ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

قورعانۋ ءتۇسى

جولدانعان ۋاقىتى : 2014/8/25 16:19:14

  s مىرزا قىزمەت كەڭسەسىنىڭ ءبىر بۇرىشىنداعى جۇمىس ۇستەلىندە ءار ءتۇرلى كەستەلەردى تولتىرىپ وتىرعان. ول قاراپايىم كيىنىپ، جاي گالستوك تاققان-دى. سىرت كوزگە قاراپايىم بولىپ قالماستان، سەرىكتەستىكتەگى ورنى دا وتە تومەن - ەشقانداي ۇقىعى جوق، تەك قانا ادەتتەگى قىزمەتكەر بولاتىن.

  -ديرەكتور ءسىزدى شاقىرىپ جاتىر، – دەدى وعان ءبىر ايەل قىزمەتكەر كەلىپ. s مىرزا كوڭىلسىزدەنە باسىن قيسايتا ويعا كەتتى. جۇزىنەن ابىرجىعان بەينە بايقالادى. ورنىنان اسپاي-ساسپاي اقىرىن تۇردى.

  - تەگى نە جۇمىس ەكەن؟ ديرەكتور مەنى اتاپ شاقىراتىنداي. مۇنداي جاعدايدا، ادەتتە نەندەي ءبىر كوڭىلدەگىدەي ءىس بولسىن. ارينە، قازىرگە دەيىن قىزمەتتەگى قاتەلىكتەردەن سەرىكتەستىكتىڭ مۇددەسىنە زيان جەتكىزگەم جوق ءارى ەشقانداي زاڭسىز ءىس تە ىستەمەدىم. ءبىراق ماداقتاۋ مەن سيلاۋ دا بۇيىرعان جوق. بالكىم، ديرەكتور الدەنەگە اشۋلانعان سوڭ، مەنى بەتپە-بەت سىباپ العىسى كەلگەن بولار. بالكىم، مۇنان دا سوراقسى... - s مىرزانى ءبىر ءتۇرلى جايسىز سەزىم قۇرساۋلاپ الدى. ول ديرەكتور كەڭسەسىنە كىردى. ديرەكتور s مىرزانى كورگەن جەردەن قاتتى كوڭىلدەنىپ:

    - كەل، كەل، تارتىنبا،  ەمىن-ەركىن وتىرا بەر!– دەدى.

    -جارايدى. دەسەدە، ءسىز مەنى قانداي جۇمىسپەن شاقىرتتىڭىز؟

  -شىنىن ايتسام ساعان ۇقتىرۋدى ءوز قولىممەن بەرەيىن دەگەم، سەنى سول ءۇشىن شاقىرتتىم.

  -ءيا، مەن الدەقاشان يدەيالىق دايىندىق كورىپ قويعام. جۇمىستان بوساتۋ جونىندەگى ۇقتىرۋ بولار. قۋ ءىشىم ابدەن سەزەدى. قىزمەتتە شىنىمەن-اق ەشقانداي ءبىر كورنەكتى ناتيجە جاراتا المادىم.

  -جو، جوق. مەنىڭ ويىمدى قاتە ءتۇسىنىپ قالىپسىڭ. جۇمىستان  بوساتپاقشى ەمەسپىن، قايتا ورنىڭدى جوعارىلاتپاقشىمىن. سەنى ءوزىمنىڭ حاتشىم ەتىپ الماقشىمىن ءارى ساعان كاسىپورىن تيجاراتىن باسقارۋ بىلىمدەرىن ۇيرەتكەننەن كەيىن، كوپ وتپەي ماڭىزدى قىزمەت مىندەتىن دە تاپسىرامىن.

  قاراعاندا جاعداي الدىن الا ويلاعانىنداي ناشار ەمەس سەكىلدى. دەسەدە s مىرزا ويلاماعان جەردەن ءتىپتى دە ابىرجىدى. قولىن شايقاپ:

  -بۇل مۇلدە مۇمكىن ەمەس. مەن سەكىلدى ادامنىڭ ونداي ماڭىزدى قىزمەتتى ىستەي الۋى ەكىتالاي، - دەدى.

   -جو، جوق. مەنشە بولعاندا  سەن  ەڭ ىلايىقسىڭ.

   -بۇل قالاي؟ بۇل سەرىكتەستىكتە نەشە جۇزدەگەن قىزمەتكەر بار. ەلدىڭ ءبارى مەنى ەڭ ەلەۋسىز بىرەۋ سانايدى عوي.

