شيۇڭ چاۋجۇڭ WBC دۇنيە جۇزىلىك كاسىپتىك بوكس پاتشاسىنا تالاسۋ جارىسىنا قاتىناسۋعا بەكىندى
جولدانعان ۋاقىتى : 2014/4/24 13:09:40
ءتىلشىنىڭ كۇنميڭ جۇڭۋي بوكس سپورتى شەكتى سەرىكتىگىنەن ۇعىسۋىنا قاراعاندا، بۇرىنعى WBC( دۇنيە جۇزىلىك بوكس القالار كەڭەسى ) دىڭ بوكس پاتشاسى شيۇڭ چاۋجۇڭ 2014-جىلى 16-مامىر حىناندا وتكىزىلەتىن دۇنيە جۇزىلىك كاسىپتىك بوكس پاتشاسىنا تالاسۋ جارىسىنا قاتىناسۋعا بەكىنگەن، بۇل ونىڭ التىن بەلبەۋدەن ايىرىلىپ قالعاننان كەيىن قايتالاي جارىسقا قاتىناسۋى. كەزەكتە شيۇڭ چاۋجۇڭ دۇنيە جۇزىندەگى قاتارعا تۇرعىزۋدا ءتورتىنشى ورىندى يەلەيدى.
شيۇڭ چاۋجۇڭ 2012-جىلدىڭ سوڭىندا مەكسيكانىڭ بوكس پاتشاسى مارتينەستى جەڭىپ، WBC جەڭىل سالماقتاعىلار دۇنيە جۇزىلىك بوكس پاتشاسى التىن بەلبەۋىنە يە بولىپ، جۇڭگوداعى تۇڭعىش دۇنيە جۇزىلىك كاسىپتىك بوكس پاتشاسىنا اين العان. 2013-جىلى ماۋسىم ايى مەن قاراشا ايىندا شيۇڭ چاۋجۇڭ اراب بىرىككەن امىرلىگىنىڭ ديباي قالاسى مەن اتا مەكەنى يۇننان ولكەسىنىڭ ماگۋان قالاسىندا ەكى رەت جەڭىسكە جەتىپ، اعا جۇلدەگەرلىگىن ساقتاعان. 2014-جىلى 5-اقپاندا حايكوۋدا وتكىزىلگەن 3-رەتكى اعا جۇلدەگەرلىكتى ساقتاۋ جارىسىندا مەكسيكا بوكىسشىسى نوۆاعا توتەپ بەرە الماي بوكس پاتشاسى تاعىن بوساتىپ بەرگەن. وسىدان كەيىن شيۇڭ چاۋجۇڭنىڭ كوماندادان شەگىنۋى جونىندەگى قاۋەسەت تارالعان.
كۇنميڭ جۇڭۋي سەرىكتىگىنىڭ قاتىستى جاۋاپتىسىنىڭ تانىستىرۋىنا نەگىزدەلگەندە، شيۇڭ چاۋجۇڭ وسى مەزگىلدە دەنساۋلىعىن قالپىنا كەلتىرىپ، جاتتىعۋ جاساپ، كەلەر ايدا حىناندا وتكىزىلەتىن WBC دۇنيە جۇزىلىك كاسىپتىك بوكس پاتشاسىنا تالاسۋ جارىسىنا قاتىناسۋعا بەكىنگەن ەكەن. جۋىقتا شيۇڭ چاۋجۇڭ كۇنميڭ جۇڭۋي بوكس سپورتى شەكتى سەرىكتىگىمەن 3 جىلدىق توقتامعا قول قويىپ، كاسىپتىك بوكس جارىس مايدانىندا جالعاستى سايىسپاقشى ەكەن.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.