ەەڭ جاڭا مازمۇندار
شي جينپيڭنىڭ زاڭمەن باسقارۋ يدەياسىن شينجياڭدى جاپپاي زاڭمەن باسقارۋدىڭ جالپى بارىسىندا دايەكتىلەندىرىپ، زاڭمەن باسقارۋ ويى، ءتاسىلى ارقىلى دامۋدى ىلگەرىلەتىپ، قايشىلىقتى شەشىپ، ورنىقتىلىقتى قورعاپ، حاۋىپ - قاتەرگە توتەپ بەرۋ كەرەك
شينجياڭداعى ءار ۇلت، ءار سالا حالىق قاھارماندارىنا قۇرمەتپەن گۇل شارباق قويدى
مەملەكەتتىك كەڭەس مەملەكەت مەرەكەسىن قۇتتىقتاۋ قوناعاسىن وتكىزدى
جاڭاشا بۇكىل مەملەكەتتىك ءتۇزىلىس ابزالدىلىعىن تولىق ساۋلەلەندىرىپ، ەشقاشان بوساڭسىماي، باستان − اياق ءساتتى جۇرگىزىپ، قاجىماي ەڭبەك ەتىپ، ەلىمىزدىڭ وزىق جابدىق جاساۋدا اناعۇرلىم كوپ كەلەلى ناتيجەلەرگە قول جەتكىزۋىن قۇلشىنا جۇزەگە اسىرۋ كەرەك
قۇربانداردى ەسكە الۋ كۇنىندە حالىق قاھارماندارىنا قۇرمەتپەن گۇل شارباق قويۋ سالتى بەيجيڭدە سالتاناتپەن وتكىزىلدى
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى

جەندەتتىك الدامكوستىگى

جولدانعان ۋاقىتى : 2014/11/3 10:52:28

ساۋ شاڭرىن   (جاپونيا)

  اناۋ ءوز كۇيەۋىن ولتىرەمىن دەگەن ايەل كەلىپ دەلو مالىمدەگەندە، كەزەكشىلىكتە ءدال جولى بولماعىر بارلاۋشىلار باستىعى داۋتيان وتىرعان ەدى. ايەل تاعى قاتىستى ادامداردى: كۇيەۋى، ياعني ءوزىم ولتىرەتىن بولدىم دەگەن زيانكەستىككە ۇشىرايتىن ادام جانە ءسىڭلىسىن ەرتە كەلىپتى.

  بۇل ۇشەۋىنىڭ ءسوزىن تىڭداعان از عانا ۋاقىتتا بارلاۋشىلار باستىعى داۋتيان، بۇنىڭ تاعى دا تەگىنەن ازعاندارعا قاتىستى دەلو ەكەنىن ءبىلىپ، ابدەن ىعىر بولدى. جوق، بۇل ءىس قازىر ءالى دە قىلمىس تۋىلاردان بۇرىنعى كەزەڭدە ەكەن. سول جولى  G زاۆودىنان ۋلى زات قاشقاننان بەرى، مىنالار سەكىلدى اياق استىنان تەگىنەن ازعان جانداردىڭ سانى قاۋىرت مولايدى. فەدەراتسيالىق ۇكىمەت اپاتقا ۇشىراعان ءوڭىردى تۇمشالادى دا جاۋاپكەرسىزدىكپەن جۇمىستى ءبىتتى قىلدى. سونىڭ كەسىرىنەن ساقشى مەكەمەسى ءدوپ كەلگەن ادام اقىلى جەتپەيتىن ىستەر دە شۇعىل كوبەيىپ كەتتى.

