30جاستاعى دۋ جيڭ ومىرىندەگى تىڭ بۇرىلىستى باستادى، بەيجيڭ وليمپيادا سپورت جارىسى ايەلدەر قوس ادامدىق قاۋىرسىن دوپ جارىسىنىڭ التىن مەدال يەگەرى لياۋنيڭ كومانداسىنىڭ تىزگىنىن قولىنا الدى، ونىڭ قاتاڭدىعى جاس كوماندا مۇشەلەرىنە تەرەڭ اسەر قالدىردى.
دۋ جيڭ ءساۋىر ايىندا لياۋنيڭ قاۋىرسىن دوپ ءبىرىنشى كومانداسى ايەلدەر قوس ادامدىق گرۋپپاسىنىڭ جاتتىقتىرۋشىسى بولدى. التى جىلدىڭ الدىندا 24 جاستاعى دۋ جيڭ انشاندىق اۋىلداسى ۇي ياڭمەن سەلبەسىپ، بەيجيڭ وليمپيادا سپورت جارىسى ايەلدەر قوس ادامدىق قاۋىرسىن دوپ جارىسىنىڭ اعا جۇلدەگەرى بولعان، الايدا قۇرساق ءبولىمى اۋىر جارالانعاندىقتان، لوندون وليمپيادا سپورت جارىسىنا ازىرلەنىپ جاتقان مەزگىلدە مەملەكەتتىك كوماندادان شەگىنەدى. 2013-جىلى 12-كەزەكتى مەملەكەتتىك دەنە تاربيە جارىسىندا قايتا ورالعان دۋ جيڭ جارالانۋ سەبەبىنەن ويداعىداي ناتيجەگە قول جەتكىزە الماعان. وسىدان كەيىن ول كوماندادان شەگىنۋگە بەكىنىپ، جاتتىقتىرۋشى بولعان.
وقۋ جانە وقىتۋشى بولۋ ورايىن تاستاپ، ءوزىن تاربيەلەگەن كومانداسىنا كەلىپ جاتتىقتىرۋشى بولعان. دۋ جيڭ: «قازىر لياۋنيڭ كومانداسىنىڭ جاعدايى ناشار، مەن لياۋنيڭ كومانداسىنىڭ قايتادان سەرپىلۋىنە ءوز ۇلەسىمدى قوسسام دەيمىن» دەدى.
ەندى عانا كوماندادان شەگىنىپ، لياۋنيڭ قاۋىرسىن دوپ كومانداسى ايەلدەر قوس ادامدىق گرۋپپاسىنىڭ جاتتىقتىرۋشىسىندىق اۋىر مىندەتتى ۇستىنە العان ول وزىنە تولىق سەنىم ارتۋدا. ول: « مەن بۇل كوماندا جونىنەن جاڭا ادام بولعانىممەن، دۇنيە جۇزىندەگى ايەلدەر قوس ادامدىق جارىس ءتۇرىنىڭ جاڭا جاعدايى، جاتتىعۋ بارىسىنا قانىقپىن. الداعى جەردە كوماندا مۇشەلەرىنە وسى جاقتان كومەكتەسپەكشىمىن» دەدى.
دۋ جيڭ جاتتىقتىرۋدا قاتاڭدىقتى ءبىرىنشى ۇستانىم ەتكەن. جاتتىعۋ ۋاقىتى، جاتتىعۋ كۇشەمەلىلىگى، جاتتىعۋ ساپاسى جاعىندا كوماندا مۇشەلەرىنە قاتاڭ تالاپ قويىپ، قاتاڭ جاتتىققاندا عانا تاماشا ناتيجەگە قول جەتكىزۋگە بولاتىندىعىن ايتتى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.