ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

جاڭبىردىڭ كۇبىرى

جولدانعان ۋاقىتى : 2014/7/21 17:13:01

جاڭبىردىڭ كۇبىرى
  ديدار امانتاي   (قازاقستان)

  ەكەۋى جۇگىرىپ بارىپ، قىزىل كەرپىشتى ءۇيدىڭ ىرگەسىنە تۇرا قالدى. جاڭبىردىڭ تامشىلارى تورتكىل شاتىردىڭ جيەكتەرىنەن ءۇزىلىپ كەتىپ، قارسى الدارىنا تىرس-تىرس تامدى. كەيدە ەكىلەنە جاۋعاندا، جارق-جۇرق ەتىپ نايزاعاي وينايدى دا توڭىرەكتەگى جىلعالاردىڭ ارناسى تولىپ، سارىلداپ اعا جونەلەدى.
-سەنىڭ شاشىڭ سۋ بولىپتى،-دەدى بالاڭ جىگىت.

  وعان قىزىل شىرايلى قىز كۇلىمسىرەدى. ۇستىندەگى كويلەگى شىلقىپ كەتىپتى. ول جاۋىننىڭ جەرگە تيگەن ءۇنىن ەستىپ ءسال بوگەلدى دە قايىرا بولماشى ەزۋ تارتتى. سوسىن ەكى الاقانىن جاڭبىرعا توستى. قولىن جوعارى كوتەرىپ ەدى، تومەن سورعالاعان تامشىلار بىلەگىنە دەيىن جەتتى دە سول جاقتا   ءسۇرتىلىپ تاستالدى.
  -داۋىستى ەستيسىڭ بە؟
  -نەنىڭ داۋىسى؟
  -ەستىسەڭشى. جاۋىن كۇبىرلەپ سويلەپ جاتىر.

  -ەستيمىن. قاتتى دا سويلەمەيدى، تەك عانا كۇبىر-كۇبىر ەتەدى.

  قىز قايتادان ءوز سوزدەرىنە كۇلىپ الدى. قونىشسىز توفليى مالمانداي سۋ. جالاڭاش تىزەسىنەن تومەن قاراي سالتاق-سالتاق. جاڭا ەكپىندەتىپ قاتار جۇگىرگەندە اياقتارىنان توڭىرەككە ۇزدىكسىز شاشىراعان ساز ءار جەرىنە جابىسىپ قالىپتى.

  -مەن توفليىمدى شەشىپ لاقتىرىپ جىبەرەمىن.

  -مەن دە.

    قىز بەن جىگىت اياق كيىمدەرىن جىلدام اعىتىپ، الىسقا قۇلاشتاپ لاقتىردى. شالپ ەتىپ شالشىققا قۇلاعان جازعى توفليلەردىڭ ءىزىن الا شىققان ءتورت نازىك تولقىن كوپكە دەيىن جوعالماي، لايساڭنىڭ بەتىندە دىرىلدەپ قالقىپ تۇرىپ الدى.

  -توڭعان جوقسىڭ با؟

  -جوق.

  -بۇل جىلى جاڭبىر. اكەم مۇنداي نوسەر قۇيعان كۇنى قامالىپ ۇيدە وتىرۋ وزىڭە جاساعان قياناتپەن بىردەي دەپ ايتاتىن.

  -راس.

  -سەنىڭ اياعىڭ باتپاقتان شىققانداي.

  -مەنىكى، جوق، ونشا ەمەس.

  جاس ءورىمتال جىگىت وزىنە قاراي قالعان ءبىر ۋىس قىزدى كەۋدەسىنە باسىپ ەدى، ەشقانداي قارسىلىقتى سەزبەدى. سوندا ەرنىنەن ءسۇيدى. ەكەۋى دە ۇنسىزدىككە بەرىلدى. ەكەۋى دە ءبىر-بىرىنە العاشقى ءتان ءلاززاتىنا اڭداۋسىزدا جول اشىپ قويىپ، ەندى ودان ۇيالاتىن ءتارىزدى. جوعالىپ كەتكەن تامشىلار تاعى شاتىردان ءۇزىلىپ ءتۇسىپ، جەرگە تىرس-تىرس تاما باستادى. قىز قولدارىن العا سوزىپ، ءوزى سوعان كوزىن سالىپ تۇردى. جوعارىدان جۇيتكىپ كەلگەن تامشى الاقانىنا سوعىلىپ، جان-جاققا شاشىرادى. باسىن كوتەرىپ ەدى، قايىرا بىرەۋى ۇشىپ كەلدى. و دا ويماقتاي الاقاندا بىت-شىت بولدى. تىرس-تىرس. تولاستامايدى. عايىپ بولعانى ارتىنان ەكىنشىسى قۋىپ جەتەدى. تىرس-تىرس.