******
  -الگى... حانىم،-دەدى داۋتيان باستىق،-ءسىز نە ءۇشىن ءوز كۇيەۋىمە قول جۇمسايمىن دەپ ويلايسىز؟

  -ويلاعاندىق ەمەس،-دەدى ورتا جاستان ءسال اسقان، قوڭىر شاشتى ايەل بۇل سۇراۋعا ءسال رازى بولماعانداي نىسايمەن. ونىڭ قاسىنداعى جاس شاماسى وتىزدار شاماسىنداعى ايەل ونىڭ ءسوزىن ءىلىپ الا جونەلدى:

  -جاقسىلاپ ەستىڭىز، بۇل جالتارۋعا مۇلدە كەلمەيتىن كەلەشەك. ويتكەنى مەندە كەلەشەكتى كورە الاتىن ساۋەگەيلىك قاسيەت بار.

  بۇل ايەلدىڭ ارتىندا تۇرعان جاس شاماسى بارىنەن ۇلكەن ورتا جاستاعى ەركەك كوڭىلسىزدەۋ ءتىل قاتتى:

  -بۇل راس. ليڭ باتتوننىڭ ساۋەگەيلىگىنەن قازىرگە دەيىن بىردە-ءبىر اعاتتىق كەتكەن جوق.

  ءاسىلى، الگى اجالدىڭ قۇرىعى موينىنا ىلىنگەن ەركەك وسى بولدى عوي دەپ ويلادى داۋتيان.

  -وندا مەن ءىستى ءبىر- بىردەن سۇرايىن. حانىم، ءسىزدىڭ ەسىمىڭىز كىم؟

  كەلەشەكتەگى جەندەت:

  -جون فرانكحايمور،-دەدى.

  -مەكەن-جايىڭىز...

  -گەورگي قالاسى تەرىستىك اۋماق 2-كوشە 3-ءنومىر.

  ول ارا جوعارى دارەجەلى  تۇرعىندار رايونى. ءاسىلى      فرانكحايمور مىرزا اۋقاتتى بولدى عوي دەپ ويلادى داۋتيان.

  بارلاۋشىلار باستىعى ەندىگىدە ورتا جاستاعى ەركەككە بۇرىلىپ:

  -وندا، دانير فرانكحايمور مىرزا ءسىز بولدىڭىز عوي،-دەپ سۇرادى.

  ورتا جاستاعى ەركەك:

  -سولاي،-دەدى دەگبىرى قاشا.

  داۋتيان اۋىز اشقانشا، الگى جاس ايەل اسىعىپ-ۇسىگىپ سويلەي جونەلدى:

  -مەنىڭ اتىم ليڭ باتتون، مىنا حانىمنىڭ ءسىڭلىسى بولامىن. مەكەن-جايىم ىسكۋلانپا كوشەسى 25-ءنومىر ...

  داۋتيان باسىن يزەپ قويدى. ىسكۋلانپا كوشەسى باقشاعا تاياۋ ماڭداعى ءوڭىر بولىپ، وندا باسپاناسىز كوپتەگەن بوسقىندار جينالعان. اماندىق باسقارۋى دا ناشار بولاتىن.

  -ءسىز نەكەلەنگەن بە ەدىڭىز؟-دەدى داۋتيان.

  ليڭ:

  -سولاي، اپەكەمنىڭ نەكەلەنۋدەن بۇرىنعى فاميلياسى دا باتتون،-دەدى اۋزىن بۇرتيتىپ.

  -سىزدەردىڭ اتا-انالارىڭىز قايدا؟

  -ەكەۋى دە الدەقاشان باقيلىق بولعان. اپەكەم مەنىڭ مىنا دۇنيەدەگى بىردەن-ءبىر جاقىنىم.

  -سايكەسكەنىڭىزگە راقىمەت. وندا حانىمنىڭ كەلەشەكتە كۇيەۋىمدى ءوزىم ولتىرەتىن بولدىم دەگەنى قانداي سەبەپتەن؟

  -مۇنى ليڭ بولاشاقتى كورە الاتىن قاسيەتىمەن كورىپتى. ول مەنىڭ كۇيەۋىمدى تاپانشامەن   اتىپ تاستاعانىمدى كورىپتى.

