ەەڭ جاڭا مازمۇندار
”جاڭا داۋىردە ەكپىندەي ىلگەرىلەۋ“ نەگىزگى تاقىرىپتىق تابىستار كورمەسىنىڭ شينجياڭ كورمە بولىگى تارتىمدىلىعىمەن كوزگە ءتۇستى
«تاعدىرلاس بولىپ، داڭعىل جولمەن ىلگەرىلەۋ − شي جينپيڭنىڭ ديپلوماتيا يدەياسى ادامزات دامۋىنىڭ، العا باسۋىنىڭ اعىمىن ىلگەرىلەتتى»
بۇقارانىڭ ءىسىن قاشاندا كوكەيىندە ساقتادى
ايماعىمىزدا 610 مىڭ مۋ جەرگە دۇمبە ءبيداي سىڭىرىلە باستادى
ءۇمىت اتىزىنان مول ءونىم جىرى شىعاندادى
تىكە تاراتۋ بولمەسىنەن”ءىرى ەلدىڭ استىق قامباسىن“ تاماشالادى
شاعانتوعاي: ماقسارىنى جىنتىكتەي مانەرلەۋگە جاڭا كۇش قوسىلدى
2022-جىلى 9-ايدىڭ 30- كۇنى 218-سان
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرە
پارتيانىڭ بەكىمىن، حالىقتىڭ رايىن ۇيىستىرىپ، گۇلدەنۋ ۇلى ءىسىن ىلگەرىلەتتى
رەفورما شارالارىنىڭ تياناقتانىپ، ونىمدىلىك كورسەتۋىن جەدەل ىلگەرىلەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى قولداۋ، قامتاماسىز ەتۋ كەرەك
زەيىن - زەردەنى، كۇش - قۋاتتى ۇيىستىرىپ، بورىشتى ارقالاپ، قايراتتانا العا ۇمتىلىپ، جاڭا تاراۋ جازايىق
قايراتتانا العا ۇمتىلىپ، ەرلىكپەن العا باسىپ، ىنتىماقتاسا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىسىنە قول جەتكىزۋ كەرەك
تاريحتى اينا ەتىپ، وتكەندى باعامداپ، بولاشاقتى بولجاپ، گۇلدەنۋ جولىندا تاباندىلىقپەن العا باسۋ كەرەك
ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ ماڭىزدى تالابىن جاپپاي تياناقتاندىرىپ، پارتيا 20 - قۇرىلتايىنىڭ جەڭىسپەن اشىلۋىنا حاۋىپسىز، ورنىقتى ساياسي، قوعامدىق ورتا جاراتۋ كەرەك
اۆتونوميالى رايوننىڭ وقۋ - اعارتۋدى جوعارى ساپامەن دامىتۋ جينالىسى اشىلدى
بارشا جۇڭگولىقتى تۇگەل اناعۇرلىم جاقسى تۇرمىسقا كەنەلتتى
شينجياڭدى سىرتقا ەسىك اشۋدىڭ الدىڭعى شەبى ەتىپ قۇرىپ شىعامىز
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى
ۋاكىلدىك بورىشتى ادالدىقپەن اتقارىپ، ۋاكىلدىك رولدى تولىق ساۋلەلەندىرەيىك
مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى رايونىمىزدا زاڭنىڭ اتقارىلۋىن تەكسەردى
2022-جىلى 9-ايدىڭ 29- كۇنى 217-سان
2022-جىلى 9-ايدىڭ 28- كۇنى 216-سان
اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى كەزەكتەگى ىندەتتەن ساقتانۋ - تىزگىندەۋ قىزمەتىن ارناۋلى تاقىرىپتا اقىلداستى، ورنالاستىرۋ جاسادى
اۆتونوميالى رايوندىق ساۋدا - ونەركاسىپشىلەر بىرلەستىگىنىڭ (باس ساۋدا قوعامى) 12 - قۇرىلتايى وتكىزىلدى
شينجياڭ سۋ يگىلىگىن دامىتۋعا قارجى قوسۋ (توبى) شەكتى سەرىكتەستىگى قۇرىلدى
2022-جىلى 9-ايدىڭ 27- كۇنى 215-سان
شاۋەشەك قالاسىندا تۇڭعىش قارتتارعا قامقورلىق جاساۋ جاعىنان قوعامدىق قىزمەت وتەۋ ورتالىعى قۇرىلدى
ساۋانداعى ساقشىلار مەن حالىق قارا دەگەلەكتى قۇتقاردى
شاۋەشەك كەدەنى دالمە -ءدال شارا قولدانىپ، اۋىل شارۋاشىلىق قوسىمشا ونىمدەرىن يمپورت -ەكسپورت ەتۋدىڭ”جەدەل ارناسىن“ اشتى

مەن ءۇشىن ءبىر ءان سالىپ بەرشى

جولدانعان ۋاقىتى : 2014/4/21 16:43:56

  ەدىگارد ادريان   (انگليا)

  لوندونداعى بالالار شيپاحاناسىنىڭ شاعىن بولمەسىندە ۇلىم ادريان مەن جەتى بالا جاتىر.   ولاردىڭ ىشىندەگى ەڭ كىشىسى مەنىڭ ۇلىم ، ەندى عانا ءتورت جاسقا كەلگەن. ال ەڭ ۇلكەنى ون ەكى جاسار فرەددي، ودان باسقا، كارولين، ەليزابەت، جوسەف، حەميەر جانە مەليام مەن ساللي بار.

  وسى بالا ناۋقاستاردىڭ ون جاسار ەليزابەتتەن باسقالارى تۇگەلدەي اق قان اۋرۋىنا شالدىققاندار بولىپ، سۋ ىشەرلەرى از قالعان بولاتىن. ەليزابەت كوك كوزدى، التىنداي سارى شاشتى، رياسىز سۇيكىمدى بالا بولعاندىقتان، بالالاردىڭ بارلىعى دا ونى جانىنداي جاقسى كورەتىن تىلەكتەس دوستارى ەدى. مۇنىڭ ءبارىن ءار كۇنى ۇلىما بارعانىمدا بالالاردىڭ اڭگىمەسىنەن سەزىپ-ءبىلىپ ءجۇردىم. جۇرەگىڭدى ەلجىرەتەتىنى، باقىتسىزدىقپەن تاعدىرلاس بولىپ جاتقان وسى بالالار نە بولسا دا قىزىقتى بىرگە كورۋدى عانا تىلەيتىن، قىل-  اياعى، اتا-انالارىنىڭ وزدەرىنە دەگەن سۇيىسپەنشىلىكتەرىن دە ورتاقتاسقىسى كەلىپ تۇراتىن.

  ەليزابەتتىڭ قۇلاعىنىڭ تۇبىنە وتا جاسالعان ءبىر ايدان استام ۋاقىتتان بەرى ەشقانداي دىبىس اتاۋلىنى ەستي المايتىن بولىپ قالعان، ءوزى ءان-كۇيگە قۇمار ،  تامىلجىتا سالعان جاعىمدى اندەرى جانىڭدى جادىراتىپ جىبەرەتىن-دى،  امال نەشىك، وسى ءبىر تالانتتى بالا  ەندىگى جەردە مىناۋ دۇنيەنىڭ دۋمانىنان ايرىلىپ، تۇل-مەڭىرەۋلىك ىشىندە ءومىر وتكىزگەلى وتىر. اندا-ساندا، جەكە وتىرعاندا، ءسابي جانارىنان مولتىلدەي   دومالاعان جاسى، كىرشىكسىز بەتىن قانشالىق جۋعانىمەن،  بالالاردىڭ الدىندا قىڭق ەتپەي، سىر بىلدىرمەۋگە تىرىساتىن.

  ءوزىنىڭ وسى ءبىر اۋەسىمەن بارلىعىن جەڭگىسى كەلەتىن ول ءانىن وزگەلەر ءسۇيىنىپ تىڭداعان سايىن قۇيقىلجىتا شىرقايتىن. ۇلىما بارعان سايىن، وسى شيپاحانا بولمەسىن ويىننىڭ  الاڭىنا اينالدىرىپ، كوڭىلدەندىرىپ جىبەرۋشى ەدى. ودان سوڭعى جىم-جىرتتىقتى قابىلداعىسى كەلمەگەندەي، ورىندىققا وتىرا قالىپ، مەنى جانىنا شاقىرىپ الاتىن دا قولىمنان دىرىلدەي تارتقىلاپ:

-ءبىر ءان ايتىپ بەرىڭىزشى!-دەپ وتىنەتىن.

