالادى. ءدال وسى ساتتە قىلمىس كۇماندىسىمەن 10 مەتر ارالىقتا تۇرعان 3 ساقشى دەرەۋ  اۆتوكولىكتەن ءتۇسىپ، قىلمىس كۇماندىسىن باس سالىپ جەرگە جىعىپ، قىلمىس كۇماندىسىنىڭ قويىنىنان ءبىر چيەداۋدى الىپ  شىعادى. ونان سوڭ قىلمىس كۇماندىسى نارسە تاستاعان  قوقسىق ساندىعىنىڭ ىشىنەن ءبىر ۇزىن پىشاقتى تاۋىپ الادى.

  حالىق ساقشىلارى دەرەۋ قىلمىس كۇماندىسىن ۇلكەن  اترەتكە اپارىپ جاعداي ۇعىسادى. سۇراققا تارتۋ ارقىلى قىلمىس كۇماندىسى ا xx  بيىل 51 جاستا بولىپ، شينجياڭ قىزىلسۋ  قىرعىز اۆتونوميالى وبلىسى اتۇش قالاسىنىڭ ادامى ەكەندىگىن،   وسىدان بۇرىن قولىنا پىشاق   الىپ توناۋشىلىق ىستەپ   سوتتالعاندىعىنان حاباردار بولادى. قاتىناس ساقشى ۇلكەن اترەتى اۋداندىق قىلمىستى ىستەر ساقشى اترەتىمەن حابارلاسىپ، بۇل دەلونى تاپسىرىپ بەرەدى.

  كەزەكتە ا xx قىلمىس     وتكىزگەندىگى سەبەپتى قولعا   الىنىپ، بۇل دەلو ىشكەرىلەي تەكسەرىلۋدە.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.