حالىقارالىق فۋتبول بىرلەستىگى 17-ماۋسىمدا مالىمدەمە جاريالاپ برازيليا الەم ساۋىتىنا تالاسۋ فۋتبول جارىسى باستالاردان ىلگەرى بارلىق فۋتبولشىلاردىڭ جىبەرگەن ۇلگىسىنە تەكسەرۋ جۇرگىزگەندە قوزدىرعىش ءدارى ىستەتۋ جاعدايىنىڭ بايقالماعانىن ايتتى.
الەم ساۋىتىنا تالاسۋ فۋتبول جارىسى باستالاردان ىلگەرى جالپى جارىسقا قاتىناساتىن 32 كوماندادان 800 فۋتبولشىعا قوزدىرعىش ءدارى ىستەتۋگە قاتىستى تەكسەرۋ جۇرگىزىپ، تەكسەرۋگە قاتىناسۋ سالىستىرماسى 91 پايىزعا جەتكەن.
برازيليانىڭ ريو-دە-جانە-يرو قالاسىنا ورنالاسقان تەكسەرۋ تاجىريبەحاناسىنىڭ تولىمدىلىعى كۇشىنەن قالدىرىلعاندىقتان، بارلىق ۇلگىنى دۇنيە جۇزىلىك قوزدىرعىش ءدارى ىستەتۋگە قارسى تۇرۋ ۇيىمىنىڭ شۆەتساريانىڭ لاۋسان قالاسىنا ورنالاسقان تاجىريبەحاناسىنا اپارىپ تەكسەرۋ جۇرگىزگەن.
بۇل ۇلگىلەر الىنعاننان كەيىن 36 ساعات ىشىندە لاۋسان قالاسىنا جەتكىزىلىپ، الداعى 24 ساعات ىشىندە ساراپتاۋ ناتيجەسى شىعارىلادى ەكەن. كەزەكتەگى ۇلگى الىپ تەكسەرۋ ناتيجەسىنە قاراعاندا، وسى كەزەكتى الەم ساۋىتىنا تالاسۋ فۋتبول جارىسىندا قوزدىرعىش ءدارى ىستەتۋ جاعدايى بايقالماعان.
رەداكتورى: ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.