توقتام كۇشكە يە بولماعانىمەن، ەڭبەك قاتىناسىن مويىنداۋ كەرەك

  ەڭبەكشى مەن ەڭبەكشىنى ىستەتەتىن ورىن اراسىنداعى ەڭبەك قاتىناسى زاڭ جاعىنان مويىندالادى. 4-ماۋسىمدا    ءۇرىمجى قالاسىنىڭ ميدۇڭ   رايوندىق حالىق سوتى مەكەمەسى مىناداي ءبىر دەلونى ءبىر جايلى ەتىپ، داۋگەر جاقتىڭ ءمالىم ءبىر سەرىكتەستىگىنىڭ ۇستىنەن بەرگەن ارىز-تالابىن زاڭ بويىنشا تويتارۋ جونىندە 1-سوتتا ۇكىم شىعارعان.

  2011-جىلى 1-ساۋىردە ميدۇڭ رايونىنىڭ 58 جاستاعى تۇرعىنى ساي xx ءمالىم ءبىر سەرىكتەستىكتىڭ اماندىق قورعاۋ قىزمەتىنە قابىلدانۋ ءۇشىن ناقتى جاسىن جاسىرىپ، 55 جاستامىن دەپ مالىمدەپ، جالعان دالەل-سىپات كورسەتكەن. كەيىن ول وسى سەرىكتەستىكتىڭ اماندىق قورعاۋشىسى بولىپ قابىلدانعان، سونداي-اق ەڭبەك توقتامىن جاساسقان. توقتامنىڭ شەكتى مەرزىمى 2011-جىلى 1-ساۋىردەن 2012-جىلى 31-ساۋىرگە دەيىن بولعان، توقتام ۋاقىتى تولعاننان كەيىن ەكى جاق تاعى دا ەڭبەك توقتامىن جاساسقان. توقتامنىڭ شەكتى مەرزىمى 2013-جىلى 1-قاڭتاردان 2013-جىلى 31-جەلتوقسانعا دەيىن بولعان. 2013-جىلى 21-قاراشادا ساي  xx ناۋقاستان تۇتقيىل قازا بولعان. سوسىن ونىڭ ۇلى شياۋساي بەلگىلى سەرىكتەستىكتەن اكەسىنە ەكونوميكالىق تولەم بەرۋدى تالاپ ەتكەن، سوندا بۇل سەرىكتىك ساي xx تىڭ شىن جاسىن جاسىرعاندىعىن كولدەنەڭ تارتىپ، سەرىكتەستىكتىڭ ساي xx پەن جاساسقان ەڭبەك توقتامى كۇشكە يە ەمەس دەپ ساناپ، ساي xx تىڭ سەرىكتەستىكپەن بولعان ەڭبەك قاتىناسىن مويىنداۋدان باس تارتقان.

  2014-جىلى 24-اقپاندا ءۇرىمجى قالاسىنىڭ ميدۇڭ   رايوندىق ەڭبەك داۋشارلارىنا كەسىم ايتۋ كوميتەتى شياۋساي مەن ءمالىم سەرىكتەستىگىنىڭ وتىنىشىنە نەگىزدەلىپ، ساي xx تىڭ ءمالىم سەرىكتەستىگىمەن ەڭبەك قاتىناسى بار ەكەندىگى تۋرالى ۇكىم شىعارعان. بۇل سەرىكتەستىك ۇكىمگە مويىنسال بولماي، 2014-جىلى 10-ساۋىردە ميدۇڭ رايوندىق حالىق سوتى مەكەمەسىنە ارىز بەرگەن. ميدۇڭ رايوندىق حالىق سوتى مەكەمەسى زاڭ بويىنشا سوت   اشىپ، بۇل دەلونى قاراعان.

  تەرگەۋ بارىسىندا، وسى سەرىكتەستىك ساي xx جۇمىسقا قابىلداناتىن كەزدە الدامكوستىك تاسىلمەن سەرىكتەستىگىمىزبەن ەڭبەك توقتامىن جاساسقان، زاڭداعى بەلگىلەمەگە ساي، ونداعى ەڭبەك توقتامى كۇشكە يە ەمەس دەپ قاراپ، سوتتىڭ ساي xx تىڭ سەرىكتەستىكپەن ەڭبەك قاتىناسى جوقتىعىن تۇراقتاندىرىپ بەرۋىن تالاپ ەتەمىز دەگەن تالاپ قويعان.

  شياۋساي بىلاي دەگەن: اكەمنىڭ ءمالىم ءبىر سەرىكتەستىكپەن بولعان ەڭبەك قاتىناسى    «ەڭبەك جانە قوعامدىق قامسىزداندىرۋ تاراۋىنىڭ ەڭبەك قاتىناسىن تۇراقتاندىرۋعا قاتىستى ىستەر جونىندەگى ۇقتىرۋىندا»  ايتىلعان ەڭبەك توقتامىنىڭ كۇشكە يە بولۋىنا قاتىستى ماڭىزدى حۇجاتقا ساي كەلەدى. اكەم ساي xx تىڭ داۋگەر جاقپەن ناقتى ەڭبەك قاتىناسى قالىپتاسقانى بەسەنەدەن بەلگىلى، سوندىقتان سوتتىڭ داۋگەر جاقتىڭ ارىز تالابىن تويتارۋىن وتىنەمىن.

  ميدۇڭ رايوندىق حالىق سوتى مەكەمەسىنىڭ سوتشىسى بىلاي دەپ قارادى: «جۇڭحۋا حالىق رەسپۋبليكاسىنىڭ ەڭبەك توقتامى زاڭىنىڭ» 7-تارماعىندا:   «جۇمىسشى ىستەتۋشى ورىن ونى جۇمىسقا جەككەن كۇننەن باستاپ ەڭبەكشىمەن ەڭبەك قاتىناسىن ورناتادى» دەپ بەلگىلەنگەن. بۇل دەلودا ءمالىم سەرىكتەستىكتىڭ ساي xx پەن جاساسقان ەڭبەك توقتامىندا ساي xx تىڭ الدامكوستىك ىستەۋ تاسىلىمەن توقتامنىڭ كۇشكە يە ەمەس بولۋىنا مۇرىندىق بولعانىمەن، ءبىراق ساي xx داۋگەر جاعىنان جۇمىسقا جالداعان كۇننەن باستاپ قازا بولعانعا دەيىن ونىڭ ايىپكەر جاقپەن ءىس جۇزىندىك ەڭبەك قاتىناسى ساقتالعان كۇيدە بولعان. ساي xx تىڭ داۋگەر جاقپەن بولعان ەڭبەك قاتىناسىنىڭ ساقتالۋ-ساقتالماۋى ەكى جاقتىڭ ەڭبەك توقتامىنىڭ ىقپالىنا ۇشىراماۋى ءتيىس، سوندىقتان ساي xx تىڭ داۋگەر جاقپەن بولعان ەڭبەك قاتىناسىن مويىنداۋ كەرەك. حالىق سوتى مەكەمەسى «جۇڭحۋا حالىق رەسپۋبليكاسىنىڭ ەڭبەك توقتامى زاڭىنىڭ» 7-تارماعىنداعى بەلگىلەمەسىنە ساي، داۋگەر جاق ءمالىم سەرىكتەستىكتىڭ ساي XX پەن ەڭبەك قاتىناسى ساقتالعان، سوندىقتان داۋگەر جاقتىڭ ارىز تالابى تويتارىلسىن دەپ ۇكىم شىعارعان.


رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.