تالاپكەر ا xx پەن جاۋاپكەر ما xx اۋىلداس ءارى قىزمەتتەس بولاتىن. تالاپكەر ا xx ءۇي ساتىپ الماقشى بولىپ جۇرگەندە، قىزمەتتەسى جاۋاپكەر ما xx تىڭ ءۇيىن ساتاتىنىن ەستىپ، ونىڭ ءۇيىن 110 مىڭ يۋانعا ساتىپ الۋعا كەلىسىپ، ءۇيدى 2011 - جىلى قاراشادا وتكىزىپ بەرۋگە جانە توقتامعا قايشىلىق جاساسا، تولەم بەرەتىن بولىپ جازباشا توقتام جاساسىپ، قولدارىن قويادى.
تالاپكەر ا xx: مەن وتىرعان ءۇيىمدى ساتىپ جىبەرىپ، اقشاسىن ساعان بەردىم، قازىر مەنىڭ دە وتىراتىن ءۇيىم جوق، - دەيدى. جاۋاپكەر ما xx: مەنىڭ ەندىگى ساتىپ الىپ كىرمەك بولىپ وتىرعان ءۇيىم بيىل بىتپەيدى. سول ءۇشىن كەلەر جىلعا دەيىن وسى ۇيدە وتىرىپ تۇرسام، ەگەر سەن كوشىپ كەلىپ جاتساڭ، ساعان ءبىر تەگىن وتىراتىن نەمەسە جالاقىسىن ءوزىم بەرىپ تۇراتىن ءۇي تاۋىپ بەرەيىن، - دەيدى. تالاپكەر ا xxتىزىمدەلگەن ءۇيىنىڭ بيىل بىتپەيتىنىن، ءۇيدى 2011 - جىلى قاراشادا عانا بوساتىپ بەرەتىنىن انىق ايتقان بولسا دا تالاپكەر ا xx جاۋاپكەر ما xx پەن 2010-جىلى 8-ءساۋىر كۇنى ءۇي ساتىپ الۋ-ساتىپ بەرۋ توقتامىن جاسادى، توقتامدا بۇل ءۇيدى 2011-جىلى 8 -قاراشا كۇنى بوساتىپ بەرەتىن بولىپ، الدىن الا تالاپكەر 100 مىڭ يۋان تاپسىرىپ، توقتامعا قايسى جاق قايشى كەلەتىن بولسا، 10 مىڭ يۋان تولەم تولەيتىن بولىپ كەلىسىپ قول قويىسادى. مۇنان سىرت، تالاپكەر ا xx كەلەر جىلى ءۇيدى بوساتىپ بەرگەنگە دەيىن وتىراتىن ءۇي تاۋىپ بەرەدى، بولماسا ءوزى ءۇي تاۋىپ جالداپ وتىرسام ءۇيدىڭ جالاقىسىن ءبولىپ كوتەرەدى دەگەن مازمۇندى توقتامعا قوسىپ قويۋدى ايتقاندا، ما xx «ءبىز تانىس ادامدارمىز، مۇنى توقتامعا جازباساق تا بولادى، ۋاقىتى كەلگەندە، مەن سەنىڭ وتىراتىن ءۇيىڭدى ءوزىم ءبىر جاقتى ەتىپ بەرەمىن، ودان الاڭسىز بول» دەگەن. اۋىلداس تانىسى، نەشە جىلدىق قىزمەتتەسى بولعاندىقتان، تالاپكەر دە سەنىپ كەتە بەرگەن.
كەيىن تالاپكەر ا xx تىڭ وتىرعان ءۇيى ساتىلىپ كەتكەندىكتەن، جاۋاپكەر ما xx كە ۋاقىتتىق ءۇي تاۋىپ بەرۋىن، ءۇيدىڭ جالاقىسىن ءبولىپ تولەۋدى ايتقان. سول كەزدە جاۋاپكەر ما xx «مەن تەك توقتامدى عانا تانيمىن. ۋاقىتى تولعاندا ءۇيىڭدى قايتارىپ بەرەمىن. ونان بۇرىن سەنىڭ ءۇي ماسەلەڭنىڭ مەنىمەن قاتىسى جوق» دەپ كەزىندەگى ۋادە، تانىستىقتى قايىرىپ تاستاعان. سونىمەن ەكەۋ ارا قايشىلىق تۋىلىپ، تالاپكەر ا xx جاۋاپكەر ما xxتىڭ ءۇيىن الۋدان باس تارتقان، سونداي - اق الدىن الا وتكىزىپ قويعان 100 مىڭ يۋاندى قايتارىپ بەرۋدى تالاپ ەتكەن. جاۋاپكەر ما xx توقتامداعى بويىنشا تالاپكەر ا xx «توقتامعا قايشى كەلىپ وتىر» دەپ قاراپ، 90 مىڭ يۋانىن قايتارىپ بەرىپ، قالعان 10 مىڭ يۋانىن تارتىپ قالعان. سونىمەن تالاپكەر ا xx ءوزىنىڭ ۇقىق - مۇددەسىن قورعاۋدى جانە 10 مىڭ يۋاندى قايتارىپ بەرۋى تالاپ ەتىپ، حالىق سوتى مەكەمەسىنە ارىز ۇسىنعان.
سوت بارىسىندا سوتشىلار داۋگەرلەرگە سابىرلىلىقپەن جاراستىرۋ قىزمەتىن جۇرگىزۋ ارقىلى جاۋاپكەر ما xx تالاپكەر ا xx كە 5000 يۋان قايتارىپ بەرەتىن بولىپ كەلىسەدى.
قازىر زاڭدى ءبىلۋ، زاڭدى ۇيرەنۋ، زاڭ ارقىلى ۇقىق-مۇددەنى قورعاۋ ۇگىتتەلۋدە. وسىنداي جاعدايدا، حالىقتىڭ زاڭدىق ساۋياسى تومەن دەۋدەن اۋلاقپىز. ءبىراق بىلە تۇرىپ سەلقوس قارايتىن، الدى-ارتىن ويلاماي ءىس ىستەپ، ورىنسىز زيانعا ۇشىراپ جاتاتىندار ەكىنىڭ بىرىندە كەزىگىپ وتىرادى. سوڭىندا ايتارىمىز، ءوزىمىز ۇيرەنگەن زاڭ بىلىمدەرىمىزدى ءوز ارەكەتىمىزدىڭ قىبلاناماسى ەتىپ، زاڭدى ۇقىق-مۇددەمىزدى قورعاپ، ورىنسىز زيان تارتۋدان اۋلاق بولايىق!
«شينجياڭ گازەتىنەن»
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.