   بۇل ءوتىنىشىن تويتارۋعا قالاي ءداتىم بارسىن، وعان قاراما-قارسى وتىرا قالىپ، ارت-ارتىنان ءبىر-ەكى ءان ايتىپ بەرەمىن. تەك مەنىڭ ەرنىمنىڭ ەمەۋرىنىنەن كوز الماي وتىرعان ول،   راسىندا، تىڭداپ ءتانتى بولعانداي، جادىراي شاتتانىپ، شەكەمنەن  ءسۇيىپ، العىس جاۋدىراتىن.

  بالالار قاشاندا ەليزابەتتى جادىراتۋ ءۇشىن حارەكەت جاسايتىن. ولار 12 جاسار فرەددي باس بولىپ اقىلداسىپ الاتىن دا جاساعان جوسپارلارىن وزدەرىنىڭ جاقىن دوسى كيربي سەستىراعا ايتاتىن.

  ولاردىڭ بۇل جوسپارلارىن ەستىپ قايران قالعان كيربي داۋىستاپ جىبەردى.

  -ەليزابەتتىڭ 11 جاسقا تولعان تۋىلعان كۇنىنە مۋزيكا كەشىن ۇيىمداستىرماقشىسىڭدار ما، ءۇش اپتا عانا ۋاقىت بار، قايتىپ ۇلگىرەسىڭدەر؟

ءبىراق، بالالاردىڭ جالىنىشتى جانارلارىن كورگەن ول ەرىكسىز مويىنسال بولىپ:

  - ماقۇل، ەندەشە، سەندەرگە مەن جاردەمدەسەيىن!-دەدى.
 
  ءوزىنىڭ ۋادەسىن ورىنداۋ  ءۇشىن، كيربي سەستىرا وسى قالاداعى تانىمال مۋزيكا جاتتىقتىرۋشى، موناح ايەل ماريا جوسەفينانى شاقىرىپ اكەلىپ، بالالارعا ۇستازدىققا ۇسىنىس ەتتى.

  -ماريا،-دەدى كيربي،- مۋزيكادان ەش حابارى جوق بالالاردىڭ باسىن قوسىپ تاربيەلەپ، ءۇش اپتادان كەيىنگى وتكىزىلەتىن ساۋىق كەشتى جۇرگىزۋگە بولا ما؟

  -بولادى!-دەدى ماريا كەسەتە جاۋاپ قايتارىپ.

   - وزىڭە ءتاڭىر جار بولسىن، ماريا!-دەدى بالاشا قۋانعان سەستىرا،-بۇل قولىڭنان كەلەتىنىنە سەنەمىن.

  -تۇرا تۇرشى، كيربي،-دەدى ءىستىڭ بايىبىنا بارا الماعان ماريا،- انىعىن ايتشى، كىم بىلەدى، بۇنداي شاتتىققا ورتاقتاسۋعا تولىمدىلىعىم جوق تا شىعار.
جيىرما مينۋتتاي پىكىرلەسكەن كونە دوستار باسپالداقتا تۇرىپ قوشتاستى.

    -ءتاڭىر جار بولسىن ساعان، ماريا!-دەدى  قايتالاعان  سەستىرا،-سارسەنبى تۇستەن كەيىن ساعات  ۇشتە  جۇزدەسەتىن   بولايىق.

  ەليزابەت ەمدەلۋگە كەتكەنىندە كيربي سەستىرا ءوزىنىڭ تىندىرعان جۇمىستارىن فرەددي مەن باسقا دا بالالارعا ۇعىندىردى.

  -بىزگە جەتەكشىلىك ىستەيتىن مۇعالىمدى نە دەپ اتاساق بولادى، اعاي دەيمىز بە، الدە اپاي دەيمىز بە؟- دەپ سۇرادى فرەددي.

  -فرەددي، ول موناح ايەل، لوندونداعى ەڭ تاڭداۋلى مۋزيكا جەتەكشىسى، سەندەرگە تەگىن جەتەكشىلىك ىستەۋگە كەلەدى.

  -وتە جاقسى بولدى عوي!-دەدى داۋىستاپ جىبەرگەن حەميەر،- ءبىز، ءسوزسىز، ءاندى جاقسى ايتا الاتىن بولامىز.

  ءىس وسىلاي تۇراقتانعان سوڭ، ماريانىڭ جانىن سالا جەتەكشىلىك جاساۋىندا بالالار ءار كۇنى ءان ايتىپ، جاتتىعۋعا كىرىسىپ كەتتى. ارينە، بۇنىڭ ءبارىن ەليزابەت ەمدەلۋگە كەتكەندە اتقارىپ تۇردى. وسى كەزدە كۇتپەگەن  ءىس  تۋىلدى. ول  بولسا 9 جاسار جوسەفتى قالاي قاتارعا كىرگىزۋ، ونى ەلەۋسىز قالدىرۋعا تاعى بولمايدى. ءبىراق، وتادان شىققان ول دىبىستاۋدان قالعان بولاتىن.

  بالالاردى داۋىستارىنا قاراپ، ءوز-ءوز ورىندارىنا لايىقتاعان ماريا وزىنە مۇڭايا جاۋتاڭداپ تۇرعان جوسەفكە كوزى ءتۇستى.

  -جوسەف، كەلە عوي، سەن مەنىڭ جانىمدا تۇرىپ، نوتانى  اشىپ بەرىپ تۇرساڭ بولا ما؟

  ءبىر ساتكە تۇيتكىلسىپ تۇرىپ قالعان جوسەف ەسىنە بىردەمە تۇسە كەتكەندەي جادىراپ، قاعازعا «مەن نوتا تانىمايمىن» دەگەن ءبىر اۋىز ءسوز جازىپ بەردى.
قاعازعا كۇلىمسىرەي قاراعان ماريا وسى بەيشارا بالاعا كەپىلدىك بەرە سويلەپ:

  -جوسەف، الاڭداما، ءالى-اق نوتا تاني الاتىن بولاسىڭ،-دەدى.

  كىسىنى قايران قالدىرارى، وسى ءۇش اپتا ىشىندە ماريا ەشقانداي مۋزيكالىق تالانتى جوق، اجال اۋزىندا تۇرعان وسى بالالاردى كوپ-كورىم حور ۇيىرمەسى ەتىپ تاربيەلەپ شىقتى. قىل-اياعى، سويلەي دە المايتىن جوسەفتىڭ ءوزى كەلىسكەن نوتا اۋدارۋشى بولىپ شىقتى.

  ودان دا كەرەمەتى، وسىنىڭ ءبارىن  ەليزابەتكە  بىلدىرمەي ءساتتى اتقاردى. سول كۇنى ەليزابەتتى ەرتىپ، شيپاحانانىڭ شاعىن عيباداتحاناسىنا باستاپ كىرگەن ولار ونى  «ەرەكشە ورىنعا» (تەربەلمەلى بەسىك اربا) وتىرعىزدى. ەشتەمەنىڭ بايىبىنا بارا الماي تاڭ-تاماشا بولىپ، تەبىرەنگەننەن ءجۇزى نارتتاي قىزارعان ول قىبىرلاماستان ۇيي تىڭداپ وتىرىپ قالدى.

  وسىنداعى بارلىق كورەرمەن: ەليزابەت جانە ون-شاقتى اتا-انا مەن ەكى-اق سەستىرا بولسا دا بالالاردىڭ مىنا تالانتىنا قاراپ  وتىرىپ، اسەرلەنگەنىنەن جانارلارىن جاسقا شىلاۋمەن بولدى.  دەسەدە، ولار بالالاردىڭ بۇل ءنومىرىن شىن ىقىلاستارىمەن سوڭىنا دەيىن كورىپ شىقتى. ويىن باستالماس بۇرىن ماريا بالالارعا:

  -ەليزابەتتىڭ ەستۋ تۇيسىگىنەن ايرىلىپ قالعانىن بارلىعىڭ بىلەسىڭدەر، سول ءۇشىن، ءاندى بار داۋىستارىڭمەن شىرقاڭدار!-دەدى.

  ساۋىق كەش ەرەكشە ءساتتى بولدى. اسەرلەنگەننەن ءجۇزى بال-بۇل جانىپ، جانارىنان سابيلىكتىڭ تاڭعاجايىپ  ۇشقىنى ويناپ شىعا كەلگەن ەليزابەت:

       -بۇل مەنىڭ ومىرىمدەگى ەڭ كوڭىلدى تۋىلعان كۇن كەشى بولدى!-دەپ ايعايلاپ جىبەردى.

  بۇعان ءماز-ءمايرام بولعان ويىن قويۋشى بالالار دا شاتتانا  الاقايلاپ، سەكىرىپ كەتتى.

   بۇل كەزدە تىڭداپ وتىرعان    ءبىزدىڭ دە كوز جاسىمىز كول بولدى. مىنە، بۇل ايىقپاس ناۋقاسقا شالدىعىپ، ومىرمەن قوشتاسقالى وتىرعان سورلى  بالالاردىڭ باسىنا تونگەن قاسىرەتپەن، ءتونىپ كەلە جاتقان   اجالمەن ەڭ سوڭعى رەت تەكە تىرەسكە تۇسكەن ارپالىستارى ەدى.  ولاردىڭ قايسارلىعى مەن باتىلدىعى اتا-انا بولعان ءبىزدىڭ كوڭىلىمىزدى بوساتىپ، ەت-باۋىرىمىزدى ەلجىرەتىپ جىبەردى.

  ارينە، بۇل مەنىڭ وسى ومىرىمدەگى بۇرىن تىڭداپ كورمەگەن، ەندىگارى تىڭداۋعا دا ءداتىم بارمايتىن ەڭ اسەرلى مۋزيكا كەشى بولدى، كۇنى بۇگىنگە  دەيىن كوزىمدى جۇمىپ، ءۇنسىز وتىرا قالسام بولدى، جانىمدى تەربەتكەن سول اسەرلى اۋەن  ءاربىر بۋىندارىنا دەيىن سانامدا جاڭعىرادى دا تۇرادى.

  اسقاق داۋىسپەن شىرقالعان ءسابي اندەرىنىڭ تىنعانىنا دا تالاي جىلدار بولعان، ۇيىرمەدەگى سول التى بالا دا الدەقاشان ماڭگىلىك ۇيقىعا كەتكەن. دەگەنمەن، الدەقاشان ۇيلەنىپ، بالالى-شاعالى بولىپ كەتكەن ەليزابەتتىڭ ساناسىندا سول بالالاردىڭ شاتتىققا تولى ءسابي ۇندەرى، ومىرشەڭدىككە تولى تىرشىلىك اۋەندەرى، جانىڭا جىگەر باعىشتايتىن قالتقىسىز داۋىستارى ماڭگىلىككە ساقتالىپ قالاتىندىعىنا سەنىمىم كۇشتى. ويتكەنى بۇل ونىڭ وسى ومىرىندەگى اقىرعى رەت ەستىگەن، ەڭ ادەمى  اۋەندەرى   بولماق.
تۇسىندىرمە:

  وسى اسەرلى اڭگىمە نوتاعا ءسىڭىرىلىپ، تىرشىلىك جارشىسىنا اينالعان ماداق جىرى بولىپ، ومىرگە كەلگەن ءار جان يەسىن، مەيلى ول قانشاما قىسقا عۇمىر كورسە دە جىرلاۋعا، ەسكە الۋعا ءتيىستى ەكەنىمىزدى ەسكەرتكەندەي؛ وسىنى ارقاۋ ەتكەن بۇل اڭگىمەمىز-ايىقپاس دەرتكە شالدىققان ءبىر توپ بالا وزگەلەرگە شاتتىق باعىشتاۋ  جولىندا    ومىرلەرىن ءان-جىرعا بولەگەن كىرشىكسىز ءسابي كوڭىلدەرى مەن تەرەڭ سۇيىسپەنشىلىگى ارقىلى بارلىعىمىزعا « تىرشىلىكتى قاستەرلەۋ » دەيتىن ءبىر اۋىز ءسوزدى قايتالاي ۇعىندىرىپ تۇرعانداي.

اۋدارعان -ريشات سابىرباي ۇلى

رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.

 
powered by IlgharCMS 3.2 www.ilghar.cn