ەڭ جاڭا مازمۇندار
شينجياڭ اسەمونەر سارايىندا كوكتەم مەرەكەسىن وتكىزدى
شينجياڭدى زاڭمەن باسقارۋدى جاپپاي تەرەڭدەتىپ، ساياسي - زاڭ قىزمەتىنىڭ وسىزاماندانۋىن تىڭعىلىقتى ىلگەرىلەتىپ، جاڭا داۋىردەگى جاڭا جورىقتا كورىكتى شينجياڭ قۇرۋعا پارمەندى كەپىلدىك ازىرلەۋ كەرەك
زاڭمەن باسقارۋ قۇرىلىسى ساياسي جاۋاپكەرشىلىگىن باتىلدىقپەن ارقالاپ، زاڭمەن باسقارىلاتىن شينجياڭ قۇرىلىسىنىڭ دەڭگەيىن جاپپاي جوعارىلاتۋ كەرەك
ايماقتىق پارتكوم 2022 -جىلدىق اۋداندىق (قالالىق) پارتكوم شۋجيلەرىنىڭ نەگىزگى ساتى پارتيا قۇرىلىسى قىزمەتىن يگەرۋدەن ەسەپ بەرۋ، باعالاۋ، ساراپتاۋ ءماجىلىسىن اشتى
ايماقتىق پارتكوم نازاريا ۇيرەنۋ وزەكتى گرۋپپاسى ايماقتىق پارتكوم باسشىلىق القاسىنىڭ 2022 -جىلعى دەموكراتيالىق تۇرمىس جيىنىنىڭ ارناۋلى تاقىرىپتىق ۇيرەنۋىن وتكىزدى
ايدىن تولەۋقان قىستاۋلىقتارعا بارىپ، كوكتەم مەرەكەسى بايلانىسىمەن جاعداي ۇعىسىپ، حال سۇراۋ قيمىلىن ورىستەتتى
2023-جىلى 1-ايدىڭ 31-كۇنى 22-سان
2023-جىلى 1-ايدىڭ 30-كۇنى 21-سان
مەرەكەنى قىزمەت ورىندارىندا وتكىزىپ، تاپجىلماي ىستەۋ ارقىلى ۇلەس قوستى
ايماقتىق پارتكوم مۇشەلەر (كەڭەيتىلگەن) ءماجىلىسىن اشتى
تەمىر جول جولاۋشى تاسىمالى قايتۋ ساپارىنىڭ ورلەۋىن قارسى الدى
«اسكەريلەردىڭ ۇلەس بەلگىسىن باسقارۋ بەلگىلەمەسى» جاريالاندى
قىزمەت ورىندارىنان تاپجىلماي، باقىتتىڭ قورعانىشى بولدى
2022 - جىلعى مەملەكەتتىك ساياحات جول باستاۋشى تولىمدىلىق ەمتيحانى شينجياڭ ەمتيحان رايونىنىڭ قاتىستى ىستەردى كەشەۋىلدەتىپ ورنالاستىرۋى جونىندەگى ۇقتىرۋ
شارۋالار مول ءونىم الدى | شينجياڭ باعراش كولى: بالىعى تايداي تۋلادى! قىسقى بالىق اۋلاۋدىڭ تۇڭعىش اۋىنا ون نەشە توننا بالىق ءىلىندى
اۆتونوميالى رايوندىق پارتكومنىڭ تۇراقتى كوميتەتى ءماجىلىس اشتى
جىگەر تاسقىنداپ، ”جاقسى باستامانى“ قۇلشىنا اشتى
ورتالىق ۇلتتار داشۋەسىمەن ستراتەگيالىق سەلبەستىك سياقتى قىزمەتتەردى اقىلداستى
جاڭا جورىقتا كورىكتى شينجياڭ قۇرۋعا زەيىن - زەردەنى، كۇش - قۋاتتى شوعىرلاندىرۋ كەرەك
تاڭعاجايىپ سانشيا
كوكتەم مەرەكەسى دەمالىسىندا تۇتىنۋ بازارىنىڭ جاندانۋى تەبىندى بولدى
بۇكىل رايون كوكتەم مەرەكەسىندە جالپى 4 ميلليون 781 مىڭ 900 ادام - رەت ساياحاتشى قابىلدادى
شينجياڭدا 2023 - جىلى تىكە ساتىلعان ەلەكتر مولشەرى تاريحتاعى جاڭا ورەنى جاراتتى
شي جينپيڭ تەلەگرامما جولداپ، دادايدىڭ پاپۋا - جاڭا گۆينەياسىنىڭ گۋبەرناتورى بولىپ ۇزدىكسىز سايلانعاندىعىن قۇتتىقتادى
2023-جىلى 1-ايدىڭ 28-كۇنى 20-سان
2023-جىلى 1-ايدىڭ 23-كۇنى 19-سان
2023-جىلى 1-ايدىڭ 21-كۇنى 18-سان
كوكتەم مەرەكەسى كەلىپ، بارلىق جەر قويۋ مەرەكەلىك تۇسكە ەندى
مادەنيەتتى سان مىڭداعان وتباسىنا جەتكىزىپ، جاڭا جىلدى شات -شادىمان قارسى الدى
ايماقتاعى ءتورت باسشىلىق القانىڭ باسشىلارى كوكتەم مەرەكەسى بايلانىسىمەن حال سۇراۋ قيمىلىن ورىستەتتى