  -ءدال وسى ءۇشىن. مۇندا قىزمەتكەرلەر شىنىمەن كوپ-اق، دەسەدە، مەيلى كىم بولسا دا بار امالىن تاۋىپ وزگەلەردى قاقپايلاپ، وزدەرى عانا جول تابۋدى ويلايدى.

  ءدال وسى تۇيىندە سەن وزگەلەرگە مۇلدە ۇقسامايسىڭ. قىزمەتتە تابىسقا جەتىپ جاتساڭ دا ەڭبەك پەن داڭقتى وزگەلەرگە كشى پەيىلدىكپەن بەرەسىڭ. مەن تەكسەرىپ كوردىم، شىنىندا، ءدال وسىنداي.

  - ءيا، كەشىرىڭىز، ونداي ىستەر، بالكىم، بولعان بولۋى مۇمكىن.

  - كاسىپورىن باسقارۋشى جونىنەن ايتقاندا، سەن سەكىلدى جاپا-ماشاقاتقا توزە بىلەتىن، باس الماي قىزمەت ىستەيتىن قىزمەتكەرلەر وتە باعالى. ونىڭ ۇستىنە،  كۇندەلىكتى تۇرمىسىڭدى دا باقىلاپ كوردىم. ەجەلدەن اراق  ءىشىپ،  قۇمار  وينامايدى ەكەنسىڭ. تۇرمىسىڭ قاعيدالى، ءتارتىپتى ەكەن. بۇدان سىرت، سەرىكتەستىكتە الدە سەرىكتەستىكتەن باسقا جەردە بولساڭ دا باسى ارتىق بوس ءسوز ايتپايسىڭ. سەن سەكىلدى ادامعا مەيلى قانداي كەلەلى قۇپيا جۇمىستار بولسا دا سەنىپ تاپسىرۋعا بولادى. تۇك تە اسەرلەگەندىك ەمەس، بۇگىنگى قوعامدا سيرەك ۇشىرايتىن ادال، سەنىمدى پەندەسىڭ!- دەدى ديرەكتور s مىرزانى اۋىز جاپپاي ماداقتاپ.
- ءبىراق، حاتشىلىق سىندى ماڭىزدى قىزمەت مىندەتىن ۇستىمە الۋ جونىندە بۇرىن ويلاپ تا كورمەگەن ەكەنمىن. ءوزىمنىڭ قازىرگى ورنىما كوپتەن-كوپ شۇكىرلىك قىلامىن.... كەشىرەرسىز، بۇيتكەنشە مەنى قىزمەتتەن بوساتىپ جىبەرىڭىز، -دەدى s مىرزا باسىن تومەن سالعان بويى تۇتىعا سويلەپ، قولىن شايقاپ.

  ءبىراق ديرەكتور s مىرزانىڭ ءوتىنىشىن قابىل المادى.

  - ساعان شىنىمەن ءتانتىمىن... الدامشىلىققا تولى قوعامدا سەن سەكىلدى ءتۇزۋ، ادال، اتاق-ابىروي مەن پايدانى كوزدەمەيتىن جاندار وتە از، ساۋساقپەن سانارلىقتاي عانا. مىنە، وسىنداي دارىندىلار مەنىڭ ويىمداعىداي كومەكشىم بولا الادى. ەندى تارتىنشاقتاي بەرمە.

  - اسىرا ماقتادىڭىز، مەنىڭ ءبىلىمىم تاياز، ەشقانداي...

  -بولمايدى. بۇل بۇيرىق! سەرىكتەستىكتەگى بۇكىل قىزمەتكەرلەرگە وسى جولعى قىزمەتكەر رەتتەۋ احۋالى ۇقتىرىلادى، ارينە، وسىرىلەتىنىڭ ايتپاسا دا بەلگىلى. ەرتەڭنەن باستاپ حاتشى كەڭسەسىنە كوشىپ  كىر. وسىلاي بولسىن. قوناعاسى ازىرلەپ، مۇنى قۇتتىقتايمىز. ورنى مەن ۋاقىتىن ءوزىڭ بەلگىلە.
  ديرەكتور وزىنە ويداعىداي حاتشى تاپقانىنا قۋانىپ ءماز بولدى.

  -ونداي بولسا ەرتەڭ كەشتە بولسىن.

  s مىرزا  ديرەكتور  بولمەسىنەن ءۇن-ءجۇرعاسى تۇسە شىقتى. «ويبوي، ەندى قىرسىق شالدى عوي. بۇگىن كەشتە، ءسوزسىز، تۇندەلەتىپ زىتۋىم كەرەك ءارى امالىن تاۋىپ باسقا سەرىكتەستىكتەن قىزمەت تابايىن» دەپ ويلادى ول.

  بىرنەشە جىلدىڭ الدىندا، كەزدەيسوق ءبىر سەبەپتەن s مىرزا بىرەۋلەردىڭ جەندەتتىگىن ءوز كوزىمەن كورىپ قالعان بولاتىن. بۇل ءبىر اتكەزشىلىك ۇيىمىنىڭ ىستەگەنى ەدى. قىرسىق بولعاندا الگى ءبىر توپ جەندەت تە s مىرزانى كورىپ قويعان ءارى ءوڭ-ءتۇسىن تانىپ العان بولاتىن.

  S مىرزا سول كەزدە، قاپىلىستا اقىل تاۋىپ قاشىپ قۇتىلعانىمەن، سودان باستاپ، ونىڭ كوزىن قۇرتۋ ءۇشىن ولار يتشە تىمىسكىلەپ s مىرزانىڭ سارى ىزىنە ءشوپ سالدى. كەزىندە ساقشى مەكەمەسىنە بارىپ دەلو مالىمدەۋدى دە ويلاعان. بۇلاي ىستەسە ءوزى اشكەرەلەنەدى. ساقشىلار ونى قورعاۋعا الىپ، قاي كەز، قاي جەردە بولماسىن ەكى ەلى ايرىلماي قورعاپ جۇرە المايدى عوي. سودان تارتىپ s مىرزا امالىن تاۋىپ، وزگەلەردىڭ نازارىن اۋدارمايتىن تۇرمىس كەشىرىپ كەلەدى. ارينە، ءىستىڭ ءبارى ويداعىداي بولا بەرمەيدى عوي. ول بار امالىن تاۋىپ، كوزگە ىلگىسىز قاراپايىم قىزمەتشى قاتارىندا جۇرەيىن دەگەن سايىن،  ءوسىرۋدىڭ  ورايىنا ىلىنە بەرەتىن. قىزمەت دارەجەسىنىڭ كورنەكتى بولۋىنان، وزگەلەرمەن قويۋ ارالاسۋ سياقتى ىستەردەن اۋاشالانىپ، الگى جەندەتتەردىڭ كوزىنە ءتۇسىپ قالۋدان ساقتانباسا، ونى قالتارىستا اتىپ كەتپەسىنە كىم كەپىل.

  سوندىقتان s مىرزا جونىنەن قىزمەت ورنىنىڭ ءوسۋى ەڭ قورقىنىشتى ءىس سانالادى. وسى ءۇشىن دە ول ىلگەرىندى-كەيىندى 3 سەرىكتەستىكتەن كەتتى. ءىستىڭ شىن سىرىن وزگەلەرگە بىلدىرمەۋى كەرەك. ەگەر بىرەر سىبىس ءبىلىنىپ قالسا، شاتاقتىڭ شىققانى سول. كوز الدا تاعى ءبىر قاتەردىڭ تۇرعانى مىناۋ. مىنا قوعامدا ءومىر سۇرۋ نەتكەن قيىن دەسەڭىزشى!

  تەگى قىزمەت ورنىنىڭ وسۋىنەن قاعىس قالۋعا بولماس پا؟

  و، دۇرىس-اۋ!  S مىرزا كەنەت مۇنىڭ بايىبىنا بارعانداي بولدى. بۇرىن مۇنداي امال قالاي ويىنا تۇسپەگەن دەشى؟ وزگەلەرگە ۇقساس ىستەسە بولعانى عوي. بۇل دا وزگەلەرگە ۇقساس باسقالاردى قاقپايلاپ، وزگەلەردىڭ ەڭبەگىن يەمدەنىپ الىپ، اتاق پەن مۇددەگە تالاسسا، ءوزىن ءوسىرۋدى تالاپ ەتىپ ديرەكتوردىڭ ەتەگىنە جارماسىپ السا، وندا...

اۋدارعان - قانات جۇماش ۇلى




رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn