
2014 -جىلعى برازيليا دۇنيە ساۋىتىنا تالاسۋ فۋتبول جارىسىنىڭ بەلەتىن ساتۋ 15-ساۋىردە سوڭعى كەزەڭگە ءوتىپ، بۇرىن كەلگەندەر الدىمەن يە بولۋ پرينسيبى بويىنشا بەلەتتى تالاسا-تارماسا ساتىپ الىپ، قيمىل باستالعان قىسقا عانا 4 ساعات ىشىندە 126 مىڭ 837 دانا بەلەت ساتىلعان.
سوڭعى كەزەڭدە جيىنى 54 مايدان جارىستىڭ 199 مىڭ 519 دانا بەلەتى ساتىلىپ، فۋتبول اۋەسكەرلەرى برازيليا ۋاقىتى بويىنشا 15-ءساۋىر ساعات 7 دەن كەيىن حالىقارالىق فۋتبول بىرلەستىگى توراپ بەكەتىنەن ساتىپ الۋمەن بىرگە، 1-ماۋسىمنان باستاپ فۋتبول جارىسى وزدىرىلاتىن 12 قالاداعى بەلەت ساتۋ ورىندارىنان ساتىپ الۋعا بولادى. الايدا قىسقا عانا 4 ساعات ىشىندە بەلەتتىڭ تەڭ جارىمىنان استامىن دۇنيەنىڭ جەر-جەرىندەگى فۋتبول اۋەسكەرلەرى تالاسا ساتىپ العان.
ءتىلشى بەلەت ساتۋعا جاۋاپتى توراپ بەكەتىنەن بەلەتتىڭ ساتىلۋ بارىسىن كوزىمەن كوردى، مۇندا تىزىمگە الدىرۋ بەتىنە كىرۋدىڭ ءوزى قيىن بولىپ، ەپتەپ كىرىپ كەيبىر ساتىلىپ بولا قويماعان جارىس مايداندارىنىڭ بەلەتىن الۋعا وڭتايلانىپ، باسىپ كورسەڭىز بەلەتتىڭ الدەقاشان ساتىلىپ بولعانىن بايقايسىز.
حالىقارالىق فۋتبول بىرلەستىگى تورابى بەكەتىنىڭ حابارىنا قاراعاندا، ساتىلىپ بولعان 126 مىڭ 837 دانا بەلەتتىڭ 63.4 پايىزىن برازيليالىقتار ساتىپ العان. بەلەت ساتىپ العان فۋتبول اۋەسكەرلەرى تىزىمدىگىندە برازيليادان كەيىن رەتى بويىنشا ا ق ش، كولۋمبيا، ارگەنتينا، گەرمانيا، مەكسيكا، فرانسيا، انگليا، چيلي جانە اۆستراليا بار ەكەن.
تالەيىنە قاراي توراپتان بەلەت ساتىپ العان فۋتبول اۋەسكەرلەرى 18-ساۋىردەن باستاپ، دۇنيە ساۋىتىنا تالاسۋ فۋتبول جارىسى وتكىزىلەتىن قالالارداعى بەلەت ساتۋ ورىندارىنا بارىپ بەلەت الۋىنا بولادى.
رەداكتورى : ارداق كامالقان قىزى
تورابىمىزدان ماقالا كوشىرەتىن بولساڭىز ، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مسالى: «تارباعاتاي اقپارات تورابىنان» الىندى.