  -اتىپ تاستاپتى دەي مە،  تاپانشامەن بە؟

  فرانكحايمور حانىم باسىن يزەپ:

  -سولاي، 22 ميلليمەترلىك تاپانشامەن، مىنە ءدال مىنا تاپانشا،-دەدى دە قولىنا ۇستاعان قالتانى اشىپ، ءبىر كىشكەنە تاپانشا الىپ شىقتى،-جۋىقتان بەرى قوعام تىنىش ەمەس، سول ءۇشىن قورعانۋعا بولا الىپ     ءجۇرمىن. دەسەدە مۇنىڭ ىشىنە شىن وق سالىنعان.

  بارلاۋشىلار باستىعى ءسال  ويلانىپ الدى دا تاعى سۇرادى:

  -مۇنىڭ سەبەبىن سۇراۋىما بولا ما؟ ءسىزدىڭ كۇيەۋىڭىزدى جازىم ەتەتىنىڭىزگە نەگە سەنەتىنىڭىزدى ەمەس، قايتا كۇيەۋىڭىزدى نە ءۇشىن ولتىرەتىنىڭىزدى، ياعني ماقساتىڭىز نە؟

  ايەلدىڭ جۇزىنە ازداپ كۇلكى ءۇيىرىلدى:

  -ايتىپ بەرۋىمە بولادى، ارينە، مەنىڭ ونى ءولتىرۋىم ورىندى قورعانۋ ءۇشىن.

  ونىڭ كۇيەۋى ءسوز قىستىرىپ:

  -ياعني مەن، اۋەلى قولىما پىشاق الىپ ونى ولتىرمەكشى بولادى ەكەم. سونىمەن، ايەلىم سومكەسىنەن تاپانشانى الىپ شىعىپ مەنى اتىپ تاستايدى...-دەدى.
داۋتيان جانارىن ليڭ باتتونعا اۋداردى:

  -بۇنىڭ ءبارىن سەن كوردىڭ بە؟

  ليڭ باتتون ءۇنسىز عانا باسىن يزەدى.

  نەتكەن قىرسىق دەسەڭشى، قازىر كوشە-كوشەنىڭ ءبارى   وسىنداي كەرەمەتى اسىپ-تاسىعاندارعا تولىپ كەتتى عوي ايتەۋ.
*****
  -ۇلكەن جاقتان حابارلى بولدىم. سوندا بۇل ءىس قاشان تۋىلادى؟-دەدى داۋتيان. فرانكحايمور حانىم جاردەم سۇراعانداي الپەتپەن سىڭىلىسىنە قارادى. ءسىڭلىسى  اپەكەسى اتىنان جاۋاپ بەرىپ:

  -ناقتى ۋاقىتىن مەن دە ايتىپ بەرە المايمىن. دەسەدە  وسى ءبىر اپتا ىشىندە بولىپ قالار ما ەكەن دەيمىن. ويتكەنى  ەسىمدە قالۋىنشا اپەكەم تاپانشا اتقان كەزدە گۇلدى كويلەگىن كيىپ تۇرعان.

  فرانكحايمور حانىم نىق سەنىممەن باسىن يزەپ:

  -ايدىڭ باسى مەن اياعىندا مەن مۇلدە گۇلدى كويلەك كيمەيمىن،- دەدى.

  وندا، سىزدەر ساقشىنىڭ وزدەرىڭىزگە نە ىستەپ بەرۋىن قالايسىزدار؟ الگى تاپانشانى ءمۇسادىرالاپ، سونان سوڭ حانىمدى ءبىر مەزگىل باقىلاۋدا ۇستاساق بولاتىن شىعار؟
-بۇلاي ىستەۋدىڭ تۇككە سەبى جوق. ءسىز مەنىڭ تاپانشامدى ءمۇسادىرالاپ الىپ، اناۋ حاۋىپسىز ساندىققا سالىپ قويساڭىز دا... -دەدى حانىم كوزىن قوڭىر ءتۇستى حاۋىپسىز ساندىققا اۋدارىپ. داۋتيان دا ەرىكسىز نازارىن سولاي اۋدارىپ ەدى، الگى حاۋىپسىز ساندىقتىڭ قۇپيا سيفر تەرەتىن تاباقشاسى سىرتىلدەپ ايلانىپ، بىرنەشە سەكۋندتا قاقپاعى « تىرس» ەتىپ اشىلىپ قالدى. داۋتيان حانىمعا قاراپ تۇرىپ:

  -سىزدە «دۇعامەن قوزعالتۋ ونەرى» بار ما ەدى؟-دەدى.

  -بۇدان سىرت، كەدەرگىنىڭ  ار جاعىنداعى زاتتاردى دا كورە الامىن. ءسوزىمدى كوڭىلىمە  الماڭىز. سول ءۇشىن تاپانشامدى  ءمۇسادىرالاپ، مەنى قاماپ قويۋىڭىزدىڭ تۇككە سەبى جوق،- دەدى حانىم.

  داۋتيان امالسىز فرانكحايمور مىرزاعا بۇرىلىپ:

  -تەگى ايتساڭىزشى، حانىمىڭىزدى نە ءۇشىن ولتىرمەكشى بولاسىز؟-دەدى.
 
  فرانكحايمور ماڭداي تەرىن  ءسۇرتىپ قويىپ:

  -مۇنى مەن دە تۇسىنە الماي وتىرمىن عوي. وعان زيانكەستىك ىستەيتىن ەشقانداي سەبەبىم جوق. ونى جانىمداي جاقسى كورەمىن،-دەدى.

  -بالكىم كوڭىلدەس ءۇشىن ەمەس پە ەكەن؟-دەدى حانىمنىڭ ءسىڭلىسى.

  فرانكحايمور ايەلىنە بۇرىلىپ:

  -كوڭىلدەسىڭ بار ما ەدى،- دەدى تىگىلىپ.

  -بۇل مۇمكىن ەمەس. مەن دە سەنى سۇيەمىن. ايتپەگەندە سەنى اتىپ ولتىرگەن سوڭ، ءوزىمدى نە ءۇشىن جايراتامىن،-دەدى    حانىمنىڭ كوزى الايىپ.
-ءسوزىڭنىڭ قيسىنى بار. كەشىرشى، سەنەن بۇلايشا كۇماندانباۋىم كەرەك ەدى.

  داۋتيان باستىقتىڭ باسىنىڭ ساقيناسى ۇستاپ قالدى. ولاردىڭ ءسوزىن ءۇزىپ جىبەردى:

  -كۇيەۋىن اتىپ تاستاعان سوڭ، حانىم وزىنە قول سالادى دەيسىزدەر مە؟

  فرانكحايمور حانىم كامىل سەنىممەن باس يزەپ:

  -سولاي، تاعى وسى تاپانشامەن،-دەدى.

  بارلاۋشىلار باستىعى تاعى ليڭ باتتونعا قارادى:

  -مۇنى تاعى دا سەن كوردىڭ بە؟

  -اپەكەم تاپانشانى شەكەسىنە توسەدى،-دەدى ليڭ باتتون.

  داۋتيان ازداپ ويلانىپ العان سوڭ:

  -وندا، بىلاي قىلساق قايتەدى؟ ءبىز مىرزانىڭ ءۇيىنىڭ كىلتىن ۋاقىتشا ءمۇسادىرالاپ  الىپ، حاۋىپسىزدىك ءۇشىن ونى كەلەر ايعا دەيىن باقىلاۋدا ۇستاي تۇرايىق. ءسىزدىڭ گۇلدى كويلەك كيەتىن ۋاقىتىڭىز ءوتىپ كەتكەننەن كەيىن، كۇيەۋىڭىز  ەكەۋىڭىز دە حاۋىپسىز  بولاسىزدار،-دەدى.

