1. العان زاتتى قايتارۋىنا بولادى.
تيجارات ەتۋشى توراپ، تەلەۆيزور، تەلەفون، پوچتا ارقىلى زات ساتقاندا، تۇتىنۋشىلار زاتتى تاپسىرىپ العاننان كەيىن 7 كۇن ىشىندە ەشقانداي سەبەپسىز زاتتى قايتارۋىنا بولادى. الايدا تۇتىنۋشىلار زاكاز بەرگەن زات، وڭاي بۇزىلاتىن، توراپتان تۇسىرگەن نەمەسە ساتىپ الۋشىلار پەشەتىن اشقان دىبىس- كەسكىن، كومپيۋتەر جۇمساق بولشەكتەرى سياقتى بۇيىمدار، اقشاسىن تولەپ بولعان گازەت، مەرزىمدى باسىلىمدار مەن زات ساتىپ العان كەزدە تاۋاردىڭ ساپاسىنا قاراي تۇتىنۋشىلار قايتارماۋعا ۋادەلەسكەن زاتتاردى قايتارۋعا بولمايدى.
2. تيجارات ەتۋشى دالەل- سىپات كورسەتەدى.
تيجارات ەتۋشى موتورلى كولىك، كومپيۋتور، مۇزداتقىش، تەلەۆيزور، اۋا تەڭشەگىش، كىرجۋعىش قاتارلى كۇندەلىكتى تۇتىناتىن زاتتاردى ىستەتكەندە نەمەسە بەزەندىرۋ سياقتى قىزمەت وتەۋدى قابىلداعاندا تاۋاردى ساتىپ العان كۇننەن باستاپ نەمەسە ىستەتكەننەن كەيىن 6 اي ىشىندە كىنارات بايقالىپ داۋ تۋىلعاندا تيجارات ەتۋشى جاق دالەل-سىپات كورسەتەدى.
3. تۇتىنۋشىلاردىڭ قۇپيالىعىن شاشۋىنا بولمايدى.
تيجارت ەتۋشىلەر تۇتىنۋشىلاردىڭ اتى - ءجونى، تۇرار- جايى، بايلانىس ءنومىرى ت.ب جەكەلىك ينفورماتسياسىن العان سوڭ، ءسوزسىز، قاتاڭ تۇردە قۇپيالىقتى ساقتاۋ كەرەك، باسقالارعا ايتۋعا، ساتۋعا، زاڭسىز باسقالارعا بەرۋىنە بولمايدى.
4. ىلىكتەس جاۋاپكەرشىلىك ارقالايدى.
جارناما بەرۋشى، تاراتۋشى، ىستەۋشىلەر تۇتىنۋشىلاردىڭ ءومىرى مەن دەنساۋلىعىنا ىقپال جاسايتىن زاتتى نەمەسە قىزمەت وتەۋدى جالعان جارنامالاعاندا، تۇتىنۋشىلارعا زيان كەلتىرسە،جارناماعا شىعۋشى زاتتى قامداۋشىمەن بىرلىكتە ىلىكتەس جاۋاپكەرشىلىك اراقالايدى.
5. تۇتىنۋشىلارعا ادىلەتسىز بولاتىن زورلىقتى توقتامدار كۇشكە يە بولمايدى.
”ەڭ تومەنگى تۇتىنۋ“، ”قىزمەت وتەۋ سىرىڭكەلىگى“ سياقتى تيجارات ەتۋشى وزدەرى بەلگىلەپ العان نەمەسە ۇقتىرۋ شىعارعان زورلىقتى توقتامدار كۇشكە يە بولمايدى. مىسالى، تۇتىنۋشىلار اسحانادا، كوڭىل اشۋ ورىندارىندا، ەڭ تومەنگى تۇتىنۋ شەگى، وزدەرى اراق اكەلۋگە بولمايدى دەيتىن ورىنسىز شارتتاردان باس تارتۋىنا ۇقىقتى.
6. ەسەلەپ تولەم الادى.
تيجارات ەتۋشىنىڭ نەمەسە قىزمەت وتەۋشىنىڭ الدامشىلىق ارەكەتى بولسا، تۇتىنۋشىلاردىڭ زيانىن تولەۋ كەرەك، تولەۋ كولەمى سول زاتتىڭ باعاسىنىڭ نەمەسە قىزمەت وتەۋ اقىسىنىڭ 3 ەسەسىندەي بولادى، سونداي-اق تۇتىنۋشىلاردىڭ كىسىلىك ۇقىعىنا ساياتىن ارەكەتتەر بولسا، رۋحاني تولەم تالاپ ەتۋىنە بولادى.
7. توراپتا ساۋدالاسۋ تەكشەسىن قامداۋشى جاۋاپكەرشىلىك ارقالايدى.
تۇتىنۋشىلار توراپتا ساۋدالاسۋ تەكشەسى ارقىلى زات العاندا نەمەسە قىزمەت وتەۋدى قابىلداعاندا، زاڭدى ۇقىق-مۇددەسى زيانعا ۇشىراعان بولسا، ساتۋشىدان، قىزمەت وتەۋشىدەن تولەم تالاپ ەتەدى، توراپ ساۋدالاسۋ تەكشەسىن قامداۋشى ( مىسالى، تاۋباۋ تورابى ) ساتۋشىنىڭ نەمەسە قىزمەت وتەۋشىنىڭ ناقتىلى اتىن، ءادىرىسىن جانە قاتىستى حابارلاسۋ جولدارىن تاۋىپ بەرە الماسا وزدەرى جاۋاپكەرشىلىك ارقالايدى.
8. ارىز-شاعىم بەرگەندە 7 كۇن ىشىندە جاۋاپ بەرۋى كەرەك.
تيجارات ەتۋشىلەر قاتىستى ورىندارعا ارىز-شاعىم بەرگەننەن كەيىن، سول ورىن 7 كۇن قىزمەت ۋاقىتى ىشىندە جاۋاپ بەرۋى كەرەك ءارى ءبىر جاقتىلى ەتۋ جاعدايىن تۇتىنۋشىلارعا اشىق ايتۋى كەرەك.
«حالىق تورابىنان»
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.