يندونەزيا قاۋىرسىن دوپ جارىسىندا لي شۋەرۇي اعا جۇلدەگەر بولدى

  2014-جىلعى يندونەزيا قاۋىرسىن دوپ جارىسى 22-ماۋسىم جاكارتادا اياقتالىپ، ەلىمىزدىڭ      سپورتشىلارىنان لي شۋەرۇي جانە   ايەلدەر قۇراماسى تيان چيڭ مەن جاۋ يۇنلەي جەكە – جەكە  ايەلدەردىڭ جەكە ادامدىق جانە قوس  ادامدىق جارىس تۇرىنەن اعا جۇلدەگەر بولسا، ما جين مەن تاڭ يۋانتيڭ جانە شۇي چىن مەن ما جين جەكە- جەكە    ايەلدەردىڭ قوس ادامدىق جانە ەر- ايەل ارالاسپا جارىس تۇرىنەن جۇلدەگەر  بولدى.

  ايەلدەردىڭ جەكە ادامدىق جارىسىنىڭ شەشۋشى جارىسىندا ەلىمىزدىڭ ەڭ تاڭداۋلى سپورتشىسى لي شۋەرۇي ەكى مايدان بەلدەسۋ   ارقىلى بارىنشا باسىمدىلىقپەن تايلاند سپورتشىسى ينتانوندى ويسىراتا جەڭىپ، دۇنيە جۇزىلىك قاۋىرسىن دوپ بىرلەستىگىنىڭ ەرەكشە دارەجەلى جارىسىنىڭ بيىلعى ءۇشىنشى اعا جۇلدەگەرلىگىن ەنشىلەدى.

  ەر- ايەل ارالاسپا جارىسىندا شۇي چىن مەن ما جين دانيا قۇراماسى، دۇنيە جۇزىندە 4-ورىندا تۇراتىن  نيەلسەن جانە پەدەرسەنمەن دوداعا   ءتۇسىپ، العاشقى ءبىرىنشى مايداندا جەڭىپ العانىمەن، ارت-ارتىنان ەكى مايدان جەڭىلىسكە تاپ بولىپ، ءبىر ساعات 8 مينۋتقا جالعاسقان جارىستا 18 گە قارسى 21 ۇپاي، 21 گە قارسى 16 ۇپاي جانە 21 گە قارسى 14 ۇپايمەن جەڭىلىپ قالدى.

    ما جين ەر-ايەل ارالاسپا جارىسىنىڭ شەشۋشى جارىسىندا دەنە  قۋاتى كوتەرە الماعاندىقتان، ايەلدەردىڭ قوس ادامدىق جارىسىنىڭ شەشۋشى جارىسىنا قاتىناسا المادى، سونىمەن كوماندالاسى تيان چيڭ مەن جاۋ يۇنلەي شاپپاي بايگە الىپ، ايەلدەردىڭ قوس  ادامدىق جارىسىنىڭ اعا جۇلدەگەرى بولدى.

  ەرلەردىڭ جەكە ادامدىق جانە قوس ادامدىق جارىس تۇرىندە ەلىمىز     سپورتشىسى شىن لۇڭ جانە جاڭ نان مەن بو حايفىڭ جارتىلاي شەشۋشى جارىستا جەڭىلىسكە تاپ بولىپ، شەشۋشى جارىسقا قاتىناسا المادى. دانيانىڭ ايگىلى سپورتشىسى جورگەنسەن جانە وڭتۇستىك كورەيانىڭ قۇراماسى لي يۇڭدا مەن يو يەنسوڭ جەكە-جەكە اعا جۇلدەگەر بولدى.

  وسى رەتكى جارىس 17-ماۋسىمدا باستالىپ، دۇنيە جۇزىلىك قاۋىرسىن دوپ بىرلەستىگىنىڭ ءبىر جىلداعى 5 مايدان ەرەكشە دارەجەلى جەلىلەس جارىسىنىڭ ءبىرى بولىپ، جارىستىڭ سيلىق سوماسىنىڭ جالپى قۇنى 750 مىڭ دوللارعا جەتىپ، 27 مەملەكەت پەن رايوننان كەلگەن 400 گە جۋىق سپورتشى جارىسقا قاتىناسقان ەكەن.



رەداكتورى: ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.