  -مۇنىڭ پايداسى بولماس پا ەكەن...-دەدى فرانكحايمور مىرزا قاسىرەتتەنە باسىن شايقاپ،-ويتكەنى مەن قاشۋعا شەبەرمىن، مىنا جەردەن بىردەمدە وزگە جەرگە جوتكەلە الامىن.

  مۇنداي قاسيەتى بار تەگىنەن ازعان ادامدارعا قاماۋ، كىلتىن  ءمۇسادىرالاۋدىڭ ەشقانداي سەبى جوق ەدى. ويتكەنى ولار قالاعان كەزىندە، قالاعان جەرىنە جوتكەلە الاتىن.

  داۋتيان:

  -ءسىز قاشۋعا شەبەر بولساڭىز، وقتان دا جالتارا الاسىز...- دەي بەرگەنشە فرانكحايمور ءسوزىن ءبولىپ جىبەردى:

  -وعان كەلمەيدى. جوپەلدەمەدە قاشىپ قۇتىلا المايمىن. ول  ءۇشىن مىندەتتى تۇردە زەيىندى شوعىرلاندىرۋعا تۋرا كەلەدى.

  وسى كەزدە ليڭ باتتون سوزگە ارالاستى:

  -ونىڭ ۇستىنە، ساقشى مىرزا، تاعدىردى وزگەرتۋگە بولمايدى. بۇل جالتارۋعا بولمايتىن كەلەشەك.

  -مۇنداي بولعاندا، ساقشىدان نەنى تالاپ ەتەسىزدەر؟ بىزدە دە امال جوق بوپ تۇر.

  فرانكحايمور حانىم باسىن   اقىرىن شايقاپ:

  -ءبىز سىزدەردەن بۇل ءىستىڭ تۋىلۋىنىڭ الدىن السىن دەپ كەلمەدىك. بۇل ءىس ساقشى مەكەمەسىنە اۋىرەشىلىك تۋدىرادى. ليڭنىڭ ايتۋى بويىنشا تەك الدىن الا دەلو مالىمدەگەنىمىز ءجون شىعار دەپ كەلدىك.

  داۋتيان جاراتپاعان بەينەمەن ونىڭ سىڭىلىسىنە قاراپ:

  -وسىلاي ىستەۋدى ءسىز ايتتىڭىز با؟-دەپ سۇرادى.

  ليڭ باسىن يزەپ:

  -مەنشە بولعاندا، قالا حالقىنىڭ بورىشى رەتىندە ساقشى مەكەمەسىنە ايتىپ قويعانىمىز تۋرا بولار دەپ ويلايمىن،-دەدى بايىپپەن.

  -جارايدى وندا، بۇل دەلونى قابىلدادىق،-دەدى داۋتيان   زورلانا،-دەسەدە وسى دەلونىڭ راستىعىنا كەپىلدىك ەتۋ ءۇشىن مەكەمەدەگى جۇرەكتىڭ ەلەكترىن سەزىنە الاتىن ادامدى (كوڭىلدەگىنى ۇعاتىن ادام ) شاقىرىپ كەلىپ، سىزدەرمەن بەتپە-بەت سويلەستىرەيىن. قالاي قارايسىز؟

  ليڭ باتتوننىڭ جۇزىنەن    ابىرجىعانى مەنمۇندالاپ:

  -ماعان قولايسىزداۋ بولادى!- دەدى.

  -بارلىق ادام ماقۇل كورگەندە عانا جۇرەك ەلەكترىن سەزىنەتىن ادامدى قاتىستىرۋعا بولادى. ءسىز قوسىلماساڭىز، وندا ءبىزدىڭ   امالىمىز جوق،-دەدى داۋتيان.
ول تۇسكى اسىن ءىشىپ قايتا ورالعان قىزمەتتەسى داني حوتسونعا ەسىك اشىپ بەردى. ەكەۋى كوز جانارىمەن سالەمدەسىپ  قويىستى.