فۋتبولشى ەرجەت پورتۋگالدا

جولدانعان ۋاقىتى : 2014/7/7 19:52:17

فۋتبولشى ەرجەت پورتۋگالدا
 





























_ ەۆروپا كلوبىنداعى شينجياڭدىق قازاق فۋتبولشى،مەملەكەتتىك وليمپيادا فۋتبول قۇراماسىنا قابىلدانعان تۇڭعىش قازاق ازاماتى ەرجەت ەرزات ۇلى جايىندا

ماقسات قيزات ۇلى


  الا دوپتىڭ الەمدىك ساۋىتىنا تالاسۋ دوداسىنىڭ ءدۇبىرى جان كۇيەرلەردىڭ جۇرەك دۇرسىلىمەن ۇلاسىپ جاتقان بۇگىنگى ساتتەردە وزگە ەل ەرتە كىرىسىپ ەسىمىن قالدىرعان جاسىل الاڭنىڭ ءبىرى ەۆروپا فۋتبول كلوبىندا جۇرگەن اۋىلىمىز ازاماتىن اتىن اتاپ، اۋىزعا الىپ، اڭگىمەمىزدى ارمەن باستاپ، تەبىرەنىسىمىزدى نەگە جەتكىزبەسكە؟!

  1993-جىلدىڭ 4-قاڭتارى شاۋەشەك قالاسىنداعى ەرزات وتباسى ۇزاعىنان ءسۇيىندى، بەسىگى ۇرپاقپەنەن تەربەتىلسە، قاي قازاقتىڭ شەكەسى شىلقىمايدى دەيسىز، بۇل دا سونداي قۋانىشتىڭ ۇزىگى ەدى. ونەر دەسە ىشكەن اسىن جەرگە قوياتىن ەرەكەڭ كوزىن اشىپ كورگەن، اۋزىن اشىپ سۇيگەن ۇلىنا بولەكشەلەپ ەسىم قويدى: «ەز ەمەس، ەر بول، ويلاعانىڭا كەز بول، تىلەگىڭە تەز جەت، ەرتوستىكشە ەرجەت» دەدى، سوڭعى ءسوز اتاۋلى كۇيىندە ءسابي قۇلاعىنا جاڭعىرىپ قالا بەردى، ءسابي ەسىمى «ەرجەت» اتاندى. ەرجەت ەرجەتە كەلە وزگە قۇربىلارىنان گورى شيراقى دا شىمىر، الا دوپتى كورسە الاعىزىپ الىسا كەتەتىن بولىپ ەسەيدى. ەلگە تانىس اقىن قىدىرقان مۇقاتايەۆ، ۇستاز اعانىڭ مىنەزى بالالارعا قاتالداۋ ەدى، اۋلاداعى ەلىكتەي ورعىپ تۇرعان ەرجەتتى دە شالىس قيمىلىنا بولا ءبىر-ەكى رەت شەكەدەن شەرتىپ قويدى، وعان قايتقان ەرجەت بولمادى، توپ قۇربىسىن باستاپ كەلىپ كەڭ اۋلانى دوپپەن شاڭداتتى. توپىرلاعان بالاعا، داڭعىرلاعان قاقپاعا قاراپ تۇرىپ اتاسى قىدىرقان ەرىكسىز ەزۋ تارتتى، «الا دوپ دەسە جانىڭ ەكەن، بۇل سەرىگىڭ نە سورىڭ، نە باعىڭ بولار، ءيلايىم سوڭعىسى بولسىن» دەدى ىشتەي، ۇلكەن قاقپانى    اشىپ تاستاپ، بالالارمەن قوسىلىپ دوپ تەۋىپ كەتتى.

