21-شىلدەدە نانجيڭ جاستار وليمپيادا سپورت جارىسىن ۇيىمداستىرۋ كوميتەتىنەن ۇعىسۋعا قاراعاندا، كەزەكتە جاستار وليمپيادا سپورت جارىسىنا تىزىمدەلۋ جۇيەسى جابىلىپ، 20-شىلدەگە دەيىن 204 مەملەكەت پەن رايوننان كەلگەن 3 مىڭ 787 سپورتشى تىزىمدەلىپ، ەلىمىز 123 سپورتشىدان قۇرالعان ۋاكىلدەر ۇيىرمەسىن نانجيڭدە وتكىزىلەتىن جاستار وليمپيادا سپورت جارىسىنا قاتىناستىرادى ەكەن.
نانجيڭ جاستار وليمپيادا سپورت جارىسىنا تىزىمدەلۋ جۇيەسى 18-شىلدە بەيجيڭ ۋاقىتى ساعات 24 تە رەسمي جابىلىپ، كەزەكتە جيىنى 204 مەملەكەت پەن رايوننان كەلگەن 3 مىڭ 787 سپورتشى تىزىمدەلىپ، جانە دە 6 ورىن رەتتەلۋ ۇستىندە ەكەن. نانجيڭ جاستار وليمپيادا سپورت جارىسىن ۇيىمداستىرۋ كوميتەتى دەنە تاربيە جارىس تۇرىنە تىزىمگە الدىرۋ ورنىنىڭ باستىعى نيە ليدىڭ تانىستىرۋىنشا، حالىقارالىق وليمپيادا كوميتەتى جاستار وليمپيادا سپورت جارىسىنا قاتىناساتىن جالپى ادام سانىن قاتاڭ مەڭگەرۋمەن بىرگە، 204 مەملەكەت پەن رايوننان كەلگەن سپورتشىلاردىڭ بارلىعىنىڭ جارىسقا قاتىناسۋىنا كەپىلدىك ەتۋ ءۇشىن، ءارقايسى ۋاكىلدەر ۇيىرمەسىنىڭ تىزىمدەلەتىن ادام سانىن شەكتەپ، مەيلى قايسى مەملەكەت جانە رايوننىڭ وليمپيادا سپورت جارىسىن ۇيىمداستىرۋ كوميتەتى بارلىق تۇردەن قانشالىقتى ورىنعا يە بولسىن، ەڭ زور جارىسقا قاتىناساتىن سپورتشى سانى جەكە تۇرگە ەڭ كوپ دەگەندە 70 ادام تىزىمدەلۋىنە بولادى ەكەن. مۇندا فۋتبول، قول دوپ، يمەك تاياقتى دوپ، ءزايتۇن دوبى قاتارلىلاردى ءوز ىشىنە العان كوللەكتيۆ تۇرگە تەك ءبىر ەرلەر كومانداسى مەن ءبىر ايەلدەر كومانداسى قاتىناسۋعا بولادى ەكەن. ءارقايسى مەملەكەت پەن رايوننىڭ وليمپيادا سپورت جارىسى كوميتەتى ەڭ از دەگەندە ءبىر ەر جانە ءبىر ايەل سپورتشىنى نانجيڭ جاستار وليمپيادا سپورت جارىسىنا قاتىناستىرۋىنا بولادى. وتاعاسى ەل كوللەكتيۆ تۇردەن ءتيىمدى ساياساتتان يگىلىكتەنىپ، ءاربىر تۇرگە ءبىر قوسىن تىزىمدەتۋىنە، الايدا جەكە تۇرگە ەڭ كوپ بولعاندا تەك 70 ادام تىزىمدەتۋىنە بولادى ەكەن.
نانجيڭ جاستار وليمپيادا سپورت جارىسىنداعى ەڭ ۇلكەن ۋاكىلدەر ۇيىرمەسى رەتىندە ەلىمىزدەن 123 سپورتشى جارىسقا قاتىناسادى. نانجيڭ جاستار وليمپيادا سپورت جارىسى 16-تامىزدان 28-تامىزعا دەيىن وتكىزىلىپ، جالپى 28 ۇلكەن ءتۇر، 222 شاعىن ءتۇر ورنالاستىرىلىپ، پرينسيپ بويىنشا، 1996- جىلى 1-قاڭتاردان 1999-جىلى 31-جەلتوقسانعا دەيىنگى ارالىقتا تۋىلعان سپورتشىلاردىڭ جارىسقا قاتىناسۋ تولىمدىلىعى بولعانىمەن، الايدا ناقتىلى جارىس تۇرىندەگى جاس پارقى تالابىندا ءالى دە ۇقساماستىقتار بار.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.