  -شىنىمدى ايتسام قازىر جۇرەكتىڭ ەلەكترىن سەزىنە الاتىن ادام دا از ەمەس. مەندە دە كەيدە ازداپ وسىنداي قاسيەت بار. بۇنىڭ تۇك تە تاڭ قالارلىعى جوق،-دەي داۋتيان كوز جانارىن ليڭ باتتونعا اۋدارىپ،-ءسىزدىڭ كورىپكەلدىگىڭىزدەن بۇرىن    اعاتتىق تۋىلماعانىمەن، بۇل جولعىسىنىڭ اۋىساي بولۋىن  ءۇمىت ەتەمىن.

  -سولاي، بۇرىن اعاتتىق    تۋىلماعانىمەن، بارلىق ءىستىڭ دە ءبىرىنشى رەتكىسى بولادى  ەمەس پە،-دەي ليڭ باتتون بولىمسىز جىميىپ.

*****
  بارلاۋشىلار باستىعى داۋتيان ۇشەۋىن جولعا سالىپ جىبەرگەننەن كەيىن، داني حوتسون داۋتيانعا:

  -سەن جۇرەك ەلەكترىن سەزىنە الاسىڭ با؟ بۇرىن نە قىلىپ حابارسىزبىن؟-دەدى.

  -مەندە قايدان ونداي ونەر بولسىن. مۇنداي ونەرىم بولماسا دا ونىڭ وتىرىك ايتقانىن بىلە الامىن،-دەدى داۋتيان كۇلىپ.

  -بۇل تەگى نەندەي ءىس؟- دەدى داني حوتسون.

  داۋتيان ول ۇشەۋىنىڭ ءىسىن حوتسونعا قىسقاشا بايانداپ بەردى. مۇنى ەستىگەن حوتسون:

  -شىنىندا ءبىر اۋرەشىلىك  ەكەن. وندا، الگى ساۋەگەي جالعان سويلەگەن بولدى ما؟-دەدى.

  -بۇل ءىستى وزگەشە تۇسىندىرۋگە مۇمكىندىك جوق. ال انا ەرلى-زايىپتى ەكەۋىنىڭ دەلو مالىمدەۋىنىڭ تيتتەي دە قاجەتى جوق.

  -ءسىڭلىسى جونىنەن بار ما؟

  داۋتيان يەگىن قاسىپ-  قاسىپ جىبەردى دە:

  -زاۋدەعالام، ساۋەگەي ايتقان ءىس شىنىمەن تۋىلا قالسا، دەلو مايدانىندا ەكى ءمايت، ءبىر تاپانشا مەن ءبىر پىشاق قانا قالادى. ەشكىم دە كىمنىڭ كىمدى الدىمەن ولتىرگەنىن بىلمەيدى. مىلتىق ءتۇتىنىن تەكسەرگەن كۇندە دە ايەلدىڭ كۇيەۋىن ولتىرگەنىن راستاعانمەن، ونىڭ بۇلاي ىستەۋىنىڭ سەبەبىن ايىرۋعا بولمايدى. ەگەر ايەل كۇيەۋىن ولتىرگەن جەندەت بولىپ ۇكىم شىعارىلسا، كۇيەۋىنەن قالاتىن ميراسقا مۇراگەرلىك ەتە المايدى.