  ويىن-ساۋىققا بەيىمدەۋ حالىق بولعانسىن با، العاشىندا ەرجەتتىڭ اكە-شەشەسى دە ەرجەتتى مۋزيكا كلاسىنا تابىستاپ، ءان ايتىپ، ەلەكتروندى رويال ويناپ كەتسە دەپ ويلاعان، ءبىر ايدان كەيىن ۇلىنىڭ مۋزيكالىق ۇلگىرىمىن بايقاستايىن دەپ اناسى بارسا، بالاسى باياعى «دو، راي، مي، فادان» ارى اسا الماعان قۇلىقسىز پىشىندە، سىرتتا دوپ تەۋىپ جۇرگەن اعالارىنا الاقتاي قاراپ وتىرعانىن سەزەدى. سودان جەتەكتەپ سۋرەت كلاسىنا اپارىپ تاستاعان. كەلەسى ايدا   اسەم ونەردەن ازدا بولسا جۇعىن بولعان شىعار دەپ بارعان اكە ەرجەتتىڭ ۇستازىنىڭ «جەرى شارىنى دومالاقتاپ سىز» دەگەنىن «دوپ سىز» دەپ ۇعىپ اق قاعازدىڭ بەتىن الا دوپپەن تولتىرىپ تاستاعان، اكەسى سول كەزدە سەزدى عوي، ەرجەتتىڭ ەس-اقىلى الا دوپ دەيتىن دارۋشتە ەكەنىن. «بولار بالانىڭ بەتىن قاقپا، بەلىن بۋ» دەگەن اتا ءسوزى ەسكە ءتۇستى، دانالىقتى ەسكەرمەسەڭ ەستىلىگىڭ قايسى، ويلامدى اكە، ارداقتى انا بالاسىنىڭ تىزگىنىن تارتپاي، ءوز ويىمەن ءومىر كەشىپ، ونەر يگەرۋىن قۇپ كوردى. ەرزات شاڭىراعىنىڭ ەلگەزەك ۇلى الا دوپقا عانا وزەلەنىپ قالعانى جوق، وقۋدا دا ۇعىمتال بولدى، ساباعىن اقساتپاي، اتا-اناسىن قاقساتپاي قۇلشىنا ءوستى. كەشتە ۇيقىعا باس قويعاندا ءبىر قۇشاعىندا الا دوپ جاتسا، ءبىر قۇشاعىندا انا ءتىلى وقۋلىعى جاتاتىن ەدى. «قۇلشىنعانعا قۇت ءۇيىر» دەگەن ەمەس پە اتام قازاق؟! ەرجەت باستاۋىش مەكتەپ وقىپ جۇرگەندە 6 جىل كلاسكومدىق مىندەت وتەسە، شاۋەشەك قالالىق 7-باستاۋىش مەكتەپ فۋتبول كومانداسىنىڭ باس ويىنشىسى بولدى، ونىڭ وسى «كاپيتان» بولعانى وعان ۇلكەن جول اشتى، ەرجەتتىڭ فۋتبولداعى جارقىن جولى وسى كەزدە تۋدى، «وراي دايىندىعى بار ادامعا تاۋەلدى» دەگەن ناقىل بولماۋشى ما ەدى، 2005-جىلى ەلىمىزگە اتى تانىس ءۇرىمجى قالاسىنداعى «سۇڭ چيڭليڭ فۋتبول مەكتەبى» ەلىمىزدىڭ بولاشاق فۋتبول شولپاندارىن جەتىستىرۋ ءۇشىن بۇكىل شينجياڭنان الادوپتى اياعىندا ويناتاتىن جاس وسپىرىمدەردى جيناۋعا اتقا قونادى، كوپ جەرلەرگە بارادى، كوڭىلدەگىدەي شاباندوزدار شىقپايدى. تارباعاتاي ايماعىنا كەلگەندە، سول جەردە ەرجەتتەي قىراعى جاس قىراندى كوزدەرى شالادى، كوڭىل ورنىنا تۇسەدى. باس جاتتىقتىرۋشى بولات مۇعالىم: «بالاڭىزدىڭ ەتى ءتىرى ەكەن، بىزگە بەرىڭىز، جالىندى بولسا جەردە قالماس، ەلىمىز شينجياڭ فۋتبولىنا نازارىن سالىپ وتىر، كىم كوزگە تۇسەدى دەپ توسىپ وتىر، بابى مەن باعى قاتار شاپسا، ەندى 5 جىلدا ەرجەتىڭىزدى ەلىمىز فۋتبول كومانداسىنان كورمەسىڭىزگە كىم كەپىل» دەدى. وزگەگە سەنبەسەك تە ۇستازعا يمانداي سەنەتىن ۇلتتىڭ ۇرپاعىمىز، اكە-شەشەسى 11 جاسار ۇلىنىڭ بۋىنشاق-تۇيىنشەگىن دايىندادى دا: «ال، ۇلىم، الا دوپ الدىڭنان شىقسىن» دەپ اق باتاسىن بەرىپ، الىس شاھارعا شىعارىپ سالدى. اتا-انانىڭ قاسىندا ەركە وسكەن جاس بالا جات جەر، وزگە اعايىنداردىڭ اراسىنا كەلگەندە قوڭىلتاقسىپ-اق قالدى. دەسەدە،  ەرجەتتىڭ بويىندا ەجەلدەن ءبىر قاسيەت قينالعانىن قيماسىنا دا اشىپ ايتپايتىن، سول تاسقاينات تاباندىلىعىنا سالىپ، تاربيەشىنىڭ قاتاڭ تالابىنان شىعۋعا تالپىندى، مەكتەپتىڭ سۋلى-شايلى تاماعىنا دا كوندىكتى، باسقاسى ەمەس، وزگە ءتىلدى ۇيرەنۋدىڭ وزىق ونەر ەكەنىن دە تەرەڭىنەن ءتۇسىندى. باسىندا اناسىن اۋدارماشى تۇتسا، قازىر اناسىنىڭ ەجىكتەپ سويلەگەن ۇيعۇرشاسىنا ەرجەتتىڭ كوڭىلى تولمايدى. ءسويتىپ، ءوزى انا تىلىنەن سىرت ۇيعۇر، حانزۋ ءتىلىن سۋداي ساپىرسا، اعىلشىن، پورتۋگال، نيدەرلاند ءتىلىن   اجەپتاۋىر جاقسى سويلەيدى ەكەن. ونىڭ رۋحاني قازىعى اناسىنىڭ سول ءبىر ايتقان ءبىر اۋىز ءسوزى: «شىدامدى شىڭعا شىعادى». بالعىن دەنە بەس جىلدىق ماشىق بارىسىندا قاراعايدىڭ دىڭىندەي قاتايىپ، سەرىپپەدەي سەرپىندى قيمىلعا كوشتى، مەكتەپ ونى باستابىندا جاسىل الاڭنىڭ الدىڭعى شابۋىلشىسى رەتىندە تەكەدەي تاڭداپ اكەلگەن بولاتىن، ءبىراق رايونىمىزدا وتكىزىلگەن جاس وسپىرىمدەردىڭ ءبىر رەتكى فۋتبول جارىسىندا ول جارالانىپ قالعان قاقپاشىنىڭ ورنىندا قاقپا قورعادى. بۇرىندارى وزىنەن ۇلكەن اعالارىمەن بىرگە فۋتبول ويناعان كەزىندە قاقپا قورعاپ العىس العان تاجىريبەسى دە بار ەدى، سونىسى سەپ بولدى ما، جوق الدە،  وزىندە بار تۋما سەزگىرلىگى قۋات بەردى مە، اقىرى دىتتەگەن جەردەن شىعىپ، كومانداعا جەڭىس سيلادى. مىنە، وسىلاي 13 جاستاعى ەرجەتتىڭ پەشەنەسىنە قاقپا قورعاۋ بۇيىردى. « توعىز ۇلىم ءبىر توبە، ەرتوستىگىم ءبىر توبە» دەگەندەي، فۋتبول وينىندا كومانداداعى وزگە 10 ويىنشىنىڭ ورنى ءبىر بولەك بولسا، قاقپا قورعاۋشىنىڭ ورنى تىم بولەك، بەينەلەپ ايتار بولساق، فۋتبول قاقپاشىسى قاراۋىلدى قورعاپ تۇرعان 1-ءنومىرلى سارباز ىسپەتتى.

