باسكەتبول قوعامى ەرلەر باسكەتبول كومانداسىنىڭ ازياداعى جارىستاردا اعا جۇلدەگەر بولۋ نىساناسىن بەلگىلەدى

  جۋىقتا جاڭادان تاعايىندالعان جاتتىقتىرۋشى گۇڭ لۋميڭ جۇڭگو باسكەتبول قوعامى توراپ بەكەتىنىڭ تىلشىلىگىن قابىلداعاندا، قازىرگى ەرلەر باسكەتبول كومانداسىنا جاتتىقتىرۋشى بولۋدىڭ اۋىرتپالىعى تىم جوعارى     ەكەندىگىن، باسكەتبول قوعامىنىڭ   وعان ازيا جارىسىندا، ءسوزسىز، اعا جۇلدەگەر بولۋ تالابىن قويعاندىعىن،  الايدا اعا جۇلدەگەر بولا الۋ-الماۋ     سپورتشىلاردىڭ جاتتىعۋى مەن دايىندىعىنا قارايتىندىعىن، تىم وڭاي-   وسپاق ءىس ەمەس ەكەندىگىن ايتتى.

  بىلتىرعى ازيا جۇلدەلى جارىسىندا ەرلەر باسكەتبول كومانداسى فيليپپين كومانداسىنان جەڭىلىپ، بەسىنشى  ورىندى يەلەپ، ازيا جۇلدەلى جارىسىنا قاتىناسقاننان بەرگى ەڭ ناشار ناتيجەنى جاراتتى. اشتى ساباقتى دۇرىس قابىلداعاندا عانا، ودان زور ءتالىم الۋعا بولادى، جۇڭگو ەرلەر باسكەتبول كومانداسى جاڭا جاتتىقتىرۋشىنىڭ جەتەكشىلىگىندە، ءسوزسىز، قايتا سەرپىلىپ،   ازياداعى مىقتى كوماندا قاتارىنا قايتا ورالۋى كەرەك. بيىل جازدا ەرلەر باسكەتبول كومانداسى ازيا ساۋىتىنا تالاسۋ جارىسى مەن ازيا سپورت جارىسىنا قاتىناسپاقشى، ال ازياداعى مۇنداي جارىستارعا باسكەتبول قوعامى، ءسوزسىز، اعا جۇلدەگەر بولۋى كەرەك دەگەن نىسانانى بەلگىلەدى.

  گۇڭ لۋميڭ: « باسكەتبول قوعامى مەملەكەت كومانداسىنىڭ ازياداعى  جارىستاردا اعا جۇلدەگەر بولۋىن تالاپ ەتۋدە، جۇڭگو باسكەتبول قوعامى مەيلى ەرلەر، نە ايەلدەر كومانداسى بولسىن، ازياداعى جارىستاردا اعا جۇلدەگەر بولۋ سىندى بىردەن-ءبىر نىسانانى بەلگىلەدى » دەدى.

  كوپتەن بەرى ەرلەر باسكەتبول   كومانداسى ازيانىڭ قوجايىنىنا اينالىپ، ءتۇرلى جارىستاردا اعا جۇلدەگەر بولۋ، ءسوزسىز، ورىندالاتىن مىندەتكە اينالعان ەدى، بۇل جاعىنا گۇڭ جاتتىقتىرۋشى دا ابدەن قانىق.

  گۇڭ لۋميڭ: « اعا جۇلدەگەر بولماي – اق قويايىق دەگەنگە، كاسىپ ىشىندەگىلەردى ايتپاي-اق قويعاندا، بۇكىل ەل حالقى دا قارسى، ال اعا جۇلدەگەرلىكتى الا الۋ-الماۋىمىز دايىندىعىمىزدىڭ تولىق بولعان – بولماعاندىعىنا، جاتتىعۋدىڭ جەتكىلىكتى بولعان – بولماعاندىعىنا، ءتۇرلى دايىندىقتاردىڭ كەمەلدى بولعان - بولماعاندىعىنا بايلانىستى، ءبىز بارلىعىنىڭ بارىنشا جاقسارا ءتۇسۋىن ءۇمىت ەتەمىز » دەدى.

    جاڭادان قۇرالعان ەرلەر باسكەتبول كومانداسى كوپتەگەن جاس سپورتشىلاردى قابىلدادى، ەرلەر باسكەتبول كومانداسىنىڭ ۇزدىكسىز جاڭالانىپ، كونە سپورتشىلاردىڭ ورنىن جاس سپورتشىلاردىڭ باسۋى، ءسوزسىز، ورىندالاتىن بارىس، الايدا كونە سپورتشىلار مەن جاس سپورتشىلاردىڭ اۋىسۋى بارىسىندا كوپتەگەن قيىنشىلىقتارعا تاپ بولىپ، تالاي سىنعا جولىعۋى داۋسىز، ال وسى باسەكەلەرگە قالاي توتەپ بەرۋ گۇڭ لۋميڭنىڭ شەشۋىنە قالعان قيىن   ماسەلەگە اينالدى.


رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.