  -ميراس؟-دەدى داني حوتسون،-راس-اۋ، ونىڭ كۇيەۋى باردام ەمەس پە، ونىڭ ۇستىنە حانىمنىڭ ءسىڭلىسى جارلى-جاقپايلار وڭىرىندە تۇرادى.
داۋتيان باسىن يزەپ:

  -ول ەگەر جەزدەسىنىڭ   بايلىعىنا مۇراگەرلىك ەتكىسى كەلسە، مىندەتتى تۇردە بىرنەشە شارت ورىندالۋى كەرەك. اۋەلى كۇيەۋى ايەلىنەن بۇرىن ولسە عانا ايەلى ميراسقا مۇراگەرلىك ەتەدى. سونان سوڭ ايەلى قازا تاپسا،   ونىڭ بىردەن-ءبىر جاقىنى   رەتىندە ونىڭ ءسىڭلىسى ودان قالعان ميراسقا مۇراگەرلىك ەتەدى. بۇدان سىرت، ەركەكتىڭ   ايەلى جەندەت بولماۋى كەرەك. سوندىقتان ءسىڭلىسى بۇل دايىندالىپ بولعان سەناري بويىنشا ساقشىعا دەلو مالىمدەپ وتىر،- دەدى.
حوتسون باسىن شايقاپ:

  -ءاسىلى ول ساۋەگەيلىكپەن كوردىم دەگەن ىستەردى ويدان قيىستىرىپ، ونى بىزگە مالىمدەۋ ارقىلى ءىس تۋىلعاندا ءبىزدىڭ دە بۇل ىستەن حاباردار ەكەنىمىز ارقىلى قۇتىلىپ كەتپەكشى ەكەن عوي. دەسەدە، ول شىنىمەن اقشا ءۇشىن جار دەگەندە جالعىز   جاقىنىن ولتىرەمە؟-دەدى.

  داۋتيان كوزىن جىپىلقتاتىپ جىبەرىپ:

  -وندا ساۋەگەيلىك قاسيەت بار بولا تۇرىپ، جامان اتى شىققان توزىق رايوندا تۇرادى. ەگەر ول بۇل ءىس وسىلاي بولسا، ءوزىن نەنىڭ كۇتىپ تۇرعانىن بىلەدى دە بەكەر قاراپ وتىرمايدى،-دەدى.

  حوتسون ازداپ ءتۇسىنىپ  باسىن يزەدى دە، ساقشى مەكەمەسىنە كىرە بەرىس ماڭايعا قاراپ:

  -ساۋەگەي بولۋ دا ازاپتى ءىس ەكەن-اۋ. ول وسىمەن ءىسىن دوعارا قويار ما؟-دەپ سۇرادى  الدەنەدەن الاڭداپ.

  -قام جەمە،-دەدى داۋتيان حۇجاتتاردى قالتاعا سالىپ جاتىپ،-ول مەنى كوڭىلدەگى قۇپيانى بىلەتىن ادام ەكەن دەپ ساناپ قالدى.

  -دەسەدە،-حوتسون ەكى ۇداي بولىپ،-بىزدە ونىڭ جەندەتتىك وقيعانى جوسپارلاعانى جونىندە دالەل-سپات جوق ەمەس پە؟  ەگەر ول ساۋەگەيلىكپەن كورسە...

  -ءيا، ايتا بەر،-دەدى داۋتيان ودان تاقاتسىزدىقپەن سۇراپ،- ول نەنى كورسە؟

  -ول كەلەشەكتە ءوزىنىڭ    ولىمگە ۇكىم ەتىلمەگەنىن، تۇرمەگە تۇسپەگەنىن، قايتا باي-باقىتتى تۇرمىس كەشىرگەنىن كورسەشى. وندا، ول مىندەتتى تۇردە...
داۋتيان ايعايلاپ جىبەردى.

  حوتسوننىڭ ايتقانى قاتە ەمەس ەدى. سوندىقتان دا داۋتيان تەگىنەن ازعانداردى ءيتتىڭ ەتىنەن جەك كورەدى. ولار زاڭ-تۇزىمگە بويسۇنۋ دەگەندى قاجەت قىلمايدى.
جۋىقتان بەرى، تەگىنەن ازعاندار دا بارىنشا مولايىپ كەتتى ەمەس پە!


اۋدارعان-قانات جۇماش ۇلى





رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.




 
powered by IlgharCMS 3.2 www.ilghar.cn