  -ايتتىم عوي، جاۋىن كۇبىرلەپ سويلەپ جاتىر.

  تىرس-تىرس. كەنەت اۋا رايى سالقىنقاندىلىعىنان ايرىلا باستاپ، اسپاننىڭ ءتۇبى تەسىلگەندەي، جاپىراق پەن قاۋدىر ءشوپ تىرسىلداپ، نوسەر شەلەكتەپ توكتى. تامشىلار ءىز-توزسىز جوعالىپ كەتتى دە سۋ اتجالدانعان شاتىر ۇستىمەن سالدىرلاپ اعىپ، جيەگىنەن توقتاۋسىز شۇمەكتەدى.

  -سەنى كورگەندە، شىنىمەن، ءسۇيىسۋ بىلەدى دەپ ويلاعان جوق ەدىم.

  -نەگە؟-دەدى قىز.

  -راس، سونداي كىشكەنتايسىڭ. جان قالقا سۇيىسەدى دەپ ويلاۋ مۇمكىن ەمەس.

  -تاعى سۇيگىڭ كەلە مە؟

  -ءيا.

  ەكەۋى قايتادان ءسۇيىستى. سول ۋاق ون سەگىز مىڭ عالامدى ەستەرىنەن شىعارىپ الا جازداپ، الابوتەن قۋانىشتان قوس ومىراۋ جارىلىپ، تورتكىل دۇنيەنى ۇمىتىڭقىراپ، جۇزدەرى نۇرلانا بالقىسا دا قۇلاقتارىنان جاۋىن شۋىلى ءبىر الىستاپ، كەيدە ءبىر جاقىنداپ كەتپەي تۇرىپ الدى. تىرس-تىرس. ەرنىنەن تۇيسىنگەن ۋىز دەنە، بالعىن ءتان ءدىرىلى تۇلا بويىن، الپىس ەكى تامىرىن قۋالاپ بارا جاتىپ، تىرسىل دىبىسقا ءسۇرىنىپ، شالىنىپ كەتە بەرەدى.  بۇل جۇرەگىمنىڭ ءدۇرسىلى عانا شىعار دەپ پايىمدادى قىز. جۇدىرىقتاي جۇرەك ءدال وسىلاي سىرتىلداپ، بالعاداي تىقىلداپ سوعا ما ەكەن. جاۋىن عوي كۇبىرلەپ جاتقان. تىرس-تىرس. بالاڭ جىگىتتىڭ قورعالاقتاپ، جاسقانشاقتانا كوكىرەگىنە تارتقان قۇشاعىندا ماۋجىراپ، قۇيتاقانداي قىز ەكى نارسەنى اجىراتا الماي قينالدى.

  قىز ونىڭ قۇشاعىنان بوسانىپ شىقتى. تاقىرعا سۋ ىركىلىپ، جاعالاي قاق تۇرىپتى. جول ايىرىقتان ءار تاراپقا بۇرالاڭداپ انتەك سوزىلعان جايداق جولدار بىلجىراپ ەزىلىپ جاتىر.

  -ءبىزدىڭ اياق كيىمىمىز قاي شالشىققا ءتۇسىپ ەدى؟
  -بىلمەيمىن،-دەپ كۇلدى جىگىت.
  -مەنىڭ دە جادىمدا جوق.
  -نە ىستەيمىز؟
  -ۇيگە جالاڭ اياق بارامىز دا. تاماشا عوي.
  -مەن ىزدەپ كەلەيىن، تاپپاساق وسىلاي قايتامىز.
  جاڭبىر سىركىرەپ تۇر. ۇكىدەي جىگىت ءسال ەڭكەيىپ، جۇگىرە جونەلدى. ول تاسادا شاشىلىپ جاتقان قۋ بۇتاق، قۇرعاق اعاشتىڭ جىڭىشكە بىرەۋىن قولىنا الىپ، ويدىم-ويدىم جينالعان شالشىق، كولشىكتەردى سۇزە باستادى. ەشقايسىنان     ىلىكپەگەن سوڭ، كەرى بەتتەدى.
  -جوق پا؟
  -ءيا.
  -ءبىرىنشى رەت جاۋىن استىندا جالاڭ اياق قىدىراتىن بولامىن دا.
  -باتپاقتاپ جۇرگىڭ كەلمەسە، كويلەگىڭدى تولىقسىتىپ كوتەرىپ الايىن.
  -كەرەك ەمەس. قايتا سازداق جەردى  جالاڭاياق  كەشسەم  قايتەدى.
  -تۋرا قازىر مە؟
  -ءيا.
  -كەتتىك.
  قول ۇستاسقان كۇيى تۇرا جۇگىردى. كەنەت نايزاعاي شاتىر-شۇتىر ەتىپ بۇلتتىڭ ساۋىرىن قاپتى. سوسىن كۇن كۇركىرەدى.

  -ەندى تاعى دا توگەدى.

  -جاڭاعى ءۇيدىڭ جانىنا بارا تۇرايىق.

  -شايى كويلەگىمنىڭ ەتەگى دە ساۋىس-ساۋىس.

  - بۇگىنگى جاۋىن ەكەۋىمىزدى الابوتەن وكشەلەپ قۋىپ، سوڭىمىزدان قالماي جۋىندىرىپ جۇرگەن ءتارىزدى. بارلىق تامشى سۋىن تۇلا بويىمىزعا جيناعانداي بولدىق قوي.
  -بارساق بارايىق. ءسال كىدىرسەك، باسىلاتىن دا شىعار.

  -جاڭاعى ۇيگە مە؟
  -ءيا.
  توڭىرەك بوزعىلت وڭگە وزگەرىپ، نوسەر ەكىلەنە سەلدەدى. شاتىردان سىلدىراپ سۋ قۇيىلىپ جاتىر. اياقتارىنىڭ استىنا شالشىق ۇيىرىلە باستاعان.
  -جاۋرادىڭ با؟
-ءيا.
-وندا قايتايىق.
-سەن شى؟
-ماعان جىپ-جىلى. ماعان بۇلاي ەشقاشان جىلى بولعان   ەمەس.

  قىز ول ءسوزدىڭ اياعىن قالجىڭعا اينالدىرىپ جاتىر دەپ تۇجىرعان. جۇزىنە ءۇڭىلىپ   ەدى، كوز الدىندا سالماقتى وڭگە جاراسا كەتكەن مۇڭدى ەكى جانار تۇردى.
-شىن ايتامىن.

  ولار قايتادان ءبىر-بىرىنە تاقادى. سول ءسات قىزعا جىگىتتىڭ بۇكىل جان دۇنيەسىمەن قۇلاي بەرىلگەندىگى ۇناپ كەتتى. ونى وپكىسى كەلىپ، شىدامسىزدانعانى، كەلبەتىنىڭ سالماقتى كەيىپكە ەنگەنى، تۇگەل-تۇگەل، بۇل الەم، اينالا قورشاعان اتىراپ، ۇدىرە جاۋعان جاڭبىر   ءبارى-ءبارى وعان دامىلسىز ۇناي بەردى. كەۋدەسىندە ءالى كۇنگە شەيىن قىزىعىن تاتىپ، بەينەتىن كەشپەگەن، وزىنە بەيتانىس، ءبىراق ءبارىبىر ءارقاشان وزىمەن بىرگە ءومىر سۇرگەندەي بولىپ كورىنگەن تاڭسىق سەزىم ويانىپ كەلە جاتتى.

   قاپەلىمدە جىگىت قىزدىڭ سۋىق ەرنىنىڭ ءدامىن سەزدى. جاڭبىر سۇيىلا باستاپتى. تامشىلار تاعى پايدا بولعان، تىرس-تىرس ەتىپ جەرگە تامىپ تۇسەدى.

  بىرتىندەپ شۋىل جوعالۋعا اينالدى. جاۋىن ءدال ىرگەمىزدەن باسقا جاقتارعا كۇبىرلەپ كەتىپ بارا جاتىر دەپ باعامدادى ءبىر ۋىس قىز…


دايىنداعان–قاجىبەك ايدارحان



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn