ۇلى بريتانيانىڭ فەدراتسيالىق سپورت جارىسى 29-شىلدەدە وتكىزىلگەنىنە التى كۇن بولىپ، مالتاۋ جارىسى تولىق اياقتالىپ، انگليا كومانداسى ەل نازارىن بارىنشا اۋدارعان ەرلەردىڭ 50 مەتر ارالىققا ەركىن مالتاۋ مەن ارالاسپا كۇش جالعاپ مالتاۋ جارىسىندا اۆستراليا كومانداسىن جەڭىپ، اعا جۇلدەگەر بولدى. ال ايەلدەردىڭ شتانكى كوتەرۋ جارىسىنىڭ التىن مەدالىن ەنشىلەگەن نيگەريالىق سپورتشى اماراحانىڭ شەكتەلگەن ءدارى ىشكەندىگى انىقتالىپ، وسى رەتكى جارىستا قوزدىرعىش ءدارى پايدالانعاندىعى تەكسەرىلىپ انىقتالعان تۇڭعىش سپورتشىعا اينالدى.
16 جاستاعى اماراحا 25-شىلدەدە ايەلدەردىڭ 53 كيلوگرام سالماقتاعىلار جارىسىندا اعا جۇلدەگەر بولعان ەدى، الايدا، جارىستان كەيىنگى ونىڭ كىشى دارەتىنەن ۇلگى الىپ تەكسەرۋدە شەكتەلگەن ءدارى پايدالانعاندىعى انىقتالعان. ۇلى بريتانيا فەدراتسيالىق سپورت جارىسى بىرلەستىگى وعان ۋاقىتشا جارىستان توقتاتا تۇرۋ شاراسىن قولدانىپ، ۇيىمداستىرۋ كوميتەتى الداعى جەردە ونىڭ لوندونداعى تەكسەرۋ ناتيجەسىنە قاراي شارا قولدانباقشى. سۋعا مالتاۋ جارىسىنىڭ ەڭ سوڭعى كۇنگى دوداسى اياقتالىپ، انگليا كومانداسى ەرلەردىڭ 4×100 مەترلىك ارالاسپا كۇش جالعاپ مالتاۋ جارىسىندا اعا جۇلدەگەرلىكتى 8 جىل شەڭگەلدەپ كەلگەن اۆستراليا كومانداسىن جەڭىپ الدى. مۇنان تىس، انگليا كومانداسىنىڭ 19 جاستاعى جاس سپورتشىسى پراندە اۆستراليانىڭ ايگىلى سپورتشىسى ميكۆوي مەن ماگنۋسەندى جەڭىپ، 50 مەتر ارالىققا ەركىن مالتاۋدىڭ اعا جۇلدەگەرلىگىن ەنشىلەدى.
الايدا، اۆستراليا سپورتشىلارى دا ايەلدەردىڭ ارالاسپا كۇش جالعاپ مالتاۋ جانە ەرلەردىڭ 200 مەتر ارالىققا ارالاسپا مالتاۋ جارىسىندا ەكى التىن مەدال الدى. 6 كۇنگە جالعاسقان مالتاۋ جارىسىندا اۆستراليا كومانداسى باسىم ورىندى يەلەپ، جيىنى 57 مەدال الدى، مۇنىڭ 19 ى التىن مەدال بولىپ، ۇلى بريتانيا فەدراتسيالىق سپورت جارىسىنداعى تىڭ رەكوردىن جاراتتى. انگليا كومانداسى ەكىنشى ورىندى يەلەپ، 10 التىن مەدال الدى.
جەڭىل اتلەتيكا جارىسىنداعى جەڭىمپازدار جانە دە يامايكالىق سپورتشىلار بولىپ، رەيلي 13 سەكۋند 32 تاقىلدىق ناتيجەمەن ەرلەردىڭ 110 مەتر ارالىققا كەدەرگىدەن اتتاپ جۇگىرۋدىڭ التىن مەدالىن ەنشىلەسە؛ مەكپەرسون ايەلدەردىڭ 400 مەتر ارالىققا جۇگىرۋدىڭ اعا جۇلدەگەرى بولدى، وسى جارىس ءتۇرىنىڭ كۇمىس، قولا مەدالدارىن دا يامايكالىقتار قانجىعاسىنا بايلادى. ايەلدەردىڭ ءۇش اتتاپ الىسقا سەكىرۋ جارىسىنىڭ التىن مەدالىن يامايكالىق كيمبەرلي ۋيلليامس ەنشىلەدى.
كەنيا سپورتشىلارى ايەلدەردىڭ 10 مىڭ مەتر ارالىققا جۇگىرۋدىڭ الدىڭعى ءۇش ورنىن ءبىراق يەلەپ، ايگىلى سپورتشى جويسە چەپكيرۋي التىن مەدال ەنشىلەدى. بۇدان تىس، ايەلدەردىڭ 1500 مەتر ارالىققا جۇگىرۋدىڭ اعا جۇلدەگەرلىگىندە كەنيا سپورتشىسى يەلەدى.
بىلتىرعى دۇنيە جۇزىلىك جۇلدەلى جارىستا قولا مەدال العان كانادالىق سپورتشى ۋارنەر ەرلەردىڭ جالپى قۋاتتىق جارىسىنىڭ التىن مەدالىن ەنشىلەپ، جالپى ناتيجەسى 8282 ءنومىر بولدى. تاعى ءبىر كانادالىق سپورتشى ستاسەي 74.16 مەترلىك ناتيجەمەن ەرلەردىڭ شىنجىرلى دوپ جارىسىنىڭ التىن مەدالىن ەنشىلەدى.
باسقا جارىستاردا انگليا كومانداسى ەرلەر مەن ايەلدەردىڭ گيمناستيكا جارىسىنىڭ كوللەكتيۆ اعا جۇلدەگەرلىگىن ەنشىلەدى.
التى كۇنگى جارىستان كەيىن اۆستراليا كومانداسى 34 التىن مەدالمەن ءبىرىنشى، انگليا كومانداسى 33 التىن مەدالمەن ەكىنشى، كانادا كومانداسى 16 التىن مەدالمەن جارىس وتكىزۋشى جاق شوتلانديا كومانداسىنان اسىپ ءۇشىنشى بولدى.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.