  اتاعى الاتاۋداي فۋتبول مەكتەبىنە كەلگەننەن كەيىن ويىن بالاسى جاسىنداعى ەرجەت وزگە قۇربىلارى سياقتى قىزىلدى-جاسىلدى قالانى قىزىقتاپ، ويىن قۋىپ كەتكەن جوق، جەلىك كوڭىلىن قاتاڭ تاربيەگە جەڭدىرە ءبىلدى، قۇيما قۇلاق قىرعي ۇستازى تاربيەنى ءبىر ايتسا ءبىر، ەكى ايتسا ەكى قاعىپ الدى، سونىڭ ارقاسى  ەمەس پە، مەكتەپكە كەلگەنىنە 3 جىل تولماي جاتىپ، شينجياڭ فۋتبول كومانداسىنىڭ سابىنا قوسىلدى، تالاي بايراقتى باسەكەدە اعالاپ العا شىقتى، اسىرەسە 2009-جىلعى قازاقستان رەسپۋبليكاسىندا وتكىزىلگەن «پرەزيدەنت كۋبوگىنە» تالاسۋ جارىسىندا ازيا ەلدەرىندەگى بەلدى كوماندالارمەن باق سىناسقان شينجياڭ فۋتبول كومانداسى توپ جاردى، جارىس سوڭىندا ەرجەتتىڭ ايرىقشا تالانتىنا سۇيىنگەن ۇجىم ونى «قىراعى قاقپاشى» اتاعىمەن ماراپاتتادى. العاش حالىقارالىق جارىستا مىنە وسىلاي كوزگە تۇسكەن كوك ءورىم سودان باستاپ ەرتەمەن شاپسا كەشكە وزدى، ەڭىسكە سالسا ورگە وزدى. ول سان مارتە شينجياڭ فۋتبول قۇراماسىن باستاپ  حالىقارالىق فۋتبول دودالارىنىڭ كورىگىن قىزدىرىپ، ەۆروپاداعى ازۋى التى قارىس سانت-پەتربۋرك زەنت كلۋبى، ماسكەۋ ورتالىق قۇرلىق ارمياسى سىندى مىقتى فۋتبول كلوبتارىمەن تىزە قاعىستىرىپ، تىڭ ناتيجەلەرگە قول جەتكىزدى. «القاۋلى ەڭبەكتەرىمىزدىڭ باسىندا ەرجەتتەي ەرىمىز تۇر، ول ءبىزدىڭ قاقپامىزدى عانا ەمەس، نامىسىمىزدى دا قورعاپ ءجۇر» دەيدى شينجياڭ فۋتبول قۇراماسىنداعى ساپتاستارى وعان ريزاشىلىعىن ءبىلدىرىپ.

  «ەل ماقتاعان جىگىتتى قىز جاقتاعان»، ەرجەتتىڭ اتاعى اسپانداعان سايىن وعان «قۇدالىق تۇسەتىن» ەلىمىز ءىشى-سىرتىنا تانىمالى فۋتبول كلوبتارى كوبەيە باستادى. 2011-جىلى ماۋسىمدا ەلىمىزدىڭ سۋپەر ليگاسىندا ورەلى ويىن كورسەتىپ جۇرگەن «شاڭحاي شىنحۋا» كلوبى ەرجەتتى باۋرىنا تارتتى، رايونىمىزدىڭ فۋتبول قۇرامالارىمەن سالىستىرعاندا قارجىسى مول، تەحنيكاسى كوش ىلگەرى ىشكى ولكەنىڭ داڭقتى فۋتبول كلوبى ەرجەتتىڭ تالانتىن جەتىلدىرىپ، شالعىسىن ۇشتادى. ول 2011-جىلى شاڭحاي سەلبەستىك ەلدەر ۇيىمىنا مۇشە ەلدەردىڭ فۋتبول جارىسىندا ەرەن ەڭبەك كورسەتىپ، فۋتبول جان كۇيەرلەرىنىڭ ماقتانىشىنا اينالدى. ەل ۇلانى ەرجەتتىڭ فۋتبولداعى ۇمىتىلماس ەستەلىگى 2013-جىلى جازدا جازىلدى دەسەك قالت ايتپاعان بولار ەدىك. بىلتىر ەرجەت شينجياڭ فۋتبول قۇراماسىن باستاپ 12-كەزەكتى مەملەكەتتىك سپورت جينالىسىنىڭ فۋتبول جارىسىنا باردى، باۋىرىن ەندى عانا جازىپ كەلە جاتقان رايونىمىز فۋتبول قۇراماسىنىڭ ورەسىن ءوزىڭىز بىلەسىز، وزگە ولكەلەردەگى الا دوپتى اسىقشا يىرەتىندەرمەن يىق تىرەسەتىن دارەجەدە ەمەس، ءبىراق سەنىم بولسا بيىكتى بىرلىكتە باعىندىرۋعا بولاتىنىن ءبىزدىڭ جىگىتتەر بەس قولىنداي ءبىلدى، سونىڭ ىشىندە ەلىمىزگە تانىمالى جاس تالانتتى فۋتبولشى ەرجەتكە ارتىلعان جاۋاپكەرشىلىك تاۋداي ەدى، قاقپاشى مىقتى بولسا، قارسىلاستىڭ    قيىندىعى ءىشى قۋىس جاڭعاقتاي ەكەن، تەز    «شاعىلدى»، اقىرعى مارەدە شينجياڭ فۋتبول قۇراماسى 4-ورىنعا تياناقتاپ، ەلىمىزدىڭ فۋتبول جان كۇيەرلەرىن قۋانىشقا بولەدى. تاريحتا  شينجياڭ  فۋتبول  قۇراماسى  ءدال  وسىنداي جوعارى ناتيجەنى جاراتىپ كورمەگەن ەدى، ەرجەت سەركەلىك ەتكەن شينجياڭ قۇراماسى اقىرعى ەسەپتە سپورت تاريحىمىزعا جىل قۇسىنداي جاڭالىق اكەلدى. ۇلانىمىزدىڭ ۇزدىك وينى ءوزىمىزدى عانا تاڭ قالدىرىپ قالعان جوق، مەملەكەتتىك وليمپيادا فۋتبول قۇراماسىنا باسشىلىق ەتەتىن تاربيەشىلەردى دە ويعا قالدىردى، «وسى جىگىت بولاشاقتا ەلىمىزدىڭ فۋتبول قۇراماسىنىڭ جارقىن جۇلدىزى بولعالى تۇر، ۋاقىتتى وتكىزبەي مەملەكەتتىك وليمپيادا فۋتبول قۇراماسىنىڭ بەلدى قاقپا قورعاۋشىسىنا تاڭداعانىمىز ابزال» دەپ كەسىم جاسادى وتاندىق فۋتبول ۇجىمى. اق تۇيەنىڭ قارىنى جارىلدى، ەلىمىز تاريحىندا تۇڭعىش رەت قازاق ۇلتىنان ەرجەت مەملەكەتتىك وليمپيادا فۋتبول قۇراماسىنا قابىلداندى.

  ميلليارد ەلىنىڭ فۋتبول قۇراماسىنىڭ قاقپاسىن شينجياڭدىق قازاق جىگىت قورعاپ ءجۇر دەگەندى ەۆروپانىڭ قۇلاعى تۇرىك فۋتبول كلوبتارى بىردەن ەستىدى، قىزىقتى، كەلىسىم شارتتارىنىڭ قۇلاعىن قىلتيتا باستادى. ەۆروپانىڭ فۋتبول كلوبى شينجياڭدىق فۋتبولشى تۇگىل ەلىمىزدىڭ اتى الىسقا بەتتەگەن فۋتبول ساڭلاقتارىنىڭ دا ارمانى. كوكتەن ىزدەگەنىن جەردەن تاپقان تارلان تارباعاتايدىڭ تاستۇلەگى ۇزاق جىلدىق ۇمتىلىسىنىڭ ارقاسىندا 2014-جىلى 29-قاڭتاردا پورتۋگاليانىڭ      «گوندومار» فۋتبول كلوبىمەن جارىم جىلدىق كەلىسىم شارتقا قول قويىپ، كارى قۇرىلىقتىڭ قاقپاسىن قاققان تۇڭعىش شينجياڭدىق   فۋتبولشىعا اينالدى.

  قازىرگى كۇنى الا دوپتىڭ الەمدىك ارناسىندا كوش باستاپ تۇرعان كريشتيانۋ رونالدونىڭ   ەلىندە باعىن سىناپ جۇرگەن بەتكە باسار ۇلىمىز جاپالى ماشىق پەن تاتىمدى تاربيەگە قاتار جۇگەن سالىپ جارتى جىلدا پورتۋگاليالىق فۋتبول سۇيەر قاۋىمنىڭ جاقسى باعاسىنا يە بولدى. ءارقانداي سىناقتان سۇرىنبەي ءوتىپ، گوندوماردىڭ ابىرويىن اسقاقتاتقانىنا قاباعات رازى بولعان كلوب قوجايىندارى وعان بەرەتىن سي اقىنى جوعارىلاتىپ، قۇراما قاقپاسىن جانە دە ءبىر جىل قورعاپ بەرۋىن ءوتىنىپ، مامىر  ايىنىڭ اياعىندا كەلىسىم شارتتىڭ ۋاقىتىن كەلەر  جىلعى  ماۋسىمعا دەيىن ۇزارتتى.

    ەلىمىزدىڭ پرەمەر ليگاسىنداعى ءبىر قاتار كوماندالاردىڭ «جوعارى جالاقى بەرەمىز، ءبىزدىڭ قۇرامامىزعا كەل» دەگەنىنە مويىن بۇرماعان ەرجەت پورتۋگاليانىڭ تومەنگى ليگا كومانداسىن تاڭداۋىنىڭ سەبەبىن بىلاي تۇسىندىرەدى: «ەۆروپادا دوپ تەبۋ بۇرىننان بەرگى ءتاتتى تىلەگىم،  ەۆروپا فۋتبول مادەنيەتىنىڭ بەسىگى، پورتۋگالياعا اياق باسقاننان كەيىن ەلىمىز فۋتبول   سپورتىنىڭ شاڭ قاۋىپ قالعانىن باعامدادىم. مەنىڭ وسى جاقتا ۇزاق ۋاقىت تاربيە كورىپ، قاقپا قورعاۋدىڭ قىرى مەن سىرىنا جەتىسىپ، الەمدەگى ەڭ ۇزدىك قاقپا قورعاۋشى، سپانيا ۇلتتىق قۇراماسىنىڭ كاپيتانى كاسيلاس    سياقتى تانىمالى قاقپاشى بولسام با دەگەن ۇلى ارمانىم بار، انام ايتاتىن: ‹ازامات ارمانىنان جاڭىلسا جەڭىلىس تابادى› دەپ، انا ءسوزى ءاردايىم جۇرەگىمدە».

    ايتا كەتەيىك، گوندومار قۇراماسى 1921-جىلى قۇرىلعان، اتى ەۆروپا كلوبتارىنا تانىمالى فۋتبول قۇراماسى، ول پورتۋگاليانىڭ پورتۋ ايماعىنداعى گوندومار قالاسىنا ورنالاسقان، قۇراما  ءبىرقانشا جىلدان بەرى پورتۋگاليانىڭ A دارەجەلى ليگاسىندا ۇزدىك ويىندار كورسەتكەنى سەبەپتى پورتۋگاليالىقتاردىڭ سۇيىكتى قۇراماسىنا اينالىپ ۇلگىرگەن.



 


رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.














 
powered by IlgharCMS 3.2 www.